༸སྐྱབས་རྗེ་གྲུབ་དབང་རིན་པོ་ཆེ་གྲུབ་པ་མཐར་ཕྱིན་མཆོག་གིས་ཕྱག་རྒྱས་སྟབས་པའི་གདན་སར་སྔ་འགྱུར་རིག་འཛིན་འདུས་སྡེས་ཕེབས་བསུ་རྒྱ་ཆེན་ངང་གྲོ་ལོད་དགའ་ཚལ་དུ་བདེ་འཚམས་ངང་སྔ་འགྱུར་རིག་འཛིན་གྲོ་ལོད་གླིང་དུ་འབྱོར། བསོད་ནམས་མཆོད་རྟེན་ལ་རབ་གནས་དང་མར་མེ་མཆོད་འབུལ་གྱིས་བསྟན་འགྲོ་ཡོངས་ལ་སྨན་པ་བདེ་བའི་སྨོན་ལམ་ཟབ་རྒྱས་དང་འཛམ་གླིང་ལ་ཞི་བདེ་རུ་སྨོན་ནོ། དྲག་སྔགས་གླིང་པའི་གཏེར་མ་རང་རིག་བླ་མའི་གསང་སྒྲུབ་དང་རིག་འཛིན་གྲུབ་པ་མཐར་ཕྱིན་གྱི་ཊིཀྐར་བཅས་འདོན་འཆར་བྱས། མ་ཚད་རང་གི་ཉམས་གཏེར་རྡོ་རྗེ་གོ་ཁྲབ་དང་གྲོ་ལོད། ཆོས་རྗེ་དམ་པ་ཡིད་བཞིན་ནོར་བུའི་གྲོ་ལོད་ཁྲིད་ལུང་དབང་གིས་སྨིན་གྲོལ་བསྩལ་བར་ཁས་བླངས་སོ།།

ཀ་དག་ངོ་བོ་ཆོས་དབྱིངས་ཡེ་ཤེས་ལས།།

ལྷུན་གྲུབ་རང་བཞིན་འོད་གསལ་སྙིང་པོའི་གར།།

རྡུལ་བྲལ་ཐུགས་རྗེའི་སྒྱུ་འཕྲུལ་དྲྭ་བའི་གཟུགས།།

མངོན་སུམ་མཇལ་བ་བདག་ཅག་བསྐལ་བཟང་།།

5/6/2025། ཨེ་མ་ཧོས།