ཨེ་ཝྃ་ཧོ།

འཛམ་གླིང་ལོ་རྒྱུས་སྟེང་བྱུང་བའི་ཡོངས་གྲགས་ཀྱི་ནད་ཡམས་ཆེན་པོ་ལྔ། ཅོར་འཇམ་གྱིས་ཡི་གེར་བཀོད།དང་པོ། སྤྱི་ལོ1347ལོ་ཡས་མས་ལ་ཡོབ་གླིང་གི་ས་ཆ་མང་པོར་ལོ་བདུན་ལྷག་ལ་བར་མ་ཆད་པར་ནད་ཡམས་བྱུང་སྟེ། ཡོབ་གླིང་གི་མི་གྲངས1/3སྟེ། ཚོད་དཔག་བྱས་པ་ལྟར་ན་ཤི་གྲངས་ཁྲི་ལྔ་སྟོང་ལྷག་ཡིན་པ་དང་། ནད་ཡམས་དེའི་ཤུགས་རྐྱེན་འཛམ་གླིང་ཡོངས་ལ་ཐེབས་ཏེ་མི་ཤི་གྲངས་ཁྲི་ཚོ་བདུན་སྟོང་ལྔ་བརྒྱ་ལྷག་བརྒལ། གཉིས་པ། དུས་རབས་བཅོ་ལྔ་བར་རྒྱ་གར་ལ་ནད་ཡམས་བྱུང་སྟེ། ལོ་བརྒྱ་ཡས་མས་ལ་ནད་ཡམས་མཚམས་མ་བཞག་པས་མི་ཤི་གྲངས་ཁྲི་ཉིས་སྟོང་དགུ་བརྒྱ་ཡས་མས་ལ་སྔ་གཞུག་དུ་སླེབས། གསུམ་པ། སྤྱི་ལོ1644ལ་རྒྱ་ནག་མིན་རྒྱལ་རབས་ཀྱི་དུས་མཇུག་ཏུ་རང་བྱུང་ཁམས་ཀྱི་ཆུ་སྐམ་པ་དང་དམག་འཁྲུག་གི་འཇིག་པ་བྱུང་བ་སོགས་ཀྱི་རྐྱེན་ལས་མུ་གེ་བྱུང་ཞིང་། དེ་དང་ལྷན་དུ་ནད་ཡམས་བྱུང་སྟེ་པེ་ཅིན་གྱི་མི་གྲངས་30%ཤི་བ་དང་། ཧྲན་ཞི་ལ་སོགས་ཞིང་ཆེན་གསུམ་གྱི་མི་གྲངས40%ཤི་ཚར། བཞི་བ། སྤྱི་ལོ1918ལོ་ཡས་མས་ལ་སི་ཕེན་རྒྱལ་ཁབ་ཀྱིས་དམག་འཁྲུག་བསླངས་པ་དང་ལྷན་གཅིག་ཏུ་ནད་ཡམས་བྱུང་སྟེ་ཡིག་ཆ་ནང་བཀོད་ཡོད་པ་ལྟར་ན། མི་ཁྲི་བཞི་སྟོང་ལྷག་བརྒལ་བ་ཤི་ཚར་བ་དང་། དེའི་ཤུགས་རྐྱེན་འཛམ་གླིང་ཡོངས་ལ་ཐེབས་ཏེ་འཛམ་གླིང་ཡོངས་ཀྱི་མི་དུང་ཕྱུར་ལྔ་ལྷག་ནད་ཡམས་ཀྱིས་མནར། ལྔ་བ། སྤྱི་ལོ1855ཡས་མས་ཏེ་དུས་རབས་བཅུ་དགུ་བའི་དུས་མཇུག་ཏུ་ཀྲུང་གོའི་ནུབ་རྒྱུད་དུ་བྱི་བའི་ནད་དུག་བྱུང་སྟེ། ལོ་ཉི་ཤུ་ནས་སུམ་ཅུ་ལྷག་ལ་འགོས་ནད་བར་མ་ཆད་པས་མི་ཁྲི་ལྔ་བརྒྱ་ལྷག་ཤི་བ་དང་། དེའི་རྗེས་ཆུ་ལོག་དང་དམག་འཁྲུག་ལ་སོགས་པའི་འཇིག་པ་བྱུང་སྟེ་ཁྱོན་བསྡོམས་མི་གྲངས་དུང་ཕྱུར་གཅིག་ལྷག་ཤི་ཚར་བ་རེད། 2020/02/10ཉིན།

