ཨེ་མ་ཧོའི་རྒྱལ་སྲིད་སྣ་བརྒྱད།ན་མོ་མ་ཧཱ་གུ་རུ་ཨེ་མ་ཧོ།།༼༡༽ཆུང་ནས་བཟང་པོ་སྤྱོད་པའི་རྟུལ་ཞུགས་ཅན།།ཆེ་ནས་བསྟན་འགྲོར་བརྩོན་པའི་དཀའ་སྤྱོད་ལྡན།།ཆེ་ཆུང་མ་ངེས་ལྷག་བསམ་རྣམ་དག་པ།།ཕན་བདེའི་ཀུན་བཟང་བླ་མ་རིན་པོ་ཆེ།།༼༢༽དང་པོ་ཐོས་བསམ་སྒོམ་པས་རང་རྒྱུད་དུལ།།བར་དུ་འཆད་རྩོད་རྩོམ་པའི་འགྲོ་དོན་མཛད།།མཐར་དོན་བསྙེན་ཕྲིན་ལས་སྐྱོང་བའི་མགོན།།དམ་ཆོས་འཛིན་པའི་འཁོར་ལོ་རིན་པོ་ཆེ།།༼༣༽ཞི་དུལ་ཀུན་ཡིད་མཐུན་པའི་དཔལ་དགྱེས་པ།།ཁྲིམས་གཙང་བསླབ་གསུམ་བརྒྱན་བཟང་རྡོ་རྗེ་འཆང་།།བདེ་ཆེན་ཡེ་ཤེས་ཕྱག་རྒྱའི་དངོས་གྲུབ་ཐོབ།།བཀའ་གཏེར་དབང་ཕྱུག་བཙུན་མོ་རིན་པོ་ཆེ།།༼༤༽རྒྱལ་བའི་བཀའ་དང་བླ་མའི་ལུང་གིས་ཟིན།།མདོ་སྔགས་རིག་གཞུང་རྒྱ་མཚོའི་དགོངས་དོན་འགྱེད།།སྙིགས་དུས་འགྲོ་ཁམས་འདུལ་བའི་ཐབས་མཁས་པ།།སྟོན་པའི་རྒྱལ་ཚབ་བློན་པོ་རིན་པོ།།༼༥༽བདེན་པའི་ལམ་ལ་ངེས་ཤེས་དེ་ཉིད་རྟོགས༵།།དྲང་པོས་ཀུན་ཕན་སྒྲུབ་པའི་བྱམས་བརྩེའི་དཔལ།།མ་ལུས་འགྲོ་ཀུན་སྨན་པའི་དམ་ཚིག་ལྡན༵།།བདེ་མཆོག་བརྗིད་པའི་གླང་བོ་རིན་པོ་ཆེ།།༼༦༽དབེན་རིར་བཞུགས་ནས་ཆོས་རྩྭའི་ཉིང་བཅུད་རོལ།།ཉི་མཚན་མ་གཡེང་འདུ་འཛིས་ལྕགས་སྒྲོག་གྲོལ།།རྒྱལ་ཀུན་དགྱེས་པའི་དམ་གཙང་བརྩོན་འགྲུས་ཅན།།འགྲོས་བཟང་ཅང་ཤེས་རྟ་མཆོག་རིན་པོ་ཆེ།།༼༧༽ལས་ཉོན་སྟོབས་འཇོམས་ནག་ཕྱོགས་རྩ་བ་བརླགས།།བདུད་བཞི་རབ་སེལ་དགྲ་བགེགས་འདུལ་བའི་གཤེད།།ང་རྒྱལ་རྔོམ་བག་དབེན་པའི་རྒྱལ་བའི་སྲས།།གཡུལ་རྒྱལ་དཔའ་བོ་དམག་དཔོན་རིན་པོ་ཆེ།།༼༨༽རེ་དྭོགས་ཆོས་བརྒྱད་དྲེགས་པའི་རློམ་སེམས་མེད།།འཕགས་པའི་ནོར་བདུན་ཆོས་ལ་རང་བྱན་ཆུབ།།ཕ་རོལ་ཕྱིན་དྲུག་སྤྱོད་པའི་རྣལ་འབྱོར་པ།།ཨེ་ཧོ་ཡིད་བཞིན་ནོར་བུ་རིན་པོ་ཆེ།།རང་འདོད་ཡིད་ལ་ཞེན་པའི་གཏམ་མེད་ཀྱང་།།གཞན་འདོད་རེ་བ་བསྐོང་བའི་སྣ་བརྒྱད་ཚིག།བཟོ་བཅོས་ཀུན་རྟོག་ཚིག་གིས་མ་ལྷད་པར།།ཐོལ་བྱུང་ངག་རིག་སྨྲ་བས་དེ་སྐད་ཐལ།།ཅེས་པ་འདི་ཡང་རབ་གནས་ས་ཕག་རྒྱལ་ཟླའི་ཡར་ཚེས་བཟང་པོ་དང་པོ་ལ་མཁན་པོ་དོན་ཀུན་གྲུབ་པ་དང་མཁའ་འགྲོ་སྒྲོལ་དཀར་ངོར་གང་ཤར་རང་གཤིས་རྣམ་དག་ལ་འཁྲུལ་རྟོག་ངན་པའི་ཚིག་གིས་མ་བཅོས་པར་ཐོལ་བྱུང་ཉིད་གྲོགས་བཟང་དགྱེས་པའི་དཔྱིད་དཔལ་དུ་རིག་འཛིན་ཨེ་མ་ཧོས་སེང་གླིང་ཀུན་བཟང་དགའ་ཚལ་ནས་ཚིག་ཇ་ཕོར་གང་འཐུང་ཞོར་དུ་སོར་བཅུའི་ལམ་ནས་ཤོར་བར་དགེའོ།། །།ཤྲཱིཿཨེ་མ་ཧོ་སརྦ་ལོ་ཀ་པ་ལ་བི་ཛ་ཡནྟུ།།

བོད་དང་རྒྱ་འབྲུག་གི་ལོ་སར་ལ་རིག་འཛིན་སྔགས་འཆང་གི་བསྟན་འཛིན་དམ་པ་བོད་བཙན་པོའི་གདུང་བརྒྱུད་དྲི་མ་མེད་ཅིང་ཁྲག་འཐུང་བདུད་འཇོམས་གླིང་པའི་སྤྲུལ་སྐུ། ༸སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་མཆོག་གི་གདུང་སྲས་ཕྲིན་ལས་ནོར་བུ་རིན་པོ་ཆེ་མཆོག། དེའི་གདུང་སྲས་དགའ་རབ་རིན་པོ་ཆེ་མཆོག་གིས་ལོ་གསར་པ་འདིར་སྟོན་འཁོར་འདུས་པ་ལྷན་ཉིན་གསུམ་གྱི་རིང་ལ་བདུད་འཇོམས་<<ཁྲོས་མའི་>>ཚོགས་མཆོད་ལེགས་པར་གྲུབ་འདུག རྟེན་འབྲེལ་དང་ཡི་རང་བཅས་ཤྲཱིས་སོ

༄༅།།དགེ་མང་མཁན་ཆེན་བསོད་ནམས་འོད་ཟེར་རིན་པོ་ཆེའི་ཞབས་བརྟན།Long Life Prayer for Gemang Khenchen Sonam Wozer Rinpoche格曼堪欽蘇南奧色仁波切長壽祈請文 རྩོམ་པ་པོ། རིག་འཛིན་དཔལ་དགྱེས་པ་རྡོ་རྗེ།By Vidyadhara Shri Ananta Vajra金剛持師利阿難陀金剛造 བླ་མ་མཁྱེན།།Guru, look at me!上師，請您鑒知我！ ཐུགས་རྗེ་ཆེན་པོས་མ་ལུས་འགྲོ་ལ་བྱམས།།You who have great Compassion and kindness for all sentient beings,您是一切眾生慈悲仁厚之怙主 ཤེས་རབ་ཆེན་པོས་ཤེས་བྱ་རབ་འབྱམས་གཟིགས།།With your great Wisdom, you see immeasurable noble knowable things.兼具廣大智慧統攝無量聖言教…

ཏོག་དབྱིབས་ནད་དུག་གིས་བསྐྱེད་པའི་གློ་ཚད་གསར་པ་སྔོན་འགོག་བྱེད་ཐབསསྤྱིར་ཕྲན་ཆུང་ནི་ཨེ་འགོག་རང་འདུན་པ་ཞིག་ཡིན་པས།ནམ་རྒྱུན་ཨེ་འགོག་ཐད་ནས་རྒྱུན་ཤེས་དྲིལ་སྒྲོག་བྱ་མཁན་ཞིག་ཡིན་ལ། ཧུའུ་པེ་ཞིང་ཆེན་ཝུའུ་ཧན་གྲོང་ཁྱེར་ནས་བྱུང་བའི་ནད་དུག་འདི་ཨེ་ཛི་མིན་ལ་ཨེ་ཛི་དང་འབྲེལ་བ་མེད་རུང་།འགོ་ཚད་དང་ཚེ་སྲོག་འཆོར་ཚད་སོགས་གང་ཅིའི་ཐད་ནས་ཨེ་ཛི་ལས་ཚབས་ཆེ་བར་འདུག་ལ།མི་མང་པོས་དྲྭ་ལམ་བརྒྱུད་ནས་དྲི་བ་འདོན་ཡོང་བཞིན་འདུག་ཕྱིན།གཅིག་གྱུར་གྱིས་ལན་འདི་དག་གྲ་སྒྲིག་བྱས་པའོ། །ད་ཐེངས་ཧུའུ་པེ་ཞིང་ཆེན་གྱི་ཝུའུ་ཧན་གྲོང་ཁྱེར་ནས་བྱུང་བའི་གློ་ཚད་གསར་པ་འདི་ཏོག་དབྱིབས་ནད་དུག་གི་རིགས་ཁོངས་སུ་གཏོགས་ཤིང་།དེ་སྔོན་མིའི་རིགས་ལ་འགོ་སྲིད་པའི་ཏོག་དབྱིབས་ནད་དུག་རིགས་དྲུག་སྙེད་ཡོད་ཅིང་། ད་ཐེངས་ཝུའུ་ཧན་ནས་བྱུང་བའི་ནད་དུག་འདི་བརྩིས་ན།མིའི་རིགས་ལ་འགོ་སྲིད་པའི་ཏོག་དབྱིབས་ནད་དུག་རིགས་བདུན་ཡོད་པ་རེད་ཟེར།ཕྱི་ལོ༢༠༡༩ལོའི་ཟླ༡༢པ་ནས་བཟུང་།ཝུའུ་ཧན་གྲོང་ཁྱེར་དུ་ངོས་མི་ཟིན་པའི་ནད་དུག་གསར་པའི་གློ་ཚད་བསྟུན་མར་བྱུང་ཞིང་། ཕྱི་ལོ༢༠༢༠ལོའི་ཟླ༡ཚེས༨ཉིན་དངོས་སུ་ཏོག་དབྱིབས་ནད་དུག་གིས་བསྐྱེད་པའི་གློ་ཚད་གསར་པ་ཞེས་མིང་བཏགས་པ་ཞིག་རེད་འདུགནད་དུག་འདི་བྱུང་ནས་ད་བར་ཟླ་བ་གཉིས་ཀྱང་སོང་མེད་རུང་།ཧུའུ་པེ་ཞིང་ཆེན་ནས་ནད་པ༤༤༤བྱུང་ཡོད་པ་གསར་བསྒྲགས་བྱས་འདུག་ལ། དེ་ལས་ནད་པ༡༧གྱི་ཚེ་སྲོག་ཤོར་ཚར་འདུགཟླ་བ༡ཚེས༢༣ཉིན་གྱི་གསར་བསྒྲགས་ལྟར་ན། ད་བར་དུ་རྒྱལ་ཡོངས་ས་ཆ་སོ་སོ་ནས་གསར་རྙེད་བྱུང་བའི་ཏོག་དབྱིབས་ནད་དུག་གིས་བསྐྱེད་པའི་གློ་ཚད་གསར་པའི་ནད་པ༥༧༡འདུག་ཅིང་།དེ་དག་ནི་ཧུའུ་པེ་དང་། ལའོ་ནིང་། ཨན་ཧེ། ཧུ་ནན། ཧྥུ་ཅན། ཀའེ་ཀྲུའུ། སི་ཁྲོན།ཁྲོང་ཆིང་། ནིང་ཤ། ཧྲན་ཞི། ཀང་ཞི། ཧི་ནན། ཧྲན་ཏུང་། ཧི་པེ་སོགས་ཞིང་ཆེན༢༠ལྷག་དང་ཨ་རི་དང་འཇར་པན་ལ་སོགས་ཕྱིའི་རྒྱལ་ཁབ༤ནས་ནད་པ་གསར་རྙེད་བྱུང་འདུགགཅིག ནད་དུག་གི་འབྱུང་ཁོངས་སྐོར།སྤྱིར་ཏོག་དབྱིབས་ནད་དུག་ལ་འབྱུང་ཁོངས་ཀྱི་ཐད་ནས་དབྱེ་ན་རིགས་ཆེན་པོ་བཞི་ཡོད་པར་བཤད་ཅིང་།དེ་ལས་འོ་འཐུང་སྲོག་ཆགས་ཏེ། ཕ་ཝང་དང་ཕག ཁྱི། བྱི་ལ། ཙི་གུ། ཟོགརྟ་སོགས་ལས་བརྒྱུད་པའི་ཏོག་དབྱིབས་ནད་དུག་ནི་ཨར་ཧྥ་དང་པེ་ཐའི་རིགས་ཀྱི་ཏོག་དབྱིབས་ནད་དུག་ཏུ་གཏོགས་ལ།པེ་ཐའི་རིགས་ཀྱི་ཏོག་དབྱིབས་ནད་དུག་ལ་རིགས་ཀ་པ་དང་ཁ་པ།ག་པ་དང་ང་པ་ཞེས་མི་འདྲ་བར་བཞི་དབྱེ་རྒྱུ་ཡོད་ཅེས་གསུངས་འདུག གཞན་གཉིས་ནི་འདབ་ཆགས་ཏེ།ཁྱིམ་བྱ་དང་བྱ་དེ་མགྲིན་དམར། བྱིའུ། བྱ་གག། ངང་པ། ཕུན་རོན་སོགས་ལས་བརྒྱུད་པའི་ཏོག་དབྱིབས་ནད་དུག་ཀ་མ་དང་དར་ཐའི་རིགས་ཀྱི་ཏོག་དབྱིབས་ནད་དུག་ཏུ་གཏོགས་པ་རེད་ཟེར། གཞན་ད་ཐེངས་ཝུའུ་ཧན་གྲོང་ཁྱེར་ནས་བྱུང་བའི་ནད་དུག་འདི་གོང་གི་འབྱུང་ཁོངས་ཐད་ནས་དབྱེ་བའི་རིགས་བཞི་ཡོད་པ་ལས་གང་གི་ཁོངས་སུ་གཏོགས་པའི་སྐོར་ད་དུང་གསལ་བོ་ཞིག་བཤད་མི་འདུགགཉིས། ནད་དུག་གི་འགོ་ལམ་སྐོར།ནད་དུག་འདིའི་ལོ་ལམ་ནི་གཙོ་བོ་ཁ་སྣ་གཉིས་ཡིན་རུང་།ཁྱིམ་དུ་གློ་ཚད་གསར་བའི་ནད་པ་བྱུང་མཁན་གྱི་ཁྱིམ་ཚང་ཡིན་ན། ཁྱིམ་མི་གཞན་པ་ཚོས་ནད་པས་སྤྱོད་མྱོང་བའི་གོན་པ་དང་ཅ་ལགཁྱིམ་ཆས་སོགས་ལ་དུག་སེལ་ཡང་དག་བྱེད་དགོས་ལ། རང་ཉིད་ཀྱི་རྨ་ཁ་དང་འབྱར་སྐྱི་སོགས་ལའང་དུག་སེལ་ཡག་པོ་བྱེད་དགོས་ཞེས་གསུངས་འདུགགསུམ། ནད་དུག་འདི་སྔོན་འགོག་བྱེད་ཐབས།༡ ཕྱོགས་ཡར་མར་ལ་འགྲོ་འདུག་མི་མང་བ།༢ མི་མང་ཚོགས་ས་རུ་མི་འགྲོ་བ།༣ནམ་རྒྱུན་གྲོང་ནང་དུ་འགྲོ་སྐབས་སྨན་སྤྱོད་ཁ་ཤུབས་དང་། N95ཡི་ཚད་གཞིར་སླེབས་ཡོད་པའི་ཁ་ཤུབས་བེད་སྤྱོད་བྱ་བ།༤ དུས་རྒྱུན་ལག་པ་འདག་ཆལ་གྱིས་ལེགས་པོ་བཀྲུ་བ་དང་། སྦུག་ཆུ་སོགས་འབབ་ཆུའི་ནང་དུ་ལེགས་པོར་བཤལ་བ།༥…

བཀྲ་ཤིས་བདེ་ལེགས་ཕུན་སུམ་ཚོགས།།ཨེ་མ་ཧོ།།འབྱུང་བ་ཆ་མཉམ་ཕྱི་ཡི་བཀྲ་ཤིས་འཕེལ།།ཞི་ལྷག་ཆ་མཉམ་ནང་གི་བདེ་ལེགས་འཕེལ།།དད་གུས་དག་མཉམ་གསང་བ་ཕུན་སུམ་ཚོགས།།འཕགས་པ་ཀུན་ཏུ་བཟང་པོ་རྒྱལ་གྱུར་ཅིག།བཀྲ་ཤིས་གངས་དཀར་རི་བོ་བཀྲག་མདངས་གསལ།།བདེ་ལེགས་བྱང་ཆུབ་སེམས་ལ་མངའ་དབང་འབྱོར།།ཕུན་ཚོགས་མཐའ་དག་སྣོད་བཅུད་ཁྱབ་གྱུར་ནས།།ཕྱོགས་ལས་རྣམ་པར་རྒྱལ་བའི་དགེ་མཚན་གང་།།འཇིག་རྟེན་ཁམས་སུ་རིང་དུ་འཚོ་གྱུར་ཅིག།ཕྱོགས་དུས་རྒྱལ་བའི་སྐུ་གསུང་ཐུགས་ཡོན་བཀྲ།།རྒྱལ་སྲས་སེམས་དཔའི་དགོངས་དོན་ཡིད་བཞིན་ཤིས།།སྣོད་བཅུད་རྣམ་དག་གསང་གསུམ་དགྱེས་པས་བདེ།།དགེ་ལེགས་སྣང་བས་ས་གསུམ་ཁྱབ་པར་ཤོག།ཅེས་པ་འདི་ཡང་རབ་གནས་ས་ཕག་རྒྱལ་ཟླའི་དབང་ཕྱོགས་སྟོང་པ་གསུམ་པར་ཤྲཱིཿསྨྱོན་པས་དགེ་མང་ཨོ་རྒྱན་བསམ་གཏན་ཆོས་གླིང་གི་སེངྒྷ་གླིང་གི་རྫོགས་ཆེན་ཆོས་ཚོགས་གང་གི་གསོལ་ཇ་ཁང་ནས་དགེ་བསྙེན་རིག་པ་འཛིན་པ་ཏྲིག་སོན་གྱིས་དད་གུས་རྐྱེན་ལས་སྨོན་པར་དགེའོ།།

