ལུང་བསྟན་ཀུན་གསལ་སྒྲོན་མེ་ལས༔
ལུང་བསྟན་ཀུན་གསལ་སྒྲོན་མེ་ལས༔ བྲག་དཀར་རི་བོ་རྩེ་གསུམ་ན༔ པདྨའི་གསུང་གི་སྒྲུབ་གནས་ཡོད༔ རྟེན་འབྲེལ་བདེན་པ་མངོན་གྱུར་ནས༔ འགྲོ་དོན་ཀུན་གསལ་ཁྱོན་ལ་བརྡལ༔ རྟ་མགྲིན་ཕུར་སྒྲུབ་ཚད་དུ་ཕྱིན༔ སྙིགས་དུས་རྒུད་པ་རྨིང་ནས་སེལ༔ འཛམ་གླིང་ཞི་བདེའི་ཉི་མ་ཤར༔ འབྲེལ་ཚད་རྔ་ཡབ་དཔལ་རིར་འདྲེན༔ ཞེས་སོགས་ལུང་བསྟན་མཐའ་ཡས་སོ།། ལུང་བསྟན་དང་རྨི་ལམ་བདེན་པ་དག་ཚད་ལས་འདས་པའི་གནད་ལ་ཁེལ་བ་བྱུང་། ༡༽ ཐོག་དང་པོ་རྟེན་འབྲེལ་བཟང་བ་ལ་མཁར་ཆེན་དབང་ཕྱུག་རིན་པོ་ཆེ་དང་ཕུབ་དབང་རྡོ་རྗེ་རིན་པོ་ཆེ་དང་ཆོས་བདག་རིན་པོ་ཆེ་སོགས་ཀྱིས་བསུ་མ་བཅས་སྐྱིད་ཆུ་ལྷ་ཁང་ནས་སྨོན་ལམ་བཏབས། བདེ་བར་འབྲུག་ཆེན་ཁང་ནས་སིདྡྷིས་བྱིན་རླབས་དང་བཅས་ཡིད་འགུལ་ཐེབས་པར་བྱུང་།། སྐུ་གསུམ་ཞིག་མཎྜལ་རབ་འབྱམས་རིན་པོ་ལ་དགེ་འདུན་ཁྲི་གྲལ་ནས་ཕུལ་བར་བྱས། རི་བོ་བསང་མཆོད་དགུང་དང་མཉམས་པར་བཏངས། ༢༽ དཀོན་མཆོག་འོད་ཟེར་དགོངས་བཞེད་དང་རང་གིས་འདོད་པ་བཞིན་གངས་གནས་རི་རྩེ་ནས་རི་བསངས་བཏངས། འཇའ་སྤྲིན་ནམ་མཁའ་ལས་གུ་རུ་རིན་པོ་ཆེ་དངོས་སུ་ཀུན་གྱིས་མཇལ།སྟག་ཚང་གསང་ཕུག་ནས་ཡེ་ཤེས་བླ་མའི་ཟབ་ཁྲིད་རྡོ་རྗེ་ཆོས་བདུན་ངོ་བོར་བྱང་ཆུབ་པ་དང་རྟེན་འབྲེལ་བདེན་པ་མངོན་དུ་གྱུར། གུ་རྟ་ཕུར་གསུམ་གྱི་དབང་ཆོག་དང་བཅས་པར་རིག་ཀློང་ལས་བརྡོལགཏེར་སྒྲོམ་འགའ་ཡང་ལག་ཏུ་སོན། རྗེ་ཁ་མགྲོན་ཁང་(Janka )ནས་སྐལ་བཟང་སློབ་མའི་ངོར་རྡོ་རྗེ་གོ་ཁྲབ་དང་མགུལ་ཁུག་མའི་དབང་དང་རི་བོ་བསང་མཆོད་ཕུལ། བྲག་དཀར་པོ་དང་སྐྱིད་ཆུ་དང་། སྟག་ཚང་གསང་ཕུག་ནས་ཡེ་ཤེས་བླ་མའི་ཟབ་ཁྲིད་རྡོ་རྗེ་ཆོས་བདུན་ངོ་བོར་བྱང་ཆུབ་པ་དང་རྟེན་འབྲེལ་བདེན་པ་མངོན་དུ་གྱུར།།
སྙིང་ཐིག་སྔོན་འགྲོའི་ངག་བྱིན་རླབས་སྒོམ་རིམ་རིས་འགྲེལ།
