ཨེ་ཝྃ་ཧོ།

ཨེ་མ།། ངོ་བོ་གསལ་བ་པདྨ་འབྱུང་།།རང་བཞིན་སྟོང་པ་མཚོ་རྒྱལ་མ། ། གསལ་སྟོང་ཟུང་འཇུག་ནམ་མཁའི་སྙིང་། ། རྒྱུན་མི་ཆད་པའི་རིག་ཀློང་འདུད། ། སེམས་ཉིད་རྩ་བ་བཅད་པས་ན། །འགྱུར་མེད་ནམ་མཁའ་ཁྱབ་པ་ལ། །རིག་དང་མ་རིག་མཚམས་པར་གནས། །གློ་བུར་རྣམ་རྟོག་འཁྲུལ་པ་ལ། །སྣང་བ་སྒྱུ་མའི་སྐྱེས་བུ་མཚར། །སྐྱེ་མེད་ཕར་བལྟས་བྱས་པ་ན། ། སྐྱེས་ཙམ་ཉིད་ནས་དངོས་པོ་བྲལ། །དངོས་མེད་ཀློང་ལས་རྟོག་ཚོགས་ཤར།ཤར་ཙམ་ཆེད་དུ་མ་འཛིན་པས། །སེམས་ཉིད་ངོ་བོ་སྟོང་པ་སྙམ། །སྟོང་པ་ངོ་བོ་ཉིད་དུ་མཐོང་། ། ཞེན་མེད་མ་འཛིན་རང་སར་ཞོག། །བཞག་བྱ་བཞག་བྱེད་མ་མཆིས་པས། །གནས་འགྱུའི་འཕྲང་ལས་གྲོལ་བར་སྙམ། །གསལ་སྟོང་ཟུང་འཇུག་བཏང་བ་ལ། །ཕྲ་རག་རྟོག་ཚོགས་རྗེན་པར་འབུད། །གཉིས་སྣང་འཛིན་པ་ཞིག་པས་ན། །བལྟ་བྱ་བལྟ་བྱེད་སྣང་བ་བོར། །སེམས་ཉིད་གསལ་སྟོང་ཝ་ལེར་སྙམ། །བདེ་གསལ་རྟོག་པར་མ་ཞེན་ལ། །ཤེས་ཉམས་རྟོག་པས་མ་བསླུས་མཛོད། །གཉུག་མའི་སེམས་ཉིད་ཤེས་པ་ལ། ། ཡིད་བྱེད་འཛིན་པའི་ཐེ་ཚོམ་འདུག། ཉམས་ཀྱི་རྟོག་པ་་ཕྲ་མོ་ལ། ། ཞེན་པའི་མདུད་པ་ལྷོད་ཀྱིས་ཤིག། རྣམ་རྟོག་ངོ་བོ་སྟོང་པ་ཉིད། །འཛིན་མེད་ལྟ་བ་ནང་ནས་རིག། རིག་པ་ནང་གི་ངོ་བོ་གཉིས།། འགྱུར་བ་མེད་པའི་ངོ་བོ་མཐོང་།།འགྱུར་མེད་སེམས་རིག་འདི་ཀ་ལ།། དབྱིངས་དང་ནམ་མཁའ་སྟོང་པ་ལ།། སེམས་གཏད་སེམས་ལ་གྲུབ་པ་མེད།། སེམས་ཉིད་གཞི་མེད་རྩ བ་བྲལ།། རྩ་བྲལ་ངང་ནས་བལྟས་པ་ན།།སྟོང་གསུམ་ཅི་ཟེར་ཐོས་སམ་སྙམས།། ཐོས་པས་ཡུལ་འཛིན་སྟོང་སང་ངེ་།། སེམས་འཛིན་མེད་པ་རྗེན་ནེ་བ།། རྗེན་ནེ་འཛིན་མེད་རང་ལུས་མཐོང་།། མཐོང་མེད་ཁྱབ་པ་ཆེན་པོ་དེས།། འཁྲུལ་ཙམ་འདྲེན་དང་གང་བསམ་འགྲོ།། འགྲོ་བས་རྟག་ཆད་བློ་འདི་སྤངས།།ནམ་མཁའ་བཞིན་དུ་མཐའ་བྲལ་བ།།སྒོམ་དང་མི་སྒོམ་མ་ཡེངས་སོགས།། མངོན་སུམ་ཁྱད་པར་ཅི་ཡང་མེད།། སོ་མ་ཟང་ཐལ་ཝ་ལེ་འདི།། ཡེ་ཤེས་འཆར་སྒོ་མ་འགགས་རྟགས།།དངོས་མེད་ལྷང་ངེར་འཆར་བ་འདི།། སྤྲོས་མེད་ངང་ལ་བལྟས་པས་ཆོག།། ཆོག་པ་པད་འབྱུང་བཀའ་དྲིན་ཡིན།། རིག་སྟོང་རང་བབ་ཀློད་ནས་ཀྱང་།། ཐམས་ཅད་ཀུན་བཟང་ཀློང་དུ་ཨཿགྲུབ་བརྙེས་གཏེར་འབྱིན་བསམ་གླིང་པས།། སུངས་བསྐུལ་ལྡོག་ཏུ་མ་ཕོད་པས།། གང་ཤར་རང་ལོ་ཉེར་གཅིག་དུས།། རྨོངས་ཐོམ་རྫུན་རྒན་གྱི་ན་བ།། ༧ ཀུན་བཟང་འགྲོ་འདུལ་རྡོ་རྗེ་ངས།། ཚིག་གི་སྡེབ་སྦྱོར་མ་མཆིས་ཀྱང་།།རྒྱུད་ཐོག་དཔག་པས་ནོར་འཁྲུལ་མེད།། ཞུན་མར་ངོགས་ནས་ཕུལ་བ་དགེ།། །།

སྐུ་ཚེ་བརྟན་སྨོན་རྟེན་འབྲེལ་རྡོ་རྗེ།།ན་མོ་གུ་རུ་པདྨ་ཨ་ཡུར་ཡེ།།མཚན་དཔེ་སྐུ་ལ་ལང་འཚོ་ངང་གིས་བརྟས།།ཚངས་དབྱངས་ཟབ་རྒྱས་དམ་ཆོས་གཏེར་ལ་དབང་།།ཐབས་མཁས་ཐུགས་རྗེ་པ༵དྨ༵འི་བཀའ་གཏེར་འཛིན།།དམ་བརྩེ་བདུད་རྩིའི་ཚེ་གཡང༵་ཀུན་འཛོམས༵་ཤོག།རྟེན་འབྲེལ་དང་དད་དམ་ཟབ་པས་དགེ་མཚན་དང་བསྟན་འགྲོར་སྨན་ཕྱིར་ཨེ་མ་ཧོས་སྨོན་པར་དགེའོ།།

སྐྱབས་སྡོམ་ཀུན་འདུས་ཀྱི་ཆོ་ག་ནོར་བུའི་བུམ་བཟང་།དང་པོ་སྐྱབས་འགྲོ་ནི།ན་མོཿདཀོན་མཆོག་གསུམལ་སྐྱབས་སུ་མཆི།།ཁམས་གསུམ་སྒྲོལ་བར་སེམས་བསྐྱེད་ནས།།སྐུ་གསུམ་རྒྱལ་བའི་དེ་བཞིན་ཉིད།།སྒོ་གསུམ་དག་རྫོགས་སྨིན་པར་བྱ།།བླ་མ་ཀུན་འདུས་པདྨ་འབྱུང་གནས་མཁྱེན།།ཡི་དམ་ཀུན་འདུས་ཀུན་བཟང་རྡོ་རྗེ་འཆང་།།མཁའ་འགྲོ་ཀུན་འདུས་རྗེ་བཙུན་སྒྲོལ་མ་དང་།།ཆོས་སྐྱོང་ཀུན་འདུས་གེ་སར་རྒྱལ་པོར་འདུད།།ལན་གསུམ། ཚོགས་བསགས་ཡན་ལག་བདུན།བླ་མ་པདྨ་འབྱུང་གནས་ལ་ཕྱག་འཚལ།།བདག་ལུས་ལོངས་སྤྱོད་དགེ་རྩ་མཆོད་པར་འབུལ།།དུས་གསུམ་བགྱིས་པའི་སྡིག་ལྟུང་མཐོལ་ཞིང་བཤགས།།འཁོར་འདས་དགེ་རྩ་ཀུན་ལ་ཡི་རང་ངོ་།།མདོ་སྔགས་ཟབ་རྒྱས་ཆོས་ཆར་དབབ་ཏུ་གསོལ།།རྒྱལ་ཀུན་མྱ་ངན་མི་འདའ་ཞབས་བརྟན་བཞུགས།།དགེ་ཚོགས་མ་ལུས་འགྲོ་ལ་སྨན་པ་དང་།།ཀུན་ཀྱང་ཀུན་ཏུ་བཟང་དང་དབྱེར་མེད་ཤོག།ལན་གསུམ།ཨོཾ་ཨཱཿཧཱུཾ་ཧྲཱིཿའགྱུར་མེད་སྐུ་ལ་མཚན་དཔེས་བཀྲ་ཤིས་ཤིང་།།འགག་མེད་གསུང་ལ་ཟབ་རྒྱས་བདེ་ལེགས་འཇོ།།གཡོ་མེད་ཐུགས་རྗེ་ཨེ་ཝཾ་ཕུན་སུམ་ཚོགས།།མཚུངས་མེད་ཡོན་ཏན་ཕྲིན་ལས་མཐར་ཕྱིན་ཤོག།ཅེས་རབ་གནས་གྲོ་བཞིན་ཟླ་བའི་དབང་ཕྱོགས་དགའ་བ་དང་པོར་སྐྱབས་འགྲོའི་སྡོམ་པ་ཞུ་འཁན་བརྒྱ་ཕྲག་བྱུང་བའི་ངོར་ཤྲཱིཿཨེ་མ་ཧོས་ཨེ་ཝཾ་ཌཱ་ཀི་ནིའི་གླིང་དུ་བྲིས་པར་དགེའོ།། །།

ན་མོ་བུདྡྷ་ཡེ། དེང་དུས་འདུལ་བ་འཛིན་པ་ཆེན་པོར་གྲགས་པ་འགས་ཚུལ་ཁྲིམས་འཆལ་བའི་གང་ཟག་གིས་ངུར་སྨྲིག་གི་གོས་བགོ་མི་རུང་བ་ཞིབ་མོ་རྣམ་འཐག་གི་སྒོ་ནས་བཤད་ཅིང་། དེ་ལ་སྒྲུབ་བྱེད་ཀྱི་ལུང་ཚིག་མང་དུ་བཀོད་ནས་བསྟན་པ་སྤྱིའི་གནས་བབ་དང་རབ་བྱུང་སྤྱིའི་སྤྱོད་ལམ་ལ་ཐུགས་ལས་ཚད་མེད་མཛད་ཀྱིན་ཡོད་མོད། དེ་ལྟ་ནའང་ཚུལ་ཁྲིམས་འཆལ་བའི་གང་ཟག་གིས་ངུར་སྨྲིག་བགོ་རུང་མིན་ནི་ལྷག་བསམ་དཀར་བ་ཙམ་གྱིས་དེའི་ཞལ་བརྩིས་ཏེ་སྡོད་དགོས་པ་ཞིག་མིན་པར་སངས་རྒྱས་ཀྱི་བཀའ་ཉིད་དཔང་པོར་བཞག་ནས་དོན་གྱི་བདེན་པར་འཇུས་ཏེ་ཐག་གཅོད་དགོས་སྟབས་མིང་གྲགས་ཆེ་ཆུང་དང་ཁ་སྟབས་མཐོ་དམན་གྱི་དབང་དུ་མི་འགྲོ་བ་གལ་ཆེ་ལ། རང་ཅག་ཐོས་པ་འཚོལ་བའི་གང་ཟག་ཏུ་ཁས་འཆེ་བ་དག་གིས་ཀྱང་འདི་ལ་ཡིན་མིན་གྱི་བརྡར་ཤ་གཅོད་དགོས་པས་ཁོ་བོའང་དེའི་གྲལ་དུ་འཚངས་ཏེ་བདེན་པ་དོན་དུ་གཉེར་བའི