༧རྣལ་འབྱོར་མའི་རང་གཤིས་མེ་ལོང་དྲི་མེད་རབ་གསལ།།ན་མོ་མ་ཧཱ་གུ་རུ་ཡོ་ག་ཏཱ་ར་ཡེ།།མཁྱེན་པའི་ཡེ་ཤེས་ལྷ་ལམ་ཡངས་པར་ཁྱབ།།བརྩེ་ཆེན་སྙིང་རྗེའི་འོད་སྣང་ཕྱོགས་ཀུན་གཏམས།།ནུས་པས་རྨོངས་མུན་ཉེས་ཚོགས་ལེགས་བཅོམ་པའི།།དཔལ་ལྡན་རྣལ་འབྱོར་བླ་མས་རྟག་སྐྱོང་མཛོད།།རི་བོ་རྩེ་ལྔ་རྗེ་བཙུན་འཇམ་དབྱངས་མཇལ།།གླང་ཆེན་འགྱིང་རིར་ཀུན་ཏུ་བཟང་པོར་འཁྱུད།།བྱམས་མགོན་རི་བོར་ཚོགས་ཀྱི་འཁོར་ལོར་བསྐོར།།མཁའ་འགྲོ་དམ་པ་ཁྱེད་དང་མི་འབྲལ་ཤོག།ཤེས་རབ་རལ་གྲི་རྣོན་པོས་འཕྲུལ་ཐབས་ལས།།གཉིས་འཛིན་རྟོག་པའི་འཆིང་ཐག་ཡོངས་སུ་བཅད།།ཇི་ལྟ་ཇི་རྙེད་མཁྱེན་པའི་གཏེར་མཛོད་འཆང་།།རྗེ་བཙུན་རྣལ་འབྱོར་བླ་མ་ཁྱེད་ལ་བསྟོད།།ཨེ་ཝཾ་དྷཱིཿཡིག་དམར་སེར་གཞོན་ནུའི་དཔལ།།བདེ་ཆེན་དབྱངས་ཅན་ལྷ་མོས་བརྩེ་དུང་གར།།སངས་རྒྱས་ཡེ་ཤེས་དགྱེས་པའི་སྒྱུ་འཕྲུལ་ལས།།གཟུངས་སྤོབས་རྡོ་རྗེའི་གོ་ཁྲབ་ཁྱོད་ལ་དབང་།།བླ་མ་ཨོ་རྒྱན་ཆེན་པོས་རྟག་ཏུ་སྐྱོབས།།ཡི་དམ་རྡོ་རྗེ་སེམས་དཔས་བརྟན་ཏུ་སྲུང་།།མཁའ་འགྲོ་རྗེ་བཙུན་སྒྲོལ་མས་རྒྱུན་དུ་སྐྱོང་།།ཆོས་སྐྱོང་གེ་སར་རྒྱལ་པོས་མགོན་དཔུང་མཛོད།།སྐུ་ཕུང་འགྱུར་མེད་འཇའ་ལུས་འཕོ་ཆེན་བཞེངས།།གསུང་ཆོས་འགགས་མེད་ཀུན་ཁྱབ་འགྲོ་ལ་གདལ།།ཐུགས་རྗེ་མཚུངས་མེད་ཕན་བདེས་དངོས་གྲུབ་སྩོལ།།ཡོན་ཏན་ཕྲིན་ལས་ཀུན་བཟང་ལྷུན་གྲུབ་ཤོག།ཅེས་པ་འདི་རབ་གནས་ལྕགས་བྱི་རྒྱལ་ཟླའི་ཡར་ངོས་ཚེས་པ་བཅུ་ལ་སྙིང་ཕྲུག་རྣལ་འབྱོར་མས་ཨ་དཔལ་བསྟན་འགྲོ་ལ་སྨན་པའི་ཐུགས་སྨོན་གནང་རོགས་འཇིག་རྟེན་འདི་ན་སྡུག་བསྔལ་ཤིན་ཏུ་མང་། སྐྱབས་འཇུག་དང་བྱིན་རླབས་གསུང་ནས་བརྙན་མཐོང་ཀས་བཤུམ་པའི་ཚེ། ཨ་དཔལ་དྲན་ནས་འགྲོ་ལ་བྱམས་སེམས་ཅན་ལ་གང་ཤར་དུ་ཤྲཱིཿསྨྱོན་ཨེ་མ་ཧོས་ཨེ་ཝཾ་མནྡ་ར་ཝའི་ཕོ་བྲང་ནས་གསོལ་བར་འདེབས་པར་དགེའོ།། །།

