ཨེ་ཝྃ་ཧོ།

རིང་ནས་སྙིང་དུ་གཉེར་བའི་རྩ་བརྒྱུད་བླ་མའི་ཞལ་རྒྱུན་བཀའ་གཏེར་མན་ངག་ཐམས་ཅད་ཀྱི་རྒྱལ་པོ། ཐེག་པ་ཐམས་ཅད་ཀྱི་རྩེ་རྒྱལ། རྒྱུད་ཐམས་ཅད་ཀྱི་ཡང་སྙིང་། ལུང་ཐམས་ཅད་ཀྱི་ཕྱི་མོ། འོད་གསལ་རྫོགས་པ་ཆེན་པོའི་རྒྱུད་འབུམ་ཕྲག་དྲུག་ཅུ་རྩ་བཞིའི་ཉིང་ཁུ་ཐམས་ཅད་གཅིག་ཏུ་བསྡུས་པ། ཟབ་ལམ་འོད་གསལ་རྫོགས་པ་ཆེན་པོའི་གནད་དོན་ཀུན་ཕྱོགས་གཅིག་ཏུ་འདུས་པ། ཀུན་མཁྱེན་བརྒྱུད་པའི་འདྲ་འབག་རིན་པོ་ཆེའི་བཀའ་ལུང་མན་ངག་ཐམས་ཅད་བུམ་པ་གང་བཤུས་ལྟར་ཆིག་རྒྱུད་དུ་ཐོབ་ཡུལ་གྱི་བླ་མ་སངས་རྒྱས་དངོས་དག་དག་ལས་གདོད་མའི་ལམ་རིམ་ཡེ་ཤེས་བླ་མ་ཐོབ་པ་འདི་ལྟར། ༼༡༽ ༧སྐྱབས་རྗེ་རྩེ་བའི་མཁན་ཆེན་འཇིགས་མེད་རྣམ་རྒྱལ་རིན་པོ་ཆེ། ༢༽ དྲིན་ཆེན་ཨ་མ་བཀའ་དྲིན་ཅན། ༣༽ ༸དིལ་མཁྱེན་རྡོ་རྗེ་འཆང་། ༤༽ ༸ཆོས་རྗེ་དམ་པ་ཡིད་བཞིན་ནོར་བུ། ༥༽ བྱ་བྲལ་ཆོས་དབྱིངས་ཁྱབ་བརྡལ། ༦༽ དགེ་མང་མཁན་ཆེན་དབང་རྒྱལ་རྣམ་གསུམ། ༧༽ ཀུན་གཟིགས་པཎ་ཆེན་པདྨ་ཚེ་དབང་དང་། ༨༽ མཁན་ཆེན་རྡོ་རྗེ་འཆང་བསོད་ནམས་ཚེ་དབང་དང་། ༩༽ མགོ་ཚ་ཕུར་བ་སྤྲུལ་སྐུ། ༡༠༽ རྫ་རྒྱལ་མཁན་ཆེན་འབུམ་པ་དང་། ༡༡༽ ཨ་འཛོམ་འབྲུག་སྤྲུལ་རྡོ་རྗེ་འཆང་དང་༡༢༽ མཁན་ཆེན་མུན་སེལ། ༡༣༽ སེ་ར་ཡང་སྤྲུལ་རྡོ་རྗེ་འཆང་། ༡༤༽ ཁྲོམ་དགེ་ཨ་རིག་རྡོ་རྗེ་འཆང་། ༡༥༽ གྲུབ་དབང་ལུང་རྟོགས་རྒྱ་མཚོ་དང་། ༡༦༽ མར་པ་ཆོས་དབྱིངས་རྡོ་རྗེ་དང་། ༡༧༽བྱ་བྲལ་སངས་རྒྱས་རྡོ་རྗེ། ༡༨༽ གྲུབ་དབང་པདྨ་ནོར་བུ། ༡༩༽ འཁྲུལ་ཞིག་རིན་པོ་ཆེ་དང་། ༢༠༽ སྒོ་ཆེན་སྤྲུལ་སྐུ་གསང་སྔགས་བསྟན་འཛིན་དང་། ༢༡༽ ཀ་ཐོག་རིག་འཛིན་ཆེན་པོ་སོགས་ལས་ལེགས་པར་ཞུས་ནས་མི་ལོ་ཞེ་ལྔའི་རིང་ལ་ཉམས་ལེན་ཅི་ནུས་སུ་བྱས་པ་དང་། གཞན་ཡང་ངོས་ཀྱི་སློབ་མ་ཡང་ཤར་ལྷོ་ནུབ་བྱང་གི་དད་ལྡན་བརྒྱ་ཕྲག་དུ་མ་ལ་ཟབ་ཁྲིད་འབུལ་ནས་གྲོལ་བ་ཐོབ་ཡང་དུ་མ་བྱུང་བ་ནི་རང་གི་རང་ལ་ངོ་གནང་མི་དགོས་པ་སྐུ་འཚོ་བཞུགས་ཡོད་པ་དང་འདས་གྲོངས་སུ་སོང་བས་ཀྱང་འདས་རྟགས་བཞགས་གནང་བ་སོགས་དགའ་འོས་དང་ལོ་རྒྱུས་རང་བཞིན་ལྡན་པར་མཆིས་སོ། དམིགས་བསལ་ནི་རང་ལ་སངས་རྒྱས་དངོས་སུ་མཐོང་འཁན་ཡོངས་ལ་ལེགས་སྐྱེས་ཐམས་ཅད་ཀྱི་རྒྱལ་པོ། བྱིན་རླབས་ཐམས་ཅད་ཀྱི་རྩ་བ། དངོས་གྲུབ་ཐམས་ཅད་ཀྱི་སྙིང་ཐིག་ཡིན། དེས་ན་ས་ག་ཟླ་བའི་དབང་ཚེས་ཚེས་གཅིག་ནས་ཡར་ཚེས་བཅོ་བར་ཨ་རི་ནས་ཤིང་ཀུན་བར་དུ་དད་གུས་དག་སྣང་ཅན་སྦས་གསང་མེད་པར་དབང་ཁྲིད་མན་ངག་ཡེ་ཤེས་བླ་མའི་ཟབ་ལམ་འོད་གསལ་རྫོགས་པ་ཆེན་པོའི་དོན་ཁྲིད་འདེབས་བཞིན་ཡོད། དེས་ད་སྐབས་ཨེ་ཝྃ་པའི་སློབ་གཙང་འགའ་ལ་ས་ག་ཟླ་བའི་ཉ་ལ་རིག་པའི་རྩལ་དབང་དང་ཟབ་ཁྲིད་རྒྱས་པར་འབུལ་འཆར་ཡིན། དེས་ན་རིགས་དང་སྐལ་བཟང་རྣམ་པ་ལེགས་པར་ཕེབས་དང་སྙིང་གི་མན་ངག སེམས་ཀྱི་བདུད་རྩི། སངས་རྒྱས་ཀྱི་ཞལ་བཟང་། ཚེ་གཅིག་སངས་རྒྱས་ཐོབ་པའི་དམ་ཆོས། ཀུན་མཁྱེན་གྱི་གསང་གསུམ་མཇལ་འདོད་ཡོད་པ་ཚོ་ཕེབས་ཤོག།་་་་་་་ ——–ཨེ་མ་ཧོས

༈ གུ་རུ་རིན་པོ་ཆེའི་ཚེས་བཅུའི་རྣམ་ཐར་གསོལ་འདེབས་བྱིན་རླབས་ཐིག་ལེ་ཞེས་བྱ་བ་ནི། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། སངས་རྒྱས་སྣང་བ་མཐའ་ཡས་སྐུ་ལས་སྤྲུལ། །འགྲོ་འདུལ་སྤྱན་རས་གཟིགས་དབང་གསུང་གི་འོད། །རྒྱལ་སྲས་ཀུན་གྱི་ཐུགས་ཀྱི་གསང་བ་འཛིན། ། གུ་རུ་རིན་པོ་ཆེ་ལ་གསོལ་བ་འདེབས། །གདོད་ནས་རང་བྱུང་མགོན་པོ་བདེ་བ་ཆེ། །སྲིདཞིའི་ཁྱབ་བདག་ཀུན་བཟང་གསང་བ་འདུས། །ཐོད་ཕྲེང་རྩལ་འཆང་ལོངས་སྤྱོད་ཡོངས་རྫོགས་སྐུ། ། སྤྲུལ་བསྒྱུར་བསམ་ཡས་འགྱེད་ལ་གསོལ་བ་འདེབས། །དུས་ཆེན་བཅུ་གཉིས་ཡར་ངོའི་ཚེས་བཅུ་ལ། །རྟེན་འབྲེལ་བཅུ་གཉིས་གནས་སུ་དག་པའི་སྐུས། །ཡན་ལག་བཅུ་གཉིས་གསུང་རབ་ཆོས་འཁོར་བསྐོར། །བདེ་དོན་བཅུ་གཉིས་ཐུགས་རྗེའི་ཡེ་ཤེས་རྒྱས། །མཚན་གྱི་རྣམ་གྲངས་ངོ་མཚར་བཅུ་གཉིས་གྲགས། ། རྨད་བྱུང་མཛད་པ་ཆེན་པོ་བཅུ་གཉིས་བསྟན། །དངོས་གྲུབ་བཅུ་གཉིས་བསྐལ་པ་བཞིན་དུ་སྩོལ། །རྣམ་ཐར་རྗེས་སུ་དྲན་པས་གསོལ་བ་འདེབས། །སྤྲེལ་ཟླའི་ཚེས་བཅུར་དྷ་ན་ཀོ་ཤའི་མཚོར། །ངོ་མཚར་རང་བྱུང་པདྨའི་སྙིང་པོར་འཁྲུངས། །མཚོ་གླིང་མཁའ་འགྲོ་རྣམས་ལ་ཆོས་འཁོར་བསྐོར། །གུ་རུ་མཚོ་སྐྱེས་རྡོ་རྗེར་གསོལ་བ་འདེབས། །ནད་གདོན་བགེགས་དང་འགལ་རྐྱེན་བར་ཆད་ཞི། །ཚེ་བསོད་དཔལ་རྒྱས་ཉམས་རྟོགས་མངོན་ཤེས་འཆར། །གུ་རུའི་ཞལ་མཐོང་ཆོས་ཐོས་དཔལ་གྱི་རིར། ། སྐྱེས་ནས་ཐུགས་ཀྱི་སྲས་འགྱུར་བྱིན་གྱིས་རློབས། །སྟག་ཟླའི་ཚེས་བཅུར་ཨོ་རྒྱན་རྒྱལ་སར་ ཕེབས། །ཨིནྡྲ་བྷཱུ་ཏིའི་སྲས་ཀྱི་སྐལ་བར་མཛད། །འོད་འཆང་ཁབ་བཞེས་འཁོར་ལོས་སྒྱུར་རྒྱལ་གྱུར། །གུ་རུ་པདྨ་རྒྱལ་པོར་གསོལ་བ་འདེབས། །གཟི་བརྗིད་སྟོབས་རྒྱས་ནད་རིགས་འབྱུང་འཁྲུག་ཞི། །དབང་ལྔ་ལས་རུང་ཡིད་བདེ་སྤོབས་པ་མྱུར། །མི་དང་མི་མིན་རླུང་སེམས་དབང་དུ་འདུས། །བསམ་དོན་ཡིད་བཞིན་འགྲུབ་པར་བྱིན་གྱིས་རློབས། ། ཡོས་ཟླའི་ཚེས་བཅུར་རྐྱེན་དང་བརྡས་བསྐུལ་ཏེ། །རྒྱལ་སྲིད་སྤངས་ནས་བསིལ་བའི་ཚལ་དུ་ཕེབས། །འབྲེལ་ཚད་དོན་ལྡན་སྦྱོར་སྒྲོལ་བརྟུལ་ཞུགས་གྲུབ། །ཤཱནྟ་རཀྵི་ཏ་ལ་གསོལ་བ་འདེབས། །མངའ་ཐང་ལོངས་སྤྱོད་འཕེལ་ཞིང་རྐང་འགྲོས་འདུ། ། འགྲོ་ཀུན་དབང་འདུས་གཞི་བདག་བྲན་བཞིན་ཉན། །རྨི་ལམ་རྟགས་མཚན་བཟང་