བླ་མ་མཁྱེན་ནོ། དགེ་བཤེས་དང་སྤྲུལ་སྐུ་མཁན་པོ་ལེགས། དྲི་བ་བཟང་། ངོས་ལ་དད་པ་མེད་པར་ག་ལ་ཡིན། བླ་མ་ཚང་མ་ཨོ་རྒྱན་རིན་པོ་ཆེའི་སྐུ་གསུང་ཐུགས་ཡོན་ཕྲིན་ལས་ཀྱི་སྤྲུལ་པ་དང་། བླ་མ་ཕལ་ཆེ་བ་འཇམ་དཔལ་དབྱངས་དང་། སྤྱན་རས་གཟིགས་དང་། ཕྱག་ན་རྡོ་རྗེའི་ཐུགས་ཀྱི་སྤྲུལ་པ་བཀའ་བསྟན་དུ་མ་ལས་གསལ། མདོར་ལ་གཡོ་འཕྲུལ་ངན་པས་སྤྲུལ་སྐུ་ངོས་འཛིན་དང་། འདའ་ཁའི་ཞལ་ཆེམས་ཟེར་བའི་སྲུང་འཁོར་དང་། རྒྱ་དམར་གཞུང་གིས་པཎ་རྫུན་རིགས་ལ་དུང་ལེན་བྱེད་ཀི་མེད་ཟེར་བ་དེ་ཡིན། ཐ་ན་ཨ་ཕོ་དགའ་དགའ་་ལ་མི་དགའ་བ་ཏིལ་ཙམ་མེད། ངེད་གཉིས་ཤ་རུས་ཁྲག་རྒྱུན་གཅིག་ལས་མཆེད་པ་ཡིན་ན་མི་དགའ་བ་གང་ལ་ཡོད། ང་མི་དགའ་ས་དེ་གཡོ་རྫུན་འཁན་ལ་མི་དགའ། གཡོ་འཕྲུལ་ཅན་འགའ་རེ་བཞིན་དུ་རེ་བ་ནག་པོའི་ཡོལ་བའི་རྒྱབ་ཕྱོགས་སུ་ཡིབས་པའི་ངོ་གཉིས་མ་ལ་ང་མི་དགའ། དཔྱིད་དུས་ཀྱི་གནམ་ངོ་དང་ཌཱ་མ་རུ་ལྟ་བུ་ངོ་གཉིས་དང་། མདུན་རྒྱབ་གཉིས་ན་མགོ་ལ་ངོ་ལྐོག་དཀར་ནག་གི་རང་མདོག་བརྗེ་བར་བྲེལ་འཚུབ་ལངས་འཁན། ཁ་ཡང་གཉིས་དང་ལྕེ་ཡང་དུག་སྦྲུལ་གྱི་ལྕེ་ལྷེ་ལྟར་རྣམ་འགྱུར་སྣ་ཚོགས་ཀྱི་གསེང་ནས་ག་ལེར་བསྲིངས་ཡོང་བའི་གྲོགས་ངན་ཚོ་ལ་གཏན་ནས་མི་དགའ། ད་དུང་ཚིག་རྩུབ་དང་ངག་བཅལ་སྟེ་གཡས་གཡོན་གཉིས་སུ་བཅས་གདོང་བཞི་ཅན་དུ་སྣང་ན་མི་དགེ་བ་དེ་ཚོ་ལ་གཏན་ནས་མི་དགའ། ཕྱིའི་དགྲ་དང་གདོན་བགེགས་དང་། ཆེས་འཇིགས་སུ་རུང་བ་ནི་མཆེ་བ་ཅན་གྱི་སྟག་གཟིག་དོམ་དྲེད་དག་ཀྱང་མིན་ལ། མཐོང་དུ་མེད་སར་ནས་ཕྱི་ནང་མེད་པའི་ངོ་གཉིས་མ་སྟེ། མདུན་ཕྱོགས་ནས་འཛུམ་མདངས་དང་དགོད་བག་གིས་སྣེ་བསུ་བྱེད་ཅིང་། རྒྱབ་ཕྱོགས་ནས་བཟློག་པ་སྣ་དགུ་ཡིས་དམོད་པ་བོར་བའི་མགོ་གཉིས་དང་། ལྕེ་གཉིས། ཁ་གཉིས། མདོར་ན་གདོང་རིས་གཉིས་ཅན་པ་དེ་རེད། ཁོག་ནས་ཞེ་མེར་ལངས་ཤིང་སྐྱུག་བྲོ་ས་ཞིག་ནི་དོ་མི་མཉམ་པའི་རྣམ་འགྱུར་དེ་དང་། དེའི་ཟ་ཟུར་གྱི་མདུན་རྒྱབ་གཉིས་རེ་ཅན་བློ་རྩེ་གཉིས་ཀྱི་སྐད་ཆ་དེ་དག་རེད། མདོར་ན་གཉིས་ཆོས་ཅན་གྱི་སྐྱེ་བོ་སུ་ཞིག་ལ་ཡིད་རྟོན་དང་བློ་གཏད་ནམ་དུའང་བྱེད་མི་རུང་བར་རྒྱང་ནས་རྒྱང་དུ་བསྐྱེད་པ་དེ་ནི་ཤིན་ཏུ་གལ་ཆེའོ།། །། སྤྱི་ལོ་༢༠༡༩/༠༧/༢༠ཉིན། ཤྲཱིཿཨེ་མ་ཧོས

རྒྱལ་ཀུན་ཡུམ་ཆེན་སྤྱན་རས་གཟིགས་ལ་གསོལ་འདེབས་མེ་ཏོག་གི་ཕྲེང་བ་དཀར་པོ།།ན་མོ་མ་ཧཱ་གུ་རུ་ཨ་ཝ་ལོ་ཀི་ཤྭ་ར་ཡེ།།ཨ་ཏིའི་བྱམས་བརྩེ་བྱང་ཆུབ་སེམས་དཔའི་སྐུ།།ཧ་ལས་དུག་འཇོམས་ཤེས་རབ་ཕར་ཕྱིན་གསུང་།།ཨ་མ་སྤྱན་རས་གཟིགས་ལ་གསོལ་བ་འདེབས།།ཧ་ཅང་ཉམ་ཐག་འགྲོ་ཀུན་འདྲེན་ནུས་ཤོག། ས་ཐོབ་སེམས་དཔའི་ཚུལ་འཛིན་རྒྱལ་བའི་ཡུམ།།ཤ་ཞེན་སྙིང་ནས་དད་ཡུལ་མ་མ་ཁྱེད།།ལ་ལུང་མཛེས་པའི་གནས་འདིར་བཞེང་ལགས་ན།།ར་བ་གཡང་དུ་གཏམས་མཛོད་སྙིང་རྗེའི་གཏེར།། ཡ་གི་སྲིད་པའི་རྩེ་མོའི་མན་ཆད་ནས།།འ་ཅག་འཁོར་བ་འཁྱམ་པའི་འགྲོ་དྲུག་དོན།།ཟ་ཟིམ་མེད་པར་གཟིགས་པའི་སྤྱན་ཡངས་མས།།ཞྭ་དམར་རིག་འཛིན་བརྒྱུད་པའི་བསྟན་པ་སྐྱོངས།། ཝ་སྐྱེས་རི་སུལ་ཉུལ་བཞིན་རི་ཁྲོད་པ།།ཛ་ཡའི་བསྟན་པ་སྤེལ་བའི་རྣལ་འབྱོར་པར།།ཚ་གྲང་ནད་ཀྱིས་མནར་ཀྱང་དཀའ་སྤྱད་ལ།།ཙ་རེ་བ་ལ་ཕྲིན་ལས་བདེ་མྱུར་མཛོད།། མ་ལུས་སྐྱབས་གནས་ཀུན་འདུས་སྤྱན་རས་གཟིགས།།བ་གླང་ལྟ་བུའི་འགྲོ་རྣམས་རྟག་ཏུ་དགོངས།།ཕ་མེས་དད་མོས་བརྟས་པའི་སྙིང་རྗེའི་ལྷ།།པ་སངས་འོད་ལྟར་ལྷག་བསམ་དག་