ཞི་གནས་དཔེ་རིས་ཀྱི་མཚོན་དོན་དང་ཞི་གནས་བཞག་ཐབས་དགུའི་སྐོར།འདི་ལ་ཞི་གནས་ཀྱི་རྒྱུ་ཚོགས་དྲུག་ལ་གནས་པའི་སྒོམ་པ་པོས། ལེ་ལོ་དང་། གདམས་ངག་བརྗེད་པ། བྱིང་རྒོད། འདུ་མི་བྱེད་པ། འདུ་བྱེད་པ་སྟེ་ཏིང་ངེ་འཛིན་གྱི་ཉེས་པ་རྣམས་ཤེས་པར་བྱས་ནས་ཉེས་པ་དང་པོའ་ིགཉེན་པོ་དད་པ། འདུན་པ། ཤིན་སྦྱངས། རྩོལ་བ་བཞི། གཉིས་པའི་གཉེན་པོར་དྲན་པ། གསུམ་པའི་གཉེན་པོར་ཤེས་བཞིན། བཞི་པའི་གཉེན་པོར་འདུ་བྱེད་པ། ལྔ་པའི་གཉེན་པོར་བཏང་སྙོམས་ཏེ་གཉེན་པོ་འདུ་བྱེད་བརྒྱད་བསྟེན་ནས་སྒྲུབ་དགོས་ལ། དེ་དག་ཀྱང་སེམས་གནས་དགུར་ཕྱེ་བ་དང་། དེ་རྣམས་སྟོབས་དྲུག་གིས་འགྲུབ་ལུགས་དང་། ཡིད་བྱེད་བཞིར་སྡུད་ཚུལ་རྣམས་ཤེས་ན་ཏིང་ངེ་འཛིན་སྐྱོན་མེད་བདེ་བླག་ཏུ་འགྲུབ་པར་གསུངས་པས་གླང་པོ་ཆེ་མ་དུལ་བ་འདུལ་བའི་དཔེ་དང་སྦྱར་ཏེ་གོང་དུ་རི་མོ་བཀོད་པ་རྣམས་ཀྱི་མཚོན་དོན་རགས་རིམ་འགོད་པ་ལ།ལམ་གྱི་ཁུགས་པ་དྲུག་གིས་སྟོབས་དྲུག་མཚོན་པ་དང་། ཞགས་པས་དྲན་པ་དང། ལྕགས་ཀྱུས་ཤེས་བཞིན་མཚོན། སེམས་གནས་དང་པོ་ནས་བདུན་པའི་བར་མེ་ལྕེ་ཡོད་མེད་དང་། ཆེ་ཆུང་གི་ཁྱད་པར་བཀོད་པས་ནི། དྲན་ཤེས་ཀྱི་འབད་རྩོལ་ཆེ་ཆུང་གི་ཁྱད་པར་མཚོན། གླང་པོས་སེམས་དང་། ཁ་དོག་ནག་པས་བྱིང་བ་དང། སྤྲེའུས་འཕྲོ་བ་དང་། མདོག་ནག་པས་རྒོད་པ་དང། འདོད་ཡོན་ལྔས་ནི་རྒོད་པའི་ཡུལ་མཚོན།ཁུགས་པ་གཉིས་པ་ནས་བཟུང་གླང་པོའ་ིམགོ་ནས་དཀར་ཆ་རིམ་གྱིས་འཕེལ་བ་དེས་གསལ་ཆ་དང་། གནས་ཆ་ཇེ་འཕེལ་དུ་འགྲོ་བ་མཚོན།ཁུགས་པ་གསུམ་པར་རི་བོང་ཁ་དོག་ནག་པས་བྱིང་བ་ཕྲ་མོ་མཚོན་པས། འདིར་བྱིང་བ་ཕྲ་རགས་སོ་སོར་ངོས་ཟིན་པ་མཚོན། ཕྱི་མིག་བལྟ་བ་ནི། སེམས་གཡེང་བའོ། །ཁུགས་པ་བཞི་པར་སྤྲེའུ་རྗེས་ལ་ལུས་པས་རྒོད་པ་སྔོན་ལ་སྐྱེ་བའི་ནུས་པ་ཉམས་པ་མཚོན། སྤྲེའུས་ལྗོན་ཤིང་ལས་འབྲས་བུ་ལེན་པ་ནི་ཞི་གནས་སྒྲུབ་སྐབས་སེམས་དགེ་བའི་ཕྱོགས་ལ་འཕྲོ་བ་བར་གཅོད་ཡིན་པས་འགོག་དགོས་ཀྱང་སྐབས་