པོར་མཐོང་བ་དང༌། །གྲུབ་གཉིས་གཏེར་ཁ་བརྡོལ་བར་བྱིན་གྱིས་རློབས། །འབྲུག་ཟླའི་ཚེས་བཅུར་ཀུན་དགར་རབ་ཏུ་བྱུང༌། །ཤེས་བྱ་མཐར་ཕྱིན་མཁས་གྲུབ་དུ་མ་ལས། །མདོ་སྔགས་ཀུན་ཆུབ་ཤཱཀྱ་སེང་གེར་གྲགས། །བློ་ལྡན་མཆོག་སྲེད་ཞབས་ལ་གསོལ་བ་འདེབས། །འཆི་བདག་གཟའ་བདུད་སྡེ་བརྒྱད་གནོད་འཚེ་ཞི། །ཚུལ་ཁྲིམས་རྣམ་དག་བསླབ་གསུམ་ཡོངས་སུ་རྫོགས། །རིག་པའི་གནས་དང་མདོ་རྒྱུད་ཐམས་ཅད་ལ། །མཁྱེན་རབ་ཕྱོགས་མེད་རྒྱས་པར་བྱིན་གྱིས་རློབས། །སྦྲུལ་ཟླའི་ཚེས་བཅུར་ཟ་ཧོར་རྒྱལ་པོ་ཡིས། །མེར་བསྲེགས་མཚོར་སྒྱུར་པད་སྡོང་དབུས་སུ་བཞུགས། །ལྷ་ལྕམ་ཡུམ་བསྟེན་རྡོ་རྗེའི་སྐུ་རུ་གྱུར། ། འཆི་མེད་པདྨ་འབྱུང་གནས་ལ་གསོལ་བ་འདེབས། །གཟའ་སྐར་ཕྱོགས་ངན་དགྲ་རྐུན་གནོད་འཚེ་ཞི། །གཞི་བྱེས་ཀུན་ཏུ་བཀྲ་ཤིས་བདེ་ལེགས་འཕེལ། ། དཀར་ཕྱོགས་སྲུང་མས་རྟག་ཏུ་སྡོང་གྲོགས་མཛད། །བསམ་རྒུ་ལྷུན་གྱིས་འགྲུབ་པར་བྱིན་གྱིས་རློབས། །རྟ་ཟླའི་ཚེས་བཅུར་ཨོ་རྒྱན་བདུད་བློན་གྱིས། བསྲེགས་ཀྱང་མ་ཚིག་ངོ་མཚར་རྫུ་འཕྲུལ་བསྟན། །བཀའ་འདུས་ཆོས་བསྟན་འཁོར་བཅས་བྱང་ཆུབ་བཀོད། །པདྨ་བཛྲ་རྩལ་ལ་གསོལ་བ་འདེབས། །བདུད་སྡེ་ལྷ་མིན་གདུག་པའི་ས་བདག་ཀླུའི། །གནོད་པ་ཀུན་ཞི་བགོ་བའི་བཀའ་ལ་ཉན། །ཆོས་སྐྱོང་སྲུང་མས་ཅི་བཅོལ་ལས་སྒྲུབ་ཅིང་། །འགོ་བའི་ལྷ་ཡིས་སྐྱོབ་པར་བྱིན་གྱིིས་རློབས། །ལུག་ཟླའི་ཚེས་བཅུར་རྒྱ་གར་ལྷོ་ཕྱོགས་སུ། །མུ་སྟེགས་ལྷ་སྲུང་དང་བཅས་ཐལ་བར་བརླག །སངས་རྒྱས་བསྟན་པའི་རྒྱལ་མཚན་དགུང་དུ་ཕྱར། །སེང་གེ་སྒྲ་སྒྲོགས་རྩལ་ལ་གསོལ་བ་འདེབས། ། བར་ཆད་ཀུན་ཞི་ཚེ་དཔལ་ཡོན་ཏན་རྒྱས། །སྣང་བ་དབང་ འདུས་ཕས་རྒོལ་རྩད་ནས་ཆོམས། །བདུད་བཞི་ལས་རྒྱལ་ཁམས་གསུམ་འགྲོ་ཀུན་ལ། །སྦྱིན་བཏང་ཕན་ཡོན་ཐོབ་པར་བྱིན་གྱིས་རློབས། །བྱ་ཟླའི་ཚེས་བཅུར་ཟངས་གླིང་མུ་སྟེགས་ཀྱིས། །གངྒཱའི་ཆུར་བསྐྱུར་གར་མཛད་ཆུ་བཟློག་པས། །གནས་ཡུལ་ཉེན་ཚེ་སྐྱབས་གསོལ་བསྟན་ལ་བཀོད། །གུ་རུ་མཁའ་ལྡིང་རྩལ་ལ་གསོལ་བ་འདེབས། །གཅོང་ནད་ཀུན་བྱང་འཁོར་མང་ བསམ་དོན་འགྲུབ། །བང་མཛོད་འབྲུ་དང་མཁོ་རྒུའི་ཡོ་བྱད་འཕེལ། །སེམས་བདེ་ངག་ལ་ནུས་པ་འབར་བ་དང་།…

༄༅།།གླིང་སྤྱི་དཔོན་དཔེ་མཛོད་ཁང་།། ཨེ་མ་ཧོ༔ སྙིང་རྗེ་ཆེན་པོས་རིང་ལུགས་སྲོག་བཞིན་འཛིན།། ཤེས་རབ་ཆེན་པོས་འཁོར་འདས་རིག་མཛོད་སྐྱོང་།། རྫོགས་པ་ཆེན་པོས་བསྟན་པ་ཡང་དག་སྤེལ།། ཨེ་ཝྃ་རིག་པའི་གླིང་ཀར་རྒྱལ་གྱུར་ཅིག། ཤྲཱིཿ གླིང་པས་སོ།། 19/5/2024

དགའ་སྟོན་ཆོས་ཀྱི་མཎྜལ།།ཨོྃ་ཨཱཿ ཧཱུྃ་ཧྲཱིཿ །།ཕྱོགས་དུས་རྒྱལ་བའི་སྔགས་དང་ཕྱག་རྒྱ་ཀུན།།ཀུན་འདུས་གུ་རུ་ཡིད་བཞིན་ནོར་བུའི་དཔལ།།དཔལ་ཡོན་ཕྲིན་ལས་ཀུན་ཁྱབ་འཁོར་འདས་ཆོས།།ཆོས་བཞིན་བསམ་པ་ལྷུན་གྲུབ་བཀྲ་ཤིས་ཤོག།ཨོྃ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ།།——ཤྲཱིཿ གླིང་པས་སོ།།16/5/2024དེ་རིང་འདིར་མཁའ་འགྲོ་ཡིད་བཞིན་ནོར་བུ་ཚུལ་ཁྲིམས་དབང་མོ་མཆོག་གིས་ཆོས་སྒར་ཆེན་མོ་ནས་ཐུགས་སྨོན་རོགས་དན་དང་མཁན་པོ་འོད་གསལ་མཐའ་ཡས་རྡོ་རྗེ་ལྷུན་གྲུབ་མཆོག་གིས་དག་པའི་ལྷ་བརྒྱ་མ་ལེགས་གྲུབ་དང་། སྐྱེན་པོ་དགོན་པའི་ལས་ཐོག་མཁན་པོ་ལོ་སྐྱབས་མཆོག་གིས་རྒྱ་ནག་རི་བོ་རྩེ་ལྔ་ནས་འཇའ་གུར་སྒོམ་ཐག་བཅས་དྲང་སྲོང་བདེན་སྨོན་དང་ཆོས་གྲོགས་དང་མཁའ་འགྲོ་མ་ཡོངས་ནས་དབང་སྡུད་གསོལ་འདེབས་དགེ་སྒྲུབ་དང་། སྙིང་ཉེ་བའི་དགུང་གྲངས་གོ་བདུན་ལ་སོན་པའི་ཆོས་རྗེ་དམ་པས་ཐུགས་བརྩེ་དང་ཡེ་ཤེས་བླ་མའི་བཀའ་ཞུ་བ་ལ་དུང་ལེན་དང་བརྟན་བཞུགས་འབུལ་བ་སོགས་དགེ་རྩ་བླ་མེད་དུ་གྲུབ། དགེ་རྩ་རྫོགས་བྱང་ལ་བསྔོས། ཨེ་མ་ཧོསDiamond