May 2020

བྱེའུ་རྣམ་པས་འདི་སྐད་ཟེར།

བྱེའུ་རྣམ་པས་འདི་སྐད་ཟེར།
ཀ་ཡེ་གསོན་དང་ཨེ་མ་ཧོ།།
ཁ་ནས་གང་བཤད་གཟབ་གཟབ་ཀྱིས།།
ག་ས་གང་ན་གོ་གྱུར་ཀྱང་།།
ང་རྒྱལ་བྱུང་ན་ཕན་པ་ཆུང་།།
ཅ་ཅོའི་དྲེད་མོ་གཏམ་སྤོང་ནས།།
ཆ་ལུགས་ཆོས་དང་མཐུན་པ་ཡིས།།
ཇ་བཟང་ཚེགས་ལ་འདྲེན་པ་བཞིན།།
ཉ་ཉོག་དབེན་འབེམ་གཏམ་མཛོད།
ཏ་ར་འཆད་ལ་ས་བཅད་དགོས།།
ཐ་སྙེད་དོན་དམ་མ་ནོར་བར།།
ད་ལྟའི་དུས་རབས་དང་མཚམས་པའི།།
ན་མོ་གུས་པས་ཆོས་འཆད་འཚལ།།
པ་ར་མི་ཏའི་ཡུམ་ཆེན་དང་།།
ཕ་མའི་རྒྱུད་སྡེའི་སྒྲོལ་མ་ལ།།
བ་ཀུ་ལ་ཡི་མགུལ་རྒྱན་ཀྱང་།།
མ་ལུས་འགྲོ་བའི་དོན་དུ་བྱིན།།
ཙ་ར་གཅོད་པའི་ཤེས་རབ་དང་།།
ཚ་གྲལ་སེལ་བའི་བདུད་རྩིའི་ཆར།།
ཛ་ཡའི་བསྟན་པ་ཁོ་ནའི་ཕྱིར།།
ཝ་ལེར་སེམས་ལ་ངེས་པར་མཛོད།།
ཞྭ་དམར་རིང་ལུགས་འཛིན་པ་ལ།།
ཟ་ཧོར་མཁན་སློབ་དཀའ་དྲིན་ལས།།
འ་ཅག་བསྟན་པའི་སྙིང་པོ་ཀུན།།
ཡ་རབས་བཟང་པོས་རྒྱུན་སྐྱོངས་ཤིག།
ར་བ་སྐྱེད་ཚལ་མཛེས་པ་ན།།
ལ་ལུང་འགྲིམ་པའི་དཔའ་བོ་ལ།།
ཤ་ཚས་གྲོས་འདེབས་བྱེད་པའི་ཚེ།།
ས་ལམ་ཡོན་ཏན་ཕྱོགས་ལ་འབོད།།
ཧ་ཅང་བཟང་པོའི་རྣམ་ཐར་ལ།།
ཨ་ཧོ་ཕྲིན་ལས་རབ་འབྱམས་ཀུན།།
ཀུན་བཟང་རྒྱལ་བའི་ཞིང་ཏུ་ཁྱབ།།
ཁྱབ་བདག་རིག་འཛིན་ཁྱེད་ལ་གུས།།
ཞེས་གསུངས་ནས་བྱེའུ་དེ་སྐད་ཅིག་གིས་འཇའ་གུར་ཀློང་དུ་འཕུར་སོང་ངོ་།།
——-ཨེ་མ་ཧོས

Leave a Reply

Your email address will not be published.