December 2019

གསར་གྲོགས་རྣམ་པ་ལ་གྱེས་བརྡའི་ཕྱག་རྒྱ་བཞི་བ།།
ཨེ་ཀྱེ་ཧོ།།
རང་གི་ཟས་གོས་ལས་གཉེན་གྲོགས་གལ་ཆེན་རྩིས།།
གྲོགས་དང་གཉེན་ལ་ཡང་གཏོང་བའི་རྟུལ་ཕོད་ལྡན།།
ཁྱི་དང་བྱི་ལ་ལས་ལས་ངན་གསར་གྲོགས་འགར།།
གྱེས་བརྡ་སྟོན་པ་ཡི་ཕྱག་རྒྱ་དང་པོར་ལགས།།

བྱིས་པ་བསམ་མེད་གིས་མེ་ཏོག་མཐོང་པ་བཞིན།།
གཅིག་ལ་དགའ་དུས་སུ་གཉིས་པ་དོར་ལ་བྲེལ།།
ཁྲེལ་གཞུང་ཕྱི་ཐག་ལ་བསམ་མེད་གློ་ཐུང་རིགས།།
གྱེས་བརྡ་སྟོན་པ་ཡི་ཕྱག་རྒྱ་གཉིས་པ་ལགས།།

ཕ་མའི་ཕྱོགས་ལ་ཡང་བྱམས་བརྩེའི་རྒྱུན་ཐག་ཆད།།
ཕྱི་མཛེས་ཨ་གསར་གྱི་མཇུག་མར་གསར་འདྲིས་བྲེལ།།
བྱས་ཤེས་དྲིན་བཟོ་ཡང་བརྗེད་པའི་གསར་གྲོགས་རྣམས།།
གྱེས་བརྡ་སྟོན་པ་ཡི་ཕྱག་རྒྱ་གསུམ་པ་ལགས།།

རྒྱལ་བསྟན་སྤྱི་དང་ནི་སྔ་འགྱུར་བསྟན་པའི་ཕྱིར།།
ཕན་བདེ་གཞན་ལ་ཡང་སྦྱིན་པའི་གྲོགས་ལ་བྲེལ།།
རང་ལུས་བདག་འཛིན་ཡང་མེད་པའི་རྟོགས་ལྡན་ང་།།
ནམ་ཞིག་དྲ་ལམ་ལས་གྱེས་པའི་ཕྱག་རྒྱ་བཞི་བའོ།།
——-རྐྱེན་ཞིག་གིས་ཤྲཱིས་སོ།།