January 2020

ང་དང་འབྲོགས་ཡུལ།

ཁ་བ་རྩག་རླུང་འདྲེས་མའི་བྱང་ཐང་གི་ཡུལ་གྲུ།།
ཕོ་རོག་སྟོང་སྐད་འགྲོགས་ནས་རི་སྤྱང་གི་འདུར་ལམ།།
གཡུ་དུད་ཕྱུག་མོས་ཀློང་ན་སྦྲ་ནག་གི་བརྗིད་ཉམ།།
གདོད་མའི་ཕ་གཞིས་འདི་ལ་སེམས་པ་ཞིག་འཁྲེངས་སོང་།།

རྟ་ཕོས་རྨིག་སྒྲ་རྒྱང་རིང་རྩྭ་ཐང་ནས་ལྡིལ་དུས།།
མཛེས་མས་ཕོ་གཞོན་འགུག་པའི་རྫི་གླུ་འདི་སྙན་པ།།
སྨྱུག་དཀར་གླིང་བུས་སྒྲ་ཡིས་ལུག་ཁྱུ་ཞིག་སྐྱངས་བའི།།
ཕོ་གཞོན་པག་རྩག་ཅན་གྱི་རང་གཤིས་འདི་དྲང་ངོ་།།

ལན་སྐྲ་རིང་མོ་གཡུ་བྱུར་སྤོས་ཤེལ་གྱིས་བརྒྱན་པའི།།
མ་བཅོས་ཤ་མདངས་དཀར་བའི་འབྲོག་མོ་འདི་ཡག་ནོ།།
བརྩེ་བ་གཡོ་རྒྱུས་མ་ལྷད་མཛའ་བོ་ལ་དུང་བའི།།
གྲོང་མཐའི་འཆལ་མོས་མི་འགྲན་ངང་བརྒྱུད་འདི་ཡག་པ།།

ཡུ་དམར་ཇ་ལ་འོ་མས་ཁ་དོག་གིས་ཕབ་ནས།།
འབྲི་མར་སེར་བོ་སྦྲང་དཀར་རྩམ་ཆུར་དང་སྡེབ་པའི།།
གདོད་མའི་ལག་ཟས་ཤ་མར་འཐུད་གསུམ་གྱིས་འཚོ་བའི།།
འབྲོགས་པའི་ཤ་ཁ་སྨུག་ཡང་སེམས་གཤིས་དེ་མི་ནག།

ཆང་ཕོར།

Leave a Reply

Your email address will not be published.