འཇའ་ལུས་སུ་སྨོན་པ་ཀུན་བཟང་རྒྱལ་བའི་ལམ་མཆོག།ན་མོ་མ་ཧཱ་གུ་རུ་བུདྡྷ་ཛྙཱ་ན་ཡེ།།ཀ་དག་ཆོས་དབྱིངས་སྤྲོས་བྲལ་ངང་ཉིད་ལས།།འོད་གསལ་མཐའ་ཡས་ཞིང་ཁམས་རབ་འབྱམས་ཤར།།ཟུང་འཇུག་ཡེ་ཤེས་འཇའ་ལུས་འཕོ་ཆེན་བཤེགས།།བརྒྱུད་གསུམ་རིག་འཛིན་བླ་མས་དགེ་ལེགས་སྩོལ།།ཀུན་བཟང་རྒྱལ་བ་རིགས་ལྔ་བདེ་བར་གཤེགས།།རྡོ་རྗེ་འཆང་ཆེན་དཔལ་ལྡན་རྡོ་རྗེ་སེམས།།དགའ་རབ་རྡོ་རྗེ་རིག་འཛིན་ཤྲཱིཿསེངྷ་ལ།།གསོལ་བ་འདེབས་སོ་འཇའ་ལུས་ལྷུན་གྲུབ་ཤོག།གསང་ཆེན་ཡེ་ཤེས་རོལ་པའི་ཀློང་ཡངས་ནས།།སྣང་སྲིད་ཟིལ་གནོན་གུ་རུ་བདེ་ཆེན་དཔལ།།དགོངས་བརྡ་སྙན་བརྒྱུད་གཏེར་ཆེན་བླ་མ་ལ།།གསོལ་བ་འདེབས་སོ་འཇའ་ལུས་ལྷུན་གྲུབ་སྩོལ།།པདྨའི་ཟབ་གཏེར་བདག་པོ་དྲག་སྔགས་གླིང་།།བཀའ་བབས་ཆོས་བདག་བླ་མ་ལོ་མ་དང་།།རྩ་གསུམ་བཀའ་གཏེར་དམ་ཅན་སྲུང་མ་ལ།།གསོལ་བ་འདེབས་སོ་འཇའ་ལུས་ལྷུན་གྲུབ་ཤོག།གསང་སྒྲུབ་རང་རིག་བླ་མའི་རྣལ་འབྱོར་ལས།།ཐེག་རྩེའི་ཨ་ཏིའི་ཚོམ་བུའི་དཀྱིལ་འཁོར་ཤར།།རྒྱལ་ཀུན་སྤྱི་གཟུགས་པདྨ་རྒྱལ་པོ་ལ།།གསོལ་བ་འདེབས་སོ་འཇའ་ལུས་ལྷུན་གྲུབ་ཤོག།ལས་ཉོན་འཁྲུལ་རྟོག་ཀ་དག་དབྱིངས་སུ་དག།འོད་གསལ་ལྷུན་གྲུབ་ཡེ་ཤེས་ཡོན་ཏན་རྫོགསསྣང་བཞི་མཐར་ཕྱིན་གདོད་མའི་རྒྱལ་སར་སྨིན།།འགྲོ་ཀུན་ཕྱམ་གཅིག་ཀུན་བཟང་ཀློང་གྲོལ་ཤོག།ཅེས་པ་འདི་ཡང་རབ་གནས་ལྕགས་བྱིའི་རྒྱལ་ཟླ་བའི་དབང་ཕྱོགས་རྒྱལ་བ་དང་པོ་སྟེ་ཀུན་མཁྱེན་ཀློང་ཆེན་པའི་འདས་མཆོད་སྐབས་སུ་འོད་གསལ་མཐའ་ཡས་དང་འོད་གསལ་ཆོས་སྒྲོན་གྱིས་སྨོན་ལམ་དགོས་པར་ཡང་ཡང་སྐུལ་ངོར་ཨེ་ཝཾ་མཎྡ་ར་ཝའི་ཕོ་བྲང་ནས་རིག་འཛིན་དཔལ་དགྱེས་པ་རྡོ་རྗེས་བྲིས་པར་དགེའོ།།ཤྲཱིཿསརྦ་མངྒ་ལཾ་བི་ཛ་ཡནྟུ།།

ཀུན་མཁྱེན་ཀློང་ཆེན་རབ་འབྱམས། ༼ ༡༣༠༨–༡༣༦༣༽ རྩོམ་པ་པོ་ཨེ་ཝཾ་མེ་ཏོག་ནས།ཀློང་ཆེན་རབ་འབྱམས་པ་དྲི་མེད་འོད་ཟེར་ནི་རྫོགས་པ་ཆེན་པོའི་བཀའ་སྲོལ་ཆེས་ཆེར་གསལ་བར་མཛད་པ་པོ་རྙིང་མའི་སློབ་དཔོན་ཀློང་ཆེན་པ་དྲི་མེད་འོད་ཟེར་རམ། མཚན་གཞན་ཚུལ་ཁྲིམས་བློ་གྲོས་ཏེ། རབ་བྱུང་ལྔ་པའི་ས་ཕོ་སྤྲེལ་༼སྤྱི་ལོ༡༣༠༨༽ལོར་ཡབ་བསྟན་པ་སྲུང་དང་ཡུམ་འབྲོམ་བཟའ་བསོད་ནམས་རྒྱན་གཉིས་ཀྱི་སྲས་སུ་དