September 2019

གངས་ལྗོངས་བོད་ལ་ཐོན་སོང་།

གངས་ལྗོངས་བོད་ལ་ཐོན་སོང་།
ངོས་ནི་རང་ཉིད་ཆུང་དུས་སུ་ལྟེ་ཁྲག་དོར་སའི་ཕ་ཡུལ་མཐོང་སོང་། དང་པོ་ཡུ་རོབ་ཧྥ་རན་སིའི་རྒྱལ་ས་དཔལ་རིས་ནས་བྷེ་ལིན། ར་ཤན་གྱི་མོ་སི་ཁོ་དང་། མོ་གོ་ལ་སྟེ་ཕྱི་སོག་དང་ནང་སོག་གི་སར་གནས་དང་། མཚོ་སྔོན་པོ་དང་ཀན་སིའི་ལན་དྲུས་ནས་ཧྲཱིན་དྲོན། དི་ཤེ། ཕྱིན་སོང་། དགའ་སྐྱོ་ཟུང་གིས་མནར་སོང་། མི་ལོ་ཉི་ཤུའི་ཡར་སྔོན་ན་གནས་དབེན་པ་དང་ཆུ་གཙང་ས་གཙང་གི་བདེ་སྐྱིད་ལྡན་པའི་དགིན་གནས་དེ་དག་ཕལ་མོ་ཆེ་རྒྱ་མིའི་ཨར་འདམ་གྱིས་བཀང་ཞིང་བཟོས་མ་མང་པོ་དང་ས་བརྫེད་སྣུམ་ལམ་དང་ལྕགས་ཁང་མང་པོས་རི་ལུང་བཀངས། སྔོན་དམ་པའི་གོང་མའི་གདན་ས་དང་ལྷ་ཁང་ཆུང་ཆུང་གྱང་ཁང་དང་སྤྱིལ་བུ་དེ་ཚོ་ད་ནི་གྲོང་ཁྱེར་ཕོ་མོ་འདོད་རྔམས་ཅན་ཚིས་སྡོད་ཁང་བཞིན་དུ་བསྒྱུར་འདུག གནམ་ཐང་དང་མེ་འཁོར་ས་ཚིགས་ནང་བཞིན་དུ་དགོན་སྡེ་རིགས་ལོག་པ་མ་ཡིན་ནམ། སྔོན་གྲྭ་བ་ལོག་པ་ངོ་ཚ་རྩི་ན་དེང་དུས་དགོན་པ་ལོག་པ་ལ་ངོ་ཚ་ཡིན་པ་ཤེས་ཀྱིན་མི་འདུག ད་དུང་རླངས་འཁོར་བླ་བྲང་འགྲན་པ་སོགས་ཡོད་པ་གོ་ཐོས་དག་དོན་ལ་གནས་ན་ཅི་འདྲའི་སེམས་ཕམ་པ་ལའང་། འདི་དག་གིས་གང་ཞིག་མཚོན་གྱིན་ཡོད་ན་སྣོད་བཅུད་གཏོར་བརླགས་སོང་བ་འདི་རིགས་སྐྱོ་འོས་པ་ཞིག་ཅི་ལ་མིན། གང་ལྟར་བླ་མ་ཨོ་རྒྱན་་ཆེན་པོ་ལ་གསོལ་འདེབས་དང་ཡི་དམ་རྫོགས་ཆེན་དུས་འཁོར་དང་། མཁའ་འགྲོ་སྒྲོལ་མ་ཉེར་གཅིག་ལ་གསོལ་འདེབས་དང་ཆོས་སྐྱོང་གེ་སར་ལ་གསོལ་མཆོད་བཏངས་ནས་བསྟན་བུ་ཚར་གསུམ་དང་བཟང་སྤྱོད་སྨོན་ལམ་བཅས་ཞི་བདེ་ལྷང་འཇགས་ངང་རྒྱལ་ཁབ་དང་འགཉརོ་བ་སེམས་ཅན་ཡོངས་ལ་རྣམ་མཁྱེན་ཐོབ་པའི་ཕྱིར་བསྔོ་སྨན་སོགས་ཆུ་ཚོད་བཅུ་གསུམ་བར་དུ་བྱས། ཧོང་ཀོང་ངམ་ཤིང་ཀུན་ལ་བདེ་བར་ཕྱིན་ཏོ།།

Leave a Reply

Your email address will not be published. Required fields are marked *