ཚིག་གསུམ་གནད་བརྡེག་གི་མན་ངག་ནོར་བུའི་དོ་ཤལ།།
ཨེ་མ་ཧོ། །
ཨེ༵་རིག་སྟོང་པའི་ངོ་བོ་སྤྲོས་མཐའ་བརྒྱད་བྲལ་ནམ་མཁའ་ལྟ་བུར་ངོ་འཕྲོད་ཀྱང་། །
མ༵་ལུས་འགྲོ་ལ་སྙིང་བརྩེའི་རང་བཞིན་འོད་གསལ་རིག་པས་བདག་ཏུ་སྐྱོང་། །
ཨ་ཧོ༵་རིག་འཛིན་གྲུབ་པའི་རྟུལ་ཞུགས་མཛད་པའི་ཐུགས་རྗེ་ཀུན་ཁྱབ་ཡེ་ཤེས་རྩལ། །
སྒྱུ་འཕྲུལ་དྲ་བའི་སྨིན་གྲོལ་སྟོན་པའི་མཚན་ཉིད་ཀུན་ལྡན་རང་རིག་བླ་མས་རྟག་ཏུ་སྐྱོངས། །
ཞེས་པ་རབ་རྒྱན་ཆུ་འབྲུག་ཟླ་༡ཚེས་༣དགེ་བར་རིག་འཛིན་ནམ་མཁའ་རྒྱ་མཚོ་ལ་གཅེས་ནོར་དུ་ཤྲཱིཿསྨྱོན་པས་གདམས་པ་དགེའོ། །