གཞན་དུ་མི་དགོས་པར་དོན་གཉིས་ཀྱི་འབྲས་བུ་ལེན་པ་མཚོན།ཁུགས་པ་ལྔ་པར་གླང་པོའི་ནག་ཆ་ཟད་ཅིང་སྤྲེའུ་དང་བྲལ་བས་ནི་ཐོག་མར་དྲན་ཤེས་ཅུང་ཟད་བསྟེན་ན་བྱིང་རྒོད་དང་འཕྲོ་བས་བར་དུ་གཅོད་མི་ནུས་པར་ཏིང་འཛིན་ཆད་མེད་དུ་འཇུག་པ་མཚོན་ནོ།།ཞི་གནས་བཞག་ཐབས་དགུའི་སྐོར།བསམ་གཏན་ལ་ཞི་གནས་དང་། ལྷག་མཐོང་༼ལྷག་པར་དུ་མཐོང་བའི་དོན༽ཟེར་བ་གཉིས་སུ་དབྱེ་ནས་བཤད་ཀྱི་ཡོད། ཞི་གནས་ཟེར་བ་ནི་སྤྱིར་ན་རང་སེམས་ཞི་བར་གནས་པའི་དོན་ཡིན་ཏེ། རང་གི་སེམས་ཕྱི་རོལ་ཡུལ་ལ་གཡེངས་བསྡད་པ་དེ་བཀག་ནས་ཉོན་མོངས་དུག་གསུམ་དེ་དག་ མེད་པ་ཆགས་ཏེ་རང་གི་བསམ་བློ་གཏོང་ས་དེ་དགེ་བའི་དམིགས་པ་ལ་བསམ་བློ་གང་འདྲ་ ཞིག་གཏོང་གིན་ཡོད་ནའང་དེའི་སྟེང་དུ་རང་གི་སེམས་ཞི་བར་གནས་ཐུབ་པ་དེ་ལ་ཟེར་ ཞིང་། བོད་དུ་གྲུབ་མཐའ་ཁག་གི་གསུང་ཚུལ་འདྲ་མིན་ཡོད་ཀྱང་། རྗེ་བླ་མ་ཙོང་ཁ་པའི་གསུང་སྲོལ་ལྟར་བཀོད་ན།…

ཞེན་པ་བཞི་བྲལ་གྱི་གདམས་ངག ས་སྐྱ་པཎྜི་ཏ། བླ་མ་དམ་པའི་ཞབས་ལ་ཕྱག་འཚལ་ལོ།། སྤྱིར་དལ་འབྱོར་གྱི་ལུས་ཐོབ། སངས་རྒྱས་ཀྱི་བསྟན་པ་རིན་པོ་ཆེ་དང་འཕྲད། བཅོས་མ་མ་ཡིན་པའི་བློ་སྐྱེས་ནས། དམ་ཆོས་ཕྱིན་ཅི་མ་ལོག་པ་ཞིག་བྱེད་དགོས་པས། དེ་ལ་ཞེན་པ་བཞི་དང་བྲལ་བ་ཞིག་ཉམས་སུ་ལེན་དགོས། དེ་གང་ཞེ་ན། ཚེ་འདི་ལ་མ་ཞེན་པ། ཁམས་གསུམ་འཁོར་བ་ལ་མ་ཞེན་པ། བདག་གི་དོན་ལ་མ་ཞེན་པ། དངོས་པོ་དང་མཚན་མ་ལ་ཞེན་པའོ།། དེ་བཤད་ན། ཚེ་འདི་ཆུའི་ཆུ་བུར་དང་འདྲ་བས་ནམ་འཆི་ངེས་པ་མེད་པས་ཞེན་པ་བྱ་རིན་མི་ཆོག ཁམས་གསུམ་འཁོར་བ་འདི་དུག་གི་འབྲས་བུ་དང་འདྲ་བས་འཕྲལ་ཞིམ་ཡང་ཕུགས་སུ་གནོད་པ་ སྐྱེལ། སུ་ཞེན་པར་བྱེད་པ་ཚོ་འཁྲུལ། རང་གི་དོན་ལ་ཞེན་ན་དགྲ་བོའི་བུ་གསོས་པ་དང་འདྲ། འཕྲལ་དགའ་དགའ་ལྟར་བྱེད་ཀྱང་ཕུགས་སུ་རང་ལ་གནོད་པ་བསྐྱེལ་ངེས། དེས་ན་རང་དོན་ལ་ཞེན་ན་འཕྲལ་བདེ་ཡང་ཕུགས་ངན་སོང་དུ་འགྲོའོ།། དངོས་པོ་དང་མཚན་མ་ལ་མངོན་པར་ཞེན་ན། སྨིག་རྒྱུ་ལ་ཆུར་འཛིན་པ་དང་འདྲ། འཕྲུལ་ཆུར་སྣང་ཡང་ཁར་བཏུང་རྒྱུ་མེད། འཁོར་བ་འདི་བློ་འཁྲུལ་བ་ལ་སྣང་ཡང་ཤེས་རབ་ཀྱིས་བརྟགས་ན་ངོ་བོ་གྲུབ་པ་ཅི་ཡང་ མེད། དེས་ན་འདས་པ་ལ་སེམས་མི་གཞུག མ་འོངས་པ་ལ་སེམས་མི་གཞུག ད་ལྟར་བ་ལ་རྣམ་པར་ཤེས་པ་མི་གཞུག་པ་ཞིག་གོ་བར་བྱས་ནས་ཆོས་ཐམས་ཅད་སྤྲོས་བྲལ་ དུ་ཤེས་པར་བྱའོ།། དེ་ལྟར་བྱས་པས་ཚེ་འདི་ཉིད་ལ་མ་ཞེན་པས་ངན་སོང་དུ་མི་སྐྱེ། ཁམས་གསུམ་ལ་མ་ཞེན་པས་འཁོར་བར་མི་སྐྱེ། བདག་གི་དོན་ལ་མ་ཞེན་པས་ཉན་རང་དུ་མི་སྐྱེ། དངོས་པོ་དང་མཚན་མ་ལ་ཞེན་པས་མྱུར་དུ་མངོན་པར་རྫོགས་པར་འཚང་རྒྱའོ།། ཞེན་པ་བཞི་བྲལ་གྱི་གདམས་ངག་ཕྱིན་ཅི་མ་ལོག་པ་དཔལ་ས་སྐྱ་ཆེན་པོའི་ཐུགས་དགོངས། ས་སྐྱ་པཎྜི་ཏས་སྦྱར་བ་རྫོགས་སོ།།

ནད་བརྒྱ་སེལ་བའི་སྨན་མཆོག རྒྱ་གར་གྱི་རླུང་སྦྱོར།།སངས་རྒྱས་སྨན་གྱི་བླ་བེེ་ཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། རྒྱ་གར་འཕགས་པའི་ཡུལ་དུ་ལོ་སྟོང་ཕྲག་མང་པོའི་ལོ་རྒྱུས་ཡོད་པའི་རྒྱ་གར་གྱི་ཡོ་གའམ་རྒྱ་གར་གྱི་རླུང་སྦྱོར་ཞེས་གྲགས་པ་འདིར་དྲང་སྲོང་དང་བྲམ་ཟེ་དག་གིས་སྲོལ་གཏོད་ཅིང་བཱ་རམ་དེ་བ་མཆོག་གིས་ཉེ་བའི་ཆར་དར་སྤེལ་གཏོང་བ་ལས་ཤི་ཐག་བཅད་ཟིན་པའི་ནད་པ་བརྒྱ་སྟོང་མང་པོ་ཞིག་གི་མཆིན་ནད་དང་ཕོ་སྐྲན་སོགས་དྲག་བསྐྱེད་བྱུང་བས། དེང་སང་འཛམ་གླིང་ཤར་ནུབ་ཀྱི་མི་ཁྲི་བརྒྱ་ཕྲག་མང་པོས་སློབ་སྦྱོང་གནང་ནས་ཕན་ཐོགས་ཆེན་པོ་བྱུང་ཡོད། རྒྱུན་དུ་ཉིད་ཀྱིས་བཟའ་བཏུང་སྤྱོད་ལམ་བྱེད་སྟངས་གལ་ཆེ་སྟེ་ནང་ཟས་རྒྱལ་པོ་བཅུད་ཅན་ཟ། གུང་ཟས་བློན་པོ་བཅུད་འབྲིང་ཟ། དགོང་ཟས་སྤྲང་པོ་འཇུ་སླ་ཟ་ཞེས་པ་ལྟར་སྤང་བླང་ངེས་པར་བྱ་དགོས། བོད་ཀྱི་གསོ་གཞུང་བཤད་རྒྱུད་ལས་ཀྱང་། ཟས་སྐོམ་ལེགས་སྤྱད་ལུས་དང་སྲོག་འཚོ་ཞིང་། ། དམན་ལྷག་ལོག་གྱུར་ནད་བསྐྱེད་འཕྲལ་སྲོག་འཇོམས། ། དེ་ཕྱིར་ཟས་སྐོམ་སྦྱོར་བ་མཁས་པ་གཅེས། ། ཞེས་གསུངས་སོ།རབ་རྡོ་རྗེ་སྐྱིལ་ཀྲུང་དང་འབྲིང་པདྨ་ཕྱེད། དེ་མིན་རུང་རྒྱུན་གྱི་འདུག་སྟངས་ལྟར་སྐྱིལ་ཀྲུང་བཅས་ཏེ་ལུས་དྲང་པོར་བྱེད། ཁ་མིག་དང་འོག་སྒོ་རྣམས་བཙུམས།རྒྱ་གར་སྐད་དུ་བྷ་སྟྲི་ཀཱ་པྲནཱ་ཡཱ་མཱ། བོད་སྐད་དུ་རླུང་སྦྱོར་ལ་བརྟེན་ནས་ལུས་ཁམས་གསོ་བ་ཞེས་བྱ་བ། དང་པོ་ཞོགས་པ་ལྟོ་སྟོང་གི་དུས་སུ་རླུང་སྦྱོར་མ་བྱས་པའི་སྔོན་དུ་དྲོ་གྲང་སྙོམས་པའི་ཆུ་ཁོལ་ཕོར་པ་གང་དོ་ཙམ་བཏུང་ནས་སྐ་རགས་སོགས་མེད་པ་གོས་གློད་ལ་སྲབ་བ་གོན་ནས་ཉིན་བཞིན་དུ་དུས་ཚོད་གཅིག་ལ་ཁེལ་ན་བཟང་། དེ་ནས་མཁའ་དབུགས་གཙང་ཞིང་འུར་ཟིང་མེད་པའི་གནས་སུ་གདན་གྱི་སྟེང་དུ་རབ་རྡོ་རྗེ་སྐྱིལ་ཀྲུང་དང་། འབྲིང་པདྨ་ཕྱེད། དེ་མིན་རུང་རྒྱུན་གྱི་འདུག་སྟངས་ལྟར་སྐྱིལ་ཀྲུང་བཅས་ཏེ་ལུས་དྲང་པོར་བྱེད། མིག་དང་། ཁ། འོག་སྒོ་རྣམས་བཙུམས། མོས་པར་ཡོད་ན་རླུང་ནང་དུ་རྔུབ་པ་དང་ལྷན་དུ་སངས་རྒྱས་བྱང་སེམས་རྣམས་ཀྱི་སྐུ་གསུང་ཐུགས་ཡོན་ཏན་དང་བྱམས་སྙིང་རྗེ་རྣམས་ཟླ་ཟེར་གྱི་རྣམ་པར་དཀར་ལམ་གྱིས་རྔུབ་པ་མོས། མར་གཏོང་བ་དང་ལྷན་དུ་ནད་གདོན་སྡིག་སྒྲིབ་དེ་དག་དུད་ཁུ་སོལ་ཁུ་ཡི་རྣམ་པར་ནག་ཉིལ་ཉིལ་དུ་ཕྱིར་འདོན་པར་དམིགས། གཞན་ཡང་མོས་པ་ཡོད་ན་བྱང་ཆུབ་སེམས་ཀྱི་ཉམས་ལེན་དང་འབྲེལ་ནས་རླུང་ནང་དུ་རྔུབ་པ་དང་སེམས་ཅན་ཀུན་གྱི་སྡིག་སྒྲིབ་ཉེ་ལྟུང་གི་ཚོགས་རྣམས་རླུང་དང་མཉམ་དུ་ཡར་རྔུབ་པས་འགྲོ་བ་ཀུན་ཉེས་པ་ལས་གྲོལ་བར་བསམ། དེ་ནས་རླུང་ཕྱིར་གཏོང་བ་དང་དཀར་པོ་དགེ་བའི་ཆོས་ཀུན་རླུང་དང་མཉམ་དུ་སེམས་ཅན་ཀུན་ལ་ཕོག་པས་འགྲོ་བ་ཀུན་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་པ་བསམ། འདི་ཆགས་མེད་བསྒྲུབ་ན་ཚེ་རིང་ནད་མེད་ལུས་སེམས་བདེ་བར་འབྱུང་། དེ་ལ་བྱང་ཆུབ་སེམས་ཀྱིས་རྩིས་ཟིན་ན་དེ་བས་ལེགས་སོ།སྣ་བུག་གཉིས་ནས་མཁའ་དབུགས་ཡར་འཐེན་ཞིང་གློ་བ་ནང་དུ་བླུགས་ནས་ལུས་སུ་ཐིམ་སོང་བསམ། རླུང་འབྱིན་རྔུབ་གང་རིང་རིང་བྱེད།༈རླུང་སྦྱོར་དང་པོ། བྷ་སྟྲི་ཀཱཔྲནཱཡཱམཱ། རླུང་སྒོམ་སྟངས་དང་པོ་ནི། ལུས་དྲང་པོ་བྱས་ཏེ་འདུག་ལ། གཡས་གཡོན་གྱི་མཐེབ་མཛུབ་ཀྱི་རྩེ་གཏུགས་ཏེ་ཨ་ལོང་ལྟར་བྱས། སོར་མོ་གཞན་རྣམས་རྐྱང་བཞིན་པུས་མོ་གཡས་གཡོན་སྟེང་དུ་གན་རྐྱལ་དུ་འཇོག ཁ་མིག་བཙུམ་སྟེ་སྣ་བུག་གཉིས་ནས་མཁའ་དབུགས་དྭངས་གཙང་རྣམས་ཡར་མ་རྫོགས་བར་འཐེན་ཞིང་གློ་བ་ནང་དུ་བླུགས་ནས་ལུས་སུ་ཐིམ་སོང་བསམ་ལ། ཡང་གློ་བའི་ནང་གི་ནང་འབུ་མི་གཙང་བ་ཡོད་དོ་ཅོག་སྣ་བུག་གཉིས་ནས་མང་ན་ར་ར་ཐོན་སོང་བའི་མོས་པར་བྱ། རླུང་འབྱིན་རྔུབ་གང་རིང་རིང་བྱེད་དགོས།…

༄༅།།སྒྲོལ་མ་བསྡུས་པའི་གསོལ་འདེབས།ཨོཾ་ཕྱག་འཚལ་རྗེ་བཙུན་ཏཱ་རེ་ལྷ་མོ།།ཏུཏྟཱ་རེ་ཞེས་གདུང་པ་ཀུན་སྐྱོབ།།ཐུགས་རྗེ་ཐོགས་མེད་ཏུ་རེ་དཔའ་མོས།།བདག་སོགས་གྲུབ་མཆོག་སྩོལ་ཅིག་སྭཱ་ཧཱ།།དྷཱིཿམིང་པས།དེ་ཡང་རྗེ་བཙུན་བསྟན་པའི་འཁོར་ལོ་བསམ་བཞིན་དུ་ངུར་སྨྲིག་གར་གྱི་རྣམ་པ་ར྄ོལ་བ་ཀུན་མཁྱེན་མི་ཕམ་རྣམ་རྒྱལ་རྒྱ་མཚོའི་ཞལ་སྔ་ནས་བརྩམས་པའི་སྒྲོལ་མ་བསྡུས་པའི་གསོལ་འདེབས་འཆད་པ་ལ་ཐོག་མའི་དགེ་བ་མཚན་གྱི་དོན་དང་། བར་དུ་དགེ་བར་གཞུང་གི་དོན། མཐར་དགེ་བ་མཇུག་གི་དོན་དང་གསུམ་ལས། གཞུང་དོན་ལ་ཡང་སྤྱི་དོན་དང་གཞུང་དངོས་བཤད་ལ་གཉིས་ལས། དང་པོ་ལ་སྤྱི་དོན་བཤད་པ་ལ་བདུན།༡༽ གཞི༵་དབང་པོ་ཡང་རབ་ཀུན་ལ་སྣང་བའི་ཀུན་སྣང་གི་སྒྲོལ་མ་དང་།།༢༽ ལམ༵་དབང་པོ་འབྲིང་ལ་གསལ་བའི་འོད་གསལ་སྙིང་པོའི་སྒྲོལ་མ་དང་།།༣༽ གྲོགས༵་དབང་པོ་ཐ་མ་ལ་དད་གུས་སྐྱབས་སུ་འགྲོ་བའི་སྒྲོལ་མ་དང་།།༤༽ སྤྱོད༵་པ༵་ཀུན་ཏུ་བཟང་པོ་ལ་བསླབ་པ་བྱང་ཆུབ་སེམས་ཀྱི་སྒྲོལ་མ་དང་།།༥༽ ལྟ༵་བ༵་བསྐྱེད་རིམ་སྣང་སྟོང་གཙོ་བོར་བསྟན་པས་ལྷན་སྐྱེས་ཀྱི་སྒྲོལ་མ་དང་།།༦༽ སྒོམ༵་པ༵་རྫོགས་རིམ་བདེ་སྟོང་རྟེན་འབྲེལ་ལ་དབང་བས་བདེ་བ་ཆེན་པོའི་སྒྲོལ་མ་དང་།།༧༽འབྲས༵་བུ༵་རྫོགས་པ་ཆེན་པོ་རིག་སྟོང་ཡེ་ཤེས་ལྷུན་གྲུབ་ཀྱི་སྒྲོལ་མ་བཤད་པའོ། །གཉིས་ལ་གཞུང་དོན་ལ་བཞི་ལས།༡༽ དང་པོ་ཐེག་ཆེན་མདོ་སྔགས་སྤྱིའི་ལུགས་ལྟར་ཡན་ལག་བདུན་པའི་སྒོ་ནས་བཤད།༢༽ གཉིས་པ་ཐབས་བསྐྱེད་པའི་རིམ་པ་མ་ཧཱ་ཡོ་གའི་ལུགས་དང་།༣༽ གསུམ་པ་ཤེས་རབ་རྫོགས་རིམ་གསང་བ་ཨ་ནུ་ཡོ་གའི་ལུགས་དང་།༤༽ བཞི་བ་གྲོལ་ལམ་ཡང་གསང་ཨ་ཏི་ཡོ་གའི་ལུགས་བཤད་པའོ།།གསུམ་པ་མཇུག་གི་དོན་ལ་སྔགས་དོན་ཕན་ཡོན་བཤད་པ་ལ་གཉིས།༡༽ རྗེ་བཙུན་སྒྲོལ་མ་སྨོན་པའི་ཕན་ཡོན་འབྱུང་བའི་རྒྱུ་དུས་གཙོ་བོ་བཤད་པ་དང་།།༢༽ རྟེན་འབྲེལ་བསླུ་མེད་ཀྱི་ཕན་ཡོན་དངོས་བཤད་པའོ།༢༽ གཉིས་པ་ཕན་ཡོན་དངོས་བཤད་པ་ལ་བདུན་ལས།༡༽ ངན་སོང་གི་སྡུག་བསྔལ་ཞི་བའི་ཕན་ཡོན།།༢༽ སངས་རྒྱས་ཀུན་གྱིས་དབང་བསྐུར་བའི་ཕན་ཡོན།།༣༽ གནས་སྐབས་དང་མཐར་ཐུག་གི་འབྲས་བུ་ཐོབ་པའི་ཕན་ཡོན།༤༽ ཕྱི་ནང་གསང་བའི་བར་ཆད་མ་ལུས་པ་སེལ་བའི་ཕན་ཡོན།༥༽ རང་དོན་མ་ཟད་གཞན་དོན་ཕྲིན་ལས་འབྱུང་བའི་ཕན་ཡོན།༦༽ མཐུན་རྐྱེན་ལེགས་ཚོགས་འདོད་དོན་གེགས་མེད་འགྲུབ་པའི་ཕན་ཡོན།།༧༽ མཛད་པ་པོའི་ཆེ་བ་དང་ཟབ་གནད་ཀྱི་ཕན་ཡོན་ནོ།ཞེས་པ་འདི་ཡང་རབ་གནས་ལྕགས་བྱི་ས་ག་ཟླ་བའི་དབང་ཕྱོགས་མཁའ་འགྲོ་འདུ་བའི་དུས་ཆེན་ལ་རྟེན་འབྲེལ་གནང་ལ་དབང་བའི་དགེ་མཚན་རྣམ་པར་རྒྱལ་བའི་དུས་བཟང་ལ་༧སྐྱབས་རྗེ་རིག་འཛིན་གྲུབ་པ་མཐར་ཕྱིན་གྱིས་བསྟན་འགྲོར་སྨན་པའི་གསུང་སྐུལ་དང་ཤེས་རབ་འཚོལ་གྱིས་དྲྭ་ལམ་དུ་སྒྲིག་འཛུགས་བྱེད་བཞིན་པ་ལ་སྒྲོལ་མ་བསྡུས་དོན་གྱི་འཆད་ཁྲིད་ལ་ས་བཅད་མ་སྟོང་ཙམ་དུ་ཨེ་མ་ཧོས་སྔར་བྲིས་དེ་ལ་དམིགས་བསལ་ཀུན་ལ་གོ་བདེའི་ཆེད་དུ་འཆད་ཐབས་སུ་ཨེ་ཝྃ་རྫོགས་ཆེན་ཆོས་སྒར་ནས་མྱུར་བྲིས་བགྱིས་པར་དགེའོ། ཤྲཱིཿསརྦ་ལོ་ཀ་བི་ཛ་ཡནྟུ།།

སྒྲོལ་མ་བསྡུས་པའི་གསོལ་འདེབས།ཨོཾ་ཕྱག་འཚལ་རྗེ་བཙུན་ཏཱ་རེ་ལྷ་མོ།།ཏུཏྟཱ་རེ་ཞེས་གདུང་པ་ཀུན་སྐྱོབ།།ཐུགས་རྗེ་ཐོགས་མེད་ཏུ་རེ་དཔའ་མོས།།བདག་སོགས་གྲུབ་མཆོག་སྩོལ་ཅིག་སྭཱ་ཧཱ།།དྷཱིཿམིང་པས།དེ་ཡང་རྗེ་བཙུན་བསྟན་པའི་འཁོར་ལོ་བསམ་བཞིན་དུ་ངུར་