ཨེ་ཝྃ་ཧོ།

༈ སངས་རྒྱས་ཆོས་ཚོགས་མའི་འབྲུ་འགྲེལ།ངུར་སྨྲིག་དྲང་སྲོང་བརྟུལ་ཞུགས་སྲོལ་འཛིན་ཅིང༌།།ངུར་སྨྲིག་རྒྱལ་མཚན་འཆང་བ་འཕགས་ཡུལ་དུ།།ངུར་སྨྲིག་ས་སྟེང་འགེངས་པའི་སྟོན་པ་མཆོག།།ངུར་སྨྲིག་དེད་དཔོན་ཟས་གཙང་སྲས་དེར་བསྟོད།།གང་ཞིག་འཁོར་བའི་རྒྱ་མཚོར་རྒལ་དཀའ་བར།།བགྲོད་པའི་གྲུ་ཆེན་སྐྱབས་འགྲོ་སེམས་བསྐྱེད་མཆོག །མ་ནོར་ཚུལ་བཞིན་སྟོན་མཁས་སེམས་དཔའ་ཆེ།།མར་མེ་མཛད་དཔལ་ཨ་ཏི་ཤ་ལ་འདུད།། ཇོ་བོ་རྗེ་དཔལ་ལྡན་ཨ་ཏི་ཤས་མཛད་པའི་སྐྱབས་སེམས་ཀྱི་ཆོ་ག་ལ་གཉིས། དང་པོ། སྐྱབས་འགྲོ་ལ་གསུམ། དང་པོ། སྐྱབས་སུ་འགྲོ་བའི་ཡུལ་ངོས་བཟུང་བ་ལའང་གསུམ་ཡོད་པ་ལས། དང་པོ་ལ་གཉིས། དང་པོ། ཚིག་འགྲེལ་ནི། སངས་ཞེས་པ་སྐྱོན་སངས་པའམ། མུན་པ་སངས་པ། དྲི་མ་སངས་པ་སྟེ། གདོད་མ་ནས་གྲུབ་པ་ཞིག་མེད་ཀྱང༌། རྐྱེན་གླུ་བུར་བ་ལས་བྱུང་བའི་ཉེས་པའི་སྒྲིབ་གཡོག་དང་བྲལ་བ་དེ་ནི། ཕར་སེལ་ཞིང་དག་པའམ། སྤངས་ཤིང་མི་མངོན་པར་གྱུར་པའི་དོན་ལ་གོ་ཞིང༌། རྒྱས་ཞེས་པ་ལུས་རྒྱས་པས་སྟོབས་ཕེལ་བ་དང༌། རྣམ་དཔྱོད་རྒྱས་པའམ་ཡར་རྒྱས་སུ་སོང་བ། ཡོན་ཏན་རྒྱས་པའམ་གོང་ཐོར་ཕྱིན་པ་སྟེ། ཚུར་སྒྲུབ་པའམ་བྱུང་བ་དང༌། ཆུབ་པའམ་ཁོང་དུ་ཆུད་པའི་དོན་ལ་གོ་བ་ཡིན་ནོ།། གཉིས་པ། དོན་འགྲེལ་ནི། བུདྡྷཿ་ཞེས་པ་ནི་(སངས་རྒྱས་)ཡིན་ལ། དེ་ལ་དབྱེ་ན་སྐུ་གསུམ་ལས། ཡེ་ཤེས་ཀྱི་མཁྱེན་ཆ་མ་འགག་པ་ཆོས་སྐུ། མཚན་དཔེས་བརྒྱན་པའི་རང་སྣང་ལོང་སྐུ། གང་འདུལ་གྱི་གདུལ་བྱར་སྣང་བ་སྤྲུལ་སྐུའི་ཡོན་ཏན་དང་ལྡན་པའོ།།གཉིས་པ་ལ་གཉིས། དང་པོ། ཚིག་འགྲེལ་ནི། ཆོས་ཞེས་པ་དེ་སྐུལ་ཚིག་ཡིན་པས། འདས་པ་དང་མ་འོངས་པར་བཅོས། ད་ལྟ་བར་འཆོས་ཏེ་སྐྱོན་བཅོས་པ་དང༌། རྙིང་པ་གསར་དུ་བཟོ་བ། སྔོན་གྱི་དེ་ལས་འགྱུར་བ་བཏང་བ་ལྟ་བུ་ལ་གོ་དགོས་ལ།། གཉིས་པ། དོན་འགྲེལ་ནི། (ཆོས་)ཞེས་པ་དྷརྨའི་སྒྲ་དོན་དེ་ནི། རང་གི་ངོ་བོ་འཛིན་པའི་དོན་ཡིན་པས། དྷརྨའམ་ཆོས་ཞེས་པ་འཇུག་ཚུལ་རྣམ་པ་བཅུ་ལ་འཇུག་པ་ལས། གསུང་རབ་ལུང་གི་ཆོས་ནི། རང་རྒྱུད་ཉོན་མོངས་པ་འདུལ་བ་འདུལ་བའི་སྡེ་སྣོད། ཚིག་མདོར་བསྡུས་ཤིང་དོན་སྡེ་ཚན་དུ་བཅད་པ་མདོ་སྡེའི་སྡེ་སྣོད། ཡིན་ལུགས་མངོན་དུ་རྟོགས་པའི་ཤེས་རབ་སྐྱེད་པ་མངོན་པའི་སྡེ་སྣོད་(དང་)། རྟོགས་པ་དམ་པའི་ཆོས་ནི། ལྷག་པ་ཚུལ་ཁྲིམས་ཀྱི་བསླབ་པ། ལྷག་པ་ཏིང་ངེ་འཛིན་གྱི་བསླབ་པ། ལྷག་པ་ཤེས་རབ་ཀྱི་བསླབ་པ་དེ་གསུམ་ཉམས་སུ་བླངས་པས། ལམ་ལྔ་ས་བཅུའི་སྤངས་རྟོགས་རྒྱུད་ལ་སྐྱེས་པའི་སྤངས་པ་ཕུན་ཚོོགས་པའི་ལམ་གྱི་བདེན་པ་དང༌། འགོག་པའི་བདེན་པ་རྣམས་སོ།། གསུམ་པ་ལ་གཉིས། དང་པོ། ཚིག་འགྲེལ་ནི། དགེ་འདུན་ཞེས་པ་སྡིག་པའི་ལྡོག་ཕྱོགས་ལེགས་སྤྱད་དམ། བཟང་ཕྱོགས་ཀྱི་སྤྱོད་པ་སྟེ། རང་འབྲས་ཡིད་དུ་འོང་བ་འབྱིན་བྱེད་ཡིན་པའི་ཆ་ནས་རྣམ་སྨིན་ལུང་དུ་བསྟན་པའི་ཆོས་ལ། འདུན་པ་རྩེ་གཅིག་ཏུ་གནས་པའི་གང་ཟག་རྣམས་ལ་གོ་དགོས་ཤིང༌། གཉིས་པ། དོན་འགྲེལ་ནི། སཾགྷཿཞེས་པ་སྒྲིབ་གཉིས་སྤོང་བ་ལ་ཞུགས་པའི་སློབ་པ་ལམ་པའི་དགེ་སློང་བཞི་སྡེ་ཡན་ཆད་དམ། ཡང་ན་ལུང་རྟོགས་ཀྱི་ཡོན་ཏན་དུ་མ་(ཚོགས་)པ་རྣམས་(ཀྱི་)ནང་ནས་(མཆོག་)ཏུ་གྱུར་པ་བྱང་སེམས་ཕྱིར་མི་ལྡོག་པའི་དགེ་འདུན་(རྣམས་)ཡིན་ཏེ། ཤེས་རབ་སྟོང་པ་ཉིད་མངོན་སུམ་དུ་རྟོགས་པས་འཁོར་བར་མི་ལྡོག་ཅིང༌། སྙིང་རྗེས་འགྲོ་བ་ཀུན་ལ་བུ་གཅིག་པ་ལྟར་བརྩེ་བས་ཞི་བའི་མཐར་མི་ལྟུང་བར་ས་བཅུ་ན་བཞུགས་པ་རྣམས་ཡིན་(ལ)།། གཉིས་པ། སྐྱབས་སུ་འགྲོ་བའི་དུས་ནི། (བྱང་)བྱ་སྒྲིབ་གཉིས་བག་ཆགས་མ་ལུས་པ་བྱང་ཞིང༌། (ཆུབ་)བྱ་སྤངས་རྟོགས་ཀྱི་ཡོན་ཏན་ཐམས་ཅད་ཇི་ལྟ་བ་བཞིན་མ་ཆུབ་ཀྱི་(བར་དུ་)ཞེས་པའི་སྐབས་སུ་ཐེག་ཆེན་སྐྱབས་འགྲོ་ཁྱད་པར་གསུམ་ལྡན་ཏེ། ཡུལ་གྱི་ཁྱད་པར། ཉན་ཐོས་ཐེག་པར། རྐང་གཉིས་རྣམས་ཀྱི་མཆོག་སངས་རྒྱས་ཞེས་པས། སྤྲུལ་སྐུ་དང༌། ཆོས་སྐུ་གཉིས་ཀྱང་མྱ་ངན་ལས་འདས་ནས་འགྲོ་དོན་རྒྱུན་ཆད་པར་འདོད་ལ། བྱང་སེམས་ཀྱི་ཐེག་པར་ནི། གདུལ་བྱ་ཐུན་མོང་བའི་སྣང་ངོར་མཛད་པ་བཅུ་གཉིས་ཀྱི་ཚུལ་བསྟན་ཏེ། འགྲོ་བ་འདུལ་བའི་སྐུའི་རྣམ་པར་སྤྲུལ་པ་སྤྲུལ་པའི་སྐུ་དང༌། ཆོས་ཀྱི་སྐུ་ལས་མ་གཡོས་བཞིན་དུ་གདུལ་བྱ་བྱང་སེམས་འཕགས་པར་སྣང་བའི་སྤྲུལ་སྐུའི་འཆར་གཞིར་གྱུར་པ་མཚན་དཔེས་