ངས་༧སྐྱབས་མགོན་རིན་པོ་ཆེ་བསྟན་བཤིག་རེད་ཅེས་ཞུས་མེད།
ངས་༧སྐྱབས་མགོན་རིན་པོ་ཆེ་བསྟན་བཤིག་རེད་ཅེས་ཞུས་མེད། སྤྲུལ་སྐུ་ཨོ་རྒྱན་སྟོབས་རྒྱལ་ལ་ཉེ་ཆར་བྱུང་བའི་གླེང་རྙོག་སྐོར་གྱི་བཅར་འདྲི་ཞུས་པ། དྲི་བ། ཉེ་བའི་ཆར་རིན་པོ་ཆེས་དྲ་ཐོག་ནས་གསང་སྔགས་ཀྱི་དབང་ཆེན་གནང་ན་མི་འགྲིག་པ་དང་། ལྷག་པར་དུ་༧གོང་ས་༧སྐྱབས་མགོན་ཆེན་པོ་མཆོག་ལ་བསྟན་པ་བཤིག་པའི་སྟ་རེ་ངོ་མ་དེ་བཟོ་གི་ཡོད་རེད་ཅེས་གསུངས་པ་དེའི་རྒྱུ་མཚན་དང་རྒྱབ་ལྗོངས་གང་ལ་བརྟེན་ནས་གསུངས་པ་ཡིན། དེའི་སྐོར་གསལ་བཤད་ཅིག་གནང་རོགས། ལན། ངས་དེ་ལབ་པ་ཡིན། དེ་ལྟར་ལབ་དགོས་པའི་རྒྱུ་མཚན་ནི་ངའི་མི་ཚེའི་ནང་ལ་མདོ་སྔགས་གཉིས་ལ་སློབ་སྦྱོང་གང་འཚམ་ཞིག་བྱས་པ་རེད། མདོ་སྔགས་གཉིས་ཀྱི་ནང་ནས་ཀྱང་སྔགས་ཀྱི་སློབ་སྦྱོང་དེ་རྒྱུན་རིང་ཙམ་བྱས་པ་རེད། རྒྱུད་སྡེ་དང་སྒྲུབ་སྡེ་གཉིས་ཀྱི་ནང་ནས་ཀྱང་གཙོ་བོ་རྒྱུད་སྡེ་ལ་ཐོས་བསམ་བྱས་པ་རེད། ཕར་ཡང་རྒྱུད་སྡེ་བཤད་མྱོང་། དེ་ཡིན་དུས་ཉེ་ཆར་དྲ་རྒྱའི་བརྒྱུད་ལམ་ནང་ནས་༧སྐྱབས་མགོན་རིན་པོ་ཆེས་དྲ་རྒྱ་བརྒྱུད་ནས་ཐུགས་རྗེ་ཆེན་པོའི་བཀའ་དབང་། སྔོན་འགྲོ་དང་དངོས་གཞི་གཉིས་ཀ་ཞག་པོ་གཉིས་ཀྱི་རིང་ལ་གནང་གི་རེད་ཅེས་ཐོས་སོང་། དེ་ཐོས་པ་དང་སེམས་པ་བདེ་པོ་མ་བྱུང་། རྒྱུ་མཚན་གང་ཡིན་ཞེ་ན་རྒྱུད་ཀྱི་དགོངས་པ་དང་མཐུན་གྱི་མ་རེད་བསམ་སོང་། མི་མཐུན་པའི་སྒྲུབ་བྱེད་མང་པོ་འགོད་རྒྱུ་ཡོད་ཀྱང་། དུས་ཚོད་ཐུང་ཐུང་ནང་ལ་ཞུ་གི་མིན་ལ། འདིར་ཞུ་དགོས་པའི་རྒྱུ་མཚན་ཡང་མི་འདུག ངས་༧སྐྱབས་མགོན་རིན་པོ་ཆེ་བསྟན་བཤིག་རེད་ཅེས་ཞུས་མེད། གང་བཤད་པ་དེར་བསྐྱར་དུ་གཟབ་གཟབ་བྱས་ནས་ཉོན་དང་ཧ་གོ་གི་རེད། དེ་སྔོན་༧སྐྱབས་མགོན་རིན་པོ་ཆེས་དབང་ཆེན་གྱི་རིགས་དྲ་རྒྱ་བརྒྱུད་ནས་བསྩལ་སྲོལ་ཡོད་པ་དེ་འདྲ་ངས་ཤེས་ཀྱི་མེད། དེ་ང་རང་གིས་མ་ཤེས་པ་ཡིན་གྱི་རེད། དྲ་རྒྱའི་བརྒྱུད་ནས་དབང་ཆེན་ཐོག་མ་བསྩལ་ཡོང་དུས། དྲ་རྒྱ་བརྒྱུད་ནས་དབང་ཆེན་སྐུར་མཁན་དེ་འདྲ་བྱུང་བ་ཡིན་ན། དེའི་རིགས་ཐམས་ཅད་བསྟན་པ་བཤིག་པའི་སྟ་རེ་རེད་འགྲོ་གི་རེད་ཅེས་ངས་དེ་ལབ་པ་ཡིན། དེ་ལ་འགྲེལ་བཤད་ཅིག་མ་ཞུས་ན་གོ་གི་ཡོད་ས་མ་རེད། བསྟན་པ་འཛིན་ཞེས་པ་དེ་ཡང་གང་ཟག་གིས་འཛིན་དགོས་པ་དང་། བསྟན་པ་བཤིག་ཅེས་པ་དེ་ཡང་གང་ཟག་གིས་བཤིག་དགོས་པ་རེད། དྲ་རྒྱའི་ནང་ནས་དབང་ཆེན་གྱི་རིགས་བསྐུར་བ་ཡིན་ན་རྒྱུད་སྡེ་དང་མཐུན་གྱི་མ་རེད། དེ་ཡིན་དུས་དེ་ལྟར་གནང་མཁན་ཐམས་ཅད་ཀྱི་བསྟན་པ་བཤིག་པའི་ལག་ཆ་ལྟ་བུའམ། ཤོད་རྒྱུན་དུ་བསྟན་པ་བཤིག་པའི་སྟ་རེ་ལྟ་བུ་དེ་དྲ་རྒྱ་བརྒྱུད་ནས་དབང་སྐུར་རྒྱུ་དེ་ཆགས་འགྲོ་གི་རེད། ༧སྐྱབས་མགོན་རིན་པོ་ཆེ་བསྟན་བཤིག་རེད་ཅེས་ནམ་ཡང་བསམ་གྱི་ཡང་མེད་ལ། ལབ་ཀྱི་ཡང་མ་བྱུང་། ༧སྐྱབས་མགོན་རིན་པོ་ཆེ་བོད་བརྒྱུད་ནང་བསྟན་གྱི་མིག་དཔེ་བལྟ་ས་རེད། དྲ་རྒྱ་བརྒྱུད་ནས་དབང་བསྩལ་དུས། མ་འོངས་པར་སྟག་མཆོངས་སར་ཝ་མཆོངས། ཝ་ལུ་མའི་སྐེད་ཚིགས་བུད་ཅེས་ཁམས་པ་ལ་དཔེ་ཞིག་ཡོད་པ་རེད། དེ་ལྟ་བུ་བྱས་ན་༧སྐྱབས་མགོན་རིན་པོ་ཆེས་ཀྱང་དྲ་རྒྱ་བརྒྱུད་ནས་དབང་བསྐུར་གྱི་ཡོད་པ་རེད། ངས་ཀྱང་སྐུར་གྱི་ཡིན་ཞེས་དྲ་རྒྱ་བརྒྱུད་ནས་དབང་མང་པོ་སྐུར་མཁན་རྙིང་མ།…
