ཨ་མ་རྒྱང་འབོད་དྭ་ཕྲུག་གི་གདུང་དབྱངས་བཞུགས་སོ།།ན་མོ་གུ་རུ་དྷཱེ་ཝ་ཌཱ་ཀི་ནི་ཡེ།།ཨ་མ་སྐྱེ་མེད་ཀྱི་ཀློང་ན།།འོད་གསལ་རྗེ་བཙུན་གྱི་སྒྲོལ་མ།།རང་སྣང་དག་ཞིང་དུ་སྣང་བ།།ཨ་མ་ཐུགས་རྗེ་ཅན་མཁྱེན་ནོ། ། ཨ་མ་འགགས་མེད་ཀྱི་དབྱིངས་ན།།ཚངས་དབྱངས་གསུང་སྙན་གྱི་སྒྲོལ་མ།།དམ་ཆོས་ལམ་སྟོན་གྱི་སྒྲོན་མེ།།ཨ་མ་བཀའ་དྲིན་ཅན་མཁྱེན་ནོ།། ཨ་མ་སྒྲིབ་མེད་ཀྱི་སེམས་ན།།བྱམས་བརྩེ་བསླུ་མེད་ཀྱི་སྒྲོལ་མ།།སྨིན་གྲོལ་ཡིད་བཞིན་གྱི་ནོར་བུ།།ཨ་མ་བྱིན་རླབས་ཅན་མཁྱེན་ནོ།། ཨ་མ་སྤྲོས་བྲལ་གྱི་ངང་ན།།ཀུན་ཁྱབ་ཡེ་ཤེས་ཀྱི་སྒྲོལ་མ།།བདེ་གཤེགས་སྙིང་པོ་ཡི་ངོ་བོ།།ཨ་མ་ཀུན་བཟང་མོ་མཁྱེན་ནོ།། ཨ་མ་ཀ་དག་གི་ནམ་མཁར།།ལྷུན་གྲུབ་འོད་གསལ་གྱི་སྒྲོལ་མ།།གང་སྣང་ཡེ་གྲོལ་གྱི་རང་བཞིན།།ཨ་མ་ཨོ་རྒྱན་ཉིད་མཁྱེན་ནོ།། ཨ་མ་དྲན་སྣང་གི་ངོས་ན།།བདེན་གསུང་དམ་ཆོས་ཀྱི་སྒྲོལ་མ།།དྲན་རྟོག་རང་གྲོལ་གྱི་ཐུགས་རྗེ།།ཨ་མ་དངོས་གྲུབ་ཅན་མཁྱེན་ནོ།། མཆོག་གསུམ་དངོས་གྲུབ་ཀུན་སྩོལ་ཅིག།ཁམས་གསུམ་ཡོངས་སྒྲོལ་གྱི་ཕྲིན་ལས།།སྐུ་གསུམ་བྱིན་རླབས་ཀུན་ཐོབ་ནས།།གསང་གསུམ་ཕན་བདེ་རུ་སྨོན་ནོ།། ཞེས་པ་འདི་ཡང་རབ་གནས་ལྕགས་བྱི་ས་ག་ཟླ་བའི་དབང་ཕྱོགས་མཁའ་འགྲོ་འདུ་བའི་དུས་ཆེན་ལ་རིག་འཛིན་སྟག་ཤམ་རྡོ་རྗེས་མཚོ་རྒྱལ་གདུང་དབྱངས་མཇལ་བའི་མོད་ལ་ཨ་མ་ཉིད་ཤིན་ཏུ་དྲན་པའི་མོད་ལ་མངོན་སུམ་སྣང་བ་ལྟ་བུ་ཞིག་བྱུང་བས་གང་ཤར་ཐོལ་བྱུང་དུ་སྨོན་པས་འགྲོ་བ་ཀུན་གྱིས་ཨ་མའི་དེ་ཉིད་རྟོགས་པའི་རྒྱུ་རུ་གྱུར་ཅིག་གུ།།

