༈ ༸སྐྱབས་རྗེ་དམ་པ་མཁན་ཆེན་བསོད་ནམས་དར་རྒྱས་ཀྱི་
ཞབས་བརྟན་ཚེ་མཆོག་དཔལ་གཏེར་
ཅེས་བྱ་བ་བཞུགས་སོ།།
ན་མོ་མ་ཧཱ་གུ་རུ་རཏྣ་པུནྱེ་ཏྲ་ཡཱ་ཡ།།
༼༡༽
ཀ་དག་གདོད་མའི་མགོན་པོ་ཀུན་ཏུ་བཟང་།།
ལྷུན་གྲུབ་ཡེ་ཤེས་རོལ་གར་རྡོ་རྗེ་འཆང་།།
བཅོམ་ལྡན་རིག་པའི་དབང་ཕྱུག་པདྨ་འབྱུང་།།
ཆོས་རྗེ་ཡིད་བཞིན་ནོར་བུས་དགེ་ལེགས་སྩོལ།།
༼༢༽
བསོད་ནམས་ཡེ་ཤེས་ཚེ་དཔག་མེད་པའི་སྐུ།།
ལུང་རྟོགས་བསྟན་པའི་བཤད་སྒྲུབ་སྤེལ་བའི་གསུང་།།
རྒྱལ་ཀུན་ཡོན་ཏན་འཕྲིན་ལས་ཀུན་མཁྱེན་ཐུགས།།
མཁན་ཆེན་དམ་པའི་བཞེད་དོན་ལྷུན་གྲུབ་ཤོག།
༼༣༽
དཀོན་མཆོག་རིན་ཆེན་གསུམ་གྱི་བདེན་སྟོབས་དང་།།
རྩ་གསུམ་ཆོས་སྐྱོང་སྲུང་མའི་བྱིན་རླབས་དང་།།
སྐུ་གསུམ་རྒྱལ་བའི་མཛད་པ་སྐྱོང་བའི་མགོན།།
མ་ལུས་འགྲོ་བའི་དཔལ་དུ་ཞབས་བརྟན་ཤོག།
ཅེས་པ་འདི་ཡང་རབ་གནས་ཟིལ་གནོན་ཞེས་པ་མེ་ཕོ་རྟ་ཡི་ལོ། སྣྲོན་ཟླའི་ཆོས་འཁོར་བསྐོར་བའི་དུས་བཟང་ངམ་མགོན་པོ་གང་གི་སྐུ་ཡི་འཁྲུངས་སྐར་ལ་རིག་འཛིན་ཀུན་བཟང་ཆོས་སྒྲོན་དང་རིག་འཛིན་དབྱངས་ཅན་ལྷ་མོ་དང་ཨེ་ཝྃ་རིག་འཛིན་དཔལ་སྒྲོལ་སོགས་དད་གུས་དག་སྣང་ཅན་གྱིས་བསྐུལ་ངོ་དང་འོད་གསལ་དག་སྣང་བའི་བར་གསེང་ནས་གང་ཤར་བ་ཉིད་ལ་བཅོས་བསྒྱུར་གང་ཡང་མེད་པར་ནུབ་ཕྱོགས་ཡོ་རོབ་སི་ལོ་ཝི་ནི་ཡའི་ཨེ་ཝྃ་ཀརྨ་ནོར་བུ་གླིང་ནས་རིག་འཛིན་དཔལ་དགྱེས་པ་རྡོ་རྗེ་རུ་འབོད་པས་སྨོན་ཚིག་ཏུ་བྲིས་པར་དགེའོ།། དགེའོ།། དགེའོ།། །།