ཤེས་རབ་སྙིང་པོའི་མདོ་བཞུགས་སོ།། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན།།མ་སྐྱེས་མི་འགགས་ནམ་མཁའི་ངོ་བོ་ཉིད།།སོ་སོར་རང་རིགས་ཡེ་ཤེས་སྤྱོད་ཡུལ་བ།།དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ།།རྒྱ་གར་སྐད་དུ། བྷ་ག་ཝ་ཏི་པྲ་ཛྙཱ་པཱ་ར་མི་ཏཱ་ཧྲི་ད་ཡ། བོད་སྐད་དུ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་བོའི་རི་ལ་དགེ་སློང་གི་དགེ་འདུན་ཆེན་པོ་བྱང་ཆུབ་སེམས་དཔའི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཟབ་མོ་སྣང་བ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྤྱོད་པ་ཉིད་ལ་རྣམ་པར་བལྟ་ཞིང་། ཕུང་བོ་ལྔ་བོ་དེ་དག་ལ་ཡང་རང་བཞིན་གྱིས་སྟོང་བར་རྣམ་པར་བལྟའོ། ། དེ་ནས་སངས་རྒྱས་ཀྱི་མཐུས། ཚེ་དང་ལྡན་པ་ཤཱ་རིའི་བུས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྤྱོད་པ་སྤྱད་པར་འདོད་པ་དེས། ཇི་ལྟར་བསླབ་པར་བྱ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །ཤཱ་རིའི་བུ། རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྤྱོད་པ་སྤྱད་པར་འདོད་པ་དེས་འདི་ལྟར་རྣམ་པར་བལྟ་བར་བྱ་སྟེ། ཕུང་བོ་ལྔ་བོ་དེ་དག་ཀྱང་། རང་བཞིན་གྱིས་སྟོང་བར་ཡང་དག་པར་རྗེས་སུ་བལྟའོ། །གཟུགས་སྟོང་བའོ། །སྟོང་བ་ཉིད་གཟུགས་སོ། །གཟུགས་ལས་ཀྱང་སྟོང་བ་ཉིད་གཞན་མ་ཡིན། སྟོང་བ་ཉིད་ལས་ཀྱང་གཟུགས་གཞན་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་སྟོང་བའོ། ། ཤཱ་རིའི་བུ། དེ་ལྟ་བས་ན་ཆོས་ཐམས་ཅད་སྟོང་བ་ཉིད་དེ། མཚན་ཉིད་མེད་པ། མ་སྐྱེས་པ། མ་འགགས་པ། དྲི་མ་མེད་པ། དྲི་མ་དང་བྲལ་བ་མེད་པ། བྲི་བ་མེད་པ།…