སིདྡྷིའི་ཕན་ཡོན།སློབ་དཔོན་ཆེན་པོས་བཀའ་སྩལ་བཿ འོ་རིགས་ཀྱི་བུ་མོ་ཿབཛྲ་གུ་རུ་ཞེས་པ་ནིཿ ང་གཅིག་པུའི་སྙིང་པོ་མ་ཡིན་ཏེཿ ཡི་དམ་རྒྱུད་སྡེ་བཞི་དང་ཿ ཐེག་པ་རིམ་དགུ་དང་ཿ ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ལ་སོགས་པའི་སྲོག་སྙིང་ཿ དུས་གསུམ་སངས་རྒྱས་ཐམས་ཅད་དང་ཿ བླ་མ་ཡི་དམ་མཁའ་འགྲོ་ཆོས་སྐྱོང་ལ་སོགས་པའི་སྙིང་པོ་འདི་ལ་ཚང་བའོཿ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ ཨོྃ་ཨཱཿཧཱུྃ་གིས་དུག་གསུམ་ལས་གྱུར་སྒྲིབ་པ་འདགཿ བཛྲ་ཞེ་སྡང་ལས་གྱུར་སྒྲིབ་པ་འདགཿ གུ་རུས་ང་རྒྱལ་ལས་གྱུར་སྒྲིབ་པ་འདགཿ པདྨས་འདོད་ཆགས་ལས་གྱུར་སྒྲིབ་པ་འདགཿ སིདྡྷིས་ཕྲག་དོག་ལས་གྱུར་སྒྲིབ་པ་འདགཿ ཧཱུྃ་གིས་ཉོན་མོངས་ལས་གྱུར་སྒྲིབ་པ་འདགཿ ཨོྃ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱྃཿ བཛྲ་གུ་རུ་ལན་གཅིག་བརྗོད་པ་ཡིཿ དེ་ལ་གཟུགས་མཆིས་འཛམ་གླིང་སྣོད་དུ་ཆུང་ཿ འདི་ཉིད་མཐོང་ཐོས་དྲན་པའི་སེམས་ཅན་ཀུནཿ རིག་འཛིན་ཕོ་མོའི་གྲལ་ལ་འཁོད་པར་ངེསཿ བསླུ་མེད་བཛྲ་གུ་རུའི་བདེན་ཚིག་ལཿ གང་འདོད་བཀའ་བཞིན་འགྲུབ་པར་མ་གྱུར་ནཿ པདྨ་ང་ཡིས་སེམས་ཅན་བསླུ་བ་ཨང་ཿ མི་བསླུ་ངེས་པས་བཀའ་བཞིན་བསྒྲུབ་པར་གྱིསཿ བཟླས་པ་མི་ནུབ་རྒྱལ་མཚན་རྩེ་ལ་ཕྱོརཿ རླུང་ཕོག་སེམས་ཅན་གྲོལ་བར་ཐེ་ཚོམ་མེདཿ ཡང་ན་ས་ཤིང་རྡོ་ཡི་ལོགས་སུ་བྲིཿ རབ་གནས་བྱས་ནས་ལམ་ལ་བཀྲམ་ན་ཡང་ཿ མཐོང་བ་ཙམ་གྱིས་ནད་གདོན་སྒྲིབ་པ་འདགཿ ས་དེར་གནས་པའི་འདྲེ་སྲིན་རྒྱུ་ལམ་ཆོདཿ མཐིང་ཤོག་དག་ལ་གསེར་གྱི་བྲིས་ལ་འདོགསཿ གདོན་བགེགས་འབྱུང་པོས་གནོད་པ་བྱེད་མི་ནུསཿ ཤི་ནས་རོ་དང་མ་བྲལ་བསྲེགས་ན་ནིཿ འཇའ་ཚོན་འཁྱུག་ཅིང་བདེ་ཆེན་འཕོ་བར་ངེསཿ འབྲི་ཀློག་འདོན་པའི་ཡོན་ཏན་ཚད་ལས་འདསཿ མ་འོངས་སེམས་ཅན་དོན་དུ་བཀོད་དེ་སྦསཿ སྐལ་ལྡན་ལས་ཅན་བུ་དང་འཕྲད་པར་ཤོགཿ ས་མ་ཡཿ རྒྱ་རྒྱ་རྒྱཿ ལོག་ལྟ་ཅན་ལ་གསང་རྒྱ་རྒྱ་རྒྱཿ…

གུ་རུ་རྒྱལ་བ་རིགས་ལྔའི་གསོལ་འདེབས་ཙིཏྟ་མ་ཎི་ཀ།ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ།།༼༡༽ཨོཾ་དབྱིངས་ངོ་བོ་ཀ་དག་སྤྲོས་བྲལ་ལས༔ཨཱཿདབྱངས་རང་བཞིན་ལྷུན་གྲུབ་འོད་གསལ་དཔལ༔ཧཱུཾ་ཉིད་ཐུགས་རྗེའི་རྩལ་སྣང་སྤྲུལ་པའི་སྐུ༔སྐུ་གསུམ་ཀུན་འདུས་པདྨ་འབྱུང་གནས་མཁྱེན༔ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔༼༢༽བཛྲ་སེམས་དཔའ་ཆེན་དང་མ་མ་ཀི༔གུ་རུ་རཏྣ་དཔལ་དང་སངས་རྒྱས་སྤྱན༔པདྨ་སྣང་བ་མཐའ་ཡས་གོས་དཀར་མོ༔ཞི་རྒྱས་གར་དབང་རྒྱལ་པོར་གསོལ་བ་འདེབས༔ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔༼༣༽སིདྡྷི་དོན་ཡོད་གྲུབ་དང་དམ་ཚིག་སྒྲོན༔ཧཱུཾ་མཆོག་རྣམ་པར་སྣང་མཛད་དབྱིངས་ཕྱུག་མ༔གུ་རུ་རྒྱལ་བ་རིགས་ལྔར་གསོལ་བ་འདེབས༔འབྲས་ཆོས་ཉེར་ལྔའི་དགོངས་པ་མཐར་ཕྱིན་ཤོག༔ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ཞེས་པ་འདི་ཡང་རབ་གནས་ས་ཕག་སྟོན་ཟླ་འགོ་མའི་ཡར་ངོའི་ཚེས་བཅུ་ལ་རིག་འཛིན་ཨེ་མ་ཧོས་སྙིང་དབུས་མི་ཕྱེད་དད་པའི་ཡིད་མཚོ་ལས་བྱུང་བར་བཞིན་ཨེ་ཝཾ་ཡོ་ག་ཆོས་ཚོགས་ནས་གསོལ་བར་འདེབས་པར་དགེའོ།།