ས་སྙིང་འཁོར་ལོ་བཅུ་པའི་མདོར་བྱུང་བའི་ཚུལ་ཁྲིམས་འཆལ་བའི་གང་ཟག་ཡིན་ཡང་ངུར་སྨྲིག་གྱོན་རུང་བའི་སྐོར། ན་མོ་བུདྡྷ་ཡེ། དེང་དུས་འདུལ་བ་འཛིན་པ་ཆེན་པོར་གྲགས་པ་འགས་ཚུལ་ཁྲིམས་འཆལ་བའི་གང་ཟག་གིས་ངུར་སྨྲིག་གི་གོས་བགོ་མི་རུང་བ་ཞིབ་མོ་རྣམ་འཐག་གི་སྒོ་ནས་བཤད་ཅིང་། དེ་ལ་སྒྲུབ་བྱེད་ཀྱི་ལུང་ཚིག་མང་དུ་བཀོད་ནས་བསྟན་པ་སྤྱིའི་གནས་བབ་དང་རབ་བྱུང་སྤྱིའི་སྤྱོད་ལམ་ལ་ཐུགས་ལས་ཚད་མེད་མཛད་ཀྱིན་ཡོད་མོད། དེ་ལྟ་ནའང་ཚུལ་ཁྲིམས་འཆལ་བའི་གང་ཟག་གིས་ངུར་སྨྲིག་བགོ་རུང་མིན་ནི་ལྷག་བསམ་དཀར་བ་ཙམ་གྱིས་དེའི་ཞལ་བརྩིས་ཏེ་སྡོད་དགོས་པ་ཞིག་མིན་པར་སངས་རྒྱས་ཀྱི་བཀའ་ཉིད་དཔང་པོར་བཞག་ནས་དོན་གྱི་བདེན་པར་འཇུས་ཏེ་ཐག་གཅོད་དགོས་སྟབས་མིང་གྲགས་ཆེ་ཆུང་དང་ཁ་སྟབས་མཐོ་དམན་གྱི་དབང་དུ་མི་འགྲོ་བ་གལ་ཆེ་ལ། རང་ཅག་ཐོས་པ་འཚོལ་བའི་གང་ཟག་ཏུ་ཁས་འཆེ་བ་དག་གིས་ཀྱང་འདི་ལ་ཡིན་མིན་གྱི་བརྡར་ཤ་གཅོད་དགོས་པས་ཁོ་བོའང་དེའི་གྲལ་དུ་འཚངས་ཏེ་བདེན་པ་དོན་དུ་གཉེར་བའི་ལས་སུ་ཞུགས་ཁུལ་བགྱིས་པ་ལ་དཔྱོད་ལྡན་དག་མི་ཁྲེལ་བར་ཞུ་ཞེས་པ་ནི་གླེང་གཞི་དང་འབྲེལ་ཏེ་ཐོག་མའི་སེམས་བསྐྱེད་དོ།། དེ་ཡང་མདོ་ཡི་སྒྲས་ཟིན་ཚོད་ལ་ཚུལ་ཁྲིམས་འཆལ་བཞིན་དུ་ངུར་སྨྲིག་བགོ་རུང་བ་དང་མི་རུང་བ་གཉིས་ཀ་གསུངས་ཤིང་། དེ་འདྲ་བ་བྱུང་ཚེ་དེ་གཉིས་ལས་གཅིག་སྒྲ་ཇི་བཞིན་དུ་ཁས་བླངས་ཏེ་ཅིག་ཤོས་ལ་དགོངས་པ་བཙལ་དགོས་ལ། དེ་ནི་མདོ་འཆད་ཚུལ་མ་ནོར་བ་ཞིག་ཀྱང་ཡིན་ནོ།། དེ་ཡང་། ས་སྙིང་འཁོར་ལོ་བཅུ་པའི་མདོ་ལས། དེ་ནས་ཚངས་པ་ཆེན་པོ་ལྷའི་སྙིང་པོས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་སངས་རྒྱས་ཀྱི་བསྟན་པ་ལ་རབ་ཏུ་བྱུང་བ་དག་གལ་ཏེ་རྒྱལ་རིགས་སམ། བློན་པོ་ཆེན་པོའམ། དབང་པོས་ལྕག་དང་དབྱུག་པ་ལ་སོགས་པས་གཞུས་སམ། བརྡེགས་སམ།གལ་ཏེ་བཙོན་རར་བཅུག་གམ། སྤྱོས་སམ། བརྒྱད་དམ། ཡན་ལག་གཏུབས་སམ། སྲོག་དང་ཕྲལ་ཏེ་བཀུམ་ན་དེ་ཅི་རིགས་པ་ལགས་སམ། འོན་ཏེ་རིགས་པར་མ་ལགས།བཅོམ་ལྡན་འདས་ཀྱིས་ཚངས་པ་ཆེན་པོ་ལྷའི་སྙིང་པོ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་སེམས་ཅན་གང་ཞིག་ངའི་བསྟན་པ་ལ་རབ་ཏུ་བྱུང་ནས་སྐྲ་དང་ཁ་སྤུ་བྲེགས་ཏེ། ངུར་སྨྲིག་གི་ཚལ་བུ་གྱོན་ན་ཚུལ་ཁྲིམས་སྲུང་ངམ། ཚུལ་ཁྲིམས་ཉམས་སམ།ཚུལ་ཁྲིམས་མེད་ཀྱང་རུང་སྟེ། དེ་ལ་ལྷ་དང་། མི་དང་། ལྷ་མ་ཡིན་ལ་སོགས་པ་ཐམས་ཅད་ཀྱིས་ཀྱང་ཁྱིམ་པའི་ཆོས་ཉིད་དང་སྦྱར་དུ་ཡང་མི་གནང་ན། དེ་ལ་ལྕག་དང་དབྱིག་པ་ལ་སོགས་པས་ལུས་ལ་གཞུ་ཞིང་འཚོག་པ་དང་། བཙོན་རར་གཞུག་པ་དང་། གཤེ་བ་དང་། སྤྱོ་བ་དང་། ལུས་ཀྱི་ཡན་ལག་གཏུབ་པ་དང་། འཚོ་བའི་དབང་པོ་དང་ཕྲལ་བ་ཆོས་མ་ཡིན་པ་དང་སྦྱོར་བ་ལྟ་ཅི་སྨོས། དེ་ཅིའི་ཕྱིར་ཞེ་ན། ཚུལ་ཁྲིམས་སྲུང་ཞིང་མང་དུ་ཐོས་པ་དང་ལྡན་པ་ལྟ་ཞོག་ལ།ངའི་བསྟན་པ་ལ་རབ་ཏུ་བྱུང་ནས་ཚུལ་ཁྲིམས་ཉམས་ཏེ་མི་དགེ་བའི་ཆོས་སྤྱོད་པས་ནང་རུལ་ཅིང་མི་གཙང་བས་གང་བའི་སྲིན་ཀྭ་ལྭ་དང་འདྲ་བ། དགེ་སྦྱོང་མ་ཡིན་པར་དགེ་སྦྱོང་དུ་ཁས་འཆེ་བ།ཚངས་པར་སྤྱོད་པ་མ་ཡིན་པར་ཚངས་པར་སྤྱོད་པར་ཁས་འཆེ་བ། ཉོན་མོངས་པ་རྣམ་པ་སྣ་ཚོགས་ལས་ཕམ་པ། ཞིག་པ། ཁས་བུབ་པ་དེ་ལྟ་བུའི་ཚུལ་ཁྲིམས་ཉམས་པའི་དགེ་སློང་ངན་པ་ཡང་ལྷ་དང་། ཀླུ་དང་།…

