སྐྱབས་འགྲོ་འཆད་པ་ལ་ས་བཅད་ཆེན་པོ་བཅུ་གཅིག་སྟེ། ༡ སྐྱབས་འགྲོ་བྱེད་པའི་རྒྱུ་མཚན། ༢ སྐྱབས་ཡུལ་ལ་གསུམ་ཡོད་པའི་རྒྱུ་མཚན། ༣ སྐྱབས་ཡུལ་ངོས་བཟུང་བ། ༤ དེ་སྐྱབས་སུ་འོས་པའི་རྒྱུ་མཚན། ༥ སྐྱབས་འགྲོའི་ངོ་བོ། ༦ སྐྱབས་འགྲོའི་རྒྱུ། ༧ སྐྱབས་འགྲོའི་དམིགས་པ་བྱ་ཚུལ། ༨ སྐྱབས་སུ་འགྲོ་བའི་ཚུལ། ༩ སྐྱབས་འགྲོའི་བསླབ་བྱ། ༡༠ སྐྱབས་འགྲོའི་ཕན་ཡོན། ༡༡ སྐྱབས་འགྲོའི་ལག་ལེན་དངོས་དང་བཅུ་གཅིག་གོ། ༡ ༼སྐྱབས་འགྲོ་བྱེད་པའི་རྒྱུ་མཚན༽ ང་ཚོས་སྐྱབས་འགྲོ་བྱེད་དགོས་པའི་རྒྱུ་མཚན་གང་ཡིན་ཞེ་ན། དེ་ལ་རྒྱུ་མཚན་མང་པོ་ཡོད་ཀྱང་གཙོ་བོ་ནི། རྒྱལ་སྲས་ཆེན་པོ་ཞི་བ་ལྷའི་སྤྱོད་འཇུག་ལས། ཇི་ལྟར་མཚན་མོ་མུན་ནག་སྤྲིན་རུམ་ན། །གློག་འགྱུ་སྐད་ཅིག་རབ་སྣང་སྟོན་པ་ལྟར། ། དེ་བཞིན་སངས་རྒྱས་མཐུ་ཡིས་བརྒྱ་ལམ་ན། །འཇིག་རྟེན་བསོད་ནམས་བློ་གྲོས་ཐང་འགའ་འབྱུང་། ། དེ་ལྟས་དགེ་བ་ཉམ་ཆུང་ཉིད་ལ་རྟག །སྡིག་པ་སྟོབས་ཆེན་ཤིན་ཏུ་མི་བཟད་པ། ། ཞེས་གསུངས་པ་ལྟར་མངོན་མཐོ་དང་ངེས་ལེགས་ཀྱི་རྒྱུ་དཀར་པོའི་དགེ་བའི་བསམ་པ་ནི་ང་རང་ཚོའི་རྒྱུད་ལ་སྲིད་མཐའ་ཙམ་དུ་འབྱུང་ཞིང་སྟོབས་ཡང་ཤིན་ཏུ་ཆུང་ལ། ངན་སོང་གི་རྒྱུ་ནག་པོ་སྡིག་པའི་ལས་ནི་ང་རང་ཚོའི་རྒྱུད་ལ་དུས་རྟག་ཏུ་འབྱུང་ཞིང་། སྟོབས་ཡང་ཤིན་ཏུ་ཆེ་བས།…

ན་མོ་གུ་རུ། 顶礼上师! ༄༅། །ན་མོ་གུ་རུ། གཞི་དབྱིངས་གདོད་ནས་མི་འགྱུར་འཕོ་མེད་ཀྱི་ཀློང་ན། །ངོ་བོ་ཆོས་སྐུའི་བླ་མ་ཕྱི་རོལ་དུ་མི་བཞུགས། །ཀ་དག་རང་ངོ་ཤེས་པས་གསོལ་བ་ཞིག་འདེབས་ན། །ལྟ་བ་ཀློང་དུ་གྱུར་པར་བྱིན་གྱིས་རང་རློབས་ཤིག །གཞི་སྣང་འོད་གསལ་ཆེན་པོ་ཁྱབ་བརྡལ་གྱི་ངང་དུ། །རང་བཞིན་ལོངས་སྐུའི་བླ་མ་ཕྱི་རོལ་དུ་མི་བཞུགས། །ལྷུན་གྲུབ་མ་བཅོས་ངང་བཞག་གསོལ་བ་ཞིག་འདེབས་ན། །སྒོམ་པ་རང་བཞག་འཆར་བར་བྱིན་གྱིས་རང་རློབས་ཤིག །ཟུང་འཇུག་དབྱིངས་རིག་གཉིས་སུ་མེད་པ་ཡི་གཤིས་སུ། །ཐུགས་རྗེ་སྤྲུལ་སྐུའི་བླ་མ་ཕྱི་རོལ་དུ་མི་བཞུགས། །ཟུང་འཇུག་ཡེ་ཤེས་རོལ་མོས་གསོལ་བ་ཞིག་འདེབས་ན། །སྤྱོད་པ་རང་གྲོལ་བདེ་ཆེན་བྱིན་གྱིས་རང་རློབས་ཤིག །མཁྱེན་ནོ་བླ་མ་མཁྱེན་ནོ་རང་གནས་ཀྱི་ཡེ་ཤེས། །རང་རིག་འདུ་འབྲལ་མེད་པས་ཕྱི་རོལ་དུ་མི་བཞུགས། །རིག་རྩལ་མོས་གུས་དད་པས་གསོལ་བ་ཞིག་འདེབས་ན། །འབྲས་བུ་སྐུ་བཞི་དབྱེར་མེད་རང་གྲོལ་དུ་མཛོད་ཅིག །ངེས་འབྱུང་སྙིང་རྗེའི་བསིལ་བཅུད་རིགས་ཁམས་ལ་རེག་པས། །གཞན་ཕན་ཕར་ཕྱིན་དྲུག་གི་མེ་ཏོག་དང་འབྲས་བུས། །རབ་མཛེས་རྣམ་མཁྱེན་ཀུན་དགའི་དོ་རའི་ཁྱོན་ཁྱབ་པས། །ཐུན་མོང་ལམ་གྱི་ཡོན་ཏན་རྫོགས་པ་རུ་མཛོད་ཅིག །དབང་བཞིའི་གསེར་སྦྱང་སྐུད་པར་བསྟར་ལེགས་སུ་བརྒྱན་པའི། །རིམ་གཉིས་རིན་ཆེན་ནོར་བུའི་ཕྲེང་བ་ཡི་དོ་ཤལ། །མཆོག་ཐུན་དངོས་གྲུབ་མཛེས་པའི་ཆུན་འཕྱང་གིས་བརྒྱན་པས། །རིག་འཛིན་བཞི་ཡི་ལང་ཚོ་དར་བབ་པར་མཛོད་ཅིག །ཆོས་ཉིད་ཁྱབ་བརྡལ་ནམ་མཁའི་ཁོར་ཡུག་ཏུ་འཆར་བའི། །འོད་གསལ་ཉི་ཟླའི་འཛུམ་ཟེར་མཐར་ཀླས་པར་སྣང་བས། །སྒྲིབ་བྲལ་ཡེ་ཤེས་པདྨོའི་ནགས་ཀློང་གིས་མཛེས་པས། །དོན་གཉིས་ལྷུན་གྱིས་གྲུབ་པའི་དགའ་སྟོན་ལ་སྦྱོར་མཛོད། །དེ་སྐད་ཡིད་ལ་ཇི་ལྟར་ཤར་བ་ཡི་བརྗོད་པ། །མོས་གུས་བླ་མར་གསོལ་འདེབས་གདུང་གླུ་ཡི་ཚུལ་དུ། །མདོ་ཁམས་ཤར་དུ་སྐྱེས་པའི་མི་རྒན་གྱི་ངག་ནས། །རང་བྱུང་མཆོག་སྡོང་ཆེན་པོའི་སྤྱན་སྔ་རུ་ཐལ་ལོ། ༧སྐྱབས་རྗེ་དིལ་མཁྱེན་རིན་པོ་ཆེས། 顶礼上师!无始基位法界不变无转中本性法身上师不住于外境清净自现面目明了中祈请正见圆满究竟而赐予加持 基位显现广大光明普照中自性报身上师不住于外境任运无造作中安住而祈请修习自住显现而赐予加持 法界自觉双运无二无别中大悲化身上师不住于外境双运般若智慧游戏而祈请行位自解大乐而赐予加持…