༄།།འཕགས་མ་རིག་པའ་ིརྒྱལ་མོ་ལ་ོགྱོན་མའི་སྒྲུབས་ཐབས་སྨན་མཆོག་དགའ་ཚལ་ཞེས་བྱ་བ་བཞུགས་སོ།། ན་མོ་གུ་རུ། །མཚན་ཙམ་ཐོས་པས་རིམས་ལས་གོལ།།རིག་སྔགས་བཟླས་པས་འཇིགས་བརྒྱད་སེལ།།དད་པས་བསེན་པ་བདག་ཅག་ལ།། བདེན་པ་ཆེན་པོས་བྱིན་གིས་རོབས།། མཁའ་ཁྱབ་ཡེ་ཤེས་འཁོར་ལོར་མོས་པའི་ངང་ནས། སྐྱབས་སེམས་ན།ི ། ན་མོ་བླ་མ་མཆོག་གསུམ་འཕགས་མ་ལ་ོགྱོན་མར།། སྐྱབས་སུ་མཆིའོ་འགྲོ་ཀུན་འཇིགས་ལས་སོལ།། དབང་མེད་འཁོར་བར་འཁྱམ་པའི་འགྲོ་བ་ཀུན། ། དབུགས་དབྱུང་བྱང་ཆུབ་འགོད་པར་སེམས་བསྐྱེད་དོ།། ལྷ་བསྐྱེད་པ་ན།ི ། ཨཿ འཇིགས་ཀུན་གདོད་ནས་སོང་པའི་སྤྲོས་བྲལ་ངང་།། རང་བྱུང་འོད་གསལ་ལྷུན་གྲུབ་རྒྱལ་བའི་ཞིང་།། རྡོ་རྗེའི་ཁྱུང་ཆེན་མ་ེརླུང་འཚུབས་པའི་དབུས།། རིམས་ལས་རྣམ་རྒྱལ་འཕགས་མ་ལ་ོགྱོན་མ།། ཞལ་གཅིག་ཕྱག་གཉིས་ཁྲོ་འཛུམ་ལོངས་སྐུའི་ཆས།། ཕྱག་གཡས་རྡོ་རྗེས་ནད་བདག་མཐུ་དཔུང་གཞོམ།། གཡོན་པའི་ཚེ་བུམ་བདུད་རྩིས་རིམས་ཡམ་བཀྲུ།། ཞབས་ཟུང་རོལ་སྟབས་པད་ཉིའི་སྟེང་དུ་བཞུགས།། སྤྱི་བོར་གཤིན་རྗེ་མགྲིན་པར་རྟ་མགྲིན་དཔལ།། སྙིང་གར་གསང་བདག་ལྟེ་བར་སྒྲོལ་མ་དཀར།། གསང་བར་ཆོས་འབྱུང་མ་ཅིག་རེ་མ་ཏི།། ཀུན་ཀྱང་རྔམ་བརྗིད་འོད་དཔུང་འབར་དབུས་བཞུགས།། སྤྱི་བོར་བླ་མ་ཀུན་འདུས་པདྨ་འབྱུང་།། ཚེ་དཔག་མེད་མགོན་རྣམ་པར་བྱིན་ཐིབས་ས།ེ ། སྙིང་དབུས་རྡོ་རྗེའི་ལྟེ་བར་ཧཱུཾ་མཐིང་མཐར།། རིགས་སྔགས་མེ་དཔུང་འོད་ཟེར་འབར་བ་འཕྲོས།།རྡོ་རྗེ་ཁྱུང་ཆེན་ཁྲཱོཾ་སྒྲ་ད་ི རི་ར།ི ། ཉི་ཟེར་རྡུལ་ལྟར་སྣང་སྲིད་་འཁོར་འདས་གང་།། ཀུན་བཏགས་གཞན་དབང་ལས་བྱུང་ནད་གདོན་གྲིབ།།སྦལ་སྦྲུལ་སྡིག་པའ་ིགཟུགས་ཅན་ལྕིབ་ལྕིབས་གསོལ།། འཆི་མེད་བདུད་རིའི་འོད་རངས་འཇའ་སྤྲིན་འཁྲིགས།། མ་མོ་མཁའ་འགྲོ་བད་ེབ་ཆེན་པོས་མཉེས།། གདུག་པའི་དལ་ཡམ་འཆ་ིགསོའི་སྨན་དུ་བསྒྱུར།། སྣང་སེམས་བདེ་ཆེན་དག་པའ་ིཀློང་དུ་འདྲེས།།…

འཇའ་ལུས་འཕོ་ཆེན་དུ་སྨོན་པ་ཀུན་བཟང་ཐུགས་ཏིག།ན་མོ་གུ་རུ་བུདྡྷ་ཛྙཱ་ན་ཡེ།།༡༽ཕྱོགས་དུས་རྒྱལ་བ་ཀུན་འདུས་པདྨ་འབྱུང་།།འཇའ་ལུས་འཕོ་ཆེན་སྐུ་བརྙེས་བི་མ་ལ།།སངས་རྒྱས་ཡེ་ཤེས་རྣམ་འཕྲུལ་དྲག་སྔགས་གླིང་།།འཇམ་དཔལ་དགྱེས་པ་རྡོ་རྗེས་རྟག་ཏུ་སྐྱོངས།།༢༽བདེ་གཤེགས་སྲས་བཅས་དམ་པའི་ཐུགས་ཀྱི་ཐིག།འཇའ་ལུས་འཕོ་ཆེན་ཡེ་ཤེས་སྐུར་གྱུར་པ།།འཇམ་དཔལ་གཞོན་ནུ་མཉམ་ཉིད་རིག་པའི་ངང་།།བྱར་མེད་དོན་ལ་ལྷུན་གྱིས་གྲུབ་གྱུར་ཅིག།༣༽གདོད་མའི་མགོན་པོ་དཔལ་ལྡན་བླ་མ་མཇལ།།མཉམ་ཉིད་ཆོས་སྐུར་ལྟ་བུས་དགོངས་པ་བརྙེས།།དོན་བརྒྱུད་དགོངས་པའི་བྱིན་རླབས་སྙིང་ལ་འཕོས། །བསྟན་དང་འགྲོ་བའི་དོན་ཀུན་ལྷུན་གྲུབ་ཤོག།འབྲུག་སངས་རྒྱས་ཀུན་འདུས་ངོར་ཤྲཱིས་ཐོལ་བྱུང་ཡིད་ཀྱི་རྒྱ་མཚོ་ལས་བྱུང་བའི་རྫོགས་ཆེན་ཡིད་བཞིན་ནོར་བུའི་སྨོན་ཚིག་ཏུ་བགྱིས་པར་དགེའོ།།

ལུང་བསྟན།ན་མོ་གུ་རུ་བུདྡྷ་ཛྙཱ་ན་ཡེ།།ཀུན་མཁྱེན་བླ་མས་སྔོན་ནས་དགོངས་ཟིག་མོད།།ལན་ཧྲིན་སྤྲུལ་སྐུས་གཏམ་དེ་བདེན་སོང་ཟིག།རྒྱ་སྒོར་ཐུག་དུས་རྒྱ་བླ་ཉག་ལི་ཚོ།།རྒྱ་ནད་གོ་དུས་ཨ་ཁུ་ཁྲོ་ཐུང་འདྲ།།སྒོམ་ཆེན་བྱི་བས་རིམས་ནད་རྒྱ་ལ་བཏངས།།སྐྱིད་པའི་ལོ་གསར་དུག་འགོག་ཁ་གཡོར་གྱོན།།ས་ཡ་བཅུ་གཅིག་གནས་པའི་གྲོང་ཁྱེར་ཡང་།།སྟོང་ལ་ཉེ་བའི་གྱོང་རྒུད་ཀྱེ་མ་ཧོ།།ཨོ་རྒྱན་པདྨས་རྡོ་རྗེས་གོ་ཁྲབ་གཏམས།།ལོ་གྱོན་སྒྲོལ་མས་མཁའ་དབུགས་གཙང་མར་བསྒྱུར།།ཀང་ཡེའི་ཧྥུ་སས་བདུད་རྩིའི་བུམ་པ་བསྣམས།།རིམས་ནད་རྩ་ནས་གཅོད་ཅིག་རྩ་གསུམ་ལྷ།།ཚན་རིག་སྨན་པས་དབུགས་རིང་ངང་གིས་ཤོར།།རྒྱ་རིགས་དམན་པས་ཟས་དུག་དགའ་བས་ཟོས།།ལས་ངན་ཐོག་ཏུ་བབས་ཚེ་ཨ་ཙ་མ།།འོས་ཧན་ཕྱོགས་ལ་འཇིགས་རུང་དུར་ཁྲོད་ཚེས།་་