ལྕང་ལོ་ལ་བསྟོད་པ་རྣམ་རྒྱལ་ལྷ་ཡི་རྔ་སྒྲ་ཞེས་བྱ་བ།།ན་མོ་གུ་རུ་དྷེ་ཝ་ཌཱཀྐི་ནི་ཡེ།།ཀ་པ་ལ་ཡི་ཁྲག་འཐུང་དཔའ་བོའི་གནས།།ཁ་སྦྱོར་བདུན་ལ་དབང་བའི་མཁའ་འགྲོའི་རྟེན།།ག་བུར་མདངས་འཛིན་སྔགས་འཆང་རིག་འཛིན་ལ།།ང་ཡི་ལྕང་ལོ་འདི་ཡིས་བརྡ་ཞིག་བསྟན།།ཅ་དག་ཟུར་ཕུད་ལྕང་ལོ་རལ་བ་ཅན།།ཆ་ལུགས་བཅོས་མིན་གསང་ཆེན་རྣལ་འབྱོར་པས།།ཇ་ཆང་འདོན་ཡོན་ཀུན་བཟང་ལོངས་སུ་སྤྱོད།།ཉ་གང་ཟླ་བའི་བཞིན་རས་གསར་ཏུ་འཚོ།།ཏ་ཐཱ་ག་ཏའི་དབུ་སྐྲ་བུང་ལྟར་གནག།ཐ་དག་དྲི་ཞིམ་ཡོན་ཏན་དྲུག་ལྡན་གསུངས།།ད་འདས་མ་འོངས་ཀུན་ལ་དེ་ལྟར་ན།།ན་མོ་གུས་པས་མཆོད་ན་མི་ལེགས་སམ།།པ་ལོ་བྲེག་པའི་བཅིངས་གྲོལ་མ་གཏོང་བར།།ཕ་མེས་རིགས་གཞུང་གུས་བཀུར་བྱས་ན་བཟང་།།བ་གླང་བ་སྤུ་ལས་གཞན་ཁྱད་བསོད་ན།།མ་ལུས་སྔགས་འཆང་ཀུན་ལ་སྒྲོ་བཀུར་འགྲོ།།ཙ་རིར་བཞུགས་པའི་མ་བཅོས་ལྕང་ལོ་ཅན།།ཚ་གདུང་གནད་གཅོད་སྔགས་པ་མ་གཏོང་ནས།།ཛ་ཡའི་བསྟན་པའི་སྙིང་ནོར་སྔགས་འཆང་རྣམས།།ཝ་ལེར་མངོན་སུམ་བསྟོད་ན་མི་ལེགས་སམ།།ཞ་ལོང་ལྟ་བུས་ཨུ་ཚུགས་མ་གནང་ནས།།ཟ་ཚོགས་ཆེད་དུ་ལྕང་ལོ་མ་བྲེག་ན།།འ་ཅག་ཚུལ་མཐུན་རྒྱུ་འབྲས་སྲུང་བའི་ཕྱིར།།ཡ་རབས་མེས་པོའི་སྲོལ་འཛིན་ཤིན་ཏུ་བཟང་།།ར་འཕྲོད་མེད་ན་རལ་བ་བཙན་བྲེག་རྣམས།།ལ་རྒྱའི་རབ་བྱུང་ཟེར་ན་ཤིན་ཏུ་འཁྲུལ།།ཤ་ཞེན་དེ་ཚོ་བསྟན་གཤིག་སྟ་རེ་ལས།།ས་སྟེང་མི་ཡི་རྣམ་དཔྱོད་མ་ཡིན་ནོ།།ཧ་ཤང་སྐྲ་ལ་ཆགས་པ་མ་ཡིན་ཡང་།།ཨ་ཏིའི་ཟབ་དོན་མྱོང་བའི་ཀུན་མཁྱེན་པས།།ཧ་ཅང་དགེ་མཚན་ཆེ་བའི་སྐྲ་ཆོག་རིགས།།ཨ་མཚར་རྩེད་མོས་ཆེད་དུ་མ་བྲེགས་ཤིག།ཨི་ལྡན་དབྱངས