January 2020

བཀྲ་ཤིས་བདེ་ལེགས་ཕུན་སུམ་ཚོགས།།
ཨེ་མ་ཧོ།།
འབྱུང་བ་ཆ་མཉམ་ཕྱི་ཡི་བཀྲ་ཤིས་འཕེལ།།
ཞི་ལྷག་ཆ་མཉམ་ནང་གི་བདེ་ལེགས་འཕེལ།།
དད་གུས་དག་མཉམ་གསང་བ་ཕུན་སུམ་ཚོགས།།
འཕགས་པ་ཀུན་ཏུ་བཟང་པོ་རྒྱལ་གྱུར་ཅིག།
བཀྲ་ཤིས་གངས་དཀར་རི་བོ་བཀྲག་མདངས་གསལ།།
བདེ་ལེགས་བྱང་ཆུབ་སེམས་ལ་མངའ་དབང་འབྱོར།།
ཕུན་ཚོགས་མཐའ་དག་སྣོད་བཅུད་ཁྱབ་གྱུར་ནས།།
ཕྱོགས་ལས་རྣམ་པར་རྒྱལ་བའི་དགེ་མཚན་གང་།།
འཇིག་རྟེན་ཁམས་སུ་རིང་དུ་འཚོ་གྱུར་ཅིག།
ཕྱོགས་དུས་རྒྱལ་བའི་སྐུ་གསུང་ཐུགས་ཡོན་བཀྲ།།
རྒྱལ་སྲས་སེམས་དཔའི་དགོངས་དོན་ཡིད་བཞིན་ཤིས།།
སྣོད་བཅུད་རྣམ་དག་གསང་གསུམ་དགྱེས་པས་བདེ།།
དགེ་ལེགས་སྣང་བས་ས་གསུམ་ཁྱབ་པར་ཤོག།
ཅེས་པ་འདི་ཡང་རབ་གནས་ས་ཕག་རྒྱལ་ཟླའི་དབང་ཕྱོགས་སྟོང་པ་གསུམ་པར་ཤྲཱིཿསྨྱོན་པས་དགེ་མང་ཨོ་རྒྱན་བསམ་གཏན་ཆོས་གླིང་གི་སེངྒྷ་གླིང་གི་རྫོགས་ཆེན་ཆོས་ཚོགས་གང་གི་གསོལ་ཇ་ཁང་ནས་དགེ་བསྙེན་རིག་པ་འཛིན་པ་ཏྲིག་སོན་གྱིས་དད་གུས་རྐྱེན་ལས་སྨོན་པར་དགེའོ།།

Leave a Reply

Your email address will not be published. Required fields are marked *