༄༅།།རྨི་ལམ་གྱི་རྣལ་འབྱོར་ཀུན་ཏུ་བཟང་པོའི་དགོངས་རྒྱན་ཞེས་བྱ་བ་བཞུགས་སོ། དེ་ལ་ས་བཅད་ཆེན་པོ་བཅུ་གཅིག་སྟེ།༡༽ ཇི་ལྟར་རྨི་ལམ་འབྱུང་ཚུལ། ༢༽ རྨི་ལམ་གྱི་རྩལ་སྦྱོང་ཚུལ།༣༽ རྨི་ལམ་བཟུང་བའི་ཚུལ།།༤༽ རྨི་ལམ་སྤྲུལ་བསྒྱུར་དུ་འགྲོ་ཚུལ།༥༽ རྨི་ལམ་འོད་གསལ་དུ་དྭངས་ཚུལ།༦༽ རྨི་ལམ་དང་འབྲེལ་བའི་གཏམ་རྒྱུད།༧༽ རྨིི་ལམ་ལ་བརྟེན་ནས་སྔོན་གནས་རྗེས་སུ་དྲན་པ།༨༽ རྨི་ལམ་གྱི་རྟགས་ཁྱད་པར་ཅན།
༩༽ རྨི་ལམ་ངན་པ་བཟློག་ཐབས། ༡༠༽ རྨི་ལམ་ལ་དོན་གཉེར་ཡོད་པ་ཚོ་ལ་གཉིད་བསྐུལ་གྱི་མན་ངག་ལ་བརྟེན་ནས་རྨི་ལམ་གྱི་རྩལ་རྫོགས་ཚུལ་དང་།༡༡༽ རྨི་ལམ་བརྟན་པ་ཐོབ་ནས་རང་གཞན་དོན་གཉིས་སྒྲུབ་ཚུལ་བཅས་སོ།
ཐོག་མར་མཆོད་བརྗོད་ནི།ཀ་དག་ཆོས་སྐུའི་བླ་མ་ཀུན་ཏུ་བཟང་།།
ལྷུན་གྲུབ་ལོངས་སྐུའི་བླ་མ་རྡོ་རྗེ་འཆང་།།
དབྱེར་མེད་སྤྲུལ་སྐུའི་བླ་མ་པདྨ་འབྱུང་།།
སྐུ་གསུམ་ཀུན་འདུས་རྒྱལ་བ་སྲས་བཅས་མཆོད།།
གངས་ཅན་མཁས་གྲུབ་ཡོངས་ཀྱི་འཁོར་ལོ་སྒྱུར།འགྲོ་བ་མ་ལུས་སྐྱོང་བའི་གཉེན་གཅིག་པུ།འཁོར་འདས་དབང་ཕྱུག་མཚོ་སྐྱེས་རྡོ་རྗེ་ལ།།དད་གསུམ་མི་ཕྱེད་གུས་པས་ཕྱག་འཚལ་ལོ།།་་་
