གསོལ་འདེབས་ཀུན་བཟང་རྒྱལ་པོ།
གསོལ་འདེབས་ཀུན་བཟང་རྒྱལ་པོ།
ཨེ་མ་ཧོ།།
འོད་གསལ་འཇའ་ལུས་གྲུབ་པའི་སེངྒེ་དབང་ཕྱུག།
ཕྱི་ནང་གསང་བའི་ཞིང་ཁམས་གང་དུ་བཞུགས་ཀྱང་།།
གསོལ་འདེབས་བུ་ལ་བྱིན་རླབས་མྱུར་ཏུ་སྩོལ་ནས།།
ཟག་བཅས་འོད་ལུས་གྲུབ་པའི་དངོས་གྲུབ་སྩོལ་ཅིག།
དྲན་པའི་ངོ་བོ་རང་བྱུང་ཟང་ཐལ་འཇའ་འོད་ཕུང་པོ།།
ཨེ་ཝཾ་ཡེ་ཤེས་རང་བཞིན་ལྕེ་བཙུན་སེངྒེ་དབང་ཕྱུག།
ཐུགས་རྗེ་རྣམ་དག་རྒྱལ་བ་ཉིད་དང་མཉམས་ཏེ།།
གྲོལ་བ་རྣམ་བཞིའི་འཁོར་བ་དོང་སྤྲུགས་སྨོན་ནོ།།
མཚུངས་མེད་ཆོས་རྗེ་ཡིད་བཞིན་ནོར་བུ་མཆོག་གིས།།
སྙིང་ཐིག་ཟབ་མོའི་གདམས་ངག་ལན་གསུམ་གནང་བའི།།
བརྒྱུད་གསུམ་རིག་འཛིན་བླ་མའི་བྱིན་རླབས་དྲན་ཚེ།།
ལས་རླུང་སྲིད་གསུམ་གྲོང་ལ་ཡ་ང་མི་འདུག།
རིག་འཛིན་མཁའ་འགྲོའི་ཐུགས་ཐིག་ཞལ་རླུང་མ་ཡལ།།
དབང་སྐུར་རིག་པའི་ཡེ་ཤེས་རྗེན་གཅེར་གསུང་པའི།།
བཀའ་དྲིན་འཁོར་མེད་བླ་མའི་རྣམ་ཐར་དྲན་ཚེ།།
ཨེ་ཝཾ་ཉི་ཟླའི་དཀྱིལ་འཁོར་སྙིང་ནས་ཤར་འདུག།
སྐུ་མཆོག་རྒྱལ་ཀུན་འདུས་པའི་རྩ་བའི་བླ་མ།།
གསུང་དབྱངས་གདམས་པའི་མན་ངག་ཡིད་བཞིན་ནོར་བུ།།
ཐུགས་ཡིད་རང་བྱུང་རིག་པ་དབྱེར་མེད་རྟོགས་པ།།
དུས་གསུམ་རྒྱལ་ཀུན་ངོ་བོ་གཞན་ན་མི་འདུག།
ཨེ་མ་དགའ་བོ་སྐྱིད་དོ་སྐལ་བཟང་ཉི་མ།།
མ་ལུས་འགྲོ་ཀུན་ཕན་བདེའི་ཟླ་བ་གཞོན་ནུ།།
ཨ་ཧོ་འཁོར་འདས་ཚོགས་ཆེན་ཡེ་རྫོགས་རེད་འདུག།
ཅེས་པ་རབ་གནས་ས་ཕག་ཟླ༧ཚེས་༡༠་ལ་རྗེ་བཙུན་མཁའ་འགྲོ་མ་དཀོན་མཆོག་གཡང་མཛེས་ངོར་ཨེ་མ་ཧོས་ཨེ་ཝཾ་ཡོ་ག་ཆོས་ཚོགས་ནས་གླུ་རུ་བླངས་པར་དགེའོ།། ཤྲཱིཿསརྦ་ལོ་ཀ་བི་ཛ་ཡནྟུ།།