སྙིང་ཐིག་སྔོན་འགྲོའི་ངག་བྱིན་རླབས་སྒོམ་རིམ་རིས་འགྲེལ། ཨོཾ་ཨཱཿ་ ཧཱོུཾ། ལྕེ་དབང་རཾ་ཡིག་ལས་བྱུང་མེས་བསྲེགས་ནས།། འོད་དམར་རྣམ་པའི་རྡོ་རྗེ་རྩེ་གསུམ་སྦུབས།། ཨ་ལི་ཀཱ་ལིའི་མཐའ་བསྐོར་རྟེན་འབྲེལ་སྙིང༌།། མུ་ཏིག་ཕྲེང་བ་ལྟ་བུའི་ཡིག་འབྲུ་ལས།། འོད་འཕྲོས་རྒྱལ་བ་སྲས་བཅས་མཆོད་པས་མཉེས།། སླར་འདུས་ངག་སྒྲིབ་དག་ནས་གསུང་རྡོ་རྗེའི།། བྱིན་རླབས་དངོས་གྲུབ་ཐམས་ཅད་ཐོབ་པར་བསམ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཱ། ལན་བདུན། ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵཿ ལན་བདུན། ཡེ་དྷརྨ་ཧེ་ཏུ་པྲ་བྷ་ཝཱ་ཧེ་ཏུན་ཏེ་ཥཱནྟ་ཐཱ་ག་ཏོ་ཧྱ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲཱ་མ་ཎ་སྭཱ་ཧཱ། ལན་བདུན།
ཨེ་མ་ཧོ།།
༸མཁའ་འགྲོ་མ་མཆོད་རྟེན་བཟང་མོའི་མཆོད་རྟེན་མཇལ་ཞིང་ལོ་བདུན་གྱི་ཡར་སྔོན་གྱི་རྨི་ལམ་གྱི་ལུང་བསྟན་ཀུན་མངོན་དུ་གྱུར། རྗེ་བཙུན་མ་མུ་མཚོ་དང་ཡིད་བཞིན་ནོར་བུ་རྨི་ལམ་ལས་མངོ་་སུམ་མཇལ། འཆི་མེད་འཕགས་མ་སྒྲོལ་མ་དང་ཟླ་བ་གྲགས་པ། ཆོས་བདག་པདྨ་ཆོས་གྲགས་རིན་པོ་ཆེ་དང་། གསར་རུ་འཇམ་དབྱངས་བློ་གྲོས་སྟོབས་ལྡན་དང་ཀུན་བཟང་རིག་འཛིན་དང་ཕུབ་བཟང་མོ་དང་ཡུལ་དེའི་དྲག་ཤོག་གིས་དུང་ལེན་དགའ་བསུ་ཟབ་རྒྱས་བྱུང་། ངོས་ནས་ཚིག་བདུན་གསོལ་འདེབས་ཀྱི་ལུང་དག་སྔགས་དང་ཕྱག་དང་། ཁྱད་པར་དུ་གུ་རུ་རྡོ་རྗེ་གོ་ཁྲབ་ཀྱི་དབང་དང་ཕུར་པ་མགུལ་ཁུག་མའི་དབང་དང་རྡོ་རྗེ་གཅོད་པའི་ལུང་དང་ཚེ་འདས་ཉི་མ་བསྔོ་སྨོན་བྱས་ལ་ཀརྨ་གླིང་གི་མགྲོན་ཁང་ནས། ཨེ་མ་ཧོ།། ཀརྨ་གླིང་པའི་བཟང་ཁང་དུ།། རྩ་གསུམ་མདོ་སྔགས་བཀའ་དབང་བསྩལ།། བསྟན་འགྲོར་ཕན་བདེའི་ཉི་མ་ཤར།། ཀུན་བཟང་ཕྲིན་ལས་རྨད་བྱུང་ཨེ་མ་ཧོ༔ ད་བྲིས་ད་སྤེལ་ཨེ་མ་ཧོ།
༄༅།།དག་པའི་ཞིང་མཆོག་གི་དབང་ཆོག་ཡིད་བཞིན་ནོར་བུ།
༄༅།།དག་པའི་ཞིང་མཆོག་གི་དབང་ཆོག་ཡིད་བཞིན་ནོར་བུ། དག་པའི་ལྷ་བཅུའི་དབང་ཆོག་ཡིད་བཞིན་ནོར་བུའི་མགུལ་རྒྱན་ཞེས་བྱ་བ་བཞུགས་སོ།། དེ་ལ་འདིར་དབང་སྐུར་ཐབས་ལ་བཅུ་གསུམ་ཡོད་པ་ལས། ༼༡༽ དང་པོ་ནི་བསམ་ལྷུན་ཆོ་ག་རྒྱས་བསྡུས་གང་རུང་སྔོན་དུ་སོང་བ་སློབ་དཔོན་གྱི་ལས་དང་། ༼༢༽ གཉིས་པ་སློབ་མ་ཡོངས་ལ་སྐུ་ཁྲུས་གསོལ་བར་བྱ། ཇི་ལྟར་བལྟམས་པ་དང་རྣམ་རྒྱལ་མ་དང་སྨེ་བརྩེགས་ཀྱི་ལས་རིམ་དང་རྡོ་སེམས་ཀྱི་སྒོ་ནས་དག་པར་མཛད། ༼༣༽ གསུམ་པ་བཀའ་བགོ་དང་སྲུང་འཁོར་དང་མཚམས་བཅད་ཟབ་རྒྱས་བྱ། བཞི་བ་བྱིན་འབེབས་དངོས་ནི།འི ༼༤༽ དང་པོ་སངས་རྒྱས་ཀུན་འདུས་བླ་མ་ཨོ་རྒྱན་པདྨ་འབྱུང་གནས་ཀྱི་དབང་བསྐུར་བྱིན་གྱིས་རླབས་པ་ནི། ༼༡༽ གུ་རུ་པདྨ་འབྱུང་གནས། ཨེ་མ་ཧོ༔ སྣང་སྲིད་དག་པའི་ཞིང་མཆོག་དཔལ་རིའི་དབུས༔ ཀུན་བཟང་རྒྱལ་བ་ཀུན་འདུས་པདྨ་འབྱུང་༔ སྙིགས་དུས་རྒུད་པ་ཀུན་སེལ་མ་ཎི་ཀས༔ མཆོག་ཐུན་དངོས་གྲུབ་ཐོབ་པའི་དབང་བསྐུར་རོ༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས་༔ ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ་༔ ཨོྃ་ཨཱཿ ཧཱུྃ་བཛྲ་གུ་རུ་པདྨ་ཐོད་འཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨ༔ ཨོྃ་མ་ཧཱ་གུ་རུ་བུདྡྷ་ཛྙཱ་ན་སརྦ་སིདྡྷི་ཧཱུྃ༔ ཀཱ་ཡ་སིདྡྷི་ཨོྃ༔ ཨ་བྷིཥཉྩ་ཨོྃ༔
༄༅། །སྟོན་པ་བཅོམ་ལྡན་འདས་ལ་མཛད་པ་བཅུ་གཉིས་ཀྱི་སྒོ་ནས་བསྟོད་པ་བཞུགས་སོ།།ཐབས་མཁས་ཐུགས་རྗེས་ཤཱཀྱའི་རིགས་སུ་འཁྲུངས། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། །གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོ་ཁྱེད་ལ་ཕྱག་འཚལ་ལོ། །གང་གིས་དང་པོར་བྱང་ཆུབ་ཐུགས་བསྐྱེད་ནས། །བསོད་ནམས་ཡེ་ཤེས་ཚོགས་གཉིས་རྫོགས་མཛད་ཅིང་། །དུས་འདིར་མཛད་པ་རྒྱ་ཆེར