པས་གུས།། ན་མོ་སྒོ་གསུམ་མི་ཕྱེད་གསོལ་འདེབས་ན།།ད་ལྟའི་དུས་རབས་འཚམས་པའི་ཐུགས་རྗེའི་དཔལ།།ཐ་དག་སེམས་ཅན་ཡོངས་ལ་མྱུར་སྩོལ་སྟེ།།ཏ་ཐཱ་ག་ཏའི་བསྟན་པ་སྤེལ་བར་མཛོད།། ཉ་གང་ཟླ་ལས་མཛེས་པའི་སྐུ་བརྙན་ཅིག།ཇ་ཆང་ཟས་ཁང་ལས་ལྷག་དད་གུས་གནས།།ཆ་མེད་མི་ཡུལ་འདི་ན་ལེགས་བསྐྲུན་ན།།ཅ་དག་འཁོར་འདས་འདྲེན་པའི་དཔལ་དུ་ཤོག། ང་དང་བདག་ཏུ་འཛིན་པའི་འཁྲུལ་བ་སེལ།།ག་སར་གང་དུ་སྙིང་རྗེའི་བསྟན་པ་སྐྱོང་།།ཁ་ཞེ་སྙིང་ནས་འབད་པའི་དགེ་བ་འདིས།།ཀ་མ་ལ་བཞིན་རྒྱལ་བསྟན་སྤེལ་གྱུར་ཅིག།ཅེས་པ་རབ་གནས་ས་ཕག་སྤྲེལ་ཟླའི་དབང་ཕྱོགས་རྡོ་རྗེ་ཉི་མ་སྣང་བ་གཟའ་སྐར་ལ་འཆར་བའི་ཉིན་མོར་ཌཱ་ཀི་ནི་བིརྱ་དྷཱ་ར་སྭ་ར་སྭ་སྟི་དྷེ་ཝས་རྒྱའི་ལུགས་སྤྱན་རས་གཟིགས་ཀྱི་རྡོ་སྐུ་བཞེངས་པར་གཏན་ཁེལ་བས་དེ་ཉིད་དུ་ཨེ་ཝཾ་སངས་རྒྱས་ཡེ་ཤེས་གླིང་དུ་གནུབས་བན་སངས་རྒྱས་ཡེ་ཤེས་ཀྱི་སྐྱེ་རྒྱུད་འཛིན་པ་རིག་འཛིན་དཔལ་དགྱེས་པ་རྡོ་རྗེ་རུ་འབོད་པས་དེ་ཉིད་དུ་བགྱིས་པར་དགེའོ།།

ཞལ་གདམས་ཟེར་ན་འདི་འདྲ་དགོས། དམར་སེར་གོས་ཀྱི་མདངས་ལ་རབ་དགའ་ནས། །ཁས་ལེན་མིག་འཕང་གྱེན་ལ་ཕྱོགས་ན་ཡང༌། །བག་ཡངས་ནག་ཆང་རོལ་བའི་ཉམས་དགའ་ལ། །བལྟས་ནས་ལག་ལེན་ཐུར་དུ་སོང་བ་མང༌། ། དམ་པ་མིན་པས་ཤིན་ཏུ་བསྲུང་དཀའ་དང༌། །དམ་པར་གྱུར་པས་ནན་གྱིས་སློབ་དགོས་པ། །བསླབ་པ་འགངས་སུ་ཆེ་བའི་རྟགས་ཡིན་པས། །རང་གི་རིན༵་ཆེན་ཆུད་ཟོས་མ་བྱེད་ཨང༌། ། འཇུག་པའི་ཐེམ་སྐས་ཡོན་ཏན་མཐའ་དག་གི། །རྩ་བ་ཚུལ་ཁྲིམས་བོར་ནས་གདོང་དམར་མའི། །ཁོལ་པོ་རྒྱབ་སྐྱར་སོང་ན་ཆེས་ཕངས་པས། །སྐྱིད་ཀྱིས་རང་སྡུག་མ་ཉོ་སྙིང་ལ་ཕུར། ། ཚུལ་ཁྲིམས་ཡོད་ན་ཐོས་ཉུང་བློ་དམན་ཡང༌། །ཏིང་འཛིན་ཤེས་རབ་སྐྱེད་ལ་དཀའ་བ་མེད། །རྩ་བ་མེད་ལ་ལོ་མེད་འབྲས་བུ་མེད། །དེ་སླད་ལམ་གྱི་རྟེན་འབྲེལ་མགོ་ནས་སྒྲིགས། ། རྡོ་གྲུབ་འཇིགས་མེད་བསྟན་ཉིས།

༼ རྨི་ནང་གི་རིག་མ་དྲན་པ༽ ༡༽ཨེ་མ་ཧོ། རྗེ་བཙུན་མ། ཁྱོད་ནི་བདག་གི་སྐྱེ་བ་དང་ཚེ་རབས་ཐོག་མ་མེད་པ་ནས་ད་ལྟའི་བར་དུ་སེམས་ན་མཆིས་ཤིང་གནས་ཏེ། བུ་ངའི་སེམས་ལ་ལས་ཉོན་མ་ཡིན་པའི་དགའ་བ། བག་ཆགས་མ་ཡིན་པར་དུང་བ། མ་རིག་གཏི་མུག་ནང་དུ་མ་འདུས་པའི་གཉུག་སེམས་ཀྱི་བདེ་བ་ཆེན་པོ། ཕྱག་རྒྱ་མའི་ཐུགས་རྗེས་དབང་མེད་དུ་དད་གུས་ཀྱིས་བསྡུས་ནས། འཁོར་བའི་འདམ་དུ་མ་བྱུང་བར་གཙུག་ལག་རབ་འབྱམས་སུ་ངེས་པའི་ཤེས་རབ་འོད་གསལ་གྱི་སྣང་བ་དང་འགྲོགས་པའི་རིག་མ་དྲན་པ་ནི་ཤིན་ཏུ་སྐལ་བ་བཟང་ངོ། འཁོར་བའི་འདམ་ན་མཆིས་ཀྱང་འཁོར་བའི་སྐྱོན་གྱིས་མ་གོས་པ་པདྨ་དཀར་པོ་ལྟ་བུ་དཔལ་དགྱེས་པའོ།། ཨེ་མ་ཧོས་མུ་འཐུད་་་་

ཐེག་གསུམ་སྟོན་པའི་དོ་ཧ་མ་ཎི་ཀ།ན་མོ་མ་ཧཱ་གུ་རུ་ཤྲཱིཿཨ་ནནྟ་བཛྲ་ཡེ།།ཀ་དག་གདོད་མའི་མཁན༵་པོ་ཀུན་ཏུ་བཟང་།།ལྷུན་གྲུབ་འོད་གསལ་བདེ་ཆེན༵་དུས་འཁོར་ལོ།།ཟུང་འཇུག་ཡེ་ཤེས་བླ༵་མ༵་རིན་པོ་ཆེ།།སྒོ་གསུམ་མི་ཕྱེད་དད་པས་ཕྱག་འཚལ་ལོ།།བདེན་པ་རིན་ཆེན་མཛའ་གྲོགས་ཡོངས་ལ་འབུལ།།དྲང་པོ་གཤིས་འཇམ་སྙིང་གྲོགས་རྣམས་ལ་གནང་།།བྱམས་བརྩེས་ཨ་མ་གཡོག་པའི་བདེན་སྟོབས་ཀྱིས།།མ་ལུས་འགྲོ་ཀུན་འདྲེན་པའི་དཔལ༵་དུ་གྱུར།།གཞན་གནོད་གཞི་བཅས་སྤངས་པའི་དཀའ་ཐུབ་དང་།།གཞན་ཕན་གཞི་བཅས་སྒྲུབ་པའི་སེམས་དཔའ་ཆེ།།རང་གཞན་དག་མཉམ་རྟོགས་པའི་རྣལ་འབྱོར་པ།།རྒྱལ་ཀུན་དབང་ཕྱུག་དགྱེས༵་པ༵་རྒྱལ་སྲས་ལགས།།སྣང་སྲིད་རྣམ་དག་སྒྱུ་འཕྲུལ་དྲྭ་བར་མཐོང་།།མདོ་རྒྱུད་གདམས་ངག་རྒྱ་མཚོའི་ཆོས་སྒྲ་སྒྲོག།གཉུག་མའི་རང་གནས་ཡེ་ཤེས་དག་རྫོགས་སྨིན།།ཀུན་བཟང་རྡོ༵་རྗེ༵་འཆང་དབང་སྟོན་པ་རྒྱལ།།རང་བློ་དག་པའི་བདེན་པ་དཔང་བཙུགས་ཏེ།།རང་མིང་དགོས་པ་རྒྱུ་མཚན་དང་བཅས་ཏེ།།རང་དང་སྐལ་མཉམ་ཚོགས་ལ་གླུ་བླངས་ཕྱིར།།འགྲོ་ཀུན་བྱང་ཆུབ་འགོད་པའི་རྒྱུ་གྱུར་ཅིག།དོ་ནུབ་ཟླ་བ་དཀར་པོ་གཟའ་ཡིས་བསྒྲིབས།།སྐར་མའི་ཚོགས་ཀྱང་མིག་ཆུའི་ཐིགས་པ་ཟག།རྨི་ལམ་འཇིགས་སྣང་རྨིས་པའི་ཐན་རྟགས་ཉིད།།མི་མངོན་དབྱིངས་སུ་ཡལ་བའི་རྒྱུ་གྱུར་ཅིག།སྙན་གྲགས་འབྲུག་སྒྲ་སྟོང་གསུམ་ཡོངས་ལ་ཁྱབ།།མཐུ་སྟོབས་ཁྱུང་རྒྱལ་དབུ་མཆོག་དགུང་ལས་མཐོ།།དཔའ་རྒོད་རྒྱ་སྟག་ཀླད་པ་གཏིང་ནས་ཁྲོས།།གངས་རིའི་སེང་ཆེན་རྒྱལ་བའི་རྒྱུ་གྱུར་ཅིག།ཐུགས་བསྐྱེད་སྤྲིན་ཆེན་བར་སྣང་ཁམས་ཀུན་གང་།།ཕྲིན་ལས་གློག་དམར་གནམ་སའི་མཚམས་ནས་འཁྱུག།དགྲ་བགེགས་ཀླད་ཁྲག་ཐལ་བའི་རྡུལ་དུ་བསྒྱུར།།ཕན་བདེའི་འཇའ་འོད་ཀློང་ན་ཀུན་ཀྱང་གཟིམས།།ཞེས་པ་རབ་གནས་ས་ཕག་སྣྲོན་ཟླའི་ཉ་ལ་དགེ་བཤེས་མིང་ཆེན་ཞིག་གིས་མཁན་ཆེན་བླ་མ་དཔལ་དགྱེས་པ་རྡོ་རྗེ་ཟེར་བའི་དོན་ཅི་ཡིན་ནམ་ཞེས་པའི་ལན་དུ་ཨེ་ཝཾ་ཀུན་བཟང་ཆོས་གླིང་ནས་ཨེ་མ་ཧོས་བདེན་གཏམ་གླུ་རུ་བླངས་པར་དགེའོ།། །།

ཐེག་གསུམ་སྟོན་པའི་དོ་ཧ་མ་ཎི་ཀ།ན་མོ་མ་ཧཱ་གུ་རུ་ཤྲཱིཿཨ་ནནྟ་བཛྲ་ཡེ།།ཀ་དག་གདོད་མའི་མཁན༵་པོ་ཀུན་ཏུ་བཟང་།།ལྷུན་གྲུབ་འོད་གསལ་བདེ་ཆེན༵་དུས་འཁོར་ལོ།།ཟུང་འཇུག་ཡེ་ཤེས་བླ༵་མ༵་རིན་པོ་ཆེ།།སྒོ་གསུམ་མི་ཕྱེད་དད་པས་ཕྱག་འཚལ་ལོ།།བདེན་པ་རིན་ཆེན་མཛའ་གྲོགས་ཡོངས་ལ་འབུལ།།དྲང་པོ་གཤིས་འཇམ་སྙིང་གྲོགས་རྣམས་ལ་གནང་།།བྱམས་བརྩེས་ཨ་མ་གཡོག་པའི་བདེན་སྟོབས་ཀྱིས།།མ་ལུས་འགྲོ་ཀུན་འདྲེན་པའི་དཔལ༵་དུ་གྱུར།།གཞན་གནོད་གཞི་བཅས་སྤངས་པའི་དཀའ་ཐུབ་དང་།།གཞན་ཕན་གཞི་བཅས་སྒྲུབ་པའི་སེམས་དཔའ་ཆེ།།རང་གཞན་དག་མཉམ་རྟོགས་པའི་རྣལ་འབྱོར་པ།།རྒྱལ་ཀུན་དབང་ཕྱུག་དགྱེས༵་པ༵་རྒྱལ་སྲས་ལགས།།སྣང་སྲིད་རྣམ་དག་སྒྱུ་འཕྲུལ་དྲྭ་བར་མཐོང་།།མདོ་རྒྱུད་གདམས་ངག་རྒྱ་མཚོའི་ཆོས་སྒྲ་སྒྲོག།གཉུག་མའི་རང་གནས་ཡེ་ཤེས་དག་རྫོགས་སྨིན།།ཀུན་བཟང་རྡོ༵་རྗེ༵་འཆང་དབང་སྟོན་པ་རྒྱལ།།རང་བློ་དག་པའི་བདེན་པ་དཔང་བཙུགས་ཏེ།།རང་མིང་དགོས་པ་རྒྱུ་མཚན་དང་བཅས་ཏེ།།རང་དང་སྐལ་མཉམ་ཚོགས་ལ་གླུ་བླངས་ཕྱིར།།འགྲོ་ཀུན་བྱང་ཆུབ་འགོད་པའི་རྒྱུ་གྱུར་ཅིག།དོ་ནུབ་ཟླ་བ་དཀར་པོ་གཟའ་ཡིས་བསྒྲིབས།།སྐར་མའི་ཚོགས་ཀྱང་མིག་ཆུའི་ཐིགས་པ་ཟག།རྨི་ལམ་འཇིགས་སྣང་རྨིས་པའི་ཐན་རྟགས་ཉིད།།མི་མངོན་དབྱིངས་སུ་ཡལ་བའི་རྒྱུ་གྱུར་ཅིག།སྙན་གྲགས་འབྲུག་སྒྲ་སྟོང་གསུམ་ཡོངས་ལ་ཁྱབ།།མཐུ་སྟོབས་ཁྱུང་རྒྱལ་དབུ་མཆོག་དགུང་ལས་མཐོ།།དཔའ་རྒོད་རྒྱ་སྟག་ཀླད་པ་གཏིང་ནས་ཁྲོས།།གངས་རིའི་སེང་ཆེན་རྒྱལ་བའི་རྒྱུ་གྱུར་ཅིག།ཐུགས་བསྐྱེད་སྤྲིན་ཆེན་བར་སྣང་ཁམས་ཀུན་གང་།།ཕྲིན་ལས་གློག་དམར་གནམ་སའི་མཚམས་ནས་འཁྱུག།དགྲ་བགེགས་ཀླད་ཁྲག་ཐལ་བའི་རྡུལ་དུ་བསྒྱུར།།ཕན་བདེའི་འཇའ་འོད་ཀློང་ན་ཀུན་ཀྱང་གཟིམས།།ཞེས་པ་རབ་གནས་ས་ཕག་སྣྲོན་ཟླའི་ཉ་ལ་དགེ་བཤེས་མིང་ཆེན་ཞིག་གིས་མཁན་ཆེན་བླ་མ་དཔལ་དགྱེས་པ་རྡོ་རྗེ་ཟེར་བའི་དོན་ཅི་ཡིན་ནམ་ཞེས་པའི་ལན་དུ་ཨེ་ཝཾ་ཀུན་བཟང་ཆོས་གླིང་ནས་ཨེ་མ་ཧོས་བདེན་གཏམ་གླུ་རུ་བླངས་པར་དགེའོ།། །།