ཡི་རང་དང་བསྔགས་བརྗོད་པདྨ་ར་གའི་མཎྜལ།།
ཡི་རང་དང་བསྔགས་བརྗོད་པདྨ་ར་གའི་མཎྜལ།།
ན་མོ་གུ་རུ་རཏྣ་ཏྲ་ཡཱ་ཡ།།
ཕུན་ཚོགས་ལྔ་ལྡན་ཐེག་མཆོག་ཆོས་གླིང་དུ།།
ཁྱད་ཆོས་དྲུག་ལྡན་རྒྱལ་བ་སྔ་འགྱུར་ལུགས།།
མི་འགྱུར་ཆོས་བདུན་ངོ་བོར་འཚོ་བཞེས་པའི།།
བཀྲ་ཤིས་རྟགས་བརྒྱད་རྟེན་འབྲེལ་ལྷུན་གྱིས་གྲུབ།།
དམ་ཆོས་དུང་གི་སྒྲ་དབྱངས་ས་གསུམ་བསྒྲགས།།
ཕན་བདེའི་གདུགས་དཀར་ནམ་མཁའི་ཁྱོན་ཀུན་ཁྱབ།།
སྔ་འགྱུར་བསྟན་པའི་རྒྱལ་མཚན་དབྱིངས་ལས་མཐོ།།
རྨད་བྱུང་དཔལ་བེའུའི་རྟེན་འབྲེལ་རྒྱ་མཚོར་འཁྱིལ།།
ཕུན་ཚོགས་འདོད་འཇོའི་བུམ་བཟང་བདུད་རྩིས་གཏམས།།
སྐལ་བཟང་གསེར་ཉའི་མཁྱེན་རབ་སྤྱན་ཟུང་རྒྱས།།
རང་བྱུང་སྒྱུ་འཕྲུལ་དཀྱིལ་འཁོར་ལྷུན་གྱིས་གྲུབ།།
ངོ་མཚར་པདྨ་དཀར་པོའི་རྣམ་ཐར་ལེགས།།
བཀའ་གཏེར་ཟབ་དགུའི་སྲོལ་འགྱེད་སྔ་འགྱུར་བའི།།
མདོ་སྔགས་བཤད་སྒྲུབ་ཕྲིན་ལས་རབ་ཏུ་རྒྱས།།
མ་ལུས་འགྲོ་བའི་མ་རིག་ཀུན་སེལ་ནས།།
རྩ་བརྒྱུད་བླ་མའི་བཞེད་དོན་ལྷུན་འགྲུབ་ཤོག
ཅེས་པ་འདི་ཡང་རབ་གནས་ས་ཕག་སྣྲོན་ཟླའི་དཀར་ཕྱོགས་དགའ་བ་དང་པོར་དཔལ་རྒྱལ་བ་སྔ་འགྱུར་བསྟན་པའི་ཁྱབ་བདག་ཆེན་པོ་༧རྒྱལ་དབང་ཞེ་ཆེན་རབ་འབྱམས་རིན་པོ་ཆེ་ཉིད་༧སྐྱབས་རྗེ་ནམ་མཁའ་རིག་འཛིན་རྒྱ་མཚོས་ཡོ་རོབ་སུད་སིའི་ཐེག་མཆོག་གླིང་དུ་གདན་འདྲེན་ཞུས་པའི་སྐུ་དཔར་མཇལ་བའི་མོད་ལ་ཤྲཱིཿཨེ་མ་ཧོས་དབྱིན་ཡུལ་ཨེ་ཝཾ་རྫོགས་ཆེན་དུས་འཁོར་འོད་གསལ་རི་ཁྲོད་ནས་ཡི་རང་སྨོན་ཚིག་ཏུ་བགྱིས་པར་དགེའོ།། །།