་ལས་སུ་ཞུགས་ཁུལ་བགྱིས་པ་ལ་དཔྱོད་ལྡན་དག་མི་ཁྲེལ་བར་ཞུ་ཞེས་པ་ནི་གླེང་གཞི་དང་འབྲེལ་ཏེ་ཐོག་མའི་སེམས་བསྐྱེད་དོ།། དེ་ཡང་མདོ་ཡི་སྒྲས་ཟིན་ཚོད་ལ་ཚུལ་ཁྲིམས་འཆལ་བཞིན་དུ་ངུར་སྨྲིག་བགོ་རུང་བ་དང་མི་རུང་བ་གཉིས་ཀ་གསུངས་ཤིང་། དེ་འདྲ་བ་བྱུང་ཚེ་དེ་གཉིས་ལས་གཅིག་སྒྲ་ཇི་བཞིན་དུ་ཁས་བླངས་ཏེ་ཅིག་ཤོས་ལ་དགོངས་པ་བཙལ་དགོས་ལ། དེ་ནི་མདོ་འཆད་ཚུལ་མ་ནོར་བ་ཞིག་ཀྱང་ཡིན་ནོ།། དེ་ཡང་། ས་སྙིང་འཁོར་ལོ་བཅུ་པའི་མདོ་ལས། དེ་ནས་ཚངས་པ་ཆེན་པོ་ལྷའི་སྙིང་པོས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་སངས་རྒྱས་ཀྱི་བསྟན་པ་ལ་རབ་ཏུ་བྱུང་བ་དག་གལ་ཏེ་རྒྱལ་རིགས་སམ། བློན་པོ་ཆེན་པོའམ། དབང་པོས་ལྕག་དང་དབྱུག་པ་ལ་སོགས་པས་གཞུས་སམ། བརྡེགས་སམ།གལ་ཏེ་བཙོན་རར་བཅུག་གམ། སྤྱོས་སམ། བརྒྱད་དམ། ཡན་ལག་གཏུབས་སམ། སྲོག་དང་ཕྲལ་ཏེ་བཀུམ་ན་དེ་ཅི་རིགས་པ་ལགས་སམ། འོན་ཏེ་རིགས་པར་མ་ལགས།བཅོམ་ལྡན་འདས་ཀྱིས་ཚངས་པ་ཆེན་པོ་ལྷའི་སྙིང་པོ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་སེམས་ཅན་གང་ཞིག་ངའི་བསྟན་པ་ལ་རབ་ཏུ་བྱུང་ནས་སྐྲ་དང་ཁ་སྤུ་བྲེགས་ཏེ། ངུར་སྨྲིག་གི་ཚལ་བུ་གྱོན་ན་ཚུལ་ཁྲིམས་སྲུང་ངམ། ཚུལ་ཁྲིམས་ཉམས་སམ།ཚུལ་ཁྲིམས་མེད་ཀྱང་རུང་སྟེ། དེ་ལ་ལྷ་དང་། མི་དང་། ལྷ་མ་ཡིན་ལ་སོགས་པ་ཐམས་ཅད་ཀྱིས་ཀྱང་ཁྱིམ་པའི་ཆོས་ཉིད་དང་སྦྱར་དུ་ཡང་མི་གནང་ན། དེ་ལ་ལྕག་དང་དབྱིག་པ་ལ་སོགས་པས་ལུས་ལ་གཞུ་ཞིང་འཚོག་པ་དང་། བཙོན་རར་གཞུག་པ་དང་། གཤེ་བ་དང་། སྤྱོ་བ་དང་། ལུས་ཀྱི་ཡན་ལག་གཏུབ་པ་དང་། འཚོ་བའི་དབང་པོ་དང་ཕྲལ་བ་ཆོས་མ་ཡིན་པ་དང་སྦྱོར་བ་ལྟ་ཅི་སྨོས། དེ་ཅིའི་ཕྱིར་ཞེ་ན། ཚུལ་ཁྲིམས་སྲུང་ཞིང་མང་དུ་ཐོས་པ་དང་ལྡན་པ་ལྟ་ཞོག་ལ།ངའི་བསྟན་པ་ལ་རབ་ཏུ་བྱུང་ནས་ཚུལ་ཁྲིམས་ཉམས་ཏེ་མི་དགེ་བའི་ཆོས་སྤྱོད་པས་ནང་རུལ་ཅིང་མི་གཙང་བས་གང་བའི་སྲིན་ཀྭ་ལྭ་དང་འདྲ་བ། དགེ་སྦྱོང་མ་ཡིན་པར་དགེ་སྦྱོང་དུ་ཁས་འཆེ་བ།ཚངས་པར་སྤྱོད་པ་མ་ཡིན་པར་ཚངས་པར་སྤྱོད་པར་ཁས་འཆེ་བ། ཉོན་མོངས་པ་རྣམ་པ་སྣ་ཚོགས་ལས་ཕམ་པ། ཞིག་པ། ཁས་བུབ་པ་དེ་ལྟ་བུའི་ཚུལ་ཁྲིམས་ཉམས་པའི་དགེ་སློང་ངན་པ་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་ལ་སོགས་པ་ཐམས་ཅད་ཀྱི་སྟོན་པ་དང་འདྲེན་པར་འགྱུར་ཏེ། ཡོན་ཏན་རིན་པོ་ཆེ་དཔག་ཏུ་མེད་པའི་གཏེར་དུ་འགྱུར་རོ།། ཞེས་ཚུལ་འཆལ་མི་དགེ་ལ་སྤྱོད་པ་ནང་རུལ་བ་དག་ཀྱང་ཡོན་ཏན་དཔག་ཏུ་མེད་པའི་གཏེར་ཡིན་པར་གསུངས་སོ།། ཡང་དེ་ལས། གཞན་ཡང་རིགས་ཀྱི་བུ་ངའི་བསྟན་པ་ལ་རབ་ཏུ་བྱུང་བ་དག་ཚུལ་ཁྲིམས་ཉམས་ཀྱང་སེམས་ཅན་དག་གཟུགས་མཐོང་བ་ཙམ་གྱིས་ལྷག་པའི་བསམ་པ་རྣམ་པ་བཅུ་སྐྱེ་བས་ན་ཡོན་ཏན་རིན་པོ་ཆེའི་ཕུང་པོ་དཔག་ཏུ་མེད་པ་བཅུ་འཐོབ་པར་འགྱུར་རོ།། བཅུ་གང་ཞེ་ན། འདི་ལྟ་སྟེ། ངའི་བསྟན་པ་ལ་རབ་ཏུ་བྱུང་བ་དག་ཚུལ་ཁྲིམས་ཉམས་མོད་ཀྱི། སེམས་ཅན་དག་གིས་མཐོང་བར་གྱུར་ན་སངས་རྒྱས་རྗེས་སུ་དྲན་པས་བཀུར་སྟི་དང་བཅས་པས་དད་ཅིང་གུས་པའི་ལྷག་པའི་བསམ་པ་སྐྱེའོ།། དེའི་རྒྱུ་དེའི་རྐྱེན་གྱིས་མུ་སྟེགས་ཅན་གྱི་སྟོན་པ་དང་། དེའི་གཙུག་ལག་དང་། དེའི་འཁོར་ལ་ནམ་དུའང་མི་ཕྱོགས་པ་ནས་འཇིགས་པ་དང་བྲལ་བ་ཡོངས་སུ་མྱ་ངན་ལས་འདས་པའི་གྲོང་ཁྱེར་ཆེན་པོ་ལ་འཇུག་པའི་བར་དུ་འགྱུར་རོ།། ལ་ལས་མཐོང་ནས་འཕགས་པའི་ཚུལ་ཁྲིམས་རྗེས་སུ་དྲན་པ་ལ་ལྷག་པའི་བསམ་པ་སྐྱེའོ།། དེའི་རྒྱུ་དེའི་རྐྱེན་གྱིས་སྲོག་གཅོད་པ་ཡོངས་སུ་སྤོང་བ་དང་། མ་བྱིན་པར་ལེན་པ་ཡོངས་སུ་སྤོང་བ་དང་། འདོད་པས་ལོག་པར་གཡེམ་པ་ཡོངས་སུ་སྤོང་བ་དང་། བརྫུན་དུ་སྨྲ་བ་ཡོངས་སུ་སྤོང་བ་དང་། བག་མེད་པའི་གནས་སྨྱོ་བའི་ཁུ་བ་ཆང་ལ་སོགས་པ་འཐུང་བ་ཡོངས་སུ་སྤོང་བ་ནས་འཇིགས་པ་དང་བྲལ་བ་ཡོངས་སུ་མྱ་ངན་ལས་འདའ་བའི་གྲོང་ཁྱེར་ཆེན་པོ་ལ་འཇུག་པའི་བར་དུ་འགྱུར་རོ།། ལ་ལས་མཐོང་ནས་སྦྱིན་པ་རྗེས་སུ་དྲན་པ་ལ་ལྷག་པའི་བསམ་པ་སྐྱེའོ།། དེའི་རྒྱུ་དེའི་རྐྱེན་གྱིས་ལོངས་སྤྱོད་ཆེན་པོ་དང་ལྡན་ཞིང་ཡང་དག་པ་དང་ཡང་དག་པའི་སྤྱོད་པ་ཅན་ལ་མཆོད་པ་དང་། བསྙེན་བཀུར་བྱེད་པ་ནས་འཇིགས་པ་དང་བྲལ་བ་ཡོངས་སུ་མྱ་ངན་ལས་འདའ་བའི་གྲོང་ཁྱེར་ཆེན་པོ་ལ་འཇུག་པའི་བར་དུ་འགྱུར་རོ།། ལ་ལས་མཐོང་ནས་ངང་དེས་པའི་བཟོད་པ་རྗེས་སུ་དྲན་པ་ལ་ལྷག་པའི་བསམ་པ་སྐྱེའོ།། དེའི་རྒྱུ་དེའི་རྐྱེན་གྱིས་ཕྲ་མ་ཡོངས་སུ་སྤོང་བ་དང་། ངག་རྩུབ་པོ་དང་། ཚིག་ཀྱལ་པ་དང་། ཞེ་སྡང་ཡོངས་སུ་སྤོང་བ་ནས་འཇིགས་པ་དང་བྲལ་བ་ཡོངས་སུ་མྱ་ངན་ལས་འདས་པའི་གྲོང་ཁྱེར་ཆེན་པོ་ལ་འཇུག་པའི་བར་དུ་འགྱུར་རོ།། ལ་ལས་མཐོང་ནས་རབ་ཏུ་འབྱུང་ཞིང་བརྩོན་འགྲུས་ལ་ནན་ཏན་བྱ་བར་རྗེས་སུ་དྲན་པ་ལ་ལྷག་པའི་བསམ་པ་སྐྱེའོ།། དེའི་རྒྱུ་དེའི་རྐྱེན་གྱིས་ཁྱིམ་རབ་ཏུ་སྤོང་ཞིང་ཁྱིམ་མ་ཡིན་པའི་ཆོས་ལེན་ཏེ་ཤིན་ཏུ་འབད་པའི་བརྩོན་འགྲུས་ཀྱིས་སྤྱོད་པའི་མཆོག་ནན་ཏན་བྱེད་པ་ནས་འཇིགས་པ་མེད་པའི་ཡོངས་སུ་མྱ་ངན་ལས་འདའ་བའི་གྲོང་ཁྱེར་ཆེན་པོ་ལ་འཇུག་པའི་བར་དུ་འགྱུར་རོ།། ལ་ལས་མཐོང་ནས་འཁྲུག་པའི་སེམས་ཡོངས་སུ་སྤོང་ཞིང་བསམ་གཏན་ལ་མཉམ་པར་གཞོག་པ་རྗེས་སུ་དྲན་པ་ལ་ལྷག་པའི་བསམ་པ་སྐྱེའོ།། དེའི་རྒྱུ་དེའི་རྐྱེན་གྱིས་རི་དང་། ཚལ་དང་། བས་མཐའ་དགོན་པ་ལ་མོས་ཤིང་ཉིན་མཚན་དུ་ཏིང་ངེ་འཛིན་སྒོམ་པ་ལ་བརྩོན་འགྲུས་རྩོམ་པ་ནས་འཇིགས་པ་མེད་པའི་ཡོངས་སུ་མྱ་ངན་ལས་འདའ་བའི་གྲོང་ཁྱེར་ཆེན་པོ་ལ་འཇུག་པའི་བར་དུ་འགྱུར་རོ།། ལ་ལས་མཐོང་ནས་ཤེས་རབ་རྗེས་སུ་དྲན་པ་ལ་ལྷག་པའི་བསམ་པ་སྐྱེའོ།།དེའི་རྒྱུ་དེའི་རྐྱེན་གྱིས་དམ་པའི་ཆོས་ཉན་པ་དང་། ཀློག་པ་དང་། འདོན་པ་ལ་དགའ་ཞིང་སྤྲོ་བ་ནས་ཡོངས་སུ་མྱ་ངན་ལས་འདས་པའི་གྲོང་ཁྱེར་ཆེན་པོ་ལ་འཇུག་པའི་བར་དུ་འགྱུར་རོ།། ལ་ལས་མཐོང་ནས་ཡང་དག་པར་འབྱུང་བ་དགེ་བའི་རྩ་བ་སྔོན་བསྐྱེད་པར་རྗེས་སུ་དྲན་པ་ལ་ལྷག་པའི་བསམ་པ་སྐྱེ་བ་ནས་འཛུམ་བཞིན་དུ་སྨྲ་བ་དང་། སྤྲོ་བཞིན་དུ་གཏམ་ཟེར་བ་དང་། རྐང་པ་ལ་ཕྱག་འཚལ་བའི་བར་དུ་བྱེད་པར་འགྱུར་རོ།། དེའི་རྒྱུ་དེའི་རྐྱེན་གྱིས་རིགས་ཆེ་ཞིང་མཐོ་བ་དང་། བཙུན་པའི་རིགས་སུ་སྐྱེ་ཞིང་སེམས་ཅན་ཚད་མེད་པ་ཀུན་གྱིས་མཐོང་ན་དགའ་བ་ནས་འཇིགས་པ་དང་བྲལ་བ་ཡོངས་སུ་མྱ་ངན་ལས་འདས་པའི་གྲོང་ཁྱེར་ཆེན་པོ་ལ་འཇུག་པའི་བར་དུ་འགྱུར་རོ།། ཞེས་གཞན་དག་དགེ་སློང་དེ་འདྲ་བ་མཐོང་ཚེ་དེ་དག་མུ་སྟེགས་སུ་མི་ཞུགས་པ་སོགས་ཀྱི་ཡོན་ཏན་དེ་ལྟ་བུ་སྐྱེ་བར་གསུངས་ལ། དེ་ཡང་སྔར་ཚུལ་ཁྲིམས་བླངས་མྱོང་བ་སོགས་ཀྱི་མཐུས་མིན་གྱི་ཆ་ལུགས་འབའ་ཞིག་གིས་ཡིན་ཏེ། དེ་དག་གི་གཟུགས་མཐོང་བ་ན་དེ་ལྟར་སྐྱེ་བར་གསུངས་པའི་ཕྱིར་དང་། མདོ་དེའི་འཕྲོ་དེ་མ་ཐག་ཏུའང་། རིགས་ཀྱི་བུ་ངའི་བསྟན་པ་ལ་རབ་ཏུ་བྱུང་བ་དག་ཚུལ་ཁྲིམས་ཉམས་ཀྱང་སེམས་ཅན་དག་གཟུགས་དང་ཆ་ལུགས་མཐོང་བ་ཙམ་གྱིས་ལྷག་པའི་བསམ་པ་རྣམ་པ་འདི་བཅུ་སྐྱེ་སྟེ། ཡོན་ཏན་རིན་པོ་ཆེའི་ཕུང་པོ་ཚད་མེད་པ་ཐོབ་པར་འགྱུར་རོ། ། དེ་བས་ན་རྒྱལ་པོ་དང་།…