བརྒྱན་པ་ལོངས་སྤྱོད་རྫོགས་པའི་སྐུ་དང༌། རང་དོན་དུ་སྤང་རྟོགས་མཐར་ཕྱིན་པའི་འབྲས་བུ་ཟག་མེད་ཀྱི་ཡོན་ཏན་དུ་མ་དང་ལྡན་པ་ཆོས་ཀྱི་སྐུ་སྟེ། སྐུ་གསུམ་གྱིས་འགྲོ་དོན་འཁོར་བ་མ་སྟོང་གི་བར་དུ་རྒྱུན་མི་ཆད་པར་གནས་པ་ལ། སངས་རྒྱས་དཀོན་མཆོག་ཏུ་འདོད་དོ།། ཉན་ཐོས་ཐེག་པར། ཞི་བ་འདོད་ཆགས་དང་བྲལ་བ་རྣམས་ཀྱི་མཆོག་ཆོས་ཞེས་པས། འགོག་པ་མྱ་ངན་ལས་འདས་པ་ཕྱོགས་གཅིག་ཁོ་ན་ལ་འདོད་ཀྱང༌། བྱང་སེམས་ཀྱི་ཐེག་པར་ནི། སྲིད་པ་འཁོར་བའི་མཐའ་དང༌། ཞི་བ་མྱང་འདས་ཀྱི་མཐའ་གཉིས་ལ་མི་གནས་པར་ཡོངས་སུ་མྱ་ངན་ལས་འདས་པ་ལ། ཆོས་དཀོན་མཆོག་ཏུ་བཞེད་དོ།། ཉན་ཐོས་ཐེག་པར། ཚོགས་རྣམས་ཀྱི་མཆོག་དགེ་འདུན་ཞེས་པས། ཉན་རང་གི་འབྲས་གནས་བཞི་པོ་རྣམས་ཡིན་པར་བཞེད་ཀྱང༌། བྱང་སེམས་ཀྱི་ཐེག་པར་ནི། བྱང་ཆུབ་སེམས་དཔའ་ཕྱིར་མི་ལྡོག་པའི་དགེ་འདུན་ས་བཅུ་ལ་གནས་པ་རྣམས། དགེ་འདུན་དཀོན་མཆོག་ཡིན་པར་འཛིན་ནོ།།དུས་ཀྱི་ཁྱད་པར།…

ཨ་ཙི། ཕ་ཝང་ལ་ལན་པ་ཅི་ཡོད་དམ། ༼བརྙན༽ Original tbcnr 中国藏语广播CNR Today——རི་སྐྱེས་སྲོག་ཆགས་སྲུང་སྐྱོབ་ལ་སྐུལ་བའི་དགོད་བྲོའི་བཅར་འདྲི། མིག་སྔར། ཝུའུ་ཧན་ནས་ཐོན་པའི་ཏོག་དབྱིགས་ནད་དུག་གསར་པའི་གློ་ཚད་རིམས་ནད་ཚབས་ཆེ་རུང་ང་ཚོས་ནད་ཡམས་སྔོན་འགོག་དང་ཚོད་འཛིན་བྱེད་པའི་ལས་དོན་ཐད། ཏང་ཀྲུང་དབྱང་གི་ཡང་དག་དབུ་ཁྲིད་དང་གཅིག་འགྱུར་བཀོད་སྒྲིག་འོག དཔུང་པ་མཉམ་གཤིབ་སྒོ་ནས་ཐུན་མོང་ཐོག་འབད་བརྩོན་བྱས་ན་རིམས་འགོག་དམག་འཁྲུག་ལ་གང་མགྱོགས་རྒྱལ་ཁ་ཐོབ་ངེས་ཡིན་པའི་ཡིད་ཆེས་ཡོད། འོན་ཀྱང་། ད་ཐེངས་ནད་ཡམས་འདིའི་འབྱུང་རྐྱེན་ལ་བསམ་ཚེ། མི་ཚང་མས་རི་སྐྱེས་སྲོག་ཆགས་སམ་བདག་མེད་སྲོག་ཆགས་ལ་སྲུང་སྐྱོབ་བྱ་རྒྱུ་དེ་འགྲོ་བ་མིའི་སྤྱི་མཐུན་ལས་དབང་ལ་བསམ་གཞིགས་བྱེད་པའི་དོན་ཆེན་ཞིག་ཏུ་མཐོང་། ང་ཚོས་མིའི་རིགས་འཚོ་སྡོད་བྱེད་པའི་མ་ཡུམ་རང་བྱུང་ཁམས་ཆེན་མོར་དད་བཀུར་བྱེད་པའི་བསམ་པ་ལྡན་དགོས། གལ་སྲིད་དེ་ལྟར་མ་བྱས་ཚེ་ད་ལྟའི་གནས་སྐབས་བཞིན། ང་ཚོས་སྲོག་ཆགས་གཟེབ་ལ་འཇུག་རྒྱུའི་ཚབ་ལ། དེ་ལས་ལྡོག་སྟེ་སྲོག་ཆགས་ཀྱིས་ང་ཚོ་གཟེབ་ནང་བཅུག་པའི་གནས་ཚུལ་དགོད་བྲོ་ལ་ངུ་བྲོ་བ་དེ་འདྲ་འབྱུང་སྲིད། སྤྱི་ལོ་༢༠༠༣ལོའི་སག་སེའི་ནད་ཡམས་དང་ད་ལྟའི་ཏོག་དབྱིབས་ནད་དུག་གསར་པའི་གློ་ཚད་རིམས་ནད་ཀྱི་འབྱུང་རྐྱེན་ཚང་མ་ཕ་ཝང་ལ་སོགས་ནད་དུག་ཡོད་པའི་བདག་མེད་སྲོག་ཆགས་ཀྱི་ཤ་གང་བྱུང་བཟས་པ་ལས་བྱུང་ཞིང་། གནད་དོན་དེས་ཡིན་ན་ང་ཚོས་མི་དང་རང་བྱུང་ཁམས་ཀྱི་འབྲེལ་བ་ཇི་ལྟར་ཐག་གཅོད་བྱེད་དགོས་མིན་ཐད་ལན་གསལ་པོ་ཞིག་སྤྲད་ཡོད། ད་ལྟ་རྒྱལ་ཁབ་ནས་ཁྲིམས་འགལ་ངང་བདག་མེད་སྲོག་ཆགས་ཉོ་ཚོང་བྱེད་པའི་བྱ་སྤྱོད་ལ་རྡུང་རྡེག་ཚ་ནན་གཏོང་བཞིན་ཡོད་ལ། དྲ་བ་དང་འཕྲིན་ཕྲན། འཁྱུག་དབྱིངས་སོགས་ཀྱི་ནང་མི་ཁྲི་ཚོ་མང་པོས་བདག་མེད་སྲོག་ཆགས་ལ་སྲུང་སྐྱོབ་བྱ་རྒྱུའི་རེ་འབོད་སྒྲོག་བཞིན་མཆིས། ཀ་པ། གངས་ཕྲུག་བློ་རྒྱ།ཁ་པ། རྡོ་གྲགས་ལགས།ག་པ། བསོད་རྡོར་ལགས།ཀ་པ། རྒན་ལགས་རྣམ་པ་གཉིས་སྐུ་ཁམས་བཟང་། རྒྱལ་ཡོངས་གོང་འོག་ཚང་མས་ཏོག་གསར་གློ་ཚད་རིམས་ནད་ལ་ཛ་དྲག་དམག་འཐབ་བྱེད་བཞིན་པའི་དུས་སྐབས་ འདིར་ཁྱེད་རྣམ་གཉིས་གདན་འདྲེན་ཞུས་ནས་གཙོ་བོ་རི་སྐྱེས་སྒོམ་ཆེན་ཞིག་གི་སྐོར་ལ་བཀའ་འདྲི་ཞུ་ཡས་ཡིན། ཁ་པ་དང་ག་པ། ལགས་ག་རེ། རི་སྐྱེས་སྒོམ་ཆེན་ལ།ཀ་པ། ལགས་འོང་། སྒོམ་ཆེན་ཞིག་གི་སྐོར་ཡིན།ཁ་པ། རྒན་ལགས། སྒོམ་ཆེན་དང་ང་གཉིས་བར་འབྲེལ་བ་སྤུ་ཙམ་ཡང་མེད།ག་པ། རེད་རེད། སྒོམ་ཆེན་རྒྱུས་མེད། ཀ་པ། འོ་ཙི། འབྲེལ་བ་མེད་ལ། ངས་ཟེར་ན་ང་ཚོ་ཆུང་ཆུང་སྐབས་སྒོམ་ཆེན་ཟེར་བའི་བྱ་ཕ་ཝང་། ཙི་ཙི་སྒམ་པོ་ཟེར་གྱི་ཡོད། ད་ཐེངས་ནད་ཡམས་ཀྱི་འབྱུང་རྩ།ཁ་པ། ཨ་ལས་འོང་འོང་། ང་གཉིས་དང་འབྲེལ་བ་ཡོད།ག་པ། འོ་ཙི། རྡོ་གྲགས་ལགས་གང་བྱུང་མང་བྱུང་མ་གསུངས། ང་གཉིས་དང་འབྲེལ་བ་ག་རེ་ཡོད་དམ། རྒན་ལགས། ང་གཉིས་ཀྱིས་ཕ་ཝང་བཟའ་རྒྱུ་མ་བྱུང་།ཁ་པ། འོ་རེད་རེད། རྒན་ལགས། ང་གཉིས་ཀྱིས་བཟའ་རྒྱུ་མ་བྱུང་། ནམ་རྒྱུན་ནས་ཤ་དེ་འདྲས་ཟ་ཡི་མེད། ཀ་པ། ཧ་ཧ་ཧ། ཁྱེད་རྣམས་གཉིས་ཀྱིས་གོ་ནོར་ཐེབས་སོང་། སྔོན་ལ་དངངས་སྐྲག་མ་གནང་དང་། ངས་ཟེར་ན་ད་ཐེངས་ཀྱི་ཏོག་དབྱིབས་གསར་པའི་ནད་ཡམས་འདི་དང་