• September 2019

    དེ་རིང་ཀུན་བཟང་མཆོད་རྟེན་ལ་གཟུངས་འཇུག་དང་དྲི་མེད་རྣམ་གཉིས་ཆོ་གས་སྒྲུབ་པར་བྱས།

    དེ་རིང་ཀུན་བཟང་མཆོད་རྟེན་ལ་གཟུངས་འཇུག་དང་དྲི་མེད་རྣམ་གཉིས་ཆོ་གས་སྒྲུབ་པར་བྱས། སྐལ་བ་བཟང་པོ་བྱུང་། དྲིན་ཆེན་ཨ་མ་དང་བླ་མ་དྲན་ནས་རྒྱལ་ལ་ཁད་དུ་སོང་། སང་ཉིན་ཞི་ཁྲོ་དང་རི་བོ་བསངས་མཆོད་བཅས་འཆར་ཡོད། གང་ལྟར་མི་རྟག་ཅེས་པ་འདི་དག་ཅི་འདྲའི་གསང་བ་ཟབ་མོ་ལའང་། མུ་འཐུད་ནས་ཨེ་ཝཾ་སྨོན་ལམ་ཆེན་མོ་ལ་བརྩོན་པ་དང་། འགྲོ་ཀུན་སངས་རྒྱས་ཐོབ་པའི་སྨོན་ལམ་རྒྱ་ཆེར་བྱས། དེང་སྐབས་ངོས་ནས་གངས་ཅན་བོད་དུ་འགྲོ་བའི་གོ་སྐབས་དབེན་ཀྱང་དབྲ་སྲས་ཉག་རོང་མཆོག་སྤྲུལ་བསོད་ནམས་རྒྱ་མཚོས་གསར་དུ་འཛུགས་བསྐྲུན་པའི་ཐེ་ཝན་བསམ་ཡས་དགོན་དུ་ཉིན་བཞི་རིང་ལ་རང་གི་སློབ་ཕྲུག་བདུན་དང་རང་བཅས་རྩ་གསུམ་ཆོས་སྐྱོང་ལ་མཚམས་སྒྲུབ་ལ་འདུག་འཆར་རོ།། 

  • September 2019

    རིག་པ་ཀུན་ཏུ་བཟང་ལ་ཕྱག་འཚལ་ལོ།

    རིག་པ་ཀུན་ཏུ་བཟང་ལ་ཕྱག་འཚལ་ལོ།ཨེ་མ་ཧོ།འཁོར་འདས་ངོ་བོ་རང་གི་སེམས་སུ་གནས།།སྣོད་བཅུད་རང་བཞིན་རང་གི་རྨི་ལམ་གར།།དོན་དམ་ཐུགས་རྗེ་རང་བྱུང་ཟང་ཐལ་དཔལ།།དགྱེས་པ་རྡོ་རྗེ་སངས་རྒྱས་ཡེ་ཤེས་ལགས།།སངས་རྒྱས་ཀུན་འདུས་ངོར་ཤྲཱིས་སོ།།

  • September 2019

    སྐྱབས་སྡོམ་ཀུན་འདུས་ཀྱི་ཆོ་ག་ནོར་བུའི་བུམ་བཟང་།

    སྐྱབས་སྡོམ་ཀུན་འདུས་ཀྱི་ཆོ་ག་ནོར་བུའི་བུམ་བཟང་།དང་པོ་སྐྱབས་འགྲོ་ནི།ན་མོཿདཀོན་མཆོག་གསུམལ་སྐྱབས་སུ་མཆི།།ཁམས་གསུམ་སྒྲོལ་བར་སེམས་བསྐྱེད་ནས།།སྐུ་གསུམ་རྒྱལ་བའི་དེ་བཞིན་ཉིད།།སྒོ་གསུམ་དག་རྫོགས་སྨིན་པར་བྱ།།བླ་མ་ཀུན་འདུས་པདྨ་འབྱུང་གནས་མཁྱེན།།ཡི་དམ་ཀུན་འདུས་ཀུན་བཟང་རྡོ་རྗེ་འཆང་།།མཁའ་འགྲོ་ཀུན་འདུས་རྗེ་བཙུན་སྒྲོལ་མ་དང་།།ཆོས་སྐྱོང་ཀུན་འདུས་གེ་སར་རྒྱལ་པོར་འདུད།།ལན་གསུམ། ཚོགས་བསགས་ཡན་ལག་བདུན།བླ་མ་པདྨ་འབྱུང་གནས་ལ་ཕྱག་འཚལ།།བདག་ལུས་ལོངས་སྤྱོད་དགེ་རྩ་མཆོད་པར་འབུལ།།དུས་གསུམ་བགྱིས་པའི་སྡིག་ལྟུང་མཐོལ་ཞིང་བཤགས།།འཁོར་འདས་དགེ་རྩ་ཀུན་ལ་ཡི་རང་ངོ་།།མདོ་སྔགས་ཟབ་རྒྱས་ཆོས་ཆར་དབབ་ཏུ་གསོལ།།རྒྱལ་ཀུན་མྱ་ངན་མི་འདའ་ཞབས་བརྟན་བཞུགས།།དགེ་ཚོགས་མ་ལུས་འགྲོ་ལ་སྨན་པ་དང་།།ཀུན་ཀྱང་ཀུན་ཏུ་བཟང་དང་དབྱེར་མེད་ཤོག།ལན་གསུམ།ཨོཾ་ཨཱཿཧཱུཾ་ཧྲཱིཿའགྱུར་མེད་སྐུ་ལ་མཚན་དཔེས་བཀྲ་ཤིས་ཤིང་།།འགག་མེད་གསུང་ལ་ཟབ་རྒྱས་བདེ་ལེགས་འཇོ།།གཡོ་མེད་ཐུགས་རྗེ་ཨེ་ཝཾ་ཕུན་སུམ་ཚོགས།།མཚུངས་མེད་ཡོན་ཏན་ཕྲིན་ལས་མཐར་ཕྱིན་ཤོག།ཅེས་རབ་གནས་གྲོ་བཞིན་ཟླ་བའི་དབང་ཕྱོགས་དགའ་བ་དང་པོར་སྐྱབས་འགྲོའི་སྡོམ་པ་ཞུ་འཁན་བརྒྱ་ཕྲག་བྱུང་བའི་ངོར་ཤྲཱིཿཨེ་མ་ཧོས་ཨེ་ཝཾ་ཌཱ་ཀི་ནིའི་གླིང་དུ་བྲིས་པར་དགེའོ།། །།

  • September 2019

    ཨེ་ཝཾ་རྒྱལ་བའི་བསྟན་པ་རྒྱས་སྨོན་སྙིང་གི་འོད་གསལ།།

    ཨེ་ཝཾ་རྒྱལ་བའི་བསྟན་པ་རྒྱས་སྨོན་སྙིང་གི་འོད་གསལ།།ཨེ་མ་ཧོ།།ཨེ་རིག་མཁྱེན་རབ་ཡེ་ཤེས་སངས་རྒྱས་པས།།ཝཾ་ཡིག་སྙིང་རྗེ་འོད་གསལ་སྙིང་པོའི་གར།།ཨ་ཧོ་སྣ་ཚོགས་འགྲོ་ཀུན་འདྲེན་པའི་དཔལ།།ཨེ་ཝཾ་རྒྱལ་བའི་བསྟན་པ་རྒྱས་རྒྱུར་ཅིག།ཨེ་ཝཾ་ཆོས་ཀྱི་རྒྱལ་པོ་གུཧྱེས་བྱིན་རླབས་ལས་ཤྲཱིས་སོ།།