མི་ཕམ་རིན་པོ་ཆེའི་ཐུན་མིན་གསང་བའི་རྣམ་ཐར།
མི་ཕམ་རིན་པོ་ཆེའི་ཐུན་མིན་གསང་བའི་རྣམ་ཐར།དིལ་མགོའི་མཁྱེན་བརྩེས་མཛད། སྤྱིར་སྐུ་གསུང་ཐུགས་ཀྱི་གསང་བ་བསམ་མི་ཁྱབ་པའི་སྤང་རྟོོགས་ཀྱི་ཡོན་ཏན་ཟབ་མོའི་མཐའ་ནི་སོ་སོའི་སྐྱེ་བོ་དག་གི་ལྟ་ཅི། འཕགས་ལམ་ཆོས་ཉིད་ཀྱི་བདེན་པ་མངོན་སུམ་གཟིགས་པའི་བྱང་ཆུབ་སེམས་དཔའ་དག་གིས་ཀྱང་མཐའ་དག་བསམ་གྱིས་མི་ཁྱབ་སྟེ་འཇམ་དཔལ་སྒྱུ་འཕྲུལ་དྲ་བའི་རྒྱུད་ཕྱི་མ་ལས། སྟོང་ཉིད་ཅི་ལའང་མ་རེག་ལྷུན་གྱིས་གྲུབ། །དོན་ཀུན་འབྱོར་བས་བླང་དོར་མེད་པ་ཡི། །བདག་ཉིད་རང་བཞིན་བཞག་དང་འཇམ་དཔལ་ཉིད། །བསམ་གྱིས་མི་ཁྱབ་མི་གནས་མི་སེམས་ན། །འཇམ་དཔལ་ཉིད་དང་ཡོན་ཏན་རྫོགས་པར་མཉམ། །ཞེས་དང་གོང་དུའང་མདོ་ཙམ་བསྟན་པས་ཀྱང་ཤེས་པར་ནུས་མོད་འོན་ཀྱང་སྐྱེས་རབས་ལས། བསོད་ནམས་སྟོབས་ཀྱིས་མངོན་པར་འཕགས་གྱུར་ཅིང་། །བློ་གྲོས་རྣམ་པར་དག་པ་དེ་དག་ནི། །རྟགས་ལ་བརྟེན་ནས་མངོན་སུམ་བཞིན་དུ་མཐོང་། །ཇི་ལྟར་དུ་བའི་རྟག་ལས་མེ་མཐོང་བཞིན། །ཞེས་གསུངས་པ་ལྟར་འཕགས་མཆོག་དཔའ་བོ་ཆེན་པོ་རྣམས་ཕྱི་ལུས་ངག་གི་རྟགས་ལས་རྗེས་སུ་དཔག་པས་ཀྱང་ཚུར་མཐོང་བྱིས་པའི་རང་བཞིན་ལས་ཁྱད་པར་དུ་གྱུར་པའི་མངོན་རྟགས་དངོས་ཤུགས་དུ་མས་ཤེས་པར་ནུས་མོད་སྐལ་བཟང་གི་སྐྱེ་བོ་དག་གིས་སྒྲོ་བཀུར་དང་བྲལ་བར་མཐོང་ཆོས་སུ་གྱུར་པའི་སྤང་རྟོགས་ཕྲ་མོས་ཀྱང་ཆུ་ཐིག་གཅིག་མྱོང་བས་རྒྱ་མཚོ་ཆེན་པོའི་རོ་རྟོགས་པ་ནུས་བཞིན་ཆེ་བའི་ཡོན་ཏན་ཕྱོགས་ཙམ་ཤེས་ནུས་པས་ལོ་རྒྱུས་ཁོང་ཐུབ་ལས་བྱུང་བའི་རིགས་འདི་ལྟར་དཀར་མོ་སྟག་ཚང་ནས་བྱམས་པ་ཚད་མེད་ཀྱི་ཏིང་འཛིན་ལ་ཐུགས་གཞོལ་བས་དམྱལ་བའི་སེམས་གྱི་སྡུག་བསྔལ་ལ་དགོངས་ཚེ་ཐུགས་སྐྱོ་ཆེས་པའི་ཡུས་ཀྱིས་བརྣང་སྟེ་གསོལ་ཆས་ཀྱང་ཡི་ག་ལྡོག་ནས་སླར་ཆོས་ཉིད་སྟོང་པའི་དོན་ལ་ཐུགས་ངལ་བསོ་དགོས་པར་བྱུང་བར་གསུངས་པ་དང་། ལབ་རྫུ་འཕྲུལ་ཕུག་པར་མ་ཏིའི་འཇམ་དཔལ་དཀར་པོའི་བསྙེན་དམིགས་ལ་ཐུགས་འཛིན་གནང་བས་སྔགས་ཕྲེང་དང་འཁོར་ལོ་ཧ་ཅང་མྱུར་བར་གསལ་ཐེབས་པས་སྣང་བ་ཐམས་ཅད་ཤིང་རྟའི་འཁོར་ལོ་བཞིན་འཁོར་བའི་ཐུགས་སྣང་དང་། ཐ་མལ་གྱི་སྣང་ཤས་རགས་པ་འགག་སྟེ་གཞུང་ནས་བཤད་པ་ལྟ་བུའི་ཏིང་འཛིན་གྱི་དུས་འདའ་བར་ཞིག་བྱུང་བ་དེ་སྐབས་བླ་མའི་བྱིན་རླབས་ཀྱིས་ཡིན་པ་འདྲ་ཞེས་གསུངས་པ་དང་ཀློང་ཐང་སྒྲོལ་མའི་གཙུག་ལག་ཁང་ལ་ཕྱག་བསྐོར་མཆོད་འབུལ་གནང་བས་རྗེ་བཙུན་འཕགས་མས་ཞལ་བསྟན་ཞིང་ལུང་བསྟན་ཀྱང་སྩལ་བར་གསུངས་པ་དང་། ལར་ཁོ་བོ་མཚམས་ལ་ལོ་མང་དུ་གནས་པའི་ཚེ་གཞུང་སོ་སོར་ནས་བཤད་པའི་བསྐྱེད་རྫོགས་རྩེ་གཅིག་པའི་ཏིང་ངེ་འཛིན་ཁོ་ནའི་ངང་དུ་གནས་པ་ལས། རང་བཞིན་ཡེངས་མ་ལམ་གྱི་བསྙེན་པ་ཕྲེང་སྐོར་གཅིག་ཀྱང་བཟླ་མ་མྱོང་ཞེས་ཞལ་འཕྲོས་སུ་ཕེབས་པ་དང་།ཡང་སྐབས་ཤིག་རྗེ་ཉིད་འཇམ་མགོན་བླ་མ་མཁྱེན་བརྩེའི་མདུན་ཕེབས་པའི་གསུང་གླེང་ལ། ཁྱེད་མཚམས་ལ་བཞུགས་སྐབས་ཉམས་བཞེས་ཅི་འདྲ་མཛད་ཀྱིན་ཡོད་གསུངས་པར། ཕྲན་ནས་སློབ་གཉེར་བྱེད་དུས་དཔྱད་པ་དཔྱིས་ཕྱིན་པ་ཞིག་དང་ཡི་དམ་གྱི་བསྙེན་མཚམས་བྱེད་དུས་བསྐྱེད་རིིམ་མཐར་ཕྱིན་པ་ཞིག་ཨེ་ཐོན་ལྟ་དགོས་པས་བསྐྱེད་རིམ་ལ་གཟབ་གཟབ་བྱེད་ཀྱིན་ཡོད་ཞུས་པས། དེ་ཚོ་དཀའ་མོ་རེད། ཀུན་མཁྱེན་ཆེན་པོའི་ཅི་ཡང་མི་བྱེད་པར་འདུག་རྒྱུ་ཞིག་གསུངས་ཨི་མི་ཡོད་དེ། ཁོ་བོ་ནི་དེ་བཞིན་བྱས་འདུག་པས་སེམས་ངོ་ཟེར་བའི་དཀར་ཤ་དམར་མདངས་ཅན་ཞིག་མ་མཐོང་ཡང་། ད་ཤི་རུང་ཡ་ང་བག་ཚ་རྡུལ་ཙམ་ཡང་མི་འདུག་གསུངས་ནས་བཞད་མོ་མཛད། དེ་བླ་མའི་གདམས་ངག་ཡིན་པར་གོ་རུང་ད་དུང་བསྐྱེད་རིམ་ལ་ནན་ཏན་བྱས་པས་ད་ལྟ་ཉམས་ལྔའི་ནང་གོམས་པའི་ཉམས་དལ་འབབས་ཀྱི་ཆུ་བོ་ལྟ་བུའི་སྐབས་སུ་སླེབ་འདུགད་ཕན་ཞི་གནས་འདིས་སེམས་རྩེ་གཅིག་ཞིག་ཨེ་འགྲུབ་བསམ། ཞི་གནས་ཞིག་འགྲུབ་ན་ལྷག་མཐོང་ནི་ཆུང་ངུའི་དུས་ནས་ཡོད་དར་གསུངས་པ་ལ་དཔག་ན་སྐྱེས་སྦྱངས་ཀྱི་རིགས་སད་པའི་སྟོབས་ཀྱིས་ཐོག་མ་ཉིད་ནས་ཆོས་ཉིད་དགོངས་པའི་གནས་ལུགས་མངོན་སུམ་དུ་གྱུར་པས་རྟོགས་གྲོལ་དུས་མཉམ་གྱི་རིག་པའི་རྩལ་ཤུགས་རྫོགས་པར་ཞལ་གྱིས་བཞེས་པ་ཤེས་ནུས་ཤིང་། སྟག་ཚང་དུ་འཇམ་དཔལ་ཡ་མནྟ་ཀའི་བསྙེན་སྒྲུབ་ཀྱི་སྐབས་སུ་གཞུང་ནས་བཤད་པའི་རྟགས་ཚད་ཐམས་ཅད་དངོས་ཉམས་རྨི་ལམ་དུ་མ་རྫོགས་པ་གཅིག་ཀྱང་མེད་ཅེས་གསུངས་པ་དང་། བཀའ་བརྒྱད་ཀྱི་ལྗགས་བསྙེན་དུས་སུ་ཚེ་བརྒྱད་ཞིག་གི་ནུབ་ནམ་མཁར་ཧེ་རུ་ཀ་ཉིད་ཞི་མཱུ་ཁ་ལེ་ལ་མཁའ་འགྲོ་མ་བྱེ་བ་དུང་ཕྱུར་གྱིས་བསྐོར་བའི་སྣང་སྲིད་མ་མོའི་དཀྱིལ་འཁོར་ཆེན་པོ་ཡོངས་སུ་རྫོགས་པའི་མདུན་དུ་མ་གཅིག་དཔལ་ལྷ་མོ་རེ་མ་ཏི་བྲན་མོའི་ཚུལ་གྱིས་དེ་དག་ལ་གར་སྟབས་ཀྱིས་ཕྱག་འཚལ་བའི་ཚུལ་ཅན་དངོས་སུ་གཟིགས་པས་རེ་སྐོང་གི་གྲུབ་ཐོབ་རིགས་འདུས་དྲག་པོ་རྩལ་གྱི་ལྷ་མོའི་གསོལ་བྱང་ལ་ཁ་སྐོང་བཅས་གནང་བར་གསུངས་པ་དང་། ཡང་དེ་སྐོར་ཞིག་ལ་ཉེ་གནས་བླ་མ་རིན་པོ་ཆེའི་ནང་སྔ་བར་ཞིག་གསོལ་ཇ་བསྣམས་ཏེ་བྱོན་པས་ད་ནང་མཁའ་འགྲོ་མ་ཞིག་གིས་གདངས་འགྱུར་ཤིན་ཏུ་སྙན་པས་ཚིགས་བདུན་གསོལ་འདེབས་ཞིག་དབྱངས་རྟ་ལ་དྲངས་ནས་སོང་བས་ཨེ་ཐོས་གསུངས། མ་ཐོས་ཞུས་པས་ཨ་ཅང་ཀུ་རེ་ཡིན་རྐྱེན་དེའི་དབང་གིས་རྡོ་རྗེ་ཚིགས་བདུན་གྱི་བླ་མའི་རྣལ་འབྱོར་འདི་བྲིས་ཡོད་པས་ཁྱོད་ནས་འདོན་ན་དགོས་པ་ཆེ་བའི་ཚུལ་གསུངས་ཏེ་ཁྲིད་དང་བཅས་རྩལ་བས་བླ་མ་རིན་པོ་ཆེ་འོད་གསལ་ནས་ཀྱང་སྔ་ཕྱིར་ཚིགས་བདུན་གསོལ་འདེབས་འབུམ་ཕྲག་བཅུ་གསུམ་གསུངས་པས་གྲུབ་པའི་རྟག་མཚན་ངོ་མཚར་ཅན་དུ་མ་བྱུང་བ་དང་། ཚིག་བདུན་རྣམ་བཤད་པདྨ་དཀར་པོའང་ཞུ་བསྐུལ་ཡང་ཡང་མཛད་པ་སྐྱེན་འདི་དག་གིས་ཡིན་པར་འདུག་ལ། འཇམ་དཔལ་ཚེ་བདག་གི་ལས་སྦྱོར་གྱི་ཟོར་འཕང་རྗེས་ཤོག་ལོང་ལ་རྗེ་ཉིད་ནས་མེ་མདའི་འཁྲུལ་འཁོར་རྒྱབ་པས་གཏོ་ཁང་མེ་རང་འབར་དུ་སོང་བ་དང་། བཀའ་བརྒྱད་བདེ་གཤེགས་འདུས་པའི་ལས་བྱང་ཆོག་ཁྲིགས་སུ་སྩལ་སྟེ་ཡི་གེ་གཉིས་པ་བླ་མ་རིན་པོ་ཆེ་འོད་གསལ་ནས་ཞལ་བཤུས་གནང་བས་གཟིམས་ཁང་སྐྱིས་ཤུགས་ཀྱི་མེ་རང་འབར་དུ་བྱུང་བ་དང་། སྟག་ཚང་ནས་བླ་མ་པདྨའི་རིམ་གྲོར་ཉང་གཏེར་རྟ་ནག་གི་བཟློག་པ་ཞག་བཞི་མཛད་ནས་གཏོར་རྒྱགས་གནང་བའི་ཟོར་སྣ་གཏད་ཡུལ་གྱི་བྲག་རི་ཞིག་ཡོད་པ་དེ་ལ་མེ་དུད་དཀྲིས་པས་