July 2019

འཇུ་མི་ཕམ་རྣམ་རྒྱལ་རྒྱ་མཚོ་ལ་ན་མོ།།

འཇུ་མི་ཕམ་རྣམ་རྒྱལ་རྒྱ་མཚོ་ལ་ན་མོ།།
ན་མོ་གུ་རུ་ཨ་ཛི་ཏ་བི་ཛ་ཡེ།།
ཀ་དག་དབྱིངས་ཆེན་ལ་གཟིམས་འཇམ་གནང་ཡང་།།
ལྷུན་གྲུབ་འོད་གསལ་གྱི་མལ་སའི་དཀྱིལ་ནས།།
ཟུང་འཇུག་བདེ་ཆེན་གྱི་རྟུལ་ཞུགས་སྤྱོད་པ།།
འཇུ་རིགས་དཔའ་བོ་ལ་རིག་མས་སྒུག་ཡོད།།
དད་གུས་འདོད་གདུང་ཉིད་ཁྱེད་ལ་ཕྱོགས་པས།།
བློ་གྲོས་དགའ་མ་ལ་ཕྱག་རྒྱ་ཆེན་པོས།།
སོ་གཉིས་ལང་ཚོ་ཡིས་སྤྲོ་དགས་རོལ་ནས།།
ཉེར་གཅིག་མདུད་པ་ཉིད་ངང་གིས་གྲོལ་ཐལ།།
ལྟ་བ་རྫོགས་ཆེན་ལ་བལྟད་མོར་བལྟ་ཞོར།།
སྒོམ་པ་ཕྱག་ཆེན་ལ་བདེ་དྲོད་འབར་ནས།།
སྤྱོད་པ་དབུ་སེམས་ལ་ཕྱིན་དྲུག་བརྩོན་སྟེ།།
འབྲས་ཆོས་ཉེར་ལྔ་ལ་ཅི་དགར་ཕྱིན་འགྲོ།།
ཞེས་པ་འདི་ཡང་རབ་གནས་ས་ཕག་ས་ག་ཟླ་བའི་ཉེར་དགུའི་ཉིན་ནམ་མི་ཕམ་རིན་པོ་ཆེའི་དགོངས་རྫོགས་སྐབས་མཁའ་འགྲོ་པདྨ་གཡང་འཛོམས་ངོར་འཇམ་དཔལ་དགྱེས་པ་རྡོ་རྗེ་རུ་འབོད་པས་ཨེ་ཝཾ་ཀུན་བཟང་རི་ཁྲོད་ཀྱི་མཚོ་རྒྱལ་བླ་མཚོའི་ཁ་ནས་སྨོན་པར་དགེའོ།། །།

Leave a Reply

Your email address will not be published.