of Vajra:A Long Life Prayer for the Venerable Elder Chao Khun Phratep Siddhivides of Wat Ananda Metyarama Thai Buddhist Temple༸ཆོས་སྟོན་ཀློང་པོ་ཆོས་ཀུན་ཀྱི་ཞབས་བརྟན་རྡོ་རྗེའི་ཕ་ལམ་བཞུགས་སོ།(chos ston lkong po chos kun kyi zhabs brtan rdo rje’i pha lam bzhugs so)by Khenchen Lama Pelgyeypa Dorjé Rinpoché(mkhan chen bla ma dpal dgyes pa rdo rje rin poche)ན་མོ་གུ་རུ་བུདྡྷ་ཛྙཱ་ན་ཡེ།NAMO GURU BUDDHA JNANAYE!(HOMAGE TO THE GURU, THE BUDDHA, DEEP WISDOM!)ཆོས་དབྱིངས་གདོད་མའི་མགོན་པོ་ཀུན་ཏུ་བཟང་།།CH’Ö-YING DÖ-MA’Y GÖN-PO KÜN-TU-ZANGTo the Primordial Defender of the Dharmadhātu, Samantabhadra,ལོངས་སྤྱོད་རྫོགས་སྐུ་བཅོམ་ལྡན་རྡོ་རྗེ་འཆང་།།LONG-CHÖ-DZOK-KU CHOM-DEN DOR-JÉ-CH’ANGTo the Saṃbhogakāya, the Bhagavān Vajradhara,སྤྲུལ་པའི་སྐུ་མཆོག་པདྨ་འབྱུང་གནས་ལ།།TRUL-KU’I KU-CH’OK PAY-MA-JUNG-NAY LAAnd to the supreme Nirmāṇakāya, Padmasambhava:གསོལ་བ་འདེབས་སོ་བསམ་དོན་ལྷུན་གྲུབ་ཤོག།SÖL-WA DEP…

བདེན་ཚིག་མྱུར་བྱོན་གསོལ་འདེབས། ཨོྃ་སྭཱ་སྟི། དཀོན༵་མཆོག༵་རྩ་གསུམ་རྒྱལ་བའི་ཐུགས་རྗེ་དང་།། སྨོན༵་ལམ༵་བདེན་ཚིག་གྲུབ་པའི་རྟེན་འབྲེལ་གྱིས།། མཁན་ཆེན་དམ་པ་སླར་ཡང་གདུལ་བྱའི་ངོར།། དགོངས་བཞིན་མཛད་པར་སྐྱོང་ལ་མྱུར་བྱོན་གསོལ།། ཞེས་པ་འདི་ཡང་རབ་གནས་ཤིང་འབྲུག་ས་ག་ཟླ་བའི་ཡར་ཚེས་བརྒྱད་ལ་དེ་ཡང་འདིར་ནང་ཆོས་འདུལ་འཛིན་བྱེ་བའི་གཙུག་རྒྱན་༸སྐྱབས་རྗེ་མཁན་རིན་པོ་ཆེ་དཀོན་མཆོག་སྨོན་ལམ་མཆོག་ཉེ་ཆར་བལ་ཡུལ་ཨོ་རྒྱན་གླིང་དགོན་དུ་ཞོགས་པ་ཕྱག་ཚོད་9am