  • September 2019

    ཀ་དག་གདོད་མ་ཆོས་སྐུ་ཡི་ཞིང་ན།།

    ཀ་དག་གདོད་མ་ཆོས་སྐུ་ཡི་ཞིང་ན།།ཁ་དོག་མཚན་མ་མ་གྲུབ།།ག་ལེར་ཡེ་བབས་རིག་རྩལ་དེ་རྫོགས།།ང་བདག་གཟུང་འདིན་གྲོལ་བ་དེ་ཆོས་སྐུ།། ཅ་ཅོའི་ཚིག་ལ་མ་ལྟོས་པའི་མན་ངག།ཆ་ལུགས་ལས་བཞི་རབ་འབྱམས།།ཇ་ཆང་དགའ་སྟོན་ཚོགས་འཁོར་གྱི་ལམ།།ཉ་རྒྱས་ཟླ་བཞིན་ཡོན་ཏན་དེ་ཀུན་རྫོགས།། ཏ་ཐཱ་ག་ཏཱ་བུདྡྷ་ཡི་དགོངས་པ།།ཐ་མལ་མ་བཅོས་རང་བྱུང་།།ད་ལྟའི་རིག་པ་ས་ལེར་ཧྲིག་གེར།།ན་གཞིན་དུས་སུ་ཉམས་སྐྱོང་དེ་ངོ་མཚར།། པ་ཏྲ་ལྟ་བུའི་ཀུན་རྟོག་གི་སྣང་བ།།ཕ་རྒན་ཀུན་བཟང་དགོངས་ཀློང་།།བ་མོར་ཉི་ཟེར་ཕོག་བཞིན་དུ་གྲོལ།།མ་རྒན་འགྲོ་དྲུག་ཕྱམས་གཅིག་ཏུ་གྲོལ་ཤོག། ཙ་རི་ཏྲ་སོགས་རི་ཁྲོད་ཀུན་འགྲིམ་ནས།།ཚ་གྲང་དཀའ་བ་སྤྱད་ཚེ།།ཛཿཧཱུྃ་བཾ་ཧོ་ཚད་མེད་དེ་བཞིས།།ཝ་ལེ་ཀྱི་ལེར་འཁོར་འདུས་ཀུན་འུབ་ཆུབ།། ཞྭ་ལྟར་མཆོག་གསུམ་སྐུ་གསུམ་གྱི་ངོ་བོ།།ཟ་ཉལ་འགྲོ་འདུག་སྤྱོད་ཚེ།།འ་འུར་ཀུན་རྟོག་ཉེར་ལེན་དེ་ཞི།།ཡ་ན་རིམ་དགུའི་དགོངས་པ་དེ་སྐྱོངས་ཤོག། ར་བ་སྟོང་གསུམ་གདུལ་བྱ་ཡི་འགྲོ་བ།།ལ་ལུང་རིས་མེད་བསྐྱངས་ནས།།ཤ་ཟ་སྲིན་པོ་ཉམས་པ་ཀུན་བསྒྲལ།།ས་གཞི་ལྟ་བུའི་ཐུགས་བསྐྱེད་དམ་བཅའ།། ཧ་ཅང་མི་བསྒྲིམ་ཧ་ཅང་དེ་མི་ལྷོད།།ཨ་ཏི་རྫོགས་ཆེན་དགོངས་པ།།སྐད་ཅིག་བླ་མའི་དྲིན་གྱིས་རྟོགས་ནས།།འཁོར་བ་དོང་སྤྲུག་འཕོ་ཆེན་དེ་འགྲུབ་ཤོག།