ཕྱི་ཉིན་ཕྱེ་མར་ཞིག་སྟེ་འཐོར་བ་དང་། ཡང་གནས་དེའི་བྲག་རྩེར་ས་དམིགས་ཆེད་བཙལ་གྱིས་སྒྲུབ་ཁང་གསར་བསྐྲུན་གྱི་ས་འདུལ་མཛད་དུ་བྱོན་པས་བྲག་ཁ་ཐོག་བརྩེགས་གསུམ་བཞི་ཡོད་པ་ཞིག་ནས་གློ་བུར་དུ་ལྷུང་བ་ལྟར་མཛད་པ་ཉེ་གནས་བླ་མ་རིན་པོ་ཆེ་ཐུགས་སྐྲག་དངངས་བཅས་འོག་ཏུ་ཕེབས་པས་ཅི་ཡང་མ་ཉེས་པར་སྐྱིལ་ཀྲུང་གིས་བདེ་བར་བཞུགས་པ་དང་སྡེ་དགེའི་སྲས་མོ་སྙུན་ཏེ་བླ་བསླུ་མཛད་པས་བླ་ལུག་ལ་ཐུགས་གཏད་པ་ཙམ་གྱིས་རང་བཞིན་གྱིས་ཁ་བསྐོར་བ་ཀུན་གྱི་མཐོང་སྣང་དུ་བྱུང་བ་དང་། སྨད་ཤོད་ཕྱོགས་སུ་ཐན་པས་ཤིན་ཏུ་ཉེན་སྟེ་སྡེ་དགེ་མ་ཡུམ་ནས་གསུངས་བསྐུལ་གནང་བ་ལྟར་སེ་ངུ་གཡུ་མཚོར་ཆར་འབེབ་བྱོན་ནས་ད་ལྟ་བཀའ་འབུམ་དུ་གསལ་བའི་ཆར་ཆོག་གི་ལས་སྦྱོར་མཛད་པ་བརྩམ་ནས་ཆར་གྱི་རྒྱུན་ཆེས་དྲགས་པས་རི་རྩེར་ཁ་བ་ཆགས་ཏེེ་བྱོན་བཞུད་ཀྱང་དཀའ་ཙམ་བྱུང་བ་དང་། ཡང་སྐྱབས་རྗེ་མཁྱེན་བརྩེ་རིན་པོ་ཆེའི་གསུང་བསྐུལ་གྱིས་སྡེ་དགེ་མ་ཡུམ་དང་། དཔལ་སྤུང་ནས་སི་ཏུ་མཆོག་སྤྲུལ་གྱི་སྦྱིན་བདག་གིས་འཇམ་དཔལ་སྨྲ་སེང་གི་རིལ་བུ་སྒྲུབ་གནང་མཛད་པས་རིལ་བུ་འཕེལ་སྟེ་དཀྱིལ་འཁོར་གྱི་སྟེང་ཁེབས་པ་ཙམ་གྱི་མངོན་རྟགས་གསལ་བ་དང་། རུ་དམ་ནགས་ཆུང་ཡང་དབེན་པདྨ་བསམ་གཏན་བདེ་ལྡན་གླིང་དུ་བཞུགས་སྐབས་རྒྱལ་པོའི་ཆོ་འཕྲུལ་གྱིས་གངས་ཆེན་པོ་བབས་པ་ལ་སྔགས་དང་ཏིང་འཛིན་གྱིས་ཞག་བདུན་དུ་གཟིར་ཏེེ་བེ་ཅོན་གྱིས་བརྡུང་བས་གཙིགས་ལ་ཕབ་ནས་དེའི་དུས་ཀྱི་སྒྲུབ་གནང་གི་གཤིན་རྗེའི་ཕྱག་མཚན་བེ་ཅོན་གང་དུ་མཆིས་པའི་དཔག་ཚད་ཚུན་རྒྱལ་འགོང་ཉེ་མི་ནུས་པར་གསུངས་པ་དང་། ཚེ་སྒྲུབ་གསང་བ་འདུས་པའི་བསྙེན་བཟླས་སྐབས་བུམ་པའི་བདུད་རྩི་དང་སྨན་རཀ་འཕྱུར་སྟེ་དཀྱིལ་འཁོར་གྱི་སྟེང་མེར་གྱིས་ཁྱབ་པ་བྱུང་ཞིང་།…
ཀ་རྩོམ་བདེན་པའི་རྒྱལ་དར།།
ཀ་རྩོམ་བདེན་པའི་རྒྱལ་དར།།ན་མོ་གུ་རུ་ཨོ་ཌཱི་ཡ་ན་བི་ཛ་ཡེ།།ཨོ་རྒྱན་སྟོབས་རྒྱལ་ལ་ཁག་ཅིག་མི་འདུག།ཨེ་ཙི་ཕྱོགས་རིས་ཀྱི་ཨ་མདོའི་ཕོ་སར།།ཨུ་ཚུགས་དེ་འདྲ་ཡིས་གང་ཡང་མི་ཕན།།ཨི་ལྡན་དབྱངས་གསལ་གྱི་བདེན་ཁ་གྲགས་སོང་།།ཨ་ཏིའི་ཟབ་དོན་ལ་གོམས་པའི་བླ་མ།།ཧ་ཤང་ཚུལ་འཆོས་དང་གཏན་ནས་མི་འདྲ།།ས་སྟེང་གོ་ལ་འདི་ཆེ་ཆེ་མིན་ཕྱིར།།ཤ་ཚའི་གྲོས་འདེབས་དེ་རླུང་ལ་མ་བསྐུར།།ལ་རྒྱའི་སེམས་པ་དེ་ཆོས་ལ་དཀར་ན།།ར་རུའི་གདུག་རྩུབ་དེ་ནང་ལ་མ་བསྐོར།།ཡ་རབས་དྲང་བདེན་ལ་ངོ་སོ་བསྟོད་དེ།།འ་ཅག་དབང་རྒྱུད་ལ་རྩེད་ཆས་མ་བྱེད།།ཟ་གོས་ལྟོ་ཆེད་དུ་དམ་ཆོས་བཙོང་ན།།ཞྭ་མདོག་ཁྱད་པར་གྱིས་གྲུབ་མཐའ་མི་ཟིན།།ཝ་ལེར་བསམ་ཤེས་ཤིག་སྙིང་ལ་མཆིས་ན།།ཛ་ཡའི་བསྟན་པ་ལ་གཅེས་སྐྱོང་གནང་རོགས།།ཚ་གྲང་དམྱལ་ཁམས་ལ་བག་ཡོད་མཛད་ནས།།ཙ་ཀ་ལི་དབང་གི་དྲྭ་རྩེད་བཤམས་ན།།མ་སྦས་གསང་བསྒྲགས་ཀྱི་དམ་ཚིག་ཉམས་ཕྱིར།།བ་གླང་རྟུལ་ཞུགས་ཀྱི་གྲལ་དུ་མ་ཞུགས།།ཕ་རོལ་ཕན་སེམས་ཀྱི་ཆོས་བཤད་ཡིན་ན།།པ་ར་མི་ཏ་ཙམ་ཐད་གཏོང་ལོས་ཆོག།ན་རྒ་འཆི་ཆོས་ཀྱི་སློབ་གསོ་ལོས་བྱེད།།ད་དུང་བྱམས་བརྩེ་སོགས་གླེང་ན་ཆོག་ཀི།།ཐ་དག་དག་སྣང་དང་རིས་མེད་ཡིན་ཡང་།།ཏཱ་ལའི་ལོ་མ་ལ་མི་བསམ་མི་དགོས།།ཉ་ཉུང་མཉམ་བསྲེ་ཡི་ལས་འགུལ་འདི་རིགས།།ཇ་འཐུང་ངོ་དགའ་ཡི་ཁྲབ་སྟོན་ཙམ་མོ།།ཆ་ལུགས་ཀུན་བཟང་གི་དགོངས་པ་ཤེས་ན།།ཅ་ཅོ་འབྲེལ་མེད་ཀྱི་གསང་ཆེན་མ་བསླད།།ང་རྒྱལ་རྣམ་དག་གི་ལྟ་དགོངས་ལྡན་ན།།ག་པར་ཕྱིན་ཡང་ནི་ཀུན་བཟང་ཞིང་ཁམས།།ཁ་དོག་དཀར་དམར་ལ་མགོ་བོ་མ་འཁོར།།ཀ་དག་རྒྱུད་པ་ལ་ཐུགས་བསམ་བཞེས་རོགས།།ཀ་བ་བུམ་པ་ཡི་མཚན་ཉིད་ལྡན་བཞིན།།ཀ་གཙང་དམ་གཙང་གིས་དབང་ཆོས་གནང་རོགས།།ཞེས་པ་རབ་གནས་ལྕགས་བྱིའི་ས་ག་ཟླ་བའི་རྒྱལ་ཕུར་འགྲུབ་སྦྱོར་ལ་ཨ་མདོ་ཕོ་སར་ཚོ་ལ་གང་ཤར་དུ་—————ཨེ་མ་ཧོས
ཞི་གནས་དཔེ་རིས་ཀྱི་མཚོན་དོན་དང་ཞི་གནས་བཞག་ཐབས་དགུའི་སྐོར།
ཞི་གནས་དཔེ་རིས་ཀྱི་མཚོན་དོན་དང་ཞི་གནས་བཞག་ཐབས་དགུའི་སྐོར།འདི་ལ་ཞི་གནས་ཀྱི་རྒྱུ་ཚོགས་དྲུག་ལ་གནས་པའི་སྒོམ་པ་པོས། ལེ་ལོ་དང་། གདམས་ངག་བརྗེད་པ། བྱིང་རྒོད། འདུ་མི་བྱེད་པ། འདུ་བྱེད་པ་སྟེ་ཏིང་ངེ་འཛིན་གྱི་ཉེས་པ་རྣམས་ཤེས་པར་བྱས་ནས་ཉེས་པ་དང་པོའ་ིགཉེན་པོ་དད་པ། འདུན་པ། ཤིན་སྦྱངས། རྩོལ་བ་བཞི། གཉིས་པའི་གཉེན་པོར་དྲན་པ། གསུམ་པའི་གཉེན་པོར་ཤེས་བཞིན། བཞི་པའི་གཉེན་པོར་འདུ་བྱེད་པ། ལྔ་པའི་གཉེན་པོར་བཏང་སྙོམས་ཏེ་གཉེན་པོ་འདུ་བྱེད་བརྒྱད་བསྟེན་ནས་སྒྲུབ་དགོས་ལ། དེ་དག་ཀྱང་སེམས་གནས་དགུར་ཕྱེ་བ་དང་། དེ་རྣམས་སྟོབས་དྲུག་གིས་འགྲུབ་ལུགས་དང་། ཡིད་བྱེད་བཞིར་སྡུད་ཚུལ་རྣམས་ཤེས་ན་ཏིང་ངེ་འཛིན་སྐྱོན་མེད་བདེ་བླག་ཏུ་འགྲུབ་པར་གསུངས་པས་གླང་པོ་ཆེ་མ་དུལ་བ་འདུལ་བའི་དཔེ་དང་སྦྱར་ཏེ་གོང་དུ་རི་མོ་བཀོད་པ་རྣམས་ཀྱི་མཚོན་དོན་རགས་རིམ་འགོད་པ་ལ།ལམ་གྱི་ཁུགས་པ་དྲུག་གིས་སྟོབས་དྲུག་མཚོན་པ་དང་། ཞགས་པས་དྲན་པ་དང། ལྕགས་ཀྱུས་ཤེས་བཞིན་མཚོན། སེམས་གནས་དང་པོ་ནས་བདུན་པའི་བར་མེ་ལྕེ་ཡོད་མེད་དང་། ཆེ་ཆུང་གི་ཁྱད་པར་བཀོད་པས་ནི། དྲན་ཤེས་ཀྱི་འབད་རྩོལ་ཆེ་ཆུང་གི་ཁྱད་པར་མཚོན། གླང་པོས་སེམས་དང་། ཁ་དོག་ནག་པས་བྱིང་བ་དང། སྤྲེའུས་འཕྲོ་བ་དང་། མདོག་ནག་པས་རྒོད་པ་དང། འདོད་ཡོན་ལྔས་ནི་རྒོད་པའི་ཡུལ་མཚོན།ཁུགས་པ་གཉིས་པ་ནས་བཟུང་གླང་པོའ་ིམགོ་ནས་དཀར་ཆ་རིམ་གྱིས་འཕེལ་བ་དེས་གསལ་ཆ་དང་། གནས་ཆ་ཇེ་འཕེལ་དུ་འགྲོ་བ་མཚོན།ཁུགས་པ་གསུམ་པར་རི་བོང་ཁ་དོག་ནག་པས་བྱིང་བ་ཕྲ་མོ་མཚོན་པས། འདིར་བྱིང་བ་ཕྲ་རགས་སོ་སོར་ངོས་ཟིན་པ་མཚོན། ཕྱི་མིག་བལྟ་བ་ནི། སེམས་གཡེང་བའོ། །ཁུགས་པ་བཞི་པར་སྤྲེའུ་རྗེས་ལ་ལུས་པས་རྒོད་པ་སྔོན་ལ་སྐྱེ་བའི་ནུས་པ་ཉམས་པ་མཚོན། སྤྲེའུས་ལྗོན་ཤིང་ལས་འབྲས་བུ་ལེན་པ་ནི་ཞི་གནས་སྒྲུབ་སྐབས་སེམས་དགེ་བའི་ཕྱོགས་ལ་འཕྲོ་བ་བར་གཅོད་ཡིན་པས་འགོག་དགོས་ཀྱང་སྐབས་གཞན་དུ་མི་དགོས་པར་དོན་གཉིས་ཀྱི་འབྲས་བུ་ལེན་པ་མཚོན།ཁུགས་པ་ལྔ་པར་གླང་པོའི་ནག་ཆ་ཟད་ཅིང་སྤྲེའུ་དང་བྲལ་བས་ནི་ཐོག་མར་དྲན་ཤེས་ཅུང་ཟད་བསྟེན་ན་བྱིང་རྒོད་དང་འཕྲོ་བས་བར་དུ་གཅོད་མི་ནུས་པར་ཏིང་འཛིན་ཆད་མེད་དུ་འཇུག་པ་མཚོན་ནོ།།ཞི་གནས་བཞག་ཐབས་དགུའི་སྐོར།བསམ་གཏན་ལ་ཞི་གནས་དང་། ལྷག་མཐོང་༼ལྷག་པར་དུ་མཐོང་བའི་དོན༽ཟེར་བ་གཉིས་སུ་དབྱེ་ནས་བཤད་ཀྱི་ཡོད། ཞི་གནས་ཟེར་བ་ནི་སྤྱིར་ན་རང་སེམས་ཞི་བར་གནས་པའི་དོན་ཡིན་ཏེ། རང་གི་སེམས་ཕྱི་རོལ་ཡུལ་ལ་གཡེངས་བསྡད་པ་དེ་བཀག་ནས་ཉོན་མོངས་དུག་གསུམ་དེ་དག་ མེད་པ་ཆགས་ཏེ་རང་གི་བསམ་བློ་གཏོང་ས་དེ་དགེ་བའི་དམིགས་པ་ལ་བསམ་བློ་གང་འདྲ་ ཞིག་གཏོང་གིན་ཡོད་ནའང་དེའི་སྟེང་དུ་རང་གི་སེམས་ཞི་བར་གནས་ཐུབ་པ་དེ་ལ་ཟེར་ ཞིང་། བོད་དུ་གྲུབ་མཐའ་ཁག་གི་གསུང་ཚུལ་འདྲ་མིན་ཡོད་ཀྱང་། རྗེ་བླ་མ་ཙོང་ཁ་པའི་གསུང་སྲོལ་ལྟར་བཀོད་ན།…