ང་ཚོ་ཚང་མ་འབྲེལ་བ་ཡོད་རེད་ཟེར་གྱི་ཡོད།ག་པ། ཨ་ལས་ལགས་སོ། ད་བློ་བདེ་སོང་། རེད་རེད། རྒན་ལགས་ང་ཚོ་མི་ཚང་མའི་བདེ་ཐང་དང་འབྲེལ་བ་ཡོད་རེད།ཁ་པ། རེད་རེད། དེ་ཡིན་ན་ང་ཚོ་ཚང་མ་དང་འབྲེལ་བ་ཡོད་རེད། ཀ་པ། ད་སྐབས་ནད་དུག་དེའི་འབྱུང་ཁུངས་ཕ་ཝང་ངམ་ཙི་ཙི་སྒམ་པོ་ཡིན་པ་ཤེས་པའི་རྗེས། མི་མང་པོ་ཞིག་གིས་ཕ་ཝང་ལ་ཁོང་ཁྲོ་ཆེན་པོ་བྱེད་པ་དང་། ཡང་མི་ཁག་ཅིག་གིས་ཕ་ཝང་ལ་སྙིང་རྗེ་དང་སྦྲགས། ཕ་ཝང་གི་ཤ་ཟ་མཁན་གྱི་མི་དེ་དག་དང་ད་དུང་ཁྲིམས་འགལ་ངང་བདག་མེད་སྲོག་ཆགས་ཉོ་ཚོང་བྱེད་མཁན་གྱི་མི་དེ་དག་ལ་ཁོང་ཁྲོ་ཆེན་པོ་བྱེད་ཀྱི་འདུག དེའི་ཐད་ཁྱེད་རྣམ་གཉིས་ལ་དགོངས་ཚུལ་ཅི་ཡོད་དམ། ཁ་པ་དང་ག་པ། ལགས་སོ། ལགས་སོ།ག་པ། སྔོན་ལ་རྡོ་གྲགས་ལགས་ཁྱེད་རང་ཡིན་ད།ཁ་པ། འོ་ཅི། སྔོན་ལ་བསོད་རྡོར་ལགས་ཁྱེད་རང་ཡིན་ད།ག་པ། འོ་ཙི། སྔོན་ལ་ཁྱེད་རང་ཡིན་ད། མ་གཞི་ནས་ཁྱེད་རང་ཙི་ཙི་སྒམ་པོ་འདྲ་པོ་ཞིག་འདུགཁ་པ། ཨ། ག་རེ། ང་ཙི་ཙི་སྒམ་པོ་འདྲ་པོ་འདུག་ཨེ།ག་པ། མ་རེད་མ་རེད། ངས་སྐུ་རྩེད་ཞུས་པ་ཡིན། ད་སྔོན་ལ་ཁྱེད་རང་ཡིན་ད། ཁ་པ། ལགས་སོ། ད་བྱས་ན་ངས་སྔོན་ལ་བཤད་ཆོག རྒན་ལགས། སྐད་ཆ་དྲང་པོ་བཤད་ན། ང་ཙི་ཙི་སྒམ་པོ་ཁོ་མཐོང་འདོད་གཅིག་ཀྱང་མི་འདུག…

ད་ཐེངས་ནད་སེམས་དང་ནག་འགོག་གི་སྦྱིན་པ་ངའི་མིང་ཐོག་ནས་བཏང་བ་ཡི་རང་ཡོད། སློབ་མ་ཁྱེད་རྣམ་པ་བཀའ་དྲིན་ཆེ། དོན་ངོ་མ་རྒྱ་མི་རིགས་ཀྱི་ངའི་སློབ་མ་ཚོ་རེད། ཁོ་རང་ཚོས་ང་ལ་མཆོད་ནས་ཁ་ཡོལ་སྟོང་ཕྲག་དུ་མ་དང་ནག་པོ་དགུ་སྦྱོར་ཧོང་ཀོང་དང་རྒྱ་ནག་འོས་ཧན་ཕྱོགས་ལ་བསྐུར་འདུག ནད་རིམས་མྱུར་ཏུ་སེལ་བའི་སྨོན་ལམ་བཅས་ཨེ་མ་ཧོས།

གསར་རྙེད་བཱི་མ་སྙིང་ཏིག་གི་སྐོར་ནས་གླེང་བ། ཀརྨ་བདེ་ལེགས།སྤྱི་ལོ༢༠༢༠ལོའི་ཀུན་མཁྱེན་ཀློང་ཆེན་རབ་འབྱམས་འདས་མཆོད་ཀྱི་དུས་ཚེས་དང་བསྟུན་སྔ་འགྱུར་རྙིང་མའི་དྲྭ་ཚོམས་སུ་མཁས་དབང་ཀརྨ་བདེ་ལེགས་ལགས་ཀྱིས༼གསར་རྙེད་བཱི་མ་སྙིང་ཏིག༽གི་སྐོར་ནས་གསུང་བཤད་གནང་པའི་སྒྲ་ཟིན་དང་། གསར་རྙེད་བཱི་མ་སྙིང་ཏིག་གི་སྐོར་ཆ་འཕྲིན།གསར་རྙེད་བཱི་མ་སྙིང་ཏིག་སྐོར་གྱི་