༧མཁན་ཆེན་བླ་མ་མཁྱེན་ནོ།།
༧མཁན་ཆེན་བླ་མ་མཁྱེན་ནོ།།
སངས་རྒྱས་ཀུན་འདུས་ནས
ཨཱཿ
ཨེ་ཝཾ་མཁན་ཆེན་རོལ་བ་ལས།།
སྣང་སྟོང་རྣམ་དག་བླ་མ་ལ།།
ཡེ་ཤེས་ལྔ་ལྡན་འོད་ཀློང་ནས།།
རྩོལ་མེད་ཐུགས་རྗེའི་བྱིན་གྱིས་རློབས།།
ལྟ་བ་རང་གསལ་མཆོད་པ་འབུལ།།
སྒོམ་པ་གྲོལ་བདེ་ངང་དུ་བཞེས།།
སྤྱོད་པ་སྣ་ཚོགས་བརྡ་སྟོན་བསྟོད།།
འབྲས་བུ་ཆོས་ཟད་དབྱིངས་སུ་བཞག།
དཔལ་ལྡན་མཁན་ཆེན་སྐུ་ཚེ་བརྟན།།
ཡེ་ཤེས་བླ་མ་འགྲོ་བའི་མགོན་དུ་བཞུགས།།
གང་བསམ་ཡིད་བཞིན་ནོར་བུ་རིན་པོ་ཆེ།།
ནམ་ཡང་འབྲལ་བ་མེད་པར་ཐུགས་རྗེས་ཟུངས།།
མཁའ་མཉམ་འགྲོ་ལ་འཇམ་དཔལ་དགྱེས་པས་གཟིགས།།
སྡུག་བསྔལ་མིང་མེད་བདེ་སྐྱིད་ནམ་མཁའ་གང་།།
ཚོགས་རྫོགས་སྒྲིབ་སྦྱང་འཁོར་བ་དོང་སྤྲུགས་ཤོག།
ཀུན་ནས་དད་གུས་གསོལ་བ་འདེབས་པ་དང་།།
ཀུན་པས་སྨོན་པ་རྩ་གསུམ་བདེན་པའི་མཐུས།།
ཀུན་བསམ་ལྷུན་གྲུབ་ཡིད་བཞིན་ནོར་བུ་ལྟར།།
ཀུན་བཟང་སྨོན་ལམ་དཔུང་གྲོགས་མངོན་འགྱུར་ཤོག།
ཏདྱ་ཐཿ པཉྩ་ཌི་ཡ་ཨ་ཝ་བོ་དྷ་ན་ཡེ་སྭཱཧཱཿ
མངྒ་ལཾ།།༼མཆན། འབྲུག་པ་སངས་རྒྱས་ཀུན་འདུས་སམ་ཀུན་པས་གསུངས༽
