༸སྐྱབས་རྗེ་དམ་པ་མཁས་དབང་པདྨ་ཀུན་དགའ་ལ་སྨོན་གསོལ་སྙིང་གི་མེ་ལོང་།།
༸སྐྱབས་རྗེ་དམ་པ་མཁས་དབང་པདྨ་ཀུན་དགའ་ལ་སྨོན་གསོལ་སྙིང་གི་མེ་ལོང་།།
ན་མོ་གུ་རུ་རཏྣ་ཏྲཱ་ཡ་ཡ།།
པདྨའི་རྒྱལ་ཚབ་པདྨའི་བསྟན་པ་འཛིན།།
པདྨའི་བརྒྱུད་པ་ཕྱོགས་དུས་ཀུན་ཏུ་སྐྱོང་།།
པདྨའི་ཟབ་གཏེར་རྫོགས་ཆེན་ཚུལ་བཞིན་སྤེལ།།
པདྨ་ཀུན་དགའ་རིན་ཆེན་གསོལ་བ་འདེབས།།
ཕྱི་ལྟར་བཅུ་ཕྲག་རིག་པའི་གནས་ལ་མཁས།།
ནང་དུ་མདོ་རྒྱུད་མན་ངག་ཕྱུག་པས་བཙུན།།
གསང་ཆེན་བླ་མེད་དགོངས་པ་རྟོགས་པས་གྲུབ།།
གྲུབ་དབང་པདྨ་ཀུན་དགའ་གསོལ་བ་འདེབས།།
ཀ་དག་གདོད་མའི་མགོན་པོ་དབྱིངས་སུ་དག།
ལྷུན་གྲུབ་འོད་གསལ་སྙིང་པོ་ཡོངས་སུ་རྫོགས།།
རིག་པ་སྐུ་གསུམ་ངོ་བོར་ཡེ་གྲོལ་སྨིན།།
པདྨ་ཀུན་དགའ་ཡེ་ཤེས་སྙིང་ནས་གསོལ།།
མཆོག་སྤྲུལ་དམ་པའི་དགོངས་པ་མཁའ་དང་མཉམས།།
དམ་ཆོས་ཉི་ཟླའི་སྣང་བ་ཕྱོགས་ཀུན་ཁྱབ།།
མ་རིག་མུན་སེལ་པདྨ་ཀུན་དགའ་ཉིད།།
འཁོར་འདས་རྒྱན་དུ་མྱུར་དུ་འཆར་གྱུར་ཅིག།
དཀོན་མཆོག་རྩ་གསུམ་རྒྱ་མཚོའི་ཐུགས་རྗེ་དང་།།
རྟེན་འབྲེལ་བསླུ་བ་མེད་པའི་བདེན་སྟོབས་དང་།།
བདག་གི་ལྷག་བསམ་དག་པའི་སྨོན་ལམ་བཞིན།།
ཐུགས་དགོངས་ཡོངས་སུ་རྫོགས་པའི་རྒྱུ་གྱུར་ཅིག།
ཅེས་པ་འདི་ཡང་རབ་གནས་ཤིང་འབྲུག་སྨིན་ཟླའི་དགའ་བ་དང་པོར་སྐྱབས་རྗེ་ཉིད་
གདུལ་བྱ་རྟག་འཛིན་ཅན་ལ་མི་རྟག་སྟོན་པ་ཉིད་རེ་ཞིག་ཐུགས་དགོངས་ཆོས་དབྱིངས་སུ་ཡོངས་སུ་རྫོགས་པའི་རྨི་ལམ་དང་བརྡ་འཕྲིན་ཡང་དེ་ལྟར་མཇལ་བ་དང་མཁའ་འགྲོ་དང་སྐུ་སྲས་བཅས་ལ་མྱ་ངན་ཞུ་འབུལ་བཅས་ཨེ་མ་ཧོས་ཨེ་ཝྃ་མི་ཕམ་རྣམ་རྒྱལ་གླིང་ནས་སྨོན་པར་དགེའོ།། །། 1/12/2024