་འགྲོ་བ་ཡི། །མགོན་གྱུར་ཁྱོད་ལ་བདག་གིས་བསྟོད་པར་བགྱི། །ལྷ་རྣམས་འདུལ་མཛད་གདུལ་བའི་དུས་མཁྱེན་ནས།།ལྷ་ལས་བབས་ནས་གླང་ཆེན་ལྟར་གཤེགས་ཏེ། །རིགས་ལ་གཟིགས་ནས་ལྷ་མོ་སྒྱུ་འཕྲུལ་གྱི། །ལྷུམས་སུ་ཞུགས་པར་མཛད་ལ་ཕྱག་འཚལ་ལོ། །ཟླ་བ་བཅུ་རྫོགས་ཤཱཀྱའི་སྲས་པོ་དེ། །བཀྲ་ཤིས་ལུམྦུའི་ཚལ་དུ་བལྟམས་པའི་ཚེ། །ཚངས་དང་བརྒྱ་བྱིན་གྱིས་བསྟོད་མཚན་མཆོག་གིས། །བྱང་ཆུབ་རིགས་སུ་ངེས་མཛད་ཕྱག་འཚལ་ལོ། །གཞོན་ནུ་སྟོབས་ལྡན་མི་ཡི་སེང་གེ་དེས། །ཨངྒ་མ་ག་དྷཱར་ནི་སྒྱུ་རྩལ་བསྟན། །སྐྱེས་བུ་དྲེགས་པ་ཅན་རྣམས་ཚར་བཅད་ནས། །འགྲན་ཟླ་མེད་པར་མཛད་ལ་ཕྱག་འཚལ་ལོ།།འཇིག་རྟེན་ཆོས་དང་མཐུན་པར་བྱ་བ་དང་། །ཁ་ན་མ་ཐོ་སྤངས་ཕྱིར་བཙུན་མོ་ཡི། །འཁོར་དང་ལྡན་མཛད་ཐབས་ལ་མཁས་པ་ཡིས། །རྒྱལ་སྲིད་སྐྱོང་བར་མཛད་ལ་ཕྱག་འཚལ་ལོ། །འཁོར་བའི་བྱ་བ་སྙིང་པོ་མེད་གཟིགས་ནས། །ཁྱིམ་ནས་བྱུང་སྟེ་མཁའ་ལ་གཤེགས་ནས་ཀྱང་།།མཆོད་རྟེན་རྣམ་དག་དྲུང་དུ་ཉིད་ལས་ཉིད། །རབ་ཏུ་བྱུང་བར་མཛད་ལ་ཕྱག་འཚལ་ལོ།།བརྩོན་པས་བྱང་ཆུབ་འགྲུབ་པར་དགོངས་ནས་ནི། །ནཻ་རཉྫ་ནའི་འགྲམ་དུ་ལོ་དྲུག་ཏུ། །དཀའ་བ་སྤྱོད་མཛད་བརྩོན་འགྲུས་མཐར་ཕྱིན་ཏེ། །བསམ་གཏན་མཆོག་བརྙེས་མཛད་ལ་ཕྱག་འཚལ་ལོ། །ཐོག་མ་མེད་ནས་འབད་པ་དོན་ཡོད་ཕྱིར། །མ་གྷ་དྷ་ཡི་བྱང་ཆུབ་ཤིང་དྲུང་དུ། །སྐྱིལ་ཀྲུང་མི་གཡོ་མངོན་པར་སངས་རྒྱས་ནས། །བྱང་ཆུབ་རྫོགས་པར་མཛད་ལ་ཕྱག་འཚལ་ལོ། །ཐུགས་རྗེས་འགྲོ་ལ་མྱུར་དུ་གཟིགས་ནས་ནི། །ཝཱ་རཱ་ཎ་སཱི་ལ་སོགས་གནས་མཆོག་ཏུ། །ཆོས་ཀྱི་འཁོར་ལོ་བསྐོར་ནས་གདུལ་བྱ་རྣམས། །ཐེག་པ་གསུམ་ལ་འགོད་མཛད་ཕྱག་འཚལ་ལོ། །གཞན་གྱིས་རྒོལ་བ་ངན་པ་ཚར་བཅད་ནས། །མུ་སྟེགས་སྟོན་པ་དྲུག་དང་ལྷས་བྱིན་སོགས། །འཁོར་མོ་འཇིག་གི་ཡུལ་དུ་བདུད་རྣམས་བཏུལ། །ཐུབ་པ་གཡུལ་ལས་རྒྱལ་ལ་ཕྱག་འཚལ་ལོ། །སྲིད་པ་གསུམ་ན་དཔེ་མེད་ཡོན་ཏན་གྱིས། །མཉམ་དུ་ཡོད་པར་ཆོ་འཕྲུལ་ཆེན་པོ་བསྟན།།ལྷ་མི་འགྲོ་བ་ཀུན་གྱིས་རབ་མཆོད་པ། །བསྟན་པ་རྒྱས་པར་མཛད་ལ་ཕྱག་འཚལ་ལོ། །ལེ་ལོ་ཅན་རྣམས་མྱུར་དུ་བསྐུལ་བའི་ཕྱིར། །རྩྭ་མཆོག་དྲུང་གི་ས་གཞི་གཙང་མ་རུ། །འཆི་མེད་རྡོ་རྗེ་ལྟ་བུར་སྐུ་གཤེགས་ནས། །མྱ་ངན་འདའ་བར་མཛད་ལ་ཕྱག་འཚལ་ལོ། །ཡང་དག་ཉིད་དུ་འཇིགས་པ་མེད་ཕྱིར་ནས། །མ་འོངས་སེམས་ཅན་བསོད་ནམས་ཐོབ་བྱའི་ཕྱིར། །དེ་ཉིད་དུ་ནི་རིང་བསྲེལ་མང་སྤྲུལ་ནས། །སྐུ་གདུང་ཆ་བརྒྱད་མཛད་ལ་ཕྱག་འཚལ་ལོ། །དེ་ལྟར་བསྟན་པའི་བདག་པོ་བཅོམ་ལྡན་གྱི། །མཛད་པའི་ཚུལ་ལ་མདོ་ཙམ་བསྟོད་པ་ཡི། །དགེ་བས་འགྲོ་བ་ཀུན་གྱི་སྤྱོད་པ་ཡང་། །བདེ་གཤེགས་ཉིད་ཀྱི་མཛད་དང་མཚུངས་པར་ཤོག །དེ་བཞིན་གཤེགས་པ་ཁྱེད་སྐུ་ཇི་འདྲ་དང་། །འཁོར་དང་སྐུ་ཚེའི་ཚད་དང་ཞིང་ཁམས་དང་། །ཁྱེད་ཀྱི་མཚན་མཆོག་བཟང་པོ་ཅི་འདྲ་བ། །དེ་འདྲ་ཁོ་ནར་བདག་སོགས་འགྱུར་བར་ཤོག །སྟོན་པ་བཅོམ་ལྡན་འདས་ལ་མཛད་པ་བཅུ་གཉིས་ཀྱི་སྒོ་ནས་བསྟོད་པ་འདི།སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱིས་མཛད་པ་རྫོགས་སོ
༄༅།།སྔ་འགྱུར་བསྟན་པའི་བདག་པོ་ངེས་པ་དོན་གྱི་མཁན་ཆེན་བླ་མ་ཨ་བུ་རིན་པོ་ཆེ་པདྨ་དྲག་སྔགས་གླིང་བའི་སྐྱེ་སྤྲུལ་དྲི་མ་མེད་མ་མཆོག་གི་སྐུ་གསུམ་ཤེལ་ཀྱི་གོང་བུའི་ཞབས་དྲུང་མངོན་པར་འཕགས་པའི་དཔལ་དུ།།གུས་པ་བུ་སློབ་མགོན་པོ་སྐྱབས་ཀྱིས་གསོལ་བ་འདེབས་སྙིང་། ༑ལེགས་ཚོགས་འབུམ་གྱིས་ཕྱུགས་པའི་སྐུ་ཉིད་ཀྱི་སྐུ་གསུམ་ཐུགས་ཡོན་ཏན་འཕྲིན་ལས་ཀྱིས་འགྲོ་ཀུན་ཐར་བའི་ལམ་མཆོག་ལ་འགོད་པར་མཛད་པའི་མཛད་པ་ནམ་མཁའི་མཐའ་དང་མཉམ་པར་འཛམ་གླིང་ཤར་ནུབ་ཀུན་ཞབས་ཀྱིས་བཅག་ནས་འགྲོ་དོན་མ་ལུས་ལྷུན་གྱིས་འགྲུབ་པའི་ངང་སྐུ་གསུམ་བདེ་དགའི་རྒྱ་མཚོའི་ཀློངས་སུ་བདེ་བདེ་མཆིས་སམ་ལགས།།གུས་པ་བུ་སློབ་མགོན་པོ་སྐྱབས་རང་ཁྱིམ་བཀྲ་ཤིས་རབ་བརྟན་གླིང་གི་གཡང་གི་སྒོ་བཞི་འཛོམས་པའི་གནས་ཡུལ་ན།ལུས་བདེ་སེམས་བདེ་ངང་བླ་མ་བཟང་བོས་གནང་བའི་དམ་ཆོས་ཟབ་མོ་ཉམས་ལེན་ཅི་ཐུབ་ངང་བདེ་ཞིང་སྐྱིད་པའི་ངང་གནས་ལགས། འདིར་ཨ་བུ་རིན་པོ་ཆེ་མཆོག་ལ་ཞུ་བར་བྱེད་པའི་གཏམ་གྱི་སྙིང་བོ་ནི།གུས་བའི་བླ་མ་རིན་པོ་ཆེའི་སྐུ་ཚེའི་མི་འགྱུར་རྡོ་རྗེ་བཞིན་བརྟན་པ་དང་།འགྲོ་དོན་མ་ལུས་དཔག་མེད་དུ་རྒྱས་བའི་ལྷད་དུ་སྣང་སྲིད་དབང་དུ་སྡུད་པའི་གསོལ་འདེབས་བྱིན་རླབས་སྤྲིན་ཆེན་སྟོང་ཚར་གཅིག་དང་རྡོ་རྗེ་གོ་ཁྲབ་ཚར་བརྒྱ།གུ་རུ་སིངྷི་ཚར་བརྒྱ།གེ་སར་རྩ་སྔགས་ཚར་བརྒྱ།སྒྲོལ་མའི་སྔགས་ཚར་བརྒྱ་བཅས་ཡོངས་སུ་འགྲུབ་པ་བྱས་ནས།དེ་རིང་ས་ག་ཟླ་བའི་ཚེས་ཆེན་བཅོ་ལྔའི་ཨེ་ཝྃ་སྨོན་ལམ་ཆེན་མོ་སྐབས་བརྒྱ་དང་ཞེ་བདུན་པའི་དུས་ཚིགས་ཁྱད་པར་ཅན་དང་སྐབས་དང་བསྟུན་བླ་མ་རིན་པོ་ཆེ་ལ་འབུལ་རྒྱུ་ལགས་ན། འདིའི་མཚོན་གྱི་དགེ་བའི་རྩ་བ་གང་ཡོད་ཐམས་ཅད་སྤྱིར་རིགས་དྲུག་སེམས་ཅན་ཐམས་ཅད་དང་།ཡང་སྒོས་བདག་ལ་བཀའ་དྲིན་གསུམ་ལྡན་གྱི་རྩ་བའི་བླ་མ་རིན་པོ་ཆེའི་སྐུ་གསུམ་རྡོ་རྗེའི་ངོ་བོ་རི་རབ་བཞིན་བརྟན་ཅིང་།།ཕྱོགས་བཅུའི་འགྲོ་དོན་མ་ལུས་བདེ་ལེགས་ངང་འགྲུབ་པ་བཅས་ཀྱི་ཆེད་དོན་དུ།བཀྲ་ཤིས་རྟགས་བརྒྱད་ཀྱིས་བརྒྱན་པའི་ཁ་བཏགས་དྲི་མ་མེད་པ་དང་བཅས་འབུལ་བར་ལགས་ན།ཇི་ལྟར་གསོལ་བ་བཏབ་པ་བཞིན་དེ་དེ་བཞིན་འགྲུབ་པར་བླ་མའི་སྐུ་གསུང་ཐུགས་གསུམ་དང་དབྱེར་མེད་པའི་རྩ་གསུམ་གྱི་ལྷ་ཚོགས་རྣམས་ཀྱིས་འཕྲིན་ལས་སྩོལ་བའི་བྱིན་རླབས་བཅས། སྒོ་གསུམ་གུས་པ་ཆེན་པོའི་གསོལ་བ་འདེབས་པར་ཞུ་ཞུ་ཞུ། བོད་རྒྱལ་ལོ་༢༡༥༡་ས་ག་ཟླ་བའི་ཚེས་ཆེན་༡༥ཉིན་རང་ཤག་བཀྲ་ཤིས་རབ་བརྟན་གླིང་ནས་བུ་སློབ་མགོན་པོ་སྐྱབས་ཀྱིས་གསོལ་བ་བཏབ་པ་དགེ་ལེགས་འཕེལ།། །།
