ཨེ་ཝྃ་ཧོ།

༄༅།།ལ་དྭགས་༸ཆོས་རྗེ་རྟོགས་ལྡན་དཀོན་མཆོག་ ཐུབ་བསྟན་རྒྱལ་མཚན་མྱུར་བྱོན་གསོལ་འདེབས་ ནོར་བུའི་བཅུ་ཚར་ཅེས་བྱ་བ་བཞུགས་སོ།། ན་མོ་གུ་རུ་རཏྣ་ཏྲ་ཡཱ་ཡ།། བཅོམ་ལྡན་མགོན་པོ་འོད་མཐའ་ཡས་པ་དང་།། སྤྱན་རས་གཟིགས་དབང་ཕྱག་ན་རྡོ་རྗེ་སོགས།། གར་དབང་ལས་ཀྱི་ལྷ་ཚོགས་བདག་ལ་དགོངས།། མཆོག་སྤྲུལ་དམ་པ་གསེར་ཞལ་མྱུར་བྱོན་གསོལ།། བདེ་ཆེན་ཕྱག་རྒྱ་ཆེན་པོའི་རྟོགས༵་པ་ལྡན༵།། དཀོན༵་མཆོག༵་སངས་རྒྱས་བླ་མའི་ཐུགས་དམ་ཅན།། ཐུབ༵་བསྟན༵་དམ་ཆོས་སྤེལ་བའི་ཕྲིན་ལས་བདག། ངུར་སྨྲིག་རྒྱལ༵་མཚན༵་དགེ་འདུན་མྱུར་བྱོན་ཤོག། མཆོག་གསུམ་རྒྱལ་བ་རྒྱ་མཚོའི་ཐུགས་རྗེ་དང་།། རྩ་གསུམ་རིག་འཛིན་གྲུབ་པའི་བྱིན་རླབས་ཀྱིས།། ཆོས་རྗེ་རྟོགས་ལྡན་བླ་ནའི་ཡང་སྲིད་ཉིད།། བདེ་མྱུར་ངང་ནས་ཞིང་འདིར་ལྷུན་གྲུབ་ཤོག། ཅེས་པ་འདི་ཡང་རབ་གནས་ཆུ་ཆོས་ས་ག་ཟླ་བའི་ཡར་ངོའི་དངའ་བ་དང་པོའི་ཉི་མ་ལ་ཡུལ་ལ་དྭགས་ཀྱི་མདོ་སྔགས་ངེས་དོན་མཁན་མོ་ཚེ་རིང་སྒྲོལ་དཀར་ནས་ཐུགས་སྨོན་གནང་རོགས། ལ་དྭགས་རྟོགས་ལྡན་རིན་པོ་ཆེ་ཆུ་ཚོད་བཅུ་གཅིག་ལ་སྐུ་བཤེགས་འདུག་ཅེས་བྲིས་པའི་མོད་ལ་སེམས་ཚོར་གང་ཤར་དུ་ཤྲཱིཿ ཨེ་མ་ཧོས་དེ་ཉིད་དུ་ཨེ་ཝྃ་ཡོ་ག་བདེ་མཆོག་ཕོ་བྲང་ནས་སྨོན་པར་དོན་དང་ལྡན་པར་གྱུར་ཅིག་གུ། །། ཤྲཱིཿ པུནྱེ་སརྦ་བི་ཛ་ཡནྟུ།།

༈ ཕ་ཁུ་རྒན་རབས། སྤྱི་དཔོན་རོང་ཚ་ཁྲ་རྒན། འདོ་བ་ཤྭ་རྐྱང་དྲེལ་མགོ། གྲོ་བོ་སྐྱ། ཡབ་ཆེན་སེང་བློན་རྒྱལ་པོ། འདོ་བ་ཁམས་པ་དངུལ་སྒོང་། བྲ་བོ་སྐྱ། སྟག་རོང་དཔོན་པོ་ཁྲོ་ཐུང་། འདོ་བ་གུ་གུ་རོག་འཛོང་། སེར་པོ་སྐྱ། སྐྱ་ལོའི་སྟོན་པ་རྒྱལ་མཚན། འདོ་བ་དགུ་བརྒྱ་རྭ་གཅིག གྲོ་སྔོན་སྐྱ། ༈ དཔོན་རྒྱུད་གསུམ། གསེར་བའི་ཉི་འབུམ་དར་ཡག འདོ་བ་ངང་བ་གསེར་སྒོང་། འོམ་བུའི་ཨ་ནུ་དཔའ་སེང་། ཁྱུང་དམར་རླུང་གི་འཕྲུལ་འཁོར། ཁམས་པ་སྐྱ། མུ་སྤྱང་རིན་ཆེན་དར་ལུ། ཆུ་བྱ་སྔོན་པོ་འཕུར་ཤེས། ར་སྔོན་སྐྱ། ༈ ཡང་ཐུལ་དམ་པའི་མི་བདུན། འབྲུ་སྒ་བདེ་ཆོས་སྐྱོང་བེར་ནག