July 2019

རྡོར་དྲིལ་རང་བྱུང་གི་ཨེ་ཝཾ་མེ་ཏོག ཨེ་མ་ཧོ།།

རྡོར་དྲིལ་རང་བྱུང་གི་ཨེ་ཝཾ་མེ་ཏོག
ཨེ་མ་ཧོ།།
འབྱུང་ལྔ་རྣམ་དག་རླུང་རྟ་སྒྲོན་པའི་ཚེ།།
ཉི་ཟླ་གཉིས་ཀ་དུས་གཅིག་འཆར་བ་དང་།།
རྡོར་དྲིལ་རང་བྱུང་ཨེ་ཝཾ་མེ་ཏོག་བཞད།།
རྟེན་འབྲེལ་ཀུན་བཟང་ཤར་པས་བཀྲ་ཤིས་ཤོག།
ཤར་ནུབ་ནམ་མཁའ་རྒྱ་མཚོ་རྒྱ་ཆེ་ཡང་།།
ངོ་ལྐོག་དམ་ཚིག་གཅིག་པའི་སྙིང་གྲོགས་ལ།།
ནམ་ཡང་འབྲལ་མེད་དམ་ཚིག་ཨི་ཐིམ་རྒྱ།།
བསྟན་འགྲོར་ཕན་བདེའི་ཕྲིན་ལས་ལྷུན་གྱིས་གྲུབ།།
ཨེ་མ་ཆོས་རིག་སྣང་བའི་བར་གསེང་ཀུན།།
མ་ལུས་ཕན་བདེའི་ནོར་འཛིན་བཀྲ་ཤིས་འཕེལ།།
ཨ་ཧོ་ཕུན་ཚོགས་ལོངས་སྤྱོད་བདེ་ལེགས་དཔལ།།
རབ་འབྱམས་ཞིང་ཀུན་སྣང་བས་ཁྱབ་གྱུར་ཅིག།
ཤྲཱིཿཨེ་མ་ཧོས