༄༅། །གུ་རུ་རིན་པོ་ཆེའི་ཚིག་བདུན་གསོལ་འདེབས་བཞུགས་སོ། །The Seven Line PrayerSedemvrsticna molitev ཧཱུྂ༔ ཨོ་རྒྱན་ཡུལ་གྱི་ནུབ་བྱང་མཚམས༔hung orgyen yul gyi nubjang tsamHūṃ! In the north-west of the land of Oḍḍiyāṇa,Hum! Severozahodno v dezeli Odijani, པདྨ་གེ་སར་སྡོང་པོ་ལ༔pema gesar dongpo laIn the heart of a lotus flower,v srcu roze lotosa, ཡ་མཚན་མཆོག་གི་དངོས་གྲུབ་བརྙེས༔yatsen…

ང་ཡི་བླ་མ་ཨེ་མ་ཧོ།།ཨེ་མ་ཧོ།།ཨ་བུ་སྐུ་བསོད་ཅན་པོ་ཕྱིར་ལ་ལོག་སོང་།།བྱིན་རླབས་ཚན་ཁ་ཅན་པོ་འདི་ན་ལྷག་འདུག།ད་རེས་འཁྱུག་ཙམ་མཇལ་བ་རྨི་ལམ་ཙམ་པོ།།མི་རྟག་ཆོས་ཀྱི་དབྱིངས་སུ་བདེ་བར་གཤེགས་འདུག།སང་གནངས་ཉི་མ་ཤར་རིའི་རྩེ་ནས་ཤར་དུས།།རང་གནས་ཨེ་ཝཾ་གླིང་ལ་བདེ་བར་འབྱོར་ནས།།སྐུ་ངལ་དལ་གྱིས་གསོས་དང་བདེ་ཐང་དེ་ལགས།།ཕྲེང་བ་བརྒྱ་རྩ་བརྒྱད་དེ་བརྟེན་ཏུ་བཟུང་ཡོད།།མི་འཇིགས་རྡོ་རྗེ་གོ་ཁྲབ་ངག་ནས་བཟླས་ཡོད།།མི་འགྱུར་གྲོགས་ཀྱི་དྭངས་མ་སེམས་ན་ཉར་ཡོད།།ཕེབས་བསུའི་ལྷ་བསང་སྔོན་མོས་འཕྲིན་འདི་བཞེས་ལགས།།བཀྲ་ཤིས་རབ་བརྟན་དགོན་ནས་ནཱ་ཐ་རཏྣས་གུས་པས་ཕུལ་བར་དགེའོ།། །།

མཛེས་སྡུག་མིག་གི་དཔྱིད་དུ་ལྷམ་དང་ལྷན།།ངག་ལ་སྙན་ཚིག་སྟོང་གི་མེ་ཏོག་བཞད།།ཡིད་ལ་བདེ་ཆེན་ཡེ་ཤེས་འཆར་བའི་མ།།མཚོ་བྱུང་ལྷ་མོ་ཁྱེད་ལ་སྙིང་ནས་འདུད།། རིན་ཆེན་རྒྱུད་དྲུག་གསེར་གྱི་སྐུད་པ་ལ།།གཉེན་ལྕུག་སོར་མོའི་འཕྲུལ་དང་ལྷན་གཅིག་དུ།།ཚངས་དབྱངས་དྲུག་བཅུའི་རོལ་མོའི་འགྱུར་ཁུག་རྫོགས།།ངང་བའི་བུ་མོས་མཛེས་སྡུག་བློ་ལས་འདས།། མཐོན་མཐིང་སྐྲ་ཡི་ལན་བུ་རེ་རེ་ལ།།རིན་ཆེན་མུ་ཏིག་སྣ་ལྔའི་དྲྭ་བ་གཡོ།།ཟླ་ཕྱེད་འོད་ཀྱིས་འཁྱུད་པའི་སྨིན་ལེགས་མ།།ཐིག་ལེ་མཆོག་མའི་འདྲན་ཟླ་ཁྱེད་གཅིག་ཙམ།། དཀར་སེར་དར་གོས་གསེར་རིས་རླུང་དང་རྩེན།།སྣ་ཚོགས་དར་འཆིང་དམར་པོས་སྐུ་ཕྱེད་ཁེབ།།འོ་འཛིན་ཆ་གཅིག་དུང་གི་བུམ་ཆུང་བཞིན།།མོས་ལྡན་བུ་ལ་ངག་རིག་འོ་མས་ཚིམ།། ལྷོ་ཕྱོགས་འོ་མའི་ཆུ་གཏེར་འཕྱོ་བའི་རྩེ།།འདབ་སྟོང་གེ་སར་དམར་པོས་གདན་སྟེང་ན།།ཆོས་ཀུན་གླུ་རུ་གྱེར་བའི་བཞིན་བཟང་མས།།སྣང་སེམས་དཔེ་དོན་འདྲེས་མས་མགུར་དེ་གཡོར།། མ་ངེས་སྲིད་ལམ་དུབ་པའི་ང་དང་ང་།།སྐྱོ་བའི་སེམས་གསོ་སྙན་ངག་ལྷ་མོ་ལས།།སྡུག་ཡུས་མ་ལ་སྐུལ་བའི་གསོལ་འདེབས་ན།།རང་བྱུང་རིག་པའི་མ་དང་མཇལ་བ་སྨོན།། ཟལ་ཟིལ་རྨི་ལམ་སྐྱ་མོས་ཁུག་མགོ་ན།།ཤིང་རིང་རྒྱུད་སྐུད་ཅན་གྱི་རོལ་ཆ་གན།།བག་ཆགས་སེམས་ཀྱི་བཟོས་པས་སྣང་བ་ཙམ།།ཡིད་ཆེས་སེམས་ཀྱི་གསོལ་ཆང་ཕོར་གང་མཆོད།། ཆང་ནས

དེ་རིང་ལྷ་བབས་དུས་ཆེན་དང་གནས་ཞི་བདེའི་མཆོད་རྟེན། ཆོས་ཨེ་ཝཾ་སྨོན་ལམ་ཆེན་མོ། འཁོར་དགེ་འདུན་སྡེ་བཞི་སྡེ་འཛོམས་ས་ནས། ངས་འདི་ནས་ཡུ་རོབ་སི་ལོ་ཝི་ནི་ཡིའི་དྲག་རྩལ་གྱི་དམག་དཔོན་ཞིག་རབ་ཏུ་བྱུང་ནས་ད་ཕྱིན་མུ་འཐུད་དེ་ཨེ་ཝཾ་གེ་སར་དགོན་དུ་བློ་ལྡོག་རྣམ་བཞི་ནས་སྔོན་འགྲོ་སངས་རྒྱས་སྙིང་པོ་ཉམས་སུ་བཞེས་ནས་་་ཁྲིད་ཡིག་ཀུན་བཟང་བླ་མའི་ཞལ་ལུང་དང་བར་དོ་དྲུག་ཁྲིད། རྫོགས་པ་ཆེན་པོ་ཡེ་ཤེས་བླ་མའི་ཁྲིད་ཚན་རྣམ་རིམ་གྱིས་སྒྲུབ་པར་ཁས་བླངས་པ་ནི་ནང་ཆོས་སྤྱིའི་གཟི་བརྗིད་ཅིག་ཅིས་ཕྱིར་མིན། བྱིས་པ་བསམ་མེད་ཁག་ཅིག་འགྲིམ་སྟོན་གྱི་རབ་བྱུང་དང་གཏན་ནས་མི་འདྲ་བ་ངེས་འབྱུང་རྣལ་མས་ཕྱུག་པའི་མི་རྒོད་ཁོང་ལ་ཡི་རང་དང་ཚེ་ཆོས་མཐར་ཕྱིན་ཏུ་སྨོན་ནོ།། ཨེ་མ་ཧོས་་་་་་