མགྱོགས་པ་རླུང་ནག་རྗེས་གཅོད། ནག་པོ་སྐྱ། སྟག་རོང་ཨ་ནུ་གཟིག་འཕེན། མགྱོགས་པ་ཕོ་རོག་སྟོང་འཆམས། ནག་པོ་སྐྱ། འབུམ་པའི་ཞ་ལུ་དཀར་པོ། འདོ་བ་རྒྱ་བྱ་སོག་དཀར། དཀར་པོ་སྐྱ། བློན་ཆེན་འདན་མ་བྱང་ཁྲ། རྩལ་ཆེན་དངོས་གྲུབ་ལྡེམ་པ། སྔོན་པོ་སྐྱ། རྒོད་པོ་སེང་སྟག་ཨ་དོམ། སྟོང་རི་ནོར་གྱི་བང་མཛོད། དཀར་པོ་སྐྱ། གདོང་ཆོས་ལུ་བུ་ཡི་དར་འཕེན། མགྱོགས་པ་སྨུ་གུ་ལྡིང་ཤེས། འོལ་བ་སྐྱ། སྟག་རོང་ཉ་ཚ་ཨ་བརྟན། མགྱོགས་པ་གངས་རི་ལྡིང་ཤེས། དཀར་པོ་སྐྱ། ༈ ངོ་ལུག་ཐོག་པའི་མི་གསུམ། སྟག་རོང་སྲིན་ཚ་ངོ་ལུག རཀ་དཀར་རླུང་གི་འཁོར་ལོ། རག་དཀར་སྐྱ། ཨ་གེ་ཚངས་པའི་ངོ་ལུག ཀླུ་རྟ་སྔོན་པོ་མཐིང་གཤོག གྲོ་སྔོན་སྐྱ། མུ་པའི་དར་འཛོམས་ངོ་ལུག མགྱོགས་པ་ལྷ་བྱ་ལྡིང་ཤེས། དཀར་པོ་སྐྱ། ༈ རྒྱལ་མཚན་ཐོག་པའི་མི་བཞི། དཀར་རུའི་ཉི་མ་རྒྱལ་མཚན། རྟ་དཀར་ལུ་གུ་འཆམ་ཤེས། དཀར་པོ་སྐྱ། ནག་རུའི་ཐར་བ་རྒྱལ་མཚན། འདོ་བ་སྤྲིན་གཤོག་མགྱོགས་ལྡན། སྔོན་པོ་སྐྱ། འདན་མའི་གུ་རུ་རྒྱལ་མཚན། མགྱོགས་པ་མཚོ་རྟ་རྔ་རིང་། སྔོན་པོ་སྐྱ། ཨ་ཡག་ཤཱཀྱ་རྒྱལ་མཚན། འདོ་བ་གྲོ་ཞུར་ཐིག་བརྒྱ། དཀར་པོ་སྐྱ། ༈ གླིང་ཕ་ཁུ་རྒན་རབས་མི་བཅུ། དཔོན་རོང་ཚ་ཁྲ་རྒན། འདོ་བ་ཤྭ་རྐྱང་དྲེལ་མགོ། གྲོ་བོ་སྐྱ། ཡབ་ཆེན་སེང་བློན་རྒྱལ་པོ། འདོ་བ་ཁམས་པ་དངུལ་སྒོང་། བྲ་བོ་སྐྱ། སྟག་རོང་དཔོན་པོ་ཁྲོ་ཐུང་། འདོ་བ་གུ་གུ་རོག་འཛོང་། སེར་པོ་སྐྱ། སྐྱ་ལོའི་སྟོན་པ་རྒྱལ་མཚན། འདོ་བ་དགུ་བརྒྱ་རྭ་གཅིག གྲོ་སྔོན་སྐྱ། ཨ་སྐྱིད་ནམ་མཁའ་སེང་ཞལ། འདོ་བ་སྤྱང་ཐུང་བཅུམ་ཤེས། སྔོན་པོ་སྐྱ། མདའ་མཁན་རྒས་པོ་རྒུ་རུ། རྒུར་རྟ་གྭ་བ་ཁྲི་སྐྱིད། ནག་ཞུར་སྐྱ། ཨ་ཁུ་སྒོམ་ཆེན་གཏིང་མེད། སྔགས་པའི་གཟའ་རྟ་མིག་མང་།…

༄༅།།འཇའ་ལུས་འཕོ་ཆེན་འགྲུབ་པའི་སྨོན་ལམ་ སྦས་ཡུལ་སྟག་ཚང་གི་སྒྲ་དབྱངས།། རྒྱལ་བ་ཀུན་བཟང་ཡབ་ཡུམ་ལ་ཕྱག་འཚལ་ལོ།། གདོད་མའི་ངོ་བོ་གནས་ལུགས་སྤྲོས་བྲལ་ངང་།། འོད་གསལ་རང་བཞིན་སྙིང་པོ་ཀུན་ཏུ་བཟང་།། ཟུང་འཇུག་ཐུགས་རྗེ་དཔལ་ཡོན་ཀུན་ཁྱབ་བདག། འཇམ་མགོན་བླ་མས་ཚེ་རབ་ཀུན་ཏུ་སྐྱོངས།། ཁྱད་ཆོས་དྲུག་ལྡན་ཀུན་བཟང་དགོངས་པའི་མཐིལ།། སྣང་སྲིད་རྣམ་དག་འཇའ་གུར་ཐིག་ལེ་དབུས།། ཞི་ཁྲོ་རབ་འབྱམས་སྣང་བཞིའི་རྩལ་ཤར་བའི།། ཐོད་རྒལ་གཞི་ཡི་གནས་ལུགས་རྟོགས་པར་ཤོག། ངོ་བོ་ཀ་དག་རྟག་མཐའ་གཞི་མེད་གྲོལ།། རང་བཞིན་ལྷུན་གྲུབ་ཆད་པའི་མུ་དང་བྲལ།། ཐུགས་རྗེ་དབྱེར་མེད་སྣ་ཚོགས་སྤྲུལ་པའི་སྐུ།། འཇའ་ལུས་འཕོ་ཆེན་རྒྱལ་བའི་སྐུ་ཐོབ་ཤོག། ཡེ་ནས་རྣམ་དག་ལྟ་བའི་ངོ་བོ་མཐོང་།། རང་རིག་ཡང་དག་སྒོམ་པའི་རང་བཞིན་གསལ།། གང་འདུལ་མཛད་བཟང་སྤྱོད་པའི་ཕྲིན་ལས་རྒྱས།། འཇའ་ལུས་འཕོ་ཆེན་འབྲས་བུ་མཐར་ཕྱིན་ཤོག། ཅེས་པ་འདི་ཡང་རབ་གནས་མེ་སྤྲེལ་ལྷ་བབས་དུས་ཆེན་ཟླ་བའི་ཡར་ངོའི་ཚེས་པ་བཅུའི་ཉིན་དམ་པས་བཀོད་བསྒྲིགས་བཞིན་སྤ་གྲོ་སྟག་ཚང་དུ་དད་གུས་ལྡན་པའི་སྐལ་བཟང་སློབ་བུ་རྣམ་པ་ལ་ཁྲིད་ཡིག་ཡེ་ཤེས་བླ་མའི་ཁྲིད་དབང་དང་ཚོགས་མཆོད་སྐབས་སུ་སྦས་ཡུལ་དེ་ཉིད་གུ་རུ་གསུང་འབྱོན་མའི་མདུན་ནས་གང་ཤར་དུ་རིག་འཛིན་ཨེ་མ་ཧོས་སྙིང་ནས་སྨོན་པར་དེ་དེ་བཞིན་དུ་འགྲུབ་པར་གྱུར་ཅིག་གུ།། །།

༄༅།། རྡོ་རྗེ་གོ་ཁྲབ་ཀྱི་སྒྲུབ་ཐབས་ཡིད་བཞིན་ནོར་བུ།། 金剛鎧甲儀軌 – 滿願寶珠 The Means of Achievements of Wish-fulfilling Jewel on Vajra Armor. ཨེ་མ་ཧོ༔ 唉瑪吙 Marvellous！ སྟོང་པའི་ངང་ལས་རང་ཉིད་སྐད་ཅིག་གིས༔ 廣大空性法界顯現一剎那 Momentarily oneself from within emptiness; མ་ཧཱ་གུ་རུ་རྡོ་རྗེ་གོ་ཁྲབ་དཔལ༔ 至尊上師金剛鎧甲殊勝尊 The great and glorious Guru Vajra Armor; མཐིང་ནག་ཞལ་གཅིག་ཕྱག་གཉིས་རྡོར་ཕུར་འདྲིལ༔ 烏面二臂手持金剛及普巴 One face two arms dark blue in colour with rolling Vajra and Kilaya in hands; དཔལ་དང་དུར་ཁྲོད་རོལ་པའི་ཆས་ཀྱིས་བརྒྱན༔ 殊勝寒林八種骨飾為莊嚴 Adored with the form of glorious cemeterial ornaments; པདྨ་ཉི་ཟླར་སྟག་རྒོད་ཁྲོས་མའི་སྟེང་༔ 安座日月蓮花觉活虎 On the lotus, the sun, the moon and the courageous tiger ; ཞབས་གཉིས་གྱད་ཀྱི་འདོར་སྟབས་ཚུལ་དུ་བཞུགས༔ 雙足站立尢如威猛勇士姿 Riding with two legs as the way of fighter stance; ཡེ་ཤེས་མེ་དཔུང་འབར་བའི་ཀློང་ན་གསལ༔ 智慧火焰周遍明觀中顯現 Visualise in the middle of…