སྨྲིག་གར་གྱི་རྣམ་པ་ར྄ོལ་བ་ཀུན་མཁྱེན་མི་ཕམ་རྣམ་རྒྱལ་རྒྱ་མཚོའི་ཞལ་སྔ་ནས་བརྩམས་པའི་སྒྲོལ་མ་བསྡུས་པའི་གསོལ་འདེབས་འཆད་པ་ལ་ཐོག་མའི་དགེ་བ་མཚན་གྱི་དོན་དང་། བར་དུ་དགེ་བར་གཞུང་གི་དོན། མཐར་དགེ་བ་མཇུག་གི་དོན་དང་གསུམ་ལས། གཞུང་དོན་ལ་ཡང་སྤྱི་དོན་དང་གཞུང་དངོས་བཤད་ལ་གཉིས་ལས། དང་པོ་ལ་སྤྱི་དོན་བཤད་པ་ལ་བདུན།༡༽ གཞི༵་དབང་པོ་ཡང་རབ་ཀུན་ལ་སྣང་བའི་ཀུན་སྣང་གི་སྒྲོལ་མ་དང་།།༢༽ ལམ༵་དབང་པོ་འབྲིང་ལ་གསལ་བའི་འོད་གསལ་སྙིང་པོའི་སྒྲོལ་མ་དང་།།༣༽ གྲོགས་དབང་པོ་ཐ་མ་ལ་དད་གུས་སྐྱབས་སུ་འགྲོ་བའི་སྒྲོལ་མ་དང་།།༤༽ སྤྱོད་པ་ཀུན་ཏུ་བཟང་པོ་ལ་བསླབ་པསབྱང་ཆུབ་སེམས་ཀྱི་སྒྲོལ་མ་དང་།།༥༽ ལྟ་བ་བསྐྱེད་རིམ་སྣང་སྟོང་གཙོ་བོར་བསྟན་པས་ལྷན་སྐྱེས་ཀྱི་སྒྲོལ་མ་དང་།།༦༽ སྒོམ་པ་རྫོགས་རིམ་བདེ་སྟོང་རྟེན་འབྲེལ་ལ་དབང་བས་བདེ་བ་ཆེན་པོའི་སྒྲོལ་མ་དང་།།༧༽རྫོགས་པ་ཆེན་པོ་རིག་སྟོང་ཡེ་ཤེས་ལྷུན་གྲུབ་ཀྱི་སྒྲོལ་མ་བཤད་པའོ། །གཉིས་ལ་གཞུང་དོན་ལ་བཞི་ལས།༡༽ དང་པོ་ཐེག་ཆེན་མདོ་སྔགས་སྤྱིའི་ལུགས་ལྟར་ཡན་ལག་བདུན་པའི་སྒོ་ནས་བཤད།༢༽ གཉིས་པ་ཐབས་བསྐྱེད་པའི་རིམ་པ་མ་ཧཱ་ཡོ་གའི་ལུགས་དང་།༣༽ གསུམ་པ་ཤེས་རབ་རྫོགས་རིམ་གསང་བ་ཨ་ནུ་ཡོ་གའི་ལུགས་དང་།༤༽ བཞི་བ་གྲོལ་ལམ་ཡང་གསང་ཨ་ཏི་ཡོ་གའི་ལུགས་བཤད་པའོ།།གསུམ་པ་མཇུག་གི་དོན་ལ་སྔགས་དོན་ཕན་ཡོན་བཤད་ལ་གཉིས།༡༽ རྗེ་བཙུན་སྒྲོལ་མ་སྨོན་པའི་ཕན་ཡོན་འབྱུང་བའི་རྒྱུ་དུས་གཙོ་བོ་བཤད་པ་དང་།།༢༽ རྟེན་འབྲེལ་བསླུ་མེད་ཀྱི་ཕན་ཡོན་དངོས་བཤད་པའོ།༢༽ གཉིས་པ་ཕན་ཡོན་དངོས་བཤད་པ་ལ་བདུད་ལས།༡༽ ངན་སོང་གི་སྡུག་བསྔལ་ཞི་བའི་ཕན་ཡོན།།༢༽ སངས་རྒྱས་ཀུན་གྱིས་དབང་བསྐུར་བའི་ཕན་ཡོན།།༣༽ གནས་སྐབས་དང་མཐར་ཐུག་གི་འབྲས་བུ་ཐོབ་པའི་ཕན་ཡོན།༤༽ ཕྱི་ནང་གསང་བའི་བར་ཆད་མ་ལུས་་སེལ་བའི་ཕན་ཡོན།༥༽ རང་དོན་མ་ཟད་གཞན་དོན་ཕྲིན་ལས་འབྱུང་བའི་ཕན་ཡོན།༦༽ མཐུན་རྐྱེན་ལེགས་ཚོགས་འདོད་དོན་གེགས་མེད་འགྲུབ་པའི་ཕན་ཡོན།།༧༽ མཛད་པ་པོའི་ཆེ་བ་དང་ཟབ་གནད་ཀྱི་ཕན་ཡོན་ནོ།ཞེས་པ་འདི་ཡང་རབ་གནས་ལྕགས་བྱི་ས་ག་ཟླ་བའི་དབང་ཕྱོགས་མཁའ་འགྲོ་འདུ་བའི་དུས་ཆེན་ལ་རྟེན་འབྲེལ་གནང་ལ་དབང་བའི་དགེ་མཚན་རྣམ་པར་རྒྱལ་བའི་དུས་བཟང་ལ་༧སྐྱབས་རྗེ་རིག་འཛིན་གྲུབ་པ་མཐར་ཕྱིན་གྱིས་བསྟན་འགྲོར་སྨན་པའི་གསུང་སྐུལ་དང་ཤེས་རབ་འཚོལ་གྱིས་དྲྭ་ལམ་དུ་སྒྲིག་འཛུགས་བྱེད་བཞིན་པ་ལ་སྒྲོལ་མ་བསྡུས་དོན་གྱི་འཆད་ཁྲིད་ལ་ས་བཅད་མ་སྟོང་ཙམ་དུ་ཨེ་མ་ཧོས་སྔར་བྲིས་དེ་ལ་དམིགས་བསལ་ཀུན་ལ་གོ་བདེའི་ཆེད་དུ་འཆད་ཐབས་སུ་མྱུར་བྲིས་བགྱིས་པར་དགེའོ། ཤྲཱིཿསརྦ་ལོ་ཀ་བི་ཛ་ཡནྟུ།།

བྱེའུ་རྣམ་པས་འདི་སྐད་ཟེར།ཀ་ཡེ་གསོན་དང་ཨེ་མ་ཧོ།།ཁ་ནས་གང་བཤད་གཟབ་གཟབ་ཀྱིས།།ག་ས་གང་ན་གོ་གྱུར་ཀྱང་།།ང་རྒྱལ་བྱུང་ན་ཕན་པ་ཆུང་།།ཅ་ཅོའི་དྲེད་མོ་གཏམ་སྤོང་ནས།།ཆ་ལུགས་ཆོས་དང་མཐུན་པ་ཡིས།།ཇ་བཟང་ཚེགས་ལ་འདྲེན་པ་བཞིན།།ཉ་ཉོག་དབེན་འབེམ་གཏམ་མཛོད།ཏ་ར་འཆད་ལ་ས་བཅད་དགོས།།ཐ་སྙེད་དོན་དམ་མ་ནོར་བར།།ད་ལྟའི་དུས་རབས་དང་མཚམས་པའི།།ན་མོ་གུས་པས་ཆོས་འཆད་འཚལ།།པ་ར་མི་ཏའི་ཡུམ་ཆེན་དང་།།ཕ་མའི་རྒྱུད་སྡེའི་སྒྲོལ་མ་ལ།།བ་ཀུ་ལ་ཡི་མགུལ་རྒྱན་ཀྱང་།།མ་ལུས་འགྲོ་བའི་དོན་དུ་བྱིན།།ཙ་ར་གཅོད་པའི་ཤེས་རབ་དང་།།ཚ་གྲལ་སེལ་བའི་བདུད་རྩིའི་ཆར།།ཛ་ཡའི་བསྟན་པ་ཁོ་ནའི་ཕྱིར།།ཝ་ལེར་སེམས་ལ་ངེས་པར་མཛོད།།ཞྭ་དམར་རིང་ལུགས་འཛིན་པ་ལ།།ཟ་ཧོར་མཁན་སློབ་དཀའ་དྲིན་ལས།།འ་ཅག་བསྟན་པའི་སྙིང་པོ་ཀུན།།ཡ་རབས་བཟང་པོས་རྒྱུན་སྐྱོངས་ཤིག།ར་བ་སྐྱེད་ཚལ་མཛེས་པ་ན།།ལ་ལུང་འགྲིམ་པའི་དཔའ་བོ་ལ།།ཤ་ཚས་གྲོས་འདེབས་བྱེད་པའི་ཚེ།།ས་ལམ་ཡོན་ཏན་ཕྱོགས་ལ་འབོད།།ཧ་ཅང་བཟང་པོའི་རྣམ་ཐར་ལ།།ཨ་ཧོ་ཕྲིན་ལས་རབ་འབྱམས་ཀུན།།ཀུན་བཟང་རྒྱལ་བའི་ཞིང་ཏུ་ཁྱབ།།ཁྱབ་བདག་རིག་འཛིན་ཁྱེད་ལ་གུས།།ཞེས་གསུངས་ནས་བྱེའུ་དེ་སྐད་ཅིག་གིས་འཇའ་གུར་ཀློང་དུ་འཕུར་སོང་ངོ་།།——-ཨེ་མ་ཧོས