November 2019

རེ་བ་མེད།།
ཨེ་མ་ཧོ།།
གནམ་གྱི་ཀ་བ་ལ་མཛུབ་མོ་མ་གཙུགས།།
ས་གཞིའི་ཁང་བཟང་ལ་ཞེན་ཆགས་མ་སྐྱེས།།
བར་སྣང་སེར་བུ་ཡིས་གནོད་པས་མ་ཚུགས།།
གུས་བཀུར་ཁྲམ་པ་ལ་རེ་བ་མེད་དོ།།
གསེར་ཁྲི་བརྫིག་པོ་ལ་འདྲ་པར་མ་བཤམས།།
ཚེ་གྲོགས་རྒན་པོ་ལ་མགོ་བསྐོར་མ་བྱས།།
བདེ་སྡུག་ཚོར་བ་ལ་རེ་དོགས་དབེན་ཕྱིར།།
དབུལ་ཕྱུག་མཆོག་དམན་ལ་རེ་བ་མེད་དོ།།
འཇིག་རྟེན་ཆོས་བརྒྱད་ལ་རེ་བཅོལ་མ་ཤོར།།
བར་མ་རབ་བྱུང་གི་སྡོམ་རྒྱུན་མ་ཞུས།།
ངོ་དགའ་ཁ་ཡག་གིས་མི་ཚེ་མ་ཐལ།།
ཁ་མཆུ་ཐོབ་ཤོར་ལ་རེ་བ་མེད་དོ།།
ཉམ་ཆུང་ནུས་མེད་ཁྱད་གསོད་མ་བྱས།།
ཆེ་མཐོའི་རྒྱལ་པོ་ལ་བློ་རྩེ་མ་གཏད།།
རང་ཚིགས་བདེན་དཔུང་གི་དྲང་ཚུགས་མ་ཤོར།།
མཐོ་དམན་གཡང་ས་ལ་རེ་དྭོགས་མེད་དོ།།
་་་་་་
ཨེ་མ་ཧོས་་་་