ལ་དགོངས་པ་ཆོས་དབྱིངས་སུ་གཤེགས་ཚུལ་བསྟན་པ་ཡིད་སྐྱོ་བའི་གནས་ཚུས་ཐོས་པ་ནི་བསྟན་པ་སྤྱི་བྱེ་ལ་གྱོང་གུད་ཆེ་བ་དང་སེམས་སྡུག་གི་གནས་ཡིན་པ་གོར་མ་ཆག། ལྟ་མཆོག་ཉིད་ཐུགས་དམ་ངང་ལ་བཞུགས་ཡོད་ཚུལ་ཐོས། དམ་པ་མཆོག་གི་ས་ལམ་གྱི་བར་ཆད་རྨིང་མེད་དུ་ཞི་ཞིང་ཐུགས་དགོངས་ཟབ་རྒྱས་མྱུར་འགྲུབ་པའི་སྨོན་འདུན་བཅས་ཕྲན་དོན་གྲུབ་ནས་ཕུལ།། ཞེས་པ་མཇལ་བའི་མོད་ལ་ཨེ་མ་ཧོས་ཤྲཱིཿ ཨེ་ཝྃ་དཔེ་མཛོད་ཁང་ནས་རྗེས་འཇུག་ཡོངས་ལ་མྱ་ངན་གདུང་སེལ་དང་དམ་པ་མྱུར་བྱོན་དུ་སྨོན་པར་དགེའོ།། །།

ཨེ་མ་ཧོ་མཁྱེན་ནོ། རྗེ་སངས་རྒྱས་ཐམས་ཅད་འདུས་པའི་སྐུ།། རྡོ་རྗེ་འཛིན་པའི་ངོ་བོ་ཉིད།། དཀོན་མཆོག་གསུམ་གྱི་རྩ་བ་སྟེ།། རྩ་བའི་བླ་མ་ལ་གུས་ཕྱག་འཚལ།། བླ་མའི་སྐུ་ནི་རྡོ་རྗེ་སྐུ།། མཛེས་ཤིང་ལྟ་བས་ཆོག་མི་ཤེས།། བསམ་གྱིས་མ་ཁྱབ་ཡོན་ཏན་ལྡན།། བླ་མའི་སྐུ་ལ་ཕྱག་འཚལ་བསྟོད།། བླ་མའི་གསུང་ནི་ཚངས་པའི་དབྱངས།། འགགས་མེད་སེང་གེའི་སྒྲ་དང་ལྡན།། མུ་སྟེགས་ལོག་ལྟ་འཇོགས་མཛད་པ།། བླ་མའི་གསུང་ལ་ཕྱག་འཚལ་བསྟོད།། བླ་མའི་ཐུགས་ནི་ནམ་མཁའ་འདྲ།། བདེ་གསལ་མི་རྟོག་སྟོང་པའི་ངང་།། རྣམ་ཐར་གསུམ་ལ་ལེགས་གནས་པ།། བླ་མའི་ཐུགས་ལ་ཕྱག་འཚལ་བསྟོད།། བླ་མ་དཔལ་ཆེན་དགྱེས་པ་རྩལ།། རྡོ་རྗེ་འཆང་ཆེན་ཀུན་ཏུ་བཟང་།། རིགས་ཀུན་ཁྱབ་བདག་ཨེ་མ་ཧོ༔ གསོལ་བ་འདེབས་སོ་བྱིན་གྱིས་རློབས།། མཆོག་ཐུན་དངོས་གྲུབ་མ་ལུས་སྩོལ།། ཨོྃ་ཤྲཱིཿ བཛྲ་ཧཱུྃ༔ མ་ཧཱ་སུ་ཁ་ཤྲཱིཿ དྷེ་ཝིས་ངོས་ཤྲཱིཿ གླིང་པས་སོ།། 15/5/2024