རྗེ་བཙུན་འཕགས་མ་སྒྲོལ་མ་ཉེར་གཅིག་ལ་ཕྱག་འཚལ་
རྗེ་བཙུན་འཕགས་མ་སྒྲོལ་མ་ཉེར་གཅིག་ལ་ཕྱག་འཚལ་ཨེ་ཝཾ་ཉི་ཟླའི་སྣང་བ་ཞེས་བྱ་བ།།ན་མོ་མ་ཧཱ་གུ་རུ་ཨརྱ་ཏཱ་ར་ཡེ།།ཀ་དག་སྤྲོས་བྲལ་འོད་གསལ་འདུས་མ་བྱས།།ལྷུན་གྲུབ་ཡེ་ཤེས་སྒྱུ་འཕྲུལ་དྲྭ་བ་ལས།།ཨེ་ཝཾ་ཉི་ཟླའི་སྣང་བ་སྒྲོལ་མའི་དཔལ།།འཁོར་འདས་རང་ངོ་ཤེས་པས་ཕྱག་འཚལ་ལོ།།ཨོཾ་ཨཱཿཧཱུཾ་ཧྲཱིཿགསང་གསུམ་ཕྲིན་ལས་དཔལ།།སྒོ་གསུམ་བག་ཆགས་མ་ལུས་སེལ་བའི་མགོན།།འཇིགས་པ་ཀུན་སྐྱོབ་ཡུམ་ཆེན་ཕ་རོལ་ཕྱིན།།རྗེ་བཙུན་འཕགས་མ་སྒྲོལ་མ་ཕྱག་འཚལ་ལོ།།༼༡༽སྤྱན་རས་གཟིགས་དབང་ཐུགས་རྗེ་ཚད་མེད་དག།ཆུ་སྐྱེས་གེ་སར་བྱེ་བའི་བྱིན་རླབས་རྫོགས།།སྐད་ཅིག་གློག་ལྟར་འགྲོ་ཁམས་ཡོངས་སུ་སྨིན།།སྒྲོལ་མ་མྱུར་མ་དཔའ་མོར་ཕྱག་འཚལ་ལོ།།༼༢༽དྲི་མེད་སྟོན་ཀའི་ཟླ་བ་དཀར་པོའི་དཔལ།།ཉ་གང་བརྒྱ་ཕྲག་བརྩེགས་པའི་ཞལ་བཟང་མ།།སྐར་མ་སྟོང་ཕྲག་ཚོགས་པའི་འོད་རབ་འབར།།རིག་འཛིན་དབྱངས་ཅན་ལྷ་མོར་ཕྱག་འཚལ་ལོ།།༼༣༽གསེར་སྔོ་ཆུ་སྐྱེས་བཞད་པའི་པདྨའི་ཕྱག།སྦྱིན་པ་བརྩོན་འགྲུས་དཀའ་ཐུབ་རབ་ཞིའི་དཔལ།།བཟོད་པ་བསམ་གཏན་སྤྱོད་ཡུལ་ཉིད་མའི་སྐུ།།བསོད་ནམས་མཆོག་གཏེར་མ་ལ་ཕྱག་འཚལ་ལོ།།༼༤༽སྣང་བ་མཐའ་ཡས་རྒྱལ་བའི་སྤྱི་གཙུག་ཅན།།ཕྱོགས་དུས་རྒྱལ་ཀུན་སྤྱོད་པའི་ཕ་རོལ་ཕྱིན།།རྒྱལ་སྲས་མ་ལུས་བསྟེན་པའི་མ་མ་ཉིད།།གཙུག་ཏོར་རྣམ་རྒྱལ་མ་ལ་ཕྱག་འཚལ་ལོ།།༼༥༽ཏུཏྟཱ་ར་ཞེས་ཧཱུྃ་གི་ཡི་གེའི་དཔལ།།འདོད་ཕྱོགས་ནམ་མཁའི་འཁོར་འདས་ཟིལ་གྱིས་མནན།།སྣང་སྲིད་མ་ལུས་དབང་དུ་འགུགས་ནུས་མ།།འཕགས་མ་རིག་བྱེད་ལྷ་མོར་ཕྱག་འཚལ་ལོ།།༼༦༽གཙང་རིས་བརྒྱ་བྱིན་མེ་ལྷ་ཚངས་པ་སོགས།།ལྷ་དབང་འབྱུང་པོ་རོ་ལངས་དྲི་ཟ་དང་།།གནོད་སྦྱིན་ཚོགས་ཀྱིས་མདུན་ནས་རབ་བསྟོད་མ།།གདོན་རིགས་འཇིགས་བྱེད་ཆེན་མོར་ཕྱག་འཚལ་ལོ།།༼༧༽ཏྲཊ་ཕཊ་སྔགས་ཀྱིས་ཕ་རོལ་འཁྲུལ་འཁོར་འཇོམས།།གཡས་བསྐུམ་གཡོན་བརྐྱང་ཞབས་ཀྱིས་གཟུང་འཛིན་མནན།།མཐུ་སྟོབས་མེ་འབར་འཁྲུགས་པ་ཤིན་ཏུ་འབར།།གཞན་གྱིས་མི་ཐུབ་མ་ལ་ཕྱག་འཚལ་ལོ།།༼༨༽ཏུ་རེ་འཇིགས་པས་བདུད་དཔུང་རྣམ་པར་འཇོམས།།ཆུ་སྐྱེས་ཞལ་ནི་ཁྲོ་གཉེར་ལྡན་མཛད་པའི།།དགྲ་བོ་ཐམས་ཅད་མ་ལུས་གསོད་མཛད་མ།།གཞན་གྱི་མི་ཐུབ་རྒྱལ་མོར་ཕྱག་འཚལ་ལོ།།༼༩༽དཀོན་མཆོག་རིན་ཆེན་གསུམ་མཚོན་ཕྱག་རྒྱའི་གར།།སོར་མོས་ཐུགས་ཀར་རྣམ་པར་བརྒྱན་མའི་དཔལ།།ཕྱོགས་དུས་འོད་ཚོགས་མ་ལུས་སྨིན་མཛད་མ།།སེང་ལྡེང་ནགས་ཀྱི་སྒྲོལ་མ་ཕྱག་འཚལ་ལོ།།༼༡༠༽རབ་དགའ་བརྗིད་པའི་དབུ་རྒྱན་འོད་ཕྲེང་སྤེལ།།བཞད་པ་རབ་བཞད་ཏུཏྟཱ་ར་ཡིས་མཚན།།བདུད་དང་འཇིག་རྟེན་མ་ལུས་དབང་མཛད་མ།།འཇིག་རྟེན་གསུམ་རྒྱལ་མ་ལ་ཕྱག་འཚལ་ལོ།།༼༡༡༽ས་གཞི་སྐྱོང་བའི་ཚོགས་ཀྱིས་ཐམས་ཅད་འགུགས།།མཁྱེན་བརྩེ་ནུས་མའི་ཁྲོ་གཉེར་གཡོ་བའི་དཔལ།།ཡི་གེ་ཧཱུྃ་གིས་ཕོངས་པ་ཀུན་སེལ་མ།།དབུལ་སེལ་ནོར་སྟེར་མ་ལ་ཕྱག་འཚལ་ལོ།།༼༡༢༽ཟླ་དུམ་དབུ་བརྒྱན་བཀྲག་མདངས་ཤིན་ཏུ་འབར།།རལ་པའི་ཁྲོད་ནས་འོད་དཔག་མེད་པས་མཛེས།།ཐུགས་རྗེ་རྟག་ཏུ་འོད་རབ་འགྱེད་མཛད་མ།།བཀྲ་ཤིས་དོན་བྱེད་མ་ལ་ཕྱག་འཚལ་ལོ།།༼༡༣༽བསྐལ་ཐའི་མེ་ལྟར་འབར་བའི་ཕྲེང་དབུས་གནས།།གཡས་བརྐྱང་གཡོན་བསྐུམ་ཀུན་ནས་བསྐོར་དགའི་དཔལ།།འཁྲུལ་སྣང་དགྲ་དཔུང་རྣམ་པར་འཇོམས་མཛད་མ།།གནོད་བྱེད་དགྲ་དཔུང་འཇོམས་ལ་ཕྱག་འཚལ་ལོ།།༼༡༤༽ས་གཞིའི་ངོས་ལ་ཕྱག་རྒྱ་མཐིལ་གྱིས་བསྣུན།།ཞབས་ཀྱིས་བརྡུང་ཞིང་ཁྲོ་གཉེར་ཅན་མཛད་དཔལ།།ཡི་གེ་ཧཱུྃ་གིས་རིམ་བདུན་རྣམས་འགེམས་མ།།དྲག་མོ་ཁྲོ་གཉེར་ཅན་ལ་ཕྱག་འཚལ་ལོ།།༼༡༥༽བདེ་དགེ་མྱ་ངན་འདས་ཞི་སྤྱོད་ཡུལ་ཉིད།།སྭཱ་ཧཱ་ཨོཾ་དང་ཡང་དག་རབ་ལྡན་པས།།སྡིག་པ་ཆེན་པོའི་ཚོགས་ཀུན་འཇོམས་མཛད་མ།།འཕགས་མ་རབ་ཞི་མ་ལ་ཕྱག་འཚལ་ལོ།།༼༡༦༽ཀུན་ནས་བསྐོར་རབ་དགའ་བའི་མཐུས།།སྔགས་བཅུ་བཀོད་པས་ལས་ཉོན་དགྲ་ལུས་འགེམས།།རིག་པ་ཧཱུྃ་ལས་སྒྲོལ་མ་དེ་ཉིད་མ།།རིག་སྔགས་སྟོབས་འཇོམས་ནུས་མ་ཕྱག་འཚལ་ལོ།།༼༡༧༽ཏུ་རེའི་ཞབས་བརྡབས་ཧཱུྃ་གི་ས་བོན་ཉིད།།རི་རབ་མནྡྷར་དང་འབིགས་བྱེད་སོགས།།འཇིག་རྟེན་གསུམ་རྣམས་གཡོ་བའི་སྒྱུ་འཕྲུལ་མ།།གཟུངས་སྔགས་དཔག་མེད་གནོན་མ་ཕྱག་འཚལ་ལོ།།༼༡༨༽ལྷ་མཚོ་རྣམ་པའི་རི་དྭགས་རྟགས་ཅན་བསྣམས།།ཏཱ་ར་གཉིས་བརྗོད་ཕཊ་ཀྱི་ཡི་གེས་བརྒྱན།།དུག་རྣམས་མ་ལུས་སེལ་མཛད་རྗེ་བཙུན་མ།།བཟླས་སྔགས་རྨ་བྱ་ཆེན་མོ་ཕྱག་འཚལ་ལོ།།༼༡༩༽ལྷ་ཚོགས་རྒྱལ་དང་མིའམ་ཅིས་བསྟེན།།ཀུན་ནས་གོ་ཆ་དགའ་བའི་བརྗིད་པའི་དཔལ།།རྩོད་དང་རྨི་ལམ་ངན་པ་ཀུན་སེལ་མ།།བཅོམ་ལྡན་གདུགས་དཀར་མོ་ལ་ཕྱག་འཚལ་ལོ།།༼༢༠༽ཉི་ཟླ་རྒྱས་པའི་སྤྱན་གཉིས་འོད་རབ་གསལ།།ཧ་ར་གཉིས་བརྗོད་ཏུཏྟཱ་ར་ཡི་དཔལ།།ཤིན་ཏུ་དྲག་པོའི་རིམས་ནད་ཀུན་སེལ་མ།།རི་ཁྲོད་ལོ་གྱོན་མ་ལ་ཕྱག་འཚལ་ལོ།།༼༢༡༽འགྲོ་རྣམས་དེ་ཉིད་གསུམ་་ལ་ལེགས་པར་བཀོད།།ཞི་མཐུ་ཡང་དག་ལྡན་པའི་ཏུ་རེའི་དཔལ།།གདོན་དང་རོ་ལོངས་གནོད་སྦྱིན་ཚོགས་འཇོམས་མ།།ལྷ་མོ་འོད་ཟེར་ཅན་མ་ལ་ཕྱག་འཚལ་ལོ།།རྩ་སྔགས་བསྟོད་པ་ཕྱག་འཚལ་ཉེར་གཅིག་གི།།ངོ་བོ་རང་བཞིན་ཐུགས་རྗེའི་ཕྲིན་ལས་ཀུན།།རྒྱལ་ཡུམ་སྒྲོལ་མའི་རྒྱུད་དོན་བཞིན་བསྟོད་པས།།འགྲོ་ཀུན་ཕན་བདེའི་དོན་ཀུན་ལྷུན་གྲུབ་ཤོག།སྣང་བ་ཐམས་ཅད་སྤྲུལ་པའི་སྐུ་རུ་དག།སྒྲ་གྲགས་མ་ལུས་ལོངས་སྤྱོད་ཡོངས་སུ་རྫོགས།།དྲན་རྟོག་རིག་པ་ཆོས་སྐུའི་རོལ་བར་སྨིན།།གསང་གསུམ་ཀུན་བཟང་ངོ་བོར་སངས་རྒྱས་ཤོག།ཅེས་པ་འདི་ཡང་རབ་གནས་ལྕགས་བྱིའི་ས་ག་ཟླ་བའི་དཀར་ཕྱོགས་རྒྱལ་བ་དང་པོར་༧སྐྱབས་རྗེ་དམ་པ་དྲི་མེད་གླིང་པ་འམ་༧སྒོ་ཆེན་སྤྲུལ་སྐུ་གསང་སྔགས་བསྟན་འཛིན་རིན་པོ་ཆེས་ངོས་ལ་ཐུགས་བརྩེས་ཆེན་པོས་རྗེ་སྒྲོལ་མའི་གསོལ་འདེབས་དོན་ཀུན་ལྷུན་གྲུབ་གནང་བའི་བྱིན་རླབས་དང་། རྨི་ལམ་བཟང་པོ་དང་གནད་ཡོད་མི་སྣ་འགས་ཡང་ཡང་བསྐུལ་མ་དང་རང་གིས་མི་ཕྱེད་པའི་དད་པས་རྣམ་པར་སྣང་མཛད་ཀྱི་རྒྱུད་ཚིག་དང་མཐུན་པར་བསྟན་དང་འགྲོ་ལ་ཕན་པའི་ཕྱིར་དུ་རིག་འཛིན་དཔལ་དགྱེས་པ་རྡོ་རྗེས་དབྱིན་ཡུལ་ཨེ་ཝཾ་རྫོགས་ཆེན་ཆོས་སྒར་ནས་ཕྱག་འཚལ་བས་དོན་དང་ལྡན་པར་གྱུར་ཅིག་གུ། ཤྲཱིཿསརྦ་ལོ་ཀ་པ་ལ་བི་ཛ་ཡནྟུ
ཞི་གནས་དཔེ་རིས་ཀྱི་མཚོན་དོན་དང་ཞི་གནས་བཞག་ཐབས་དགུའི་སྐོར།
ཞི་གནས་དཔེ་རིས་ཀྱི་མཚོན་དོན་དང་ཞི་གནས་བཞག་ཐབས་དགུའི་སྐོར།འདི་ལ་ཞི་གནས་ཀྱི་རྒྱུ་ཚོགས་དྲུག་ལ་གནས་པའི་སྒོམ་པ་པོས། ལེ་ལོ་དང་། གདམས་ངག་བརྗེད་པ། བྱིང་རྒོད། འདུ་མི་བྱེད་པ། འདུ་བྱེད་པ་སྟེ་ཏིང་ངེ་འཛིན་གྱི་ཉེས་པ་རྣམས་ཤེས་པར་བྱས་ནས་ཉེས་པ་དང་པོའ་ིགཉེན་པོ་དད་པ། འདུན་པ། ཤིན་སྦྱངས། རྩོལ་བ་བཞི། གཉིས་པའི་གཉེན་པོར་དྲན་པ། གསུམ་པའི་གཉེན་པོར་ཤེས་བཞིན། བཞི་པའི་གཉེན་པོར་འདུ་བྱེད་པ། ལྔ་པའི་གཉེན་པོར་བཏང་སྙོམས་ཏེ་གཉེན་པོ་འདུ་བྱེད་བརྒྱད་བསྟེན་ནས་སྒྲུབ་དགོས་ལ། དེ་དག་ཀྱང་སེམས་གནས་དགུར་ཕྱེ་བ་དང་། དེ་རྣམས་སྟོབས་དྲུག་གིས་འགྲུབ་ལུགས་དང་། ཡིད་བྱེད་བཞིར་སྡུད་ཚུལ་རྣམས་ཤེས་ན་ཏིང་ངེ་འཛིན་སྐྱོན་མེད་བདེ་བླག་ཏུ་འགྲུབ་པར་གསུངས་པས་གླང་པོ་ཆེ་མ་དུལ་བ་འདུལ་བའི་དཔེ་དང་སྦྱར་ཏེ་གོང་དུ་རི་མོ་བཀོད་པ་རྣམས་ཀྱི་མཚོན་དོན་རགས་རིམ་འགོད་པ་ལ།ལམ་གྱི་ཁུགས་པ་དྲུག་གིས་སྟོབས་དྲུག་མཚོན་པ་དང་། ཞགས་པས་དྲན་པ་དང། ལྕགས་ཀྱུས་ཤེས་བཞིན་མཚོན། སེམས་གནས་དང་པོ་ནས་བདུན་པའི་བར་མེ་ལྕེ་ཡོད་མེད་དང་། ཆེ་ཆུང་གི་ཁྱད་པར་བཀོད་པས་ནི། དྲན་ཤེས་ཀྱི་འབད་རྩོལ་ཆེ་ཆུང་གི་ཁྱད་པར་མཚོན། གླང་པོས་སེམས་དང་། ཁ་དོག་ནག་པས་བྱིང་བ་དང། སྤྲེའུས་འཕྲོ་བ་དང་། མདོག་ནག་པས་རྒོད་པ་དང། འདོད་ཡོན་ལྔས་ནི་རྒོད་པའི་ཡུལ་མཚོན།ཁུགས་པ་གཉིས་པ་ནས་བཟུང་གླང་པོའ་ིམགོ་ནས་དཀར་ཆ་རིམ་གྱིས་འཕེལ་བ་དེས་གསལ་ཆ་དང་། གནས་ཆ་ཇེ་འཕེལ་དུ་འགྲོ་བ་མཚོན།ཁུགས་པ་གསུམ་པར་རི་བོང་ཁ་དོག་ནག་པས་བྱིང་བ་ཕྲ་མོ་མཚོན་པས། འདིར་བྱིང་བ་ཕྲ་རགས་སོ་སོར་ངོས་ཟིན་པ་མཚོན། ཕྱི་མིག་བལྟ་བ་ནི། སེམས་གཡེང་བའོ། །ཁུགས་པ་བཞི་པར་སྤྲེའུ་རྗེས་ལ་ལུས་པས་རྒོད་པ་སྔོན་ལ་སྐྱེ་བའི་ནུས་པ་ཉམས་པ་མཚོན། སྤྲེའུས་ལྗོན་ཤིང་ལས་འབྲས་བུ་ལེན་པ་ནི་ཞི་གནས་སྒྲུབ་སྐབས་སེམས་དགེ་བའི་ཕྱོགས་ལ་འཕྲོ་བ་བར་གཅོད་ཡིན་པས་འགོག་དགོས་ཀྱང་སྐབས་གཞན་དུ་མི་དགོས་པར་དོན་གཉིས་ཀྱི་འབྲས་བུ་ལེན་པ་མཚོན།ཁུགས་པ་ལྔ་པར་གླང་པོའི་ནག་ཆ་ཟད་ཅིང་སྤྲེའུ་དང་བྲལ་བས་ནི་ཐོག་མར་དྲན་ཤེས་ཅུང་ཟད་བསྟེན་ན་བྱིང་རྒོད་དང་འཕྲོ་བས་བར་དུ་གཅོད་མི་ནུས་པར་ཏིང་འཛིན་ཆད་མེད་དུ་འཇུག་པ་མཚོན་ནོ།།ཞི་གནས་བཞག་ཐབས་དགུའི་སྐོར།བསམ་གཏན་ལ་ཞི་གནས་དང་། ལྷག་མཐོང་༼ལྷག་པར་དུ་མཐོང་བའི་དོན༽ཟེར་བ་གཉིས་སུ་དབྱེ་ནས་བཤད་ཀྱི་ཡོད། ཞི་གནས་ཟེར་བ་ནི་སྤྱིར་ན་རང་སེམས་ཞི་བར་གནས་པའི་དོན་ཡིན་ཏེ། རང་གི་སེམས་ཕྱི་རོལ་ཡུལ་ལ་གཡེངས་བསྡད་པ་དེ་བཀག་ནས་ཉོན་མོངས་དུག་གསུམ་དེ་དག་ མེད་པ་ཆགས་ཏེ་རང་གི་བསམ་བློ་གཏོང་ས་དེ་དགེ་བའི་དམིགས་པ་ལ་བསམ་བློ་གང་འདྲ་ ཞིག་གཏོང་གིན་ཡོད་ནའང་དེའི་སྟེང་དུ་རང་གི་སེམས་ཞི་བར་གནས་ཐུབ་པ་དེ་ལ་ཟེར་ ཞིང་། བོད་དུ་གྲུབ་མཐའ་ཁག་གི་གསུང་ཚུལ་འདྲ་མིན་ཡོད་ཀྱང་། རྗེ་བླ་མ་ཙོང་ཁ་པའི་གསུང་སྲོལ་ལྟར་བཀོད་ན།…