  • September 2019

    སངས་རྒྱས་ཆོས་ལུགས་དང་ཡེ་ཤུའི་ཆོས་ལུགས་བར་གྱི་ཁྱད་པར་བཅོ་བརྒྱད།

    སངས་རྒྱས་ཆོས་ལུགས་དང་ཡེ་ཤུའི་ཆོས་ལུགས་བར་གྱི་ཁྱད་པར་བཅོ་བརྒྱད།ཡིག་སྒྱུར་བ། རྣམ་རྒྱལ། ཡི་གེ་འདི་ནི་ཡེ་ཤུའི་ཆོས་ལུགས་ཀྱི་ཆོས་དཔོན་ཞིག་གིས་དྲི་བ་བཏོན་ཞིང་། ཡེ་ཤུའི་ཆོས་ལུགས་ཀྱི་ཆོས་དཔོན་ཞིག་དང་ནང་བའི་དགེ་བཤེས་གཉིས་ཀྱིས་དྲིས་ལན་བཏབས། དྲང་པོ་དང་དངོས་ཡོད་ཡིན་ཆེས་ཆོག་གོ།། གཅིག ལྷ་ཞེས་པ་དེ་ཡོད་དམ་མེད། ཡེ་ཤེས་ཆོས་ལུགས་ཀྱིས། འཇིག་རྟེན་ཁམས་འདི་ལ་གནམ་བདག་ཅིག་ཡོད་པ་འདི་གཅིག་པུ་ནི་བླ་ན་མེད་པའི་གཙོ་བདག་ཅིག་ཡིན་པ་ཡིད་ཆེས་པ་ལས་གཞན་ཚང་མ་ལྷ་རྫུན་མ་ཡིན།འོན་ཀྱང་འཇིག་རྟེན་པས་ཡེ་ཤུ་དང་གནམ་བདག་ཁོ་ན་ལ་དད་པ་བྱེད་པ་ལས་གཞན་སུ་ལའང་བྱེད་མི་ཆོག རྒྱུ་མཚན་ནི་ཡེ་ཤུ་དང་གནམ་བདག་ནི་ལོག་ལམ་འགོག་ཐུབ་པའི་ལྷ་ཡིན་པས་སོ།། སངས་རྒྱས་ཆོས་ལུགས་ཀྱིས། སེམས་ཅན་ཐམས་ཅད་འདྲ་མཉམ་དང་རྒྱུ་འབྲས་རྟེན་འབྲེལ་ལ་ཡིད་ཆེས་ཤིང་། གནའ་བོའི་སངས་རྒྱས་ཆོས་ལུགས་སུ་ལྷ་གང་རུང་ཞིག་ཡོང་ནས་ཁ་ལོ་སྒྱུར་བ་ཡིད་མི་ཆེས་པ་ལས་འཇིག་རྟེན་ཁམས་འདི་ལ་གྲངས་མེད་པའི་ལྷ་འདྲེ་དང་སངས་རྒྱས་ཡོད་པ་ཡིད་ཆེས།གཉིས། བྱ་དངོས་ཡོད་དགུ་གང་ནས་ཡོང་བ་ཡིན་ནམ། ཡེ་ཤུའི་ཆོས་ལུགས་ཀྱིས། བྱ་དངོས་ཡོད་དགུ་གནམ་བདག་གིས་གསར་སྐྲུན་བྱས་པ་ཡིད་ཆེས། སངས་རྒྱས་ཆོས་ལུགས་ཀྱིས། བྱ་དངོས་ཡོད་དགུ་རྒྱུ་འབྲས་ལ་བརྟེན་ནས་སྐྱེ་བ་ཡིན་ཞིང་འཇིག་རྟེན་དང་ཁམས་སོགས་མཐའ་མེད་དོ།། གནམ་བདག་ཅེས་པ་ནི་ལྷ་གང་རུང་ཞིག་ཡིན་ལ་ཁོས་རང་ཁོ་ན་ལ་བདེ་སྐྱིད་བསྐྲུན་ཐུབ་པ་དང་ཁོ་དང་འབྲེལ་ཡོད་ཀྱི་བྱ་དངོས་ལ་ཕན་པ་བྱེད་པ་ལས། བྱ་དངོས་གཞན་པ་བསྐྲུན་པའི་ནུས་པ་མེད། གསུམ། ཉེས་པ་འབྱུང་རྐྱེན་གང་ཡིན་ནམ། ཡེ་ཤུའི་ཆོས་ལུགས་ཀྱིས། དམ་པའི་གསུང་རབ་ནི་བདེན་ལུགས་ཡིན་པ་ཡིད་ཆེས་ཤིང་། ཡབ་མེས་ཡ་ཏང་ནས་བཟུང་གང་ཟག་སུ་ཡིན་ཡང་ཉེས་པ་ཡོད། སངས་རྒྱས་ཆོས་ལུགས་ཀྱིས་རྒྱུ་འབྲས་འཁོར་བར་ཡིད་ཆེས་པ་ལས་ཉེས་པ་ཞེས་པ་ཞིག་ཚུགས་ཐུབ་ཏུ་ཡོད་པ་ཡིད་མི་ཆེས། མི་གཤིས་ལ་དྲན་ཚུལ་དགེ་བ་དང་མི་དགེ་བ་ཡོད་པའི་རྐྱེན་གྱིས་དགེ་མི་དགེའི་ལས་བསྒྲུབས། མི་སུ་ཡིན་ཡང་རང་གི་བྱ་སྤྱོད་ལ་འགན་ཁུར་དགོས་པ་མ་ཟད། ངེས་པར་དུ་བསྙེན་པ་སོགས་བྱས་ཏེ་རང་གི་མི་དགེ་བའི་ལས་ཇེ་ཉུང་དུ་གཏོང་སྟེ་དགེ་བའི་ལས་ཇེ་མང་དུ་བཏང་དགོས། བཞི། རྣམ་ཤེས་ཡོད་མེད། ཡེ་ཤུའི་ཆོས་ལུགས། ལྷ་ཡུལ་དང་དམྱལ་ཁམས་ཁོ་ན་ཡོད་པ་ཡིད་ཆེས། མའི་རྣམ་ཤེས་ཀྱང་ས་འདི་གཉིས་ལས་གཞན་འགྱུར་བ་མེད། སངས་རྒྱས་ཆོས་ལུགས་ཀྱིས། འགྲོ་དྲུག་གི་འཁོར་ལ་ཡིད་ཆེས། ལྷ། མི། ལྷ་མ་ཡིན། དམྱལ་བ།…