February 2020

༄།།འཕགས་མ་རིག་པའ་ིརྒྱལ་མོ་ལ་ོགྱོན་མའི་སྒྲུབས་ཐབས་སྨན་མཆོག་དགའ་ཚལ་ཞེས་བྱ་བ་བཞུགས་སོ།། ན་མོ་གུ་རུ། །མཚན་ཙམ་ཐོས་པས་རིམས་ལས་གོལ།།རིག་སྔགས་བཟླས་པས་འཇིགས་བརྒྱད་སེལ།།དད་པས་བསེན་པ་བདག་ཅག་ལ།། བདེན་པ་ཆེན་པོས་བྱིན་གིས་རོབས།། མཁའ་ཁྱབ་ཡེ་ཤེས་འཁོར་ལོར་མོས་པའི་ངང་ནས། སྐྱབས་སེམས་ན།ི ། ན་མོ་བླ་མ་མཆོག་གསུམ་འཕགས་མ་ལ་ོགྱོན་མར།། སྐྱབས་སུ་མཆིའོ་འགྲོ་ཀུན་འཇིགས་ལས་སོལ།། དབང་མེད་འཁོར་བར་འཁྱམ་པའི་འགྲོ་བ་ཀུན། ། དབུགས་དབྱུང་བྱང་ཆུབ་འགོད་པར་སེམས་བསྐྱེད་དོ།། ལྷ་བསྐྱེད་པ་ན།ི ། ཨཿ འཇིགས་ཀུན་གདོད་ནས་སོང་པའི་སྤྲོས་བྲལ་ངང་།། རང་བྱུང་འོད་གསལ་ལྷུན་གྲུབ་རྒྱལ་བའི་ཞིང་།། རྡོ་རྗེའི་ཁྱུང་ཆེན་མ་ེརླུང་འཚུབས་པའི་དབུས།། རིམས་ལས་རྣམ་རྒྱལ་འཕགས་མ་ལ་ོགྱོན་མ།། ཞལ་གཅིག་ཕྱག་གཉིས་ཁྲོ་འཛུམ་ལོངས་སྐུའི་ཆས།། ཕྱག་གཡས་རྡོ་རྗེས་ནད་བདག་མཐུ་དཔུང་གཞོམ།། གཡོན་པའི་ཚེ་བུམ་བདུད་རྩིས་རིམས་ཡམ་བཀྲུ།། ཞབས་ཟུང་རོལ་སྟབས་པད་ཉིའི་སྟེང་དུ་བཞུགས།། སྤྱི་བོར་གཤིན་རྗེ་མགྲིན་པར་རྟ་མགྲིན་དཔལ།། སྙིང་གར་གསང་བདག་ལྟེ་བར་སྒྲོལ་མ་དཀར།། གསང་བར་ཆོས་འབྱུང་མ་ཅིག་རེ་མ་ཏི།། ཀུན་ཀྱང་རྔམ་བརྗིད་འོད་དཔུང་འབར་དབུས་བཞུགས།། སྤྱི་བོར་བླ་མ་ཀུན་འདུས་པདྨ་འབྱུང་།། ཚེ་དཔག་མེད་མགོན་རྣམ་པར་བྱིན་ཐིབས་ས།ེ ། སྙིང་དབུས་རྡོ་རྗེའི་ལྟེ་བར་ཧཱུཾ་མཐིང་མཐར།། རིགས་སྔགས་མེ་དཔུང་འོད་ཟེར་འབར་བ་འཕྲོས།།
རྡོ་རྗེ་ཁྱུང་ཆེན་ཁྲཱོཾ་སྒྲ་ད་ི རི་ར།ི ། ཉི་ཟེར་རྡུལ་ལྟར་སྣང་སྲིད་་འཁོར་འདས་གང་།། ཀུན་བཏགས་གཞན་དབང་ལས་བྱུང་ནད་གདོན་གྲིབ།།སྦལ་སྦྲུལ་སྡིག་པའ་ིགཟུགས་ཅན་ལྕིབ་ལྕིབས་གསོལ།། འཆི་མེད་བདུད་རིའི་འོད་རངས་འཇའ་སྤྲིན་འཁྲིགས།། མ་མོ་མཁའ་འགྲོ་བད་ེབ་ཆེན་པོས་མཉེས།། གདུག་པའི་དལ་ཡམ་འཆ་ིགསོའི་སྨན་དུ་བསྒྱུར།། སྣང་སེམས་བདེ་ཆེན་དག་པའ་ིཀློང་དུ་འདྲེས།། སྔགས་ནི། ཨོཾ་ཁྲོཾ་པརྞ་ཤཱ་ཝ་རི་དྷཱི་ཧྲཱི་ཧཱུཾ་ཏཱཾ་བྷྱོ་ཕཊཿ
དད་དམ་སྲོག་ག་ིཕུར་ཏུ་བཟུང་།།མ་ཡེངས་ཏིང་འཛནི་ལྡན་པའི་ངང་།།སྨྲ་བ་བཅད་ད་ེསྔགས་འདི་བཟླ།།སྙིགས་དུས་ནད་རིམས་ཞི་བར་འགྱུར།།
མཐར། །
ཨྲོཾ་ཨཱཿཧཱུཾ།།
སྣོད་བཅུད་བདེ་ཆེན་རོལ་བར་ཤར་པས་མཆོད།།
གསང་གསུམ་ཡེ་ཤེས་ཡོན་ཏན་ལྡན་པས་བསྟོད།།
མཁའ་འགོའི་དལ་ཡམ་སྡེ་བརྒྱད་གདུག་པ་ཞི།།
འགོ་ཀུན་འཇིགས་བྲལ་ཆོས་དབྱིངས་ཀློང་གྲོལ་ཤོག། །།
ཅེས་པའང་རྨི་ལམ་དབང་ཕྱུག་རིག་འཛིན་ཨ་ེམ་ཧོས་དགོས་པ་ཁྱད་པར་ཅན་ཡོད་ཅེས་བསྐུལ་མ་གནང་བ་ལར་བླ་མ་དང་ལྷག་པའ་ིལྷ་ལ་གསོལ་བ་བཏབ་སྟེ་ཡིད་ལ་གང་ཤར་བཅོས་མེད་དུ་དྲི་མེད་འོད་གསལ་སྙིང་པོར་འབོད་པས་ལྕགས་བྱི་ལ་ོགསར་ཚེས་ལ་བྲིས་པར་དགེ།།

Leave a Reply

Your email address will not be published. Required fields are marked *