February 2020

༧སྐྱབས་རྗེ་ཉག་རོང་སྤྲུལ་སྐུ་བསོད་ནམས་རྒྱ་མཚོ་རྒྱལ།།
ན་མོ་གུ་རུ་པུནྱེ་ས་ར་ཡེ།།
བསོད༵་ནམས༵་ཡེ་ཤེས་རྒྱ༵་མཚོ༵འི་བཀྲ་ཤིས་གང་།།
ཞིང་འདིར་བསམ་ཡས་ལྷུན་གྲུབ་བདེ་ལེགས་དཔལ།།
དགྱེས་དགུར་སྤྱོད་པའི་ཕུན་སུམ་ཚོགས་པར་ཉིད།།
རྡོ་རྗེ་ཆོས་བདུན་ངོ་བོར་འཚོ་བཞེས་གསོལ།།
མ་ལུས་འགྲོ་ལ་དགོངས་པའི་ཐུགས་དམ་ཅན།།
ཆོས་རྗེ་ཡིད་བཞིན་ནོར་བུའི་ཐུགས་ཀྱི་སྲས།།
ཐེ་ཝན་སྔ་འགྱུར་བསམ་ཡས་གསར་བསྐྲུན་པའི།།
རིག་འཛིན་ཧཱུཾ་གྲུབ་དཔའ་བོ་ཞབས་བརྟན་ཤོག།
བཤད་པའི་ཟླ་བ་ཡར་ངོའི་ཟླ་བཞིན་འཕེལ།།
སྒྲུབ་པའི་ཉི་མ་རྫོགས་ཆེན་སྣང་བ་བརྟས།།
ཕྲིན་ལས་ཡིད་བཞིན་ནོར་བུས་ས་གསུམ་ཁྱབ།།
སྔ་འགྱུར་བསྟན་པའི་རྒྱལ་མཚན་བརྟན་གྱུར་ཅིག།
ཅེས་པ་འདི་ཡང་རྨི་ལམ་དང་མངོན་སུམ་གྱི་ཉམས་སྣང་དང་ཆོས་མཆེད་དམ་པ་ཉིད་ལ་ཤྲཱིཿཨེ་མ་ཧོས་ཨེ་ཝཾ་སྐུ་གསུམ་རྒྱལ་བའི་ཕོ་བྲང་བས་སྨོན་པར་དགེའོ།། སྤྱི་ལོ༢༠༢༠ ཟླ་བ༢ ཚེས ༨ ལ།།

Leave a Reply

Your email address will not be published.