རྣམ་པར་རྒྱལ་བའི་དུས་གཏམ་ལྷའི་རྔ་སྒྲ།勝利道歌——天鼓妙音The Sound of the Divine Drum: Advice at a Time of Victoryསྙིང་འདབ་བརྒྱད་པདྨའི་ཟེའུ་འབྲུ་ལ། ། མགོན་རྒྱལ་ཀུན་ཡེ་ཤེས་གཅིག་འདུས་སྐུ། །怙主諸佛智慧身，文殊室利童子尊，nying dab gyé pemé zeudru la gön gyal kun yeshé chik dü kuEver-youthful and glorious Mañjuśrī, Embodiment of all the victorious buddhas’ wisdom,རྗེ་འཇམ་དཔལ་གཞོན་ནུ་རྟག་བཞུགས་ནས། ། གཏམ་སྨྲས་ཚད་འགྲོ་ལ་སྨན་པར་མཛོད། །恆住八瓣蓮蕊心，所言願利諸有情。jé jampal shyönnu tak shyuk né tam mé tsé dro la menpar dzöRemain forever upon the eight-petalled lotus in my heart, And make whatever I say a source of healing for all beings!ལམ་ཡང་ཟབ་འོད་གསལ་སྙིང་པོ་ཡི། ། ཚིག་ཐོས་པས་སྲིད་རྩ་ཧྲུལ་པོར་བྱེད། །甚深光明大圓滿，僅聞詞句斷有根，lam yang zab ösal nyingpo yi tsik töpé si tsa hrulpor chéSimply to hear the words of the essence of…

རང་ལུས་འདི་སྐུ་གསུམ་ཞིང་ཁམས།།རང་རིག་འདི་སྟོང་གསལ་པད་འབྱུང་།།རང་བབ་འདི་བརྒྱུད་གསུམ་དགོངས་པ།།རང་གྲོལ་གྱི་གནད་འདི་ངོ་མཚར།།བཟའ་བ་རྣམས་དམ་རྫས་མྱོང་གྲོལ།།བཏུང་བ་འདི་བདུད་རྩི་ཀུན་སྨན།།གོས་རྒྱན་འདི་ལོངས་སྤྱོད་ཆ་ལུགས།།ཕྱི་ནང་འདི་ཡུམ་ལྔའི་ཞིང་ཁམས།།ནང་བཅུད་འདི་དཔའ་བོ་མཁའ་འགྲོ།།རྟོག་ཚོགས་འདི་ཞི་རྒྱས་དབང་དྲག།ལྷ་འདྲེ་ཀུན་གཉིས་མེད་སྤྲུལ་སྐུ།།སྒྲ་གྲགས་ཀུན་མི་ཤིག་རབ་སྙན།།འདི་བྱ་དང་འདི་བྱེདནི་བྲལ་བ།།གུ་ཡང་རིག་སྟོང་ནི་རྗེན་པ།།མཐའ་བྲལ་རྒྱུན་ཆད་ནི་མི་འདུག།གང་དྲན་མཁྱེན་སྤྲུལ་པས་སྨྲས་ཐལ།།