ཕུབ་རྡོ་རྗེ་ལ་གདམས་པ་སྙིང་གི་ཏི་ལ་ཀ། དང་པོ་དག་པའི་རྣམ་རྟོག་ཇི་ཙམ་ཤར་ན་ཡང་ཡང་གོམས་དགོས། མ་དག་པ་དེ་ལ་དགག་སྒྲུབ་དང་བཅས་བཅོས་རེ་དོགས་མི་བྱ་བར་བཞག་ན་རང་བཞིན་གྱིས་དྭངས་འགྲོ། སྣང་སྲིད་དག་པ་ཆོས་སྐུའི་ཡེ་ཤེས་ཀྱི་རང་རྩལ་ནི་ནམ་མཁའ་ལ་འཇའ་ཚོན་ཤར་བ་ལྟར་རང་ཤར་རང་གྲོལ་དུ་ངོ་ཤེས་པར་བྱ་དགོས་པར་ཤྲཱིཿསེངྷའི་གདམས་པ་ཡིན། ཡུལ་སྣང་སྣ་ཚོགས་སུ་འཆར་ནའང་ཆགས་མེད་ཞེན་མེད་ཀྱིས་སྤྱོད་པ་བླང་དོར་ཆུ་ལ་རི་མོ་འབྲི་བ་ལྟར་རྗེས་མེད་དུ་སྤྱད་ཤེས་པ་དགོས་པ་ནི་བུདྡྷ་ཛྙཱ་ནའི་དགོངས་པ་ཡིན། བླ་མ་རང་སེམས་སུ་ངོ་ཤེས་པས་བླ་མའི་ཐུགས་དང་རང་སེམས་དབྱེར་མེད་པས་སྣང་སྲིད་བླ་མར་ཤར་བའི་མོས་གུས་ལ་བརྩོན་དགོས་པ་ནི་པདྨ་འབྱུང་གནས་དགོངས་པ་ཡིན། སྣང་བ་སེམས་སུ་ངོ་ཤེས། སེམས་ཉིད་སྟོང་པར་ངོ་ཤེས་ན་འཁོར་འདས་སྤང་བླང་བྲལ་བ་སྟན་ཐོག་གཅིག་ཏུ་སངས་རྒྱས་པའི་གདམས་ངག་ཐོབ་པ་ཡིན། སྟོང་པ་ཉིད་དེས་ངང་ནས་བྱམས་སྙིང་རྗེ་བྱང་བྱང་ཆུབ་ཚད་མེད་པས་མཐའ་ཡས་པའི་འགྲོ་བ་འདི་དག་བདག་ཉིད་གཅིག་པུས་བྱང་ཆུབ་མཆོག་ལ་འགོད་ནུས་པའི་སེམས་ཆེན་པོ་བསྐྱེད་པ་རྒྱུད་ལ་འབྱོར་ན་བྱང་ཆུབ་སེམས་དཔའ་ཆེན་པོའོ།། ཤྲཱིས་སོ།

མི་རུ་སྐྱེས་ནས་མི་ཡི་དོན་གོ་ཆོད།།དགེ་རྒན་བཟང་བོའི་བྱིན་རླབས་ཉི་བཞིན་གསལ།།གྲུབ་འབྲས་བླ་མེད་ཀུན་གྱིས་བསྟོད་བསྔགས་བྱེད།།འདུན་ལམ་ཡག་པོའི་འོད་སྣང་ཕྱོགས་ཀུན་འཕྲོས།། ཨེ་ཝཾ་ལས་རིག་ལག་རྩལ་ཚང་གི་ཆེས་བཟང་བའི་སློབ་མ་རྣམས་ཀྱི་ལྷ་རིས་རི་མོ་འགྲན་བསྡུར་ཁྲོད་བྱ་དགའ་ཐོབ་མཁན་རྣམས་ལ་རྟེན་འབྲེལ་ཞུ། ལྷ་རིས་འཛིན་གྲྭ་གོང་མའི་ཨང་དང་པོ་པ་སངས་དབང་མོ་ལ།བྱ་དགའི་རྟེན་འབྲེལ་ཞུ་མཚོན་ཙམ་དུ། དམངས་སྒོར། 500གཉིས་པ་མུན་སྒྲོན་ལ། བྱ་དགའི་རྟེན་འབྲེལ་ཞུ་མཚོན་ཙམ་དུ།དམངས་སྒོར། 300གསུམ་པ་འབྲུག་སྐྱིད་ལ། བྱ་དགའི་རྟེན་འབྲེལ་ཞུ་མཚོན་ཙམ་དུ།དམངས་སྒོར། 200 འཛིན་གྲྭ་འོག་མའི་ཨང་དང་པོ་མཁྱེན་རབ་ཆོས་འཕེལ་ལ། བྱ་དགའི་རྟེན་འབྲེལ་ཞུ་མཚོན་ཙམ་དུ། དམངས་སྒོར། 500གཉིས་པ་སྐལ་བཟང་བསྟན་འཛིན་ལ། བྱ་དགའི་རྟེན་འབྲེལ་ཞུ་མཚོན་ཙམ་དུ། དམངས་སྒོར། 300གསུམ་པ་འཆི་མེད་སྒྲོལ་མ་ལ། བྱ་དགའི་རྟེན་འབྲེལ་ཞུ་མཚོན་ཙམ་དུ། དམངས་སྒོར། 200 བཀྲ་ཤིས་དོན་ཀུན་འགྲུབ།།ཁ་དགེ་རླུང་རྟ་དར།།བསམ་དོན་ཡིད་བཞིན་འགྲུབ།།ཕྱོགས་ཀུན་ཕུན་ཚོགས་ཤོག། གཙང་སྤྲུལ་བས་རྟེན་འབྲེལ་ཞུ་མཚོན་ཙམ་དུ་ཕུལ་བ་སྨོན་དོན་འགྲུབ་ཤོག 🎉🎉🎉🎉