ཉེར་ལྔ་མཁའ་འགྲོའི་དུས་ཆེན་བསུའོ།། བདེ་འཚམས་ངང་དབྱིན་ཡུལ་ལ་ཐོན་ཐལ། ཨེ་མ་ཧོ༔ དགའ་ཡུལ་ཕ་ཁྱིམ་གཉིས་པའི་གླིང་ཀ་རུ།། དགྱེས་དགུ་དཔལ་ལ་སྤྱོད་མཁས་ཤྲཱིཿ སྨྱོན་པ།། འགྱུར་མེད་རྡོ་རྗེའི་ཟློས་གར་ཅི་ཡང་བསྒྱུར།། ཨ་ལ་ལ་ཧོ་ཆོས་མཆེད་བཀའ་དྲིན་ཆེ།། ༼༡༽ སངས་རྒྱས་ལྷ་མོས་ཞབས་བརྟན་དབྱངས་སུ་འགུགས།། རྡོ་རྗེ་ལྷ་མོས་ཚེ་སྲོག་མདའ་དར་སྒྲོན།། རིན་ཆེན་ལྷ་མོས་གཡང་གི་ནོར་བུ་སྟེར།། པདྨ་ལྷ་མོས་སྒྲུབ་པ་ཚད་དུ་ཕྱིན།། ༼༢༽ ཀརྨ་ལྷ་མོས་ཕྲིན་ལས་ཕྱོགས་ཀུན་བརྡལ།། ཛྙཱ་ན་ལྷ་མོས་དབུ་མའི་གོ་བར་བཤད།། བདེ་ཆེན་ལྷ་མོས་ཕྱག་རྒྱའི་དངོས་གྲུབ་གནང་།། གུ་རུ་ལྷ་མོས་རྫོགས་ཆེན་བསྟན་པ་སྤེལ།། ༼༣༽ མཆོད་ཡོན་ལྷ་མོས་བདུད་རྩི་ཆབ་གཙང་འབུལ།། ཞབས་བསིལ་ལྷ་མོས་སྒོ་གསུམ་དྲི་མ་སྦྱངས།། མེ་ཏོག་ལྷ་མོས་སྤྱན་གཟིགས་སྒྱུ་རྩལ་ངོམས།། བདུག་སྤོས་ལྷ་མོས་དྲི་ཞིམ་མཆོད་སྤྲིན་བཤམས།། ༼༤༽ མར་མེ་ལྷ་མོས་འོད་ཟེར་ཀུན་ནས་སྤྲོས།། དྲི་ཆབ་ལྷ་མོས་བཀྲག་མདངས་གཟི་བྱིན་བསྐྱེད།། ཞལ་ཟས་ལྷ་མོས་བཟའ་གཏུང་ཚོགས་འཁོར་བསྐོར།། རོལ་མོ་ལྷ་མོས་སྙན་དབང་ཡིད་གར་འོང་།། ༼༥༽ ཟློས་གར་ལྷ་མོས་གླུ་བྲོ་དགྱེས་པར་བསྐངས།། རེག་བྱ་ལྷ་མོས་ཁམས་བཟང་བདེ་ཆེན་སྦྱིན།། རོ་མཆོག་ལྷ་མོས་ཞིམ་མངར་ལུས་ཁམས་གསོ།། རྔ་སྒྲ་ལྷ་མོས་ཕྱོགས་ལས་རྣམ་རྒྱལ་མཛད།། ༼༦༽ ཀུན་བཟང་ལྷ་མོས་སྙིང་ནས་བརྩེ་སེམས་གནང་།། གར་དབང་ལྷ་མོས་རྟེན་འབྲེལ་སྒོ་འཕར་འགྱེད།། སྟོང་ཉིད་ལྷ་མོས་འོད་གསལ་ལམ་དུ་ཕྱིན།། རྒྱལ་དབང་ལྷ་མོས་ཞི་བདེའི་ལམ་སྣ་འདྲེན།། ༼༧༽ དཔལ་ལྡན་ལྷ་མོས་ཅི་གསུང་བཀའ་བཞིན་སྒྲུབ།།…

༸ཀུན་མཁྱེན་བླ་མ་ཚུལ་ཁྲིམས་བློ་གྲོས་རྒྱལ།། ཨེ་མ་ཧོ།། ༼༡༽ འཁོར་འདས་གཉིས་ཀར་དཀོན་པའི་རླབས་ཆེན་རྗེ།། ཀུན་མཁྱེན་བླ་མ་ཚུལ་ཁྲིམས་བློ་གྲོས་མཆོག། སྙིང་ནས་དྲན་པའི་སྐྱབས་མགོན་རིན་པོ་ཆེ།། གསོལ་བ་འདེབས་སོ་ཐུགས་དགོངས་རྟོགས་པར་ཤོག། ༼༢༽ མགོན་ཁྱེད་ཡེ་སངས་རྒྱས་ཕྱིར་བཅོམ་ལྡན་འདས།། གཞན་དོན་ཁོ་ནར་མཛད་མཁས་བྱང་སེམས་ཅན།། སྙིགས་དུས་མི་དབང་ཆོས་རྒྱལ་མ་ཎི་ཀ།། སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག། ༼༣༽ ཚུལ་༵ཁྲིམས༵་མཆོག་ལྡན་སྦྱིན་པའི་ཕ་རོལ་ཕྱིན།། བཟོད་བརྩོན་ཏིང་འཛིན་ཞི་བའི་རྟུལ་ཞུགས་ཅན།། བློ༵་གྲོས༵་ཐབས་སྟོབས་སྨོན་ལམ་རྒྱ་མཚོའི་བདག། ཀུན་མཁྱེན་ཡེ་ཤེས་བླ་མ་རྟག་ཏུ་རྒྱལ།། —ཤྲཱིཿ ཨེ་མ་ཧོས།། 15/1/2026

ཨེ་ཝྃ་སྒོམ་ཐག་འཇའ་ལུས་རྟེན་འབྲེལ། ཨེ་མ་ཧོ༔ ཨེ་ཝྃ་སྒོམ་ཐག་འཛམ་གླིང་ཀུན་ཏུ་ཁྱབ།། ཁྱབ་བདག་རྡོ་རྗེ་ཆོས་ཀྱི་སྨིན་གྲོལ་ཀུན།། ཀུན་བཟང་རྒྱལ་བའི་བསྟན་ལ་རྟག་ཏུ་སྨན།། སྨན་མཆོག་རྟེན་འབྲེལ་དུས་སུ་ཕྱི་་གྱུར་ཅིག། ཤྲཱིཿ གླིང་པས་སོ།། 1/1/2026

བདེ་འཚམས་ངང་དབྱིན་ཡུལ་ལ་ཐོན་ཐལ། ཨེ་མ་ཧོ༔ དགའ་ཡུལ་ཕ་ཁྱིམ་གཉིས་པའི་གླིང་ཀ་རུ།། དགྱེས་དགུ་དཔལ་ལ་སྤྱོད་མཁས་ཤྲཱིཿ སྨྱོན་པ།། འགྱུར་མེད་རྡོ་རྗེའི་ཟློས་གར་ཅི་ཡང་བསྒྱུར།། ཨ་ལ་ལ་ཧོ་ཆོས་མཆེད་བཀའ་དྲིན་ཆེ།། སངས་རྒྱས་ལྷ་མོས་ཞབས་བརྟན་དབྱངས་སུ་འགུགས།། རྡོ་རྗེ་ལྷ་མོས་ཚེ་སྲོག་མདའ་དར་སྒྲོན།། རིན་ཆེན་ལྷ་མོས་གཡང་གི་ནོར་བུ་སྟེར།། པདྨ་ལྷ་མོས་སྒྲུབ་པ་ཚད་དུ་ཕྱིན།། ཀརྨ་ལྷ་མོས་ཕྲིན་ལས་ཕྱོགས་ཀུན་བརྡལ།། ཛྙཱ་ན་ལྷ་མོས་དབུ་མའི་གོ་བར་བཤད།། བདེ་ཆེན་ལྷ་མོས་ཕྱག་རྒྱའི་དངོས་གྲུབ་གནང་།། གུ་རུ་ལྷ་མོས་རྫོགས་ཆེན་བསྟན་པ་སྤེལ།། ་་་་

ལོ་སར་བཟང་རིན་པོ་ཆེ། ཨེ་མ་ཧོ༔ ཨ་ལ་ལ་ཧོ་ལོ་སར་བཟང་།། ཧ་ཅང་དགའ་སའི་གནམ་ལོ་འདིར།། ས་སྟེང་བཀྲ་ཤིས་བདེ་ལེགས་ཞིང་།། ཤ་ཞེན་ཆོས་ལ་དཀར་གྱུར་ཅིག། ལ་རྒྱའི་དུང་བ་བོད་ལ་འབྱོར།། ར་རའི་སྡིག་རྩུབ་ནང་ནས་ཞི།། ཡ་རབས་འགྲོ་བས་ཀུན་ནས་གང་།། འ་ཅག་རྟག་ཏུ་བདེ་གྱུར་ཅིག། ཟ་མ་ལོངས་སྤྱོད་ཅི་དགའ་རོལ།། ཞྭ་གོས་རྒྱན་ཆས་ཅི་མཁོ་མོད།། ཝ་ལེར་དགའ་བདེའི་དཔལ་ལ་སྤྱོད།། ཛ་ཡའི་བསྟན་པ་སྤེལ་གྱུར་ཅིག། ཚ་གྲང་དཀའ་བ་ཕྱི་ནས་སངས།། ཙ་ར་གཅོད་པའི་བློ་གྲོས་རྒྱས།། མ་ལུས་རང་ལ་དབང་ཐོབ་ནས།། བ་ལང་སྤྱོད་ལས་ལྷག་པར་ཤོག། ཕ་མེས་རྒྱུད་པས་གཙང་སར་ཁྱབ།། པ་ར་མི་ཏའི་ལམ་རིམ་བརྩོན།། ན་ཚོད་ཁྱད་མེད་སྤྲོ་དགའ་ཁེངས།། ད་འདས་མ་འོང་ཀུན་བདེར་ཤོག། ཐ་དག་ཤེས་བྱའི་གཏེར་ལ་དབང་།། ཏ་ཐཱ་ག་ཏའི་དགོངས་པ་འཛིན།། ཉ་གང་ཟླ་བཞིན་བྱམས་བརྩེས་སྐྱོང་།། ཇ་ཆང་འདོད་ཡོན་ལེགས་སྤེལ་ཤོག། ཆ་ལུགས་ཀུན་བཟང་མཛད་པར་དགའ།། ཅ་དག་གསང་གསུམ་དགེ་བས་བརྟས།། ང་རྒྱལ་རྒྱལ་འགོང་ཡོངས་སུ་གྲོལ།། ག་བུར་མདངས་ལས་རབ་དཀར་ཤོག། ཁ་བའི་ལྗོངས་སུ་ཉི་མ་ཤར།། ཀ་དག་ཟླ་བའི་འོད་སྣང་འཕྲོས།། ཨོ་རྒྱན་པདྨའི་རིང་ལུགས་འཕེལ།། ཨེ་མ་འཁོར་འདས་ཕུན་ཚོགས་ཤོག། ཨུ་ཚུགས་བློ་ཡིས་མ་བྱས་པར།། ཨི་ལྡན་དབྱངས་གསལ་སྙན་ངག་གིས།། ལོ་སར་བཀྲ་ཤིས་བདེ་ལེགས་བསུ།། ཀུན་བཟང་འགྲོ་དོན་མཐར་ཕྱིན་ཤོག། — ཨེ་མ་ཧོས།།…