༼༢༨༽༄༅། །སྐུ་གསུམ་དགོངས་འདུས་ལས། རཏྣ་ཐོད་ཕྲེང་རྩལ་གྱི་སྒོ་ནས་བཀྲ་ཤིས་གཏེར་བུམ་སྒྲུབ་པའི་མན་ངག་འདོད་རྒུ་ཀུན་འབྱུང་ཅེས་བྱ་བ་བཞུགས་སོ།།ན་མོ་གུ་རུ་རཏྣ་ཐོད་ཕྲེང་རྩལ་སརྦ་བ་སུ་རཏྣ་ཌཱཀྐི་ནཱི་ཡེ། རཏྣ་ཐོད་ཕྲེང་རྩལ་གྱི་གཡང་སྒྲུབ་དང་འབྲེལ་བར་བཀྲ་ཤིས་རྟེན་འབྲེལ་ཆེན་པོའི་གཏེར་བུམ་སྒྲུབ་པའི་ལས་ཀྱི་རིམ་པ་ལ་འཇུག་པར་འདོད་པས། རཏྣ་ཐོད་ཕྲེང་ཉིད་ལ་བརྟེན་ནས་ཆོས་ནོར་ཚེ་དཔལ་སྤེལ་བ་དང་། སའི་ལྷ་མོ་ལ་བརྟེན་ནས་ས་བཅུད་དཔལ་གཡང་སྤེལ་བ་དང་། ཀླུ་ནོར་རྒྱས་ལ་བརྟེན་ནས་སྣོད་བཅུད་དང་དཔལ་འབྱོར་བསྐྱེད་པ་གསུམ་གྱི་དང་པོ་ནི། གཏེར་གཞུང་ལས། བཀྲ་ཤིས་གཡང་ཆགས་རྒུད་སྐྱོན་མ་འགོད་པའི༔ གཡང་གི་རྫས་ཀྱིས་ཕྱུར་བུར་བཀང་བ་ཡི༔ བཀྲ་ཤིས་བུམ་བཟང་བཀྲ་ཤིས་གཡང་རྭའི་དབུས༔ སྐུ་གསུང་ཐུགས་ཀྱི་རྟེན་བཅས་མཆོད་པས་སྤྲས༔ ཞེས་པའི་རིན་པོ་ཆེའམ་རྫའི་བུམ་པ་ཡུལ་གྱི་བྲེ་གང་ཤོང་བ་ལས་མི་ཆུང་བའི་ནང་དུ། བཀྲ་ཤིས་ཤིང་ཡོངས་སུ་གྲགས་པའི་གནས་ཆེན་རྣམས་ཀྱིས་རྡོ་ཤིང་གི་ཕྱེ་མ། མཚོ་དང་ཆུ་ཆེན་རྣམས་ཀྱི་ཆུ་སྣ། རིན་ཆེན་ཕྱེ་མ། ཀླུ་སྨན་ཚད་ལྡན། གི་ཝཾ། དཀར་གསུམ། མངར་གསུམ། འབྲུ་སྣའི་ཕྱེ་མ། དར་སྣ་ཚོགས་ཀྱི་ཕྱེ་མ་བསྲེས་པའི་འདག་པ་ལས། རཏྣ་ཐོད་ཕྲེང་རྩལ་ཡབ་ཡུམ་གྱི་སྐུ་གཡང་སྒྲུབ་ལྟར་གཙོ་བོ་འཆོས་ལ་མཚོན་རྩི་ལེགས་པར་བཏང་བའི་དབུ་གཙུག་ཏུ་སངས་རྒྱས་ཀྱི་རིང་བསྲེལ་ལམ་ཆོས་སྨན། ཐུགས་ཀར། ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་སརྦ་བཱ་སུ་རཏྣ་སིདྡྷི་ཕ་ལ་ཧཱུྃ་ཨཿ ཨོཾ་རཏྣ་པུནྱཻ་སྭསྟི་སིདྡྷི་ཕ་ལ་བཱ་སུ་རཏྣ་ན་ན་ཁ་དྷི་སརྦ་འདུ་འདུ་བྷྲཱུྃ་པཱ་ཤཾ་ཀུ་རུ་ཡེ་སྭཱ་ཧཱ༔ ཅེས་གསེར་རམ་མཚལ་སོགས་ཀྱི་འབྲིས་ལ། དྲི་བཟང་གི་བྱུག །དབུ་ནས་མར་དཀྲིས་ཏེ་དར་ཟབ་དང་མཚོན་སྐུད་ཀྱི་ན་བཟའ་ཕུལ་ལ་བཅུག །ཕྱག་གི་ནེའུ་ལེའི་ནང་དུའང་བྷྲཱུྃ་པཱ་ཤཾ་ཀུ་རུ་ཡེ་སྭཱ་ཧཱ༔ ཞེས་ཤོག་དྲིལ་བཅུག །གཞན་ཡང་སྐུ་ཡི་ནང་དུ་གཡང་རྫས་རིལ་བུ་ཀླུ་སྨན། དཀར་གསུམ། རིན་ཕྱེ། སྤོས་གཙང་། འབྲུ་སྣ། དར་སྣས་བཀང་། དེ་ཡང་རབ་གནས་བསྐྱེད་བསྟིམས་བཟླས་པ་ཅི་འགྲུབ་དང་། ཤིས་བརྗོད་བྱས་ལ་དར་སྣས་དྲིལ་ཏེ་བུམ་པའི་དབུས་སུ་གཞུག །དེ་ལྟར་མི་འགྲུབ་པས་ཙནྡན་ནམ་ཤུགས་པ་སོགས་བཟང་ཤིང་གི་བྱང་བུ་རྩ་རྩེ་མ་ནོར་བའི་མདུན་ངོས་སུ་སྐུ་དང་རྒྱབ་ངོས་སུ་གཟུངས་སྔགས་བྲི་བ་དང་།…

༼༢༤༽ སྐུ་གསུམ་དགོངས་འདུས་ལས༔ གུ་རུ་རཏྣ་ཐོད་ཕྲེང་རྩལ་གྱི་གཡང་སྒྲུབ་ནོར་བུ་འོད་འབར་ཞེས་བྱ་བ་བཞུགས་སོ༔ གུ་རུ་རཏྣ་ཐོད་ཕྲེང་རྩལ་ལ་འདུད༔ མ་འོངས་དུས་སུ་ཕྱི་ནང་འབྱུང་བཅུད་ཉམས༔ དབུལ་ཕོངས་མུ་གེས་འགྲོ་རྣམས་ཉམས་ཐག་ཚེ༔ དགོས་འདོད་ཀུན་འབྱུང་ནོར་བུ་འོད་འབར་འདི༔ པདྨ་བདག་གིས་འགྲོ་ལ་བརྩེ་བས་གདམས༔ ས་མ་ཡ༔ བཀྲ་ཤིས་གཡང་ཆགས་རྒུད་སྐྱོན་མ་གོས་པའི༔ གཡང་གི་རྫས་ཀྱིས་ཕྱུར་བུར་བཀང་བ་ཡི༔ བཀྲ་ཤིས་བུམ་བཟང་བཀྲ་ཤིས་གཡང་རྭའི་དབུས༔ སྐུ་གསུང་ཐུགས་ཀྱི་རྟེན་བཅས་མཆོད་པས་སྤྲས༔ བདག་གི་རྣལ་འབྱོར་བླ་མའི་ལས་གཞུང་བསྲང་༔ རྒབ་འདྲེ་བསྐྲད་ཅིང་དམ་རྨུག་བརྩོག་མནོལ་གྲིབ༔ བསངས་ཁྲུས་དག་བྱེད་སྲུང་བའི་འཁོར་ལོ་བསྒོམ༔ མཆོད་བརླབ་རྟེན་བསྐྱེད་སྤྱན་འདྲེན་བཞུགས་གསོལ་དང་༔ ཕྱག་མཆོད་བསྟོད་བཟླས་ཐུགས་དམ་བསྐུལ་བ་དང་༔ དངོས་གྲུབ་ལེན་དང་བཀྲ་ཤིས་གཡང་གཏད་དང་༔ གཏའ་སྡོམ་སྨོན་ལམ་བཀྲ་ཤིས་སྤེལ་བའོ༔ དང་པོ་སྒབ་འདྲེ་བསེ་རག་བསྐྲད་པ་ནི༔ ཧཱུྃ༔ ང་ནི་དབང་དྲག་པདྨ་ཧེ་རུ་ཀཿ ཉོན་ཅིག་བསེ་རག་དབུལ་སྲི་ལྟོགས་འགོང་ཚོགས༔ དབུས་ཀྱི་རི་རབ་ལྷོ་ཕྱོགས་འཛམ་གླིང་འདིར༔ སྤྱི་མཐུན་ཆོས་ནོར་ལོངས་སྤྱོད་སྤེལ་བ་ལ༔ རང་རང་ལས་ཀྱི་དབང་གིས་མི་འཚམས་པའི༔ དབུལ་སྲི་མི་ལ་བསེ་རག་ཞེས་བྱ་བ༔ གང་གི་རྒྱུ་ནི་སེར་སྣའི་རང་གཟུགས་ཏེ༔ རྐྱེན་ནི་རྒྱུ་མཐུན་ཡི་དྭགས་ཡིད་ཀྱི་ལུས༔ སྣ་ཚོགས་གཟུགས་སུ་བརྫུ་ཞིང་དཔལ་གཡང་རྐུ༔ སྣོད་བཅུད་རྟེན་འབྲེལ་ལེགས་ཚོགས་སྤེལ་བ་ལ༔ བྱུང་དང་མི་ཁ་གོད་ཁ་གང་སྟོང་སོགས༔ རྣམ་ཀུན་བར་ཆད་སྣ་ཚོགས་རྒབ་འདྲེ་སྡང་༔ ལྟོགས་འགོང་དབུལ་སྲི་འབྱུང་པོའི་སྡེ་ཚོགས་ཀུན༔ ཚྭ་རཾ་རྒོག་གཡེར་ལ་སོགས་མི་ཁའི་རྫས༔ རང་རང་ཡིད་མཐུན་ཡས་རྟགས་འདི་ལོངས་ལ༔ ལན་ཆགས་བུ་ལོན་འབྲེལ་ཐག་ཆོད་པར་གྱིས༔ མྱུར་དུ་མཐའ་ཡས་རྒྱ་མཚོའི་ཕ་མཐར་སོང་༔ བསྒོ་བའི་བཀའ་ལས་འདའ་ན་ལུས་ངག་ཡིད༔…

དེ་རིང་རྟེན་འབྲེལ་ཕུན་སུམ་ཚོགས་ངང་ཨོ་རྒྱན་མཁའ་འགྲོ་ནོར་ལྷའི་གཡང་སྒྲུབ་དང་ས་ཡི་ལྷ་མོ་བརྟན་མ་དང་ས་ཡི་སྙིང་པོའི་སྒྲུབ་ཆོག་དང་ས་བདག་མཆོད་པས་ས་གཞི་དཀྱིལ་འཁོར་རུ་བྱིན་གྱིས་བརླབས་བྱས། ཁྱད་པར་དགེ་མང་མཁན་ཆེན་བསོད་ནམས་འོད་ཟེར་རིན་པོ་ཆེ་སྐུ་ཚེ་བརྟན་པ་དང་མྱུར་ཏུ་རྫོགས་ཆེན་ཆོས་ཚོགས་སུ་ཕེབས་ནས་ཆོས་འཁོར་བསྐོར་བའི་སྨོན་ལམ་ཟབ་རྒྱས་ལ་ལོངས་སུ་སྤྱོད་དོ།། ཨེ་མ་ཧོས