རིགས་ཀུན་ཁྱབ་བདག་སྒོ་ཆེན་སྤྲུལ་སྐུ་དམ་པ་
༸སྐྱབས་རྗེ་གསང་སྔགས་བསྟན་འཛིན་རིན་པོ་ཆེའི་
ཞབས་བརྟན་ཨེ་ཝཾ་ཡིད་བཞིན་ནོར་བུ།
ན་མོ་མ་ཧཱ་གུ་རུ་བུདྡྷ་ཛྙཱ་ན་ཡེ།།
ཀ་དག་ལྟ་བ་ཀློང་ཆེན་རབ་འབྱམས་དཔལ།།
ལྷུན་གྲུབ་སྒོམ་པ་མཁྱེན་བརྩེ་འོད་གསལ་གར།།
ཟུང་འཇུག་སྤྱོད་པ་འཇིགས་མེད་རྒྱལ་བུའི་དབང་།།
རིགས་ཀུན་ཁྱབ་བདག་བླ་མས་དགེ་ལེགས་སྩོལ།།
ཨེ་ཝཾ་ཀུན་བཟང་རྒྱལ་བའི་དགོངས་པའི་དོན།།
ཇི་བཞིན་གཟིགས་ནས་འགྲོ་ལ་དམ་ཆོས་སྟོན།།
མཁས་གྲུབ་རྒྱལ་པོ་གསང་སྔགས་བསྟན་པ་འཛིན།།
སྒོ་ཆེན་སྤྲུལ་བའི་སྐུ་མཆོག་ཞབས་བརྟན་ཤོག།
དཀོན་མཆོག་རྩ་གསུམ་རྒྱ་མཚོའི་ཐུགས་རྗེ་དང་།།
བདག་གིས་ལྷག་བསམ་དག་པས་སྨོན་ལམ་དང་།།
རྟེན་འབྲེལ་བསླུ་བ་མེད་པའི་བདེན་སྟོབས་ཀྱིས།།
རིགས་ཀུན་ཁྱབ་གསང་གསུམ་རྟག་བརྟན་ཤོག།
ཅེས་པ་འདི་ཡང་རབ་གནས་ས་ཁྱིའི་ལྷ་བབས་དུས་ཆེན་ལ་རིགས་ཀུན་ཁྱབ་བདག་དཔལ་ལྡན་བླ་མ་ཉིད་མཇལ་བའི་མོད་ལ་གང་ཤར་དུ་ཨ་རིའི་ཨེ་ཝཾ་པདྨ་མཁའ་འགྲོའི་ཆོས་གླིང་དུ་མིང་ཡོངས་སུ་གྲགས་པ་མཁན་ཆེན་བླ་མ་རིན་པོ་ཆེའམ་ཤྲཱིཿསྨྱོན་ཨེ་མ་ཧོས་གང་ཤར་དག་སྣང་རྒྱ་མཚོའི་ཀློང་ནས་ཞབས་བརྟན་སྨོན་གསོལ་དུ་བགྱིས་པར་དགེའོ།། །། ཤྲཱིཿསརྦ་ལོ་ཀ་བི་ཛ་ཡ་མངྒ་ལཾ།།