ཆ་འཕྲིན།ཀརྨ་བདེ་ལེགས་ནས།སྤྱིར་སྙིང་ཐིག་ཡ་བཞིའི་དཔེ་ཆ་ཅུང་ཟད་ཚང་ཤོས་སུ་གྲགས་པ་སྡེ་དགེ་དང་ཨ་འཛོམས་ཀྱི་ཤིང་སྤར་གཉིས་ཡིན་རུང་། དེ་གཉིས་ལས་བཱི་མ་སྙིང་ཏིག་སྐོར་གྱི་དཀར་ཆག་ཏུ་དཔེ་མ་རྙེད་པ་དེ་ཚོ་གསར་དུ་རྙེད་སོན་བྱུང་ན་འདི་དང་འདིའི་འཚམས་སུ་འཛུད་དགོས་ཅེས་གསལ་བཤད་གནང་ཡོད་རུང་ད་ལྟའི་བར་དུ་སུས་ཀྱང་དེའི་སྐོར་རྙེད་ནས་ཁ་བསྐང་བའི་ཆ་འཕྲིན་མ་ཐོས། འདིར་གསར་རྙེད་ཀྱི་དཔེ་ལ་སྔར་གྱི་དཀར་ཆག་ལྟར་ན་ཆོས་ཚན་བདུན་ཅུ་དོན་གསུམ་པ་མཁའ་འགྲོ་མཛོད་ཅེས་པ་ལས། ༡ མཁའ་འགྲོའི་མཛོད་ལས་མཛོད་དེམས་གསང་བ། ༢ མཁའ་འགྲོའི་མཛོད་སྟོང་རྩ་བརྒྱད་ལས་ཟབ་པའི་མཛོད་ཀྱི་སྐབས་ནས་ཁོལ་དུ་ཕྱུང་བ། ༣ མཁའ་འགྲོའི་མཛོད་ལས་མཁའ་འགྲོ་མའི་རྒྱབ་ཡིག་གསང་བ། ༤ མཁའ་འགྲོའི་མཛོད་ལས་ལྟ་བ་རང་མཐོང་བསྟན་པ། ༥ མཁའ་འགྲོའི་མཛོད་སྟོང་རྩ་བརྒྱད་ལས་རྣལ་འབྱོར་པའི་ལུས་བསྲུང་རྫས་ཀྱི་འཁོར་ལོའི་མཛོད། ༦ མཁའ་འགྲོའི་མཛོད་ལས་སྒོ་ལྔ་ཡོངས་སུ་དག་པར་བྱེད་པའི་མཛོད། ༧ མཁའ་འགྲོའི་མཛོད་སྟོང་རྩ་བརྒྱད་ལས་བྱ་བྱེད་ལམ་དུ་སློང་བར་བྱེད་པའི་མཛོད་ཆེན་མོ་བཅས་གསར་རྙེད་ཆོས་ཚན་བདུན་ཡོད། ད་དུང་གཡུ་ཡིག་ཅན་པུ་ཏི་སྨུག་ཆུང་གི་རྒྱབ་ཆོས་ལ། ༡ རྟག་ཚད་གཏན་ལ་འབེབས་པ་རྒྱབ་ཡིག །༢ ལྷའི་རྣལ་འབྱོར་སྒོམ་པའི་རྒྱབ་ཡིག །༣ སྐྱེ་མེད་གཏན་ལ་དབབ་པའི་ཚིག་གི་མན་ངག་གི་རྒྱབ་ཡིག །༤ ཆོས་སྐུ་ཅོག་བཞག་གི་རྒྱབ་ཡིག །༥ འཁྲུལ་པ་གཅོད་པའི་གལ་མདོའི་རྒྱབ་ཡིག །༦ ཉོན་མོངས་རང་སར་དག་པའི་རྒྱབ་ཡིག །༧ ཞིང་ཁམས་གནས་ཀྱི་རྒྱབ་ཡིག །༨ བྱ་བྱེད་ལམ་དུ་སློང་བའི་རྒྱབ་ཡིག །༩ བཀོད་པ་ཡོངས་སུ་རྫོགས་པའི་རྒྱབ་ཡིག །༡༠ གཅེས་པའི་སྙིང་པོའི་མན་ངག་གི་རྒྱབ་ཡིག་བཅས་ཆོས་ཚན་བཅུ་པོ་འདི་གསར་དུ་རྙེད་བྱུང་བ་དང་།ཡང་། ༡ ཆགས་ཅན་གྱི་པྲ་ཁྲིད་རིན་པོ་ཆེ་བཞུགས་སོ་ཞེས་པ་ནི་ཟབ་པ་པོད་བཞིའི་ཁ་སྦྱང་དུ་ཆགས་པའི་པྲ་ཁྲིད་མེད་ན། ཆགས་ཅན་ལམ་དུ་མི་ཚུད་ཅེས་གསལ་བའི་ཆགས་ཅན་རླུང་གི་པྲ་ཁྲིད་ཅེས་པ་དེ་ཡིན་ཞིང་དཀར་ཆག་ཏུའང་ཆགས་ཅན་པྲ་ཁྲིད་རྙེད་ན་འཇུག་དགོས་ཞེས་པ་དེ་ཡིན་པ་མ་ཟད་གསང་བ་བླ་མེད་སྒྲོན་མ་སྐོར་དགུའི་གདམས་པའི་རྗེས་སུ་འཛུད་དགོས་པར་བཤད་ཡོད། ། ༢ རྟེན་འབྲེལ་བསྡུས་པའི་སྒྲོན་མ་ཞེས་པ་ནི་དཀར་ཆག་ནང་བསམ་གཏན་མིག་སྒྲོན་གྱི་རྗེས་སུ་འཇུག་དགོས་པ་དང་། ༣ ནང་དུས་བཞི་མཉམ་སྦྱོར་ཞེས་བྱ་བ། གསང་བ་དུས་བཞི་མཉམ་སྦྱོར་ཞེས་བྱ་བ་གསུམ་ནི། མན་ངག་བརྒྱ་དང་བཅུ་དགུའི་ནང་ཚན་གྱི་བདུན་ཅུ་དོན་བདུན་པ་བསམ་གཏན་ཉལ་བའི་འཁོར་ལོ་ཞེས་པ་དེ་ཕྱི་ནང་གསང་གསུམ་དུ་ཕྱེས་པ་ཙམ་དུ་གོ ། ༦ རྩ་གནས་འཁོར་ལོའི་གནད་ཡིག་ཅེས་པ་ནི། མན་ངག་སྙིང་པོ་བརྒྱ་དང་བཅུ་དགུ་པོའི་ནང་ཚན་བརྒྱ་དང་བཅུ་གཅིག་པ་རྩ་གནས་འཁོར་ལོ་ཞེས་པ་དེ་ཡིན་ཞིང་། ༧ བཏགས་གྲོལ་གྱི་མན་ངག་ཞེས་པ་ནི་བཏགས་གྲོལ་བསྟན་པ་བུ་གཅིག་གི་ཆ་ལག་ཞིག་ཏུ་མངོན། ༨ སངས་རྒྱས་ཀྱི་འདས་རྗེས་གསུམ་པོ་བཞུགས་སོ། ཞེས་པ་ནི་ཟབ་པ་པོད་བཞིའི་ཁ་བྱང་དུ། སངས་རྒྱས་རྣམས་ཀྱི་འདས་རྗེས་རྣམ་གསུམ་ལ། དུམ་བུ་གསུམ་སྟེ་མ་བུ་གསུམ། ཞེས་གསུངས་པ་དེ་ཡིན་པར་མངོན། ༩ ཡི་གེ་དམར་རུ་ཞེས་བྱ་བ་ནི། སྔར་ཡོད་མངོན་སུམ་སྙིང་ཐིག་གསང་བའི་ཡི་གེ་དམར་རུའི་རྒྱབ་ཡིག་དང་ནང་དོན་ཆ་ནས་མི་འདྲ་བའི་དཔེ་ཞིག་ཡིན། ཡང་། ༡༠ རྒྱ་མཚོ་ཨར་གཏད་ཀྱི་གནད་ཡིག་དང་དེའི་མུན་ཁྲིག་གཉིས་ཞེས་པ་ནི། ༡༡ འཁོར་ལོ་བཞིའི་རྒྱབ་ཡིག་དུམ་དུམ་ཁྲིགས་ཀྱི་གནད་ཡིག་ཞེས་པ་དང་། ༡༢ སྦུགས་གསུམ་རྣམ་འབྱེད་དམ་རིན་པོ་ཆེའི་གསེར་གྱི་ཕྲེང་བའི་མན་ངག་ཅེས་བྱ་བ་སློབ་དཔོན་དགའ་རབ་རྡོ་རྗེས་མཛད་པ་ཞིག་དང་། ༡༣ འཆི་ཁ་མའི་གསང་གཏེར་ཞེས་བྱ་བ་དགའ་རབ་རྡོ་རྗེའི་གསུང་ཆོས་ཚན་བཅུ་གསུམ་བཅས་སྔ་ཕྱི་བསྡོམས་པས་ཆོས་ཚན་སུམ་ཅུ་ཐམ་པ་དང་། ད་དུང་གོང་འོག་ཆ་ཚང་ཞིག་སྒྲིག་མི་ཐུབ་པ་རྫོགས་སྐོར་གྱི་ཡིག་ཉོག་མང་། དཔེ་རྙིང་འདི་སྔར་ཆོས་ཀྱི་སྤྱན་ལྡན་གྲོགས་པོ་འགས་གནས་སྐབས་ཡོང་གྲགས་ཁྱབ་སྤེལ་མ་བྱས་ན་ལེགས་ཞེས་བསམ་ཚུལ་བཏོན་པ་བཞིན་སྤར་བསྐྲུན་མ་བྱས་རུང་གྲོགས་པོ་ཞིག་ནས་ཤིང་སྤར་དུ་འགོད་རྒྱུའི་འཆར་གཞི་ཡང་གནང་ཡོད། སྤྱིར་དེང་དུས་སུ་ཡོངས་གྲགས་ཀྱི་དཔེ་རྣམས་ནི་སྤར་གཞི་མི་འདྲ་བ་བཅུ་ལྷག་ཙམ་ཨ་སྤར་ཡང་སྤར་བྱས་ཡོད་ན་ཡང་། གལ་ཆེའི་དཔེ་དཀོན་རྣམས་ནི་ཕལ་ཆེ་བས་སྣང་འཇོག་ཙམ་ཡང་མེད་པར་སྔ་བཞིན་ལུས་པའི་གནས་ཚུལ་འདི་མཐོང་དུས། ཆེད་ལས་པ་རྣམས་ཀྱི་དོན་དངོས་ཐོག་དགོས་ངེས་ཀྱི་གལ་ཆེའི་གནད་དོན་མང་པོ་ཞིག་མཐུས་ཤོལ་དུ་འགྲོ་གི་མེད་དམ་སྙམ་པ་སྟེ། དཔེར་ན་སྡེ་དགེའི་ཤིང་སྤར་མ་དང་ཨ་འཛོམས་ཤིང་སྤར་མ་གཉིས་རགས་བསྡུར་ཞུས་པ་ལས། སྡེ་སྤར་ལ་སྤྲོས་མེད་དབང་གི་ཏིག་ཀ་ཞེས་པའི་ལྡེབ་དང་པོ་ཆད་ནས་མེད་པ་དང་། ཡང་མན་ངག་མདོ་བྱང་བསྡུས་པའི་ལྡེབ་དང་པོའི་མཇུག་ནས་ཆད་ཡོད་ངེས་ཀྱང་ག་ཚོད་ཆད་པ་མི་ཤེས་པ་དང་། ཡང་ཚིག་དོན་བཅུ་པའི་བླ་མ་མཉེས་ཐབས་ལས་བརྩོན་འགྲུས་དང་བསམ་གཏན་གྱི་བླ་མ་མཉེས་པའི་ཐབས་ཀྱི་སྐོར་སྡེ་དགེ་ཨ་འཛོམས་གཉིས་ཆར་ཆད་ཀྱང་གསར་རྙེད་ལ་ཚང་ཡོད་པ་སོགས། བཱི་མ་སྙིང་ཏིག་གི་དཔེ་ཙམ་ཡང་ཆ་མི་ཚང་བ་དང་ཆད་རྐྱོན་མང་བ་སོགས་ཆེད་ལས་པ་ཕལ་ཆེ་བས་མཁྱེན་རྟོག་མེད་པའི་རྣམ་པ་བྱུང་།དེ་ཡང་པཎྜི་ཏ་བཱི་མ་མི་ཏྲ་མཆོག་ནི་བཙན་པོ་ཁྲི་སྲོང་ལྡེ་བཙན་གིས་གདན་འདྲེན་ཞུས་པ་ལ་ཕྱིས་སུ་བཙན་པོ་ཁྲི་གཙུག་ལྡེ་བཙན་རལ་པ་ཅན་གྱི་ཆབ་སྲིད་ལོ་ཉེར་དྲུག་བསྐྱངས་པའི་རིང་ལ་ཕེབས་པ་ཞིག་ཡིན་ཚོད་ལ། གནའ་བོའི་དུས་སུ་སྔ་འགྱུར་ལ་འགྱུར་བཅུ་ཞེས་བརྩི་སྲོལ་ཡོད་པའི་ནང་ནས་འགྱུར་བརྒྱད་པ་དེ་ཁོང་ལ་བརྟེན་ནས་བྱུང་བར་ངོས་འཛིན་སྲོལ་ཡོད། དེ་ཡང་སྔར་མེས་ཁྲི་སྲོང་ལྡེའུ་བཙན་གྱིས་གསེར་ཕྱེ་བྲེ་གང་བསྐུར་ཏེ་གདན་ཞུས་བྱས་པའི་པཎྜི་ཏ་བཱི་མ་མི་ཏྲ་འདིའི་སྐུ་དུས་སུ་བྱོན་ཏེ། ལོ་ཙཱ་བ་རྨ་གཉགས་གཉིས་དང་། རྒྱལ་བ་བྱང་ཆུབ། གཡུ་སྒྲ་སྙིང་པོ་སོགས་ཀྱིས་སེམས་སྡེ་ཕྱི་མ་རྣམས་དང་། སྒྱུ་འཕྲུལ་རྒྱུད་འགྲེལ་དང་བཅས་པ་མང་པོ་དང་། བདུད་རྩི་མཆོག་གི་ལུང་སོགས་དང་། སྒྲུབ་སྡེ་ལྔ། སྒྱུ་འཕྲུལ་གྱི་སྐོར་ལ་ཕྲ་མོ་སུམ་ཅུ་རྩ་གཅིག་སོགས་འགྱུར་བར་བཤད་པ་ལྟར་ཁོང་ནས་བརྒྱུད་པ་ལ་མ་ཧ་ཡོ་ག་སྒྱུ་འཕྲུལ་གྱི་སྐོར་གྱི་ཆོས་སྐོར་དང་། ཨ་ཏི་ཡོ་གའི་གཞུང་བཤད་མན་ངག་སྐོར་གྱི་ཆོས་ཕུང་རྒྱ་ཆེན་ཞིག་བོད་ཡུལ་དུ་བྱུང་པ་ལས་ད་ལྟའི་ཆར་ཡང་མི་ཉུང་བ་ཞིག་མཇལ་རྒྱུ་ཡོད།…