་གསལ་མཛེས་པའི་འཕྲིན་ཐུང་འདི།།ཨུ་ཚུགས་མ་བྱས་ཆོས་ཀྱི་མཆེད་ལ་ཕུལ།།ཨེ་མ་རྨད་བྱུང་མཁའ་འགྲོ་ཆོས་སྐྱོང་གིས།།ཨོ་རྒྱན་པདྨའི་རིང་ལུགས་མྱུར་སྐྱོབས་མཛོད།།ཅེས་པ་འང་རབ་གནས་ལྕགས་བྱིའི་ནག་ཟླའི་གཟའ་ཚེས་ངན་པར་རྨི་ལམ་དང་ཕ་ཡུལ་རྫ་ཆུ་ཁ་ནས་ཇོ་བྲེག་བཅིངས་གྲོལ་ཞེས་པའི་སྔགས་པ་ཚོ་བཙན་གྱིས་དབུ་སྐྲ་འབྲེག་ནས་དགོན་པའི་གྲལ་དུ་རྫོང་པའི་དངོས་བདེན་གྱི་དཔར་བཅས་སྔགས་འཆང་མཁན་པོ་དྲི་མེད་ཟླ་བས་རྒྱུད་ནས་མཐོང་བའི་མོད་ལ་སེམས་ཀྱིས་མ་བཟོད་ནས་གོ་བདེའི་ཀ་རྩོམ་ཉིད་ཨེ་ཝཾ་རྫོགས་ཆེན་ཆོས་སྒར་ནས་ཨེ་མ་ཧོས་མྱུར་བྲིས་བགྱིས་པར་དགེའོ།། །།

ས་སྙིང་འཁོར་ལོ་བཅུ་པའི་མདོར་བྱུང་བའི་ཚུལ་ཁྲིམས་འཆལ་བའི་གང་ཟག་ཡིན་ཡང་ངུར་སྨྲིག་གྱོན་རུང་བའི་སྐོར། ན་མོ་བུདྡྷ་ཡེ། དེང་དུས་འདུལ་བ་འཛིན་པ་ཆེན་པོར་གྲགས་པ་འགས་ཚུལ་ཁྲིམས་འཆལ་བའི་གང་ཟག་གིས་ངུར་སྨྲིག་གི་གོས་བགོ་མི་རུང་བ་ཞིབ་མོ་རྣམ་འཐག་གི་སྒོ་ནས་བཤད་ཅིང་། དེ་ལ་སྒྲུབ་བྱེད་ཀྱི་ལུང་ཚིག་མང་དུ་བཀོད་ནས་བསྟན་པ་སྤྱིའི་གནས་བབ་དང་རབ་བྱུང་སྤྱིའི་སྤྱོད་ལམ་ལ་ཐུགས་ལས་ཚད་མེད་མཛད་ཀྱིན་ཡོད་མོད། དེ་ལྟ་ནའང་ཚུལ་ཁྲིམས་འཆལ་བའི་གང་ཟག་གིས་ངུར་སྨྲིག་བགོ་རུང་མིན་ནི་ལྷག་བསམ་དཀར་བ་ཙམ་གྱིས་དེའི་ཞལ་བརྩིས་ཏེ་སྡོད་དགོས་པ་ཞིག་མིན་པར་སངས་རྒྱས་ཀྱི་བཀའ་ཉིད་དཔང་པོར་བཞག་ནས་དོན་གྱི་བདེན་པར་འཇུས་ཏེ་ཐག་གཅོད་དགོས་སྟབས་མིང་གྲགས་ཆེ་ཆུང་དང་ཁ་སྟབས་མཐོ་དམན་གྱི་དབང་དུ་མི་འགྲོ་བ་གལ་ཆེ་ལ། རང་ཅག་ཐོས་པ་འཚོལ་བའི་གང་ཟག་ཏུ་ཁས་འཆེ་བ་དག་གིས་ཀྱང་འདི་ལ་ཡིན་མིན་གྱི་བརྡར་ཤ་གཅོད་དགོས་པས་ཁོ་བོའང་དེའི་གྲལ་དུ་འཚངས་ཏེ་བདེན་པ་དོན་དུ་གཉེར་བའི་ལས་སུ་ཞུགས་ཁུལ་བགྱིས་པ་ལ་དཔྱོད་ལྡན་དག་མི་ཁྲེལ་བར་ཞུ་ཞེས་པ་ནི་གླེང་གཞི་དང་འབྲེལ་ཏེ་ཐོག་མའི་སེམས་བསྐྱེད་དོ།། དེ་ཡང་མདོ་ཡི་སྒྲས་ཟིན་ཚོད་ལ་ཚུལ་ཁྲིམས་འཆལ་བཞིན་དུ་ངུར་སྨྲིག་བགོ་རུང་བ་དང་མི་རུང་བ་གཉིས་ཀ་གསུངས་ཤིང་། དེ་འདྲ་བ་བྱུང་ཚེ་དེ་གཉིས་ལས་གཅིག་སྒྲ་ཇི་བཞིན་དུ་ཁས་བླངས་ཏེ་ཅིག་ཤོས་ལ་དགོངས་པ་བཙལ་དགོས་ལ། དེ་ནི་མདོ་འཆད་ཚུལ་མ་ནོར་བ་ཞིག་ཀྱང་ཡིན་ནོ།། དེ་ཡང་། ས་སྙིང་འཁོར་ལོ་བཅུ་པའི་མདོ་ལས། དེ་ནས་ཚངས་པ་ཆེན་པོ་ལྷའི་སྙིང་པོས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་སངས་རྒྱས་ཀྱི་བསྟན་པ་ལ་རབ་ཏུ་བྱུང་བ་དག་གལ་ཏེ་རྒྱལ་རིགས་སམ། བློན་པོ་ཆེན་པོའམ། དབང་པོས་ལྕག་དང་དབྱུག་པ་ལ་སོགས་པས་གཞུས་སམ། བརྡེགས་སམ།གལ་ཏེ་བཙོན་རར་བཅུག་གམ། སྤྱོས་སམ། བརྒྱད་དམ། ཡན་ལག་གཏུབས་སམ། སྲོག་དང་ཕྲལ་ཏེ་བཀུམ་ན་དེ་ཅི་རིགས་པ་ལགས་སམ། འོན་ཏེ་རིགས་པར་མ་ལགས།བཅོམ་ལྡན་འདས་ཀྱིས་ཚངས་པ་ཆེན་པོ་ལྷའི་སྙིང་པོ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་སེམས་ཅན་གང་ཞིག་ངའི་བསྟན་པ་ལ་རབ་ཏུ་བྱུང་ནས་སྐྲ་དང་ཁ་སྤུ་བྲེགས་ཏེ། ངུར་སྨྲིག་གི་ཚལ་བུ་གྱོན་ན་ཚུལ་ཁྲིམས་སྲུང་ངམ། ཚུལ་ཁྲིམས་ཉམས་སམ།ཚུལ་ཁྲིམས་མེད་ཀྱང་རུང་སྟེ། དེ་ལ་ལྷ་དང་། མི་དང་། ལྷ་མ་ཡིན་ལ་སོགས་པ་ཐམས་ཅད་ཀྱིས་ཀྱང་ཁྱིམ་པའི་ཆོས་ཉིད་དང་སྦྱར་དུ་ཡང་མི་གནང་ན། དེ་ལ་ལྕག་དང་དབྱིག་པ་ལ་སོགས་པས་ལུས་ལ་གཞུ་ཞིང་འཚོག་པ་དང་། བཙོན་རར་གཞུག་པ་དང་། གཤེ་བ་དང་། སྤྱོ་བ་དང་། ལུས་ཀྱི་ཡན་ལག་གཏུབ་པ་དང་། འཚོ་བའི་དབང་པོ་དང་ཕྲལ་བ་ཆོས་མ་ཡིན་པ་དང་སྦྱོར་བ་ལྟ་ཅི་སྨོས། དེ་ཅིའི་ཕྱིར་ཞེ་ན། ཚུལ་ཁྲིམས་སྲུང་ཞིང་མང་དུ་ཐོས་པ་དང་ལྡན་པ་ལྟ་ཞོག་ལ།ངའི་བསྟན་པ་ལ་རབ་ཏུ་བྱུང་ནས་ཚུལ་ཁྲིམས་ཉམས་ཏེ་མི་དགེ་བའི་ཆོས་སྤྱོད་པས་ནང་རུལ་ཅིང་མི་གཙང་བས་གང་བའི་སྲིན་ཀྭ་ལྭ་དང་འདྲ་བ། དགེ་སྦྱོང་མ་ཡིན་པར་དགེ་སྦྱོང་དུ་ཁས་འཆེ་བ།ཚངས་པར་སྤྱོད་པ་མ་ཡིན་པར་ཚངས་པར་སྤྱོད་པར་ཁས་འཆེ་བ། ཉོན་མོངས་པ་རྣམ་པ་སྣ་ཚོགས་ལས་ཕམ་པ། ཞིག་པ། ཁས་བུབ་པ་དེ་ལྟ་བུའི་ཚུལ་ཁྲིམས་ཉམས་པའི་དགེ་སློང་ངན་པ་ཡང་ལྷ་དང་། ཀླུ་དང་།…

སྔགས་ལ་སྡང་བའི་ཆོ་འཕྲུལ།།ཀྱེ་མ་ཧོ།།བློ་གྲོས་དབེན་པའི་སྐྱེས་བོ་ཡིས།།བཟང་ངན་གཉིས་ལ་བླང་དོར་མེད།།བྱས་པ་དྲིན་བཟོ་རྩ་ནས་བརྗེད།།ཕན་བྱས་ལས་ལ་གནོད་དུ་སྦྱིན།།ལྟ་བ་ཉི་མའི་འོད་ཟེར་ཉམས།།སྒོམ་པ་ཟླ་བའི་བསིལ་ཕྲེང་ཡལ།།སྤྱོད་པ་བསམ་པ་ཡ་བྲལ་བས།།ལྕང་ལོ་གཅོད་པའི་ཁྲིམས་ངན་དར།།ཟོལ་སྦྱོར་སྤྱོད་པའི་སྤྲིན་ནག་ལས།།དྲང་བདེན་རི་བོང་རྭ་ལ་འགྲན།།ཡབ་མེས་སྲོལ་བཟང་ཐན་དུ་བརྩི།།དབྱེན་དང་ཕྲ་མས་སྡེ་དགོན་དཀྲུགས།།ཕན་འདོད་འབྲས་བུའི་ཁུར་དང་ལྡན།།གངས་སེང་བརྗིད་པའི་གཡུ་རལ་འབྲེག།ཉེས་སྤྱོད་ནོར་སྐྱོང་ངུར་སྨྲིག་བགོ།དྲན་ཤེས་དབེན་པའི་ཝ་མོ་ཡང་།།གསེར་ཁྲིར་འགྱིང་བར་མཐོང་ལགས་སམ།།བསླབ་གསུམ་གསེར་གྱི་ནོར་འཛིན་དོར།།འབྲུ་དྲུག་ཞིང་ས་ཐ་རྒོད་བཏང་།།ཡིད་བཞིན་ནོར་བུའི་རྒྱུད་པ་གཅོད།།ཀྱེ་མ་སྙིགས་དུས་མ་མོ་འཁྲུགས།།ནང་དུ་ཤེས་རིག་དྲན་པ་ཉམས།།ཕྱི་ན་བླང་དོར་རི་མོ་ཡལ།།གསང་བ་མི་ཚེ་དོན་མེད་ཟད།།ཀྱེ་མ་འཇིག་རྟེན་འཁོར་བ་འཁྲུལ།།————ཨེ་མ་ཧོས

༧མཁས་དབང་པདྨ་ཨོ་ཌཱི་ཡཱ་ན་བི་མུཀྟི་སཱ་ག་རའི་སྔ་འགྱུར་བཀའ་མའི་ཆེ་བརྗོད་ལ་ལེགས་སྨོན་ལྷའི་རྔ་སྒྲ་ཞེས་བྱ་བ།ཨོཾ་ཨཱཿཧཱུཾ་ཧྲཱིཿཡེ་ནས་ཀ་དག་ཀུན་བཟང་པདྨ་འབྱུང་།།འོད་གསལ་ལྷུན་གྲུབ་བདེ་ཆེན་མཚོ་རྒྱལ་རྗེ།།དབྱེར་མེད་ཟུང་འཇུག་ཡེ་ཤེས་རྡོ་རྗེའི་གར།།བརྒྱུད་གསུམ་རིག་འཛིན་བླ་མས་དགེ་ལེགས་སྩོལ།།འོད་གསལ་པདྨ༵་སྙིང་པོའི་སྒྱུ་འཕྲུལ་ལས།།སྔ་འགྱུར་ཨོ༵་རྒྱན༵་ཐུགས་ཐིག་བཀའ་གཏེར་མཛོད།།ལེགས་བཤད་རྣམ༵་གྲོལ༵་རྒྱ༵་མཚོ༵་གོས་ཅན་བརྡལ།།བསྟན་འགྲོའི་དོན་ཆེན་བདེ་མྱུར་ལྷུན་གྲུབ་ཤོག།མཁྱེན་པའི་སྤྱན་ཡངས་པདྨ་དཀར་པོ་ལ།།བརྩེ་བའི་ཐུགས་རྗེས་གེ་སར་རབ་ཏུ་བརྟས།།ནུས་པའི་དྲི་བཟང་འགྲོ་ཀུན་ཕན་བདེས་སྨིན།།གསང་གསུམ་བསྐལ་བརྒྱའི་བར་དུ་བརྟན་གྱུར་ཅིག།ཅེས་པའང་རབ་གནས་ལྕགས་བྱིའི་ས་ག་ཟླ་བའི་དབང་ཕྱོགས་རྒྱལ་བ་དང་པོར་མཁས་དབང་དམ་པ་པདྨ་ཨོ་ཌཱི་ཡཱ་ན་བི་མུཀྟི་སཱ་ག་རས་སྔ་འགྱུར་བཀའ་མའི་ཆེ་བརྗོད་གསར་འགྲེལ་རྩོམ་རྒྱུ་གནང་བར་ཐུགས་དམ་གྱིས་ཞལ་བཞེས་ཐོབ་ལ་བཀའ་དྲིན་ཆེ་ཞུ་དང་དེ་ཉིད་བདེ་མྱུར་ལེགས་འགྲུབ་ཡོང་བའི་སྨོན་ཚིག་ཏུ་མཁན་ཆེན་བླ་མ་འམ་ཤྲཱིཿཨེ་མ་ཧོ༔རུ་འབོད་པས། སྤྱི་ལོ་༢༠༢༠ཟླ ༥ པའི་ཚེས་ ༡༠ ལ་དབྱིན་ཡུལ་ཨེ་ཝཾ་རྫོགས་ཆེན་ཆོས་སྒར་ནས་གསོལ་བ་བཏབ་པ་དེ་དེ་བཞིན་དུ་འགྲུབ་པར་སྔ་འགྱུར་རྒྱལ་བའི་བཀའ་སྲུང་དམ་ཅན་རྒྱ་མཚོས་མཐུན་གྱུར་ཡིད་བཞིན་ལྷུན་གྲུབ་ཉིད་དུ་མཛོད་ཅིག་གུ།། །།