ཨེ་མ་ཧོའི་རྣམ་ཐར་ཡིད་བཞིན་ནོར་བུའི་དོ་ཤལ།།ན་མོ་གུ་རུ་ཨེ་མ་ཧོ།།ངོ་བོ་སྤྲོས་བྲལ་དབྱིངས་ལ་མཉམ་པར་བཞག།རང་བཞིན་འོད་གསལ་ཞིང་ཁམས་མངོན་སུམ་མཇལ།།ཐུགས་རྗེ་ཀུན་ཁྱབ་འགྲོ་ལ་ཕན་བདེའི་མགོན།།དཔལ་ཆེན་དགྱེས་པ་རྡོ་རྗེ་རྒྱལ་གྱུར་ཅིག།ཐོས་བསམ་ཕྱོགས་མེད་བཀའ་བསྟན་ཡོངས་རྫོགས་སྦྱངས།།སྒོམ་པ་ངེས་མེད་དབེན་གྲོང་དུར་ཁྲོད་འགྲིམས།།ཨེ་ཝཾ་མཚུངས་མེད་ཕྲིན་ལས་འཛམ་གླིང་ཁྱབ།།༧མཁན་ཆེན་བླ་མ་རིན་ཆེན་ཡོངས་སུ་གྲགས།།ཐུབ་བསྟན་རིས་མེད་རྣམ་དག་ཇི་བཞིན་གཟིགས།།གང་ཟག་རིས་ཅན་མཐོ་དམན་མེད་པར་ཤེས།།རང་གཤིས་འགྱུར་མེད་གནམ་ལྕགས་རྡོ་རྗེའི་ཐུགས།།གནུབས་ཆེན་རིང་ལུགས་འཛིན་མཁས་གྲུབ་དབང་ལགས།།ཐོག་མའི་བླ་མ་འཇིགས་མེད་རྣམ་པར་རྒྱལ།།བར་དུ་བསྟེན་པ་མོས་གུས་བརྩོན་འགྲུས་བརྟས།མཐར་ཕྱིན་ལུང་བསྟན་འཛམ་གླིང་རྒྱན་དུ་ཆེ།།དགེ་མང་མཁན་སློབ་གྲངས་ཚང་མཚན་ལྡན་ནས།།དགེ་ཚུལ་སྡོམ་པའི་ངེས་འབྱུང་རྩ་བ་བརྟན།།རབ་ཏུ་བྱུང་ནས་ཐོས་བསམ་སྒོམ་པར་འབད།།གཞི་གསུམ་ཕྱག་བཞེས་ཚད་དུ་ཕྱིན་པའི་ཚེ།།སྐྱེན་པོ་མདོ་སྔགས་བཤད་སྒྲུབ་དར་རྒྱས་འཁན།།མཁན་པོ་དམ་པ་དགེ་ལེགས་ཡར་འཕེལ་ལགས།།གནས་ཆེན་རི་བོ་རྩེ་ལྔའི་ཞིང་ཁམས་སུ།།ཁྲི་ཕྲག་འཁོར་ཚོགས་བཟང་པོ་སྤྱོད་པར་སྨོན།།ཆོས་རྗེ་ཡིད་བཞིན་ནོར་བུས་རྗེས་སུ་བཟུང་།།ཀུན་བཟང་ཆོས་དབྱིངས་བློ་གྲོས་མཚན་དུ་གསོལ།།མཁས་གྲུབ་མཁྱེན་བརྩེ་རྡོ་རྗེ་འཆང་ཆེན་ལས།།སྙིང་ཐིག་དབང་ལུང་མན་ངག་སྨིན་གྲོལ་བསྩལ།།ཀུན་མཁྱེན་གཞུང་ལུགས་ལྗགས་ལུང་ཡོངས་སུ་ཐོས།།མཉྫུ་ཤྲཱིཿའི་གསང་མཚན་མངོན་པར་གསལ།།ཀུན་གཟིགས་པན་ཆེན་པདྨ་མ་ཚེ་དབང་དང་།།མཁན་ཆེན་བསོ་ཚེ་མགོན་བླ་པདྨ་ལས།།མདོ་སྔགས་རིག་གནས་ཀུན་ཁྱབ་གདལ་བའི་ཚེ།།སྐལ་བཟང་དཔལ་དགྱེས་རྡོ་རྗེའི་རྣམ་ཐར་བཀྲ།།ཀུན་བཏང་བྱ་བྲལ་ཆོས་དབྱིངས་ཁྱབ་གདལ་གྱི།།ཡང་གསང་དམ་ཆོས་བགོས་སྐལ་ལོངས་སུ་སྤྱོད།།ཁྱད་པར་རོང་ཀློང་གདམས་པས་ཐུགས་རྒྱུད་ཕྱུག།བྱ་བྲལ་མཁན་པོ་དཔལ་དགྱེས་རྣམ་པར་ཐར།།རྗེ་བཙུན་མཁའ་འགྲོ་མུ་མེད་འཚོ་མོ་གཅིག།མཆོག་སྤྲུལ་དམ་པ་བསྟན་འཛིན་རྒྱ་མཚོ་གཉིས།།ཀུན་མཁྱེན་བླ་མ་ཚུལ་ཁྲིམས་བློ་གྲོས་གསུམ།།བླ་མཆེད་སྙིང་གི་ནོར་བུ་བཞིན་དུ་གྱུར།།རྟེན་འབྲེལ་གནད་ལ་དབང་བའི་སྨོན་ལམ་ལས།།དགེ་རྩེ་སྐྱེན་པོའི་སྡེ་དགོན་ཡོངས་རྫོགས་ཀྱིས།།དྲག་སྔགས་གླིང་པའི་ཁྱབ་བདག་རིག་འཛིན་ལ།།མངའ་གསོལ་གཟེངས་རྟགས་མཁན་སྤྲུལ་རྣམ་ཐར་ལགས།།ལམ་མཁྱེན་རྗེ་དང་སྐྱེ་སྔ་རིན་པོ་ཆེས།།བཀའ་ལུང་བཞིན་དུ་ཀུན་བཟང་ནགས་ཁྲོད་དུ།།མདོ་སྔགས་ཟབ་རྒྱས་རིག་གཞུང་ཆོས་འཁོར་བསྐོར།།དཔལ་ལྡན་ཕག་གྲུའི་མཁན་ཆེན་ཡོངས་སུ་གྲགས།།འཕགས་མཆོག་ཕྱག་ན་པདྨོ་དངོས་སུ་མཇལ།།རྫོགས་ཆེན་དུས་འཁོར་བཀའ་གཏེར་བཀའ་རྒྱ་ཁྲོལ།།ཐུགས་དམ་དགྱེས་ནས་བསྟན་འཛིན་དགེ་ལེགས་ཞེས།།ཆོས་ཀྱི་རྒྱལ་མཚན་བསྒྲེང་བའི་རྟེན་འབྲེལ་འགྲིགས།།ཐོས་བབསམ་སྒོམ་པའི་ཡོན་ཏན་ཟླ་བཞིན་འཕེལ།།བསྙེན་སྒྲུབ་ཕྲིན་ལས་འོད་སྣང་བརྟས་དྲག་ནས།།རྨི་ལམ་དབང་ཕྱུག་དད་པའི་དུང་བ་འདྲེན།།འབུམ་རིམས་དུ་མས་བསྔགས་ནས་གཙུག་ཏུ་བཀུར།།ཡིད་བཞིན་ནོར་བུའི་བླ་རྫོགས་ཐུགས་གསུམ་དང་།།པདྨ་གླིང་པའི་ལུས་དཀྱིལ་སྨིན་གྲོལ་དབང་།།ཉིན་དུ་མཚན་མོར་འབད་པའི་གྲུབ་རྟགས་ཐོན།།ཆོས་དྲུག་སྦྱོར་དྲུག་ཀྱང་སྒྱུ་འཕྲུལ་མངའ་དབང་འབྱོར།།དྲིན་ཆེན་ཨ་མའི་ནད་གཡོག་བྱམས་པས་སྐྱོང་།།རིག་འཛིན་རྣམ་བཞིའི་ཐུགས་དམ་གོང་དུ་སྤེལ།།སྐུ་གསུམ་རྒྱལ་བའི་རྒྱལ་ས་ཕྱིན་པའི་ཚུལ།།གསང་བའི་རྣམ་ཐར་རྒྱ་མཚོའི་སྙིང་པོ་མཆིས།།ཨེ་ཝཾ་ཆོས་ཚོགས་འཛམ་བུ་གླིང་ཀུན་ཁྱབ།།སྨོན་ལམ་ཆེན་མོ་ལྔ་བརྒྱ་གསར་དུ་བསྐྲུན།།གཏེར་གསར་འགྲོ་དོན་ཀུན་གསལ་དབྱིངས་དང་མཉམས།།བསྟན་འགྲོའི་དཔལ་མགོན་དམ་པའི་རྣམ་ཐར་ལགས།།ཞེས་པ་འདི་ཡང་རབ་གནས་ས་ཕག་མགོ་ཟླའི་དབང་ཕྱོགས་རྒྱལ་བ་གསུམ་པར་དཔལ་ལྡན་སངས་རྒྱས་ངོར་ཤྲཱིཿཨེ་མ་ཧོས་ཡེ་ཞི་དུས་སྟོན་སྐབས་སུ་ཨེ་ཝཾ་དགེ་འདུན་གླིང་ནས་༢༠༡༩ལོའི་ཟླ༡༢ཚེས༢༥ ཉིན།། །།

རིག་མཆོག་རིན་པོ་ཆེའི་ཞབས་བརྟན་རྡོ་རྗེའི་ཕ་ལམ།ཨོཾ་སྭཱ་སྟི།།ཀ་དག་ཆོས་དབྱིངས་ནམ་མཁའི་མཐའ་དང་མཉམ།།ལྷུན་གྲུབ་འོད་གསལ་ཉི་ཟླའི་ཁྱབ་གདལ་དཔལ།།ཟུང་འཇུག་རིག་མཆོག་ཕྲིན་ལས་ཀུན་ཏུ་བཟང་།།གཙང་གྲུབ་རྒྱུད་པ་བཅས་པས་དགེ་ལེགས་སྩོལ།།ཨོ་རྒྱན་པདྨས་བྱིན་རླབས་དངོས་གྲུབ་ཐོབ།།རྡོ་རྗེ་ཕུར་བུའི་སྣང་གྲགས་རིག་མཆོག་འཛིན།།མཁའ་འགྲོ་རྒྱ་མཚོའི་མེས་པོ་ཧེ་རུ་ཀ།བསྟན་དང་འགྲོ་བའི་མགོན་དུ་ཞབས་བརྟན་གསོལ།།མཁས་གྲུབ་རིག་འཛིན་བརྒྱུད་པའི་ཐུགས་ཀྱི་སྲས།།འགྲོ་ཀུན་ཕན་བདེ་སྒྲུབ་པའི་ཕྲིན་ལས་ཅན།།གཙང་པ་གྲུབ་ཆེན་རིག་མཆོག་རིན་པོ་ཆེའི།།སྐུ་ཚེ་རབ་བརྟན་བཞེད་དོན་ལྷུན་འགྲུབ་ཤོག།རབ་གནས་ས་ཕག་མགོ་ཟླའི་དུས་ཚེས་དགེ་བའི་ཚེ་རིང་གི་ཉི་མ་ལ་ཤྲཱིཿཨེ་མ་ཧོས་ལྷག་བསམ་རྣམ་པར་དག་པས་ཨེ་ཝཾ་དགེ་འདུན་གླིང་ནས་སྨོན་པར་དགེའོ།། །།

ས་མ་ཡའི་མེ་ལོང་། ན་མོ་གུ་རུ་པདྨ་ཀ་ར་ཡེ།། ཟབ་ཞི་སྤྲོས་བྲལ་འོད་གསལ་འདུས་མ་བྱས།།The mirror of Faith, Homage to the master, Padmakara; Profundity, peace and simplicity with bright light and uncompounded phenomenon;བདུད་རྩི་ལྟ་བུའི་ཆོས་ཉིད་དོན་རྟོགས་ནས།། བསམ་ཡས་འགྲོ་དོན་མཛད་པའི་ཐུགས་རྗེ་ཅན།།Comprehend the actuality of nature like a taste of Ambrosia; Compassionate and working for the benefit of inconceivable beings;འདྲེན་མཆོག་དཔལ་ལྡན་བླ་མ་གསོལ་བ་འདེབས།།…

རང་གཤིས་བརྗེན་པའི་གླུ་ཆུང་།། ༡༽……,,,༦༽ནམ་མཁའི་མཐའ་དང་མཉམ་པའི་སེམས་ཅན་དོན།།ལུས་སེམས་དགེ་བ་བརྩོན་པའི་ཆོས་སྨྲ་བདག།དེ་རིང་འཆི་ཡང་བདེ་ཆེན་ཞིང་དུ་འགྲོ།།ཆོས་རྗེ་བླ་མ་དམ་པའི་དམ་ཚིག་ཡོད།།༧༽བླ་མ་ཨོ་རྒྱན་ཆེན་པའི་བྱིན་རླབས་ཞུགས།།ཡི་དམ་ཞི་ཁྲོ་རབ་འབྱམས་དངོས་གྲུབ་ཐོབ།མཁའ་འགྲོ་དམ་ཅན་རྒྱ་མཚོའི་དཔལ་དགྱེས་པ།།བསྟན་འགྲོའི་ཕྲིན་ལས་ལྷུན་གྲུབ་ཨེ་མ་ཧོ།།ཞེས་པ་འདི་ཡང་རབ་གནས་ས་ཕག་མགོ་ཟླའི་དབང་ཕྱོགས་རྒྱལ་བ་གསུམ་པར་གང་ཤར་དུ་ཨེ་ཝཾ་རང་བཞིན་གཙུག་ལག་ཁང་དུ་བགྱིས་པར་དགེའོ།། །།

ཐར་མདོ་བསྡུས་པ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདས་པ་དང་། མ་བྱོན་པ་དང་། ད་ལྟར་བཞུགས་པ་ཐམས་ཅད་དང་། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། མཆོད་རྟེན་རྣམས་དང་། སྐུ་གདུང་རིང་བསྲེལ་ཐམས་ཅད་ལ་ཕྱག་འཚལ་ལོ། མཆོད་དོ་སྐྱབས་སུ་མཆིའོ། བྱིན་གྱིས་བརླབ་ཏུ་གསོལ། གཟུངས་ཆེན་པོ་དང་མདོ་སྡེ་བཅུ་གཉིས་ལ་ཕྱག་འཚལ་ལོ། མདོ་ཡི་སྡེ་ལ་ཕྱག་འཚལ་ལོ། ལུང་དུ་བསྟན་པའི་སྡེ་ལ་ཕྱག་འཚལ་ལོ། ཚིགས་གསུམ་བཅད་པའི་སྡེ་ལ་ཕྱག་འཚལ་ལོ། དབྱངས་ཀྱིས་བསྙད་པའི་སྡེ་ལ་ཕྱག་འཚལ་ལོ། ཆེད་དུ་བརྗོད་པའི་སྡེ་ལ་ཕྱག་འཚལ་ལོ། གླེང་གཞིའི་སྡེ་ལ་ཕྱག་འཚལ་ལོ། རྟོགས་པ་བརྗོད་པའི་སྡེ་ལ་ཕྱག་འཚལ་ལོ། འདས་པ་བརྗོད་པའི་སྡེ་ལ་སྡེ་ལ་ཕྱག་འཚལ་ལོ། སྐྱེ་བ་རབས་ཀྱི་སྡེ་ལ་ཕྱག་འཚལ་ལོ། ཤིན་ཏུ་རྒྱས་པའི་སྡེ་ལ་ཕྱག་འཚལ་ལོ། རྨད་དུ་བྱུང་བའི་སྡེ་ལ་ཕྱག་འཚལ་ལོ། གཏན་ལ་ཕབ་པའི་སྡེ་ལ་ཕྱག་འཚལ་ལོ། ཐེག་པ་ཆེན་པོའི་སྡེ་སྣོད་ཐམས་ཅད་ལ་ཕྱག་འཚལ་ལོ། མཆོད་དོ། སྐྱབས་སུ་མཆིའོ། བྱིན་གྱིས་བརླབ་ཏུ་གསོལ། ན་མོ་བུདྡྷ་ཡ། ན་མོ་དྷཱ་རྨ་ཡ། ན་མོ༔སཾ་གྷཱ་ཡ། ཨ་དན་ཏི་དྷཱ་ར་ཎཱི། ཏདྱཐཱ། ཨཱ་ཀཱ་ཤ་ནི་བ་བཱི་ནི། སརྦ་དྷཱ་རྨ་ནི་བ་ནི། ཨི་ཤ་མ་ད། པི་པ་ཤ་ན། བི་མ་ལ་སུ་པ་རི། དྷཱརྨ་ནི་ཁ་ན། བ་ར་རུ་ནི་ཙ་ཡ་ཏ་མ་ལེ་ཙ་ལེ།…

ངས་རྗེ་ཙོང་ཁ་པ་ལ་ལྟ་སྟངས་འགྱུར་བ། (དགའ་ལྡན་ལྔ་མཆོད་ཉིན།) ངས་རྗེ་ཙོང་ཁ་པ་ལ་ལྟ་སྟངས་འགྱུར་བ། རྩིས་ཆེ་ལེགས་མཐོང་།21-12-2019དྲ་ལམ་ཁག་ནས་མཐོང་བ་ལྟར་ན་དེ་རིང་ནི་རྗེ་ཙོང་ཁ་པའི་རྗེས་དྲན་ཡིན་པ་འདྲ། ལོ་འདི་དག་ཏུ་བོད་པ་ཚང་གིས་རྗེས་དྲན་ནི་མང་མ་དྲགས་ན་ཉུང་དྲགས་ཡོད་ས་མེད་ཅིང་། དྲ་ལམ་གྱི་བརྒྱུད་ནས་རྗེས་དྲན་འདྲ་མིན་བྱེད་པ་ནི་བོད་རིགས་ལས་ལྷག་པ་ཕལ་ཆེར་མེད་པ་འདྲ། རྒྱུ་མཚན་ནི་ད་ལྟའི་ཆར་བོད་པ་ཚང་གིས་ནུབ་ཕྱོགས་ཀྱི་དུས་དྲན་ཕལ་མོ་ཆེ་བརྩི་སྲུང་བྱེད་ཀྱི་འདུག་ལ། རྒྱ་རིགས་ཀྱི་དུས་དྲན་ཀྱང་མང་པོ་ཞིག་བརྩི་སྲུང་བྱེད་བཞིན་པ་མ་ཚད། བོད་ནང་ཁུལ་དུ་ཡང་ད་ལྟའི་ཆར་ཆོས་བརྒྱུད་ཀྱི་ཕྱོགས་རིས་ཅུང་ཆུང་དུ་སོང་བས་ས་དགེ་བཀའ་རྙིང་གི་བླ་མ་གོང་མ་ཕལ་མོ་ཆེའི་འདས་མཆོད་ཁག་དྲ་གྲོགས་མང་པོ་ཞིག་གིས་བརྩི་སྲུང་བྱེད་བཞིན་ཡོད་པའི་ཆ་ནས་སྐད་འཕྲིན་ལ་ཉིན་ལྟར་རྗེས་དྲན་རེ་མཐོང་རྒྱུ་ཡོད་པའི་ཚོད་རེད། དེར་བརྟེན་དྲང་པོ་བཤད་ན་ད་ལྟའི་ཆར་རྗེས་དྲན་ཞེས་པའི་ཚིག་འདི་མཐོང་ན་ཡང་སུན་སྣང་སྟེར་བར་བྱེད། འོན་ཀྱང་བསྟན་པ་སྤྱི་དང་། ཆོས་བརྒྱུད་བྱེ་བྲག་པ། གང་ཟག་སྒེར་གྱི་ངོས་ནས་རྗེས་དྲན་བྱེད་འོས་པ་རྣམས་ནི་ཅི་ལ་མི་བྱེད། དེའི་ཆ་ནས་བཤད་ན་རྗེ་ཙོང་ཁ་པ་ནི་རྗེས་དྲན་བྱེད་འོས་ཤོས་སུ་མཐོང་བས་ན་ངས་ཀྱང་ཁོམ་པ་ཡོད་མེད་ལ་མ་ལྟོས་པར་དེ་རིང་གི་རྗེས་དྲན་འདིར་རྩོམ་ཐུང་ཞིག་སྤེལ་འདོད་སྐྱེས། དེ་ཡང་དྲང་པོ་བཤད་ན་ཐོག་མའི་ཆར་བོད་ཀྱི་ཆོས་བརྒྱུད་རྣམས་ལས་ང་རང་མི་དགའ་བའི་ཆོས་བརྒྱུད་གཙོ་བོ་ནི་དགེ་ལུགས་ཡིན། དེ་ནི་ཀར་དགེའི་འགལ་ཟླ་དང་འབྲེལ་བ་ཡོད་པས་བཤད་མ་དགོས་པའི་ཐོག་ཏུ། ས་དགེ་གཉིས་ནི་བཤད་པ་དང་། བཀའ་རྙིང་གཉིས་ནི་སྒྲུབ་པ་གཙོ་བོར་བྱེད་པ་ལ། ང་རང་བཀའ་བརྒྱུད་པའི་ཁོར་ཡུག་ཏུ་འཚར་ལོངས་བྱུང་བའི་ཆ་ནས་སྒྲུབ་པ་ཟེར་དུས་ལོས་ཡིན་དྲན་པ་ཞིག་དང་། མཁས་པ་ཟེར་དུས་ཨོ་ཙམ་ཟེར་བའི་ལྟ་སྟངས་ཤིག་ང་ལ་ཡང་ཁོར་ཡུག་གི་རྐྱེན་པས་བྱུང་འདུག འདི་ནི་ང་ཙམ་མིན་པར་སྲོལ་རྒྱུན་གྱི་ཁོར་ཡུག་ཏུ་འཚར་ལོངས་བྱུང་བ་ཕལ་མོ་ཆེར་ཡོད་ན་ཡང་། སྟབས་ལེགས་པར་ང་རང་དེ་ལས་ཐར་ཐུབ་ཙམ་བྱུང་། བཤད་མ་དགོས་པར་ངས་རྗེ་ཙོང་ཁ་པ་ལ་ཡོད་པའི་ལྟ་ཚུལ་ཡང་བརྒྱུད་རིམ་དེ་ནས་བྱུང་བ་ཞིག་ཡིན། དེ་ཡང་བརྒྱུད་རིམ་དེ་བྱུང་ཚུལ་ཐོག་མ་ནས་མགོ་བཙུགས་ཏེ་བཤད་ན། ངས་ནམ་ཡང་བརྗེད་མི་ཐུབ་པ་ཞིག་ལ་ཆུང་དུས་ང་ཡི་བློ་ལ་ཇ་མཆོད་ཅིག་ཡོད། ཇ་མཆོད་དེ་ནི་འདི་འདྲ་ཞིག་རེད། ས་སྐྱ་པཎ་ཆེན་རྗེ་བཙུན་ཙོང་ཁ་པ།། ཀློང་ཆེན་རབ་འབྱམས་རང་བྱུང་རྡོ་རྗེ་ཞབས།། དཔལ་སྤྲུལ་ཆོས་ཀྱི་འབྱུང་གནས་མཁྱེན་བརྩེ་བ།། བློ་གྲོས་མཐའ་ཡས་ཞལ་དུ་མཆོད་པ་འབུལ།། ཞེས་པའོ།། ངས་རྩོམ་འདི་སུས་མཛད་མིན་ད་ལྟའི་བར་མི་ཤེས་ཀྱང་ངས་ད་ལྟའི་བར་འདི་ཉིད་བློ་ནས་བརྗེད་མྱོང་མེད། ངས་ཆུང་དུས་འདི་བཏོན་ནས་ཇ་མཆོད་འབུལ་བ་ན་སེམས་ལ་རང་བཞིན་གྱིས་དགའ་བ་ཞིག་ཡོད་པ་ནི་ཙོང་ཁ་པ་ཞེས་པའི་ཚིག་དེས་རེད། ངས་ཙོང་ཁ་པ་ནི་བླ་མ་ཞིག་ཡིན་པ་ལས་བླ་མ་སུ་ཡིན་མི་ཤེས་ཀྱང་སུ་ཡིན་མིན་གང་ལྟར་ཡང་ང་ཙོང་ཁ་པ་ཟེར་བ་དེ་ལ་ཧ་ཅང་དགའ། ང་ལ་ཙོང་ཁ་པ་ཟེར་བ་དེས་ཅི་ཞིག་དྲན་གསོ་གཏོང་གྲབས་བྱེད་ཀྱི་ཡོད་པ་ལྟ་བུའི་ཚོར་སྣང་སྟེར་ན་ཡང་དེས་ང་ལ་ཟ་རྒྱུ་ཞིག་དྲན་གསོ་སྟེར་གྲབས་ཡོད་དམ། ཡང་ན་ས་ཆ་ཞིག་དྲན་གསོ་སྟེར་གྲབས་ཡོད་ངས་མི་ཤེས། གང་ལྟར་སྐབས་དེར་ང་རང་གིས་ཇ་མཆོད་དེ་འདོན་སྐབས་ངས་དོ་སྣང་སྤྲོད་ས་གཙོ་བོ་ཙོང་ཁ་པ་ཟེར་བའི་ཚིག་དེ་ཡིན་ལ། ང་ཡི་ཁ་ནས་ཙོང་ཁ་པ་ཟེར་དུས་སྐབས་དེར་ང་ལ་ཡོད་པའི་ཚོར་བ་ནི་དཔེ་མཚོན་ཞིག་གི་ཐོག་ནས་བཤད་ན་ང་རང་དགའ་ཤོས་ཀྱི་ཉ་བྱེ་རིལ་གྱི་མིང་ཞིག་བརྗོད་ཀྱིན་ཡོད་པ་དང་གཉིས་སུ་མ་མཆིས། འོན་ཀྱང་དེ་རྗེས་ང་རང་གྲྭ་པ་བྱས་ནས་ཀརྨ་བཀའ་བརྒྱུད་པའི་བཤད་གྲྭར་ཞུགས་ཤིང་། ཀརྨ་པ་མི་བསྐྱོད་རྡོ་རྗེས་མཛད་པའི་འཇུག་འགྲེལ་གྱི་དཔེ་ཁྲིད་ཞུས་པ་ན་ངས་སྔར་ཙོང་ཁ་པ་ལ་ཡོད་པའི་ལྟ་སྟངས་ནི་རྩ་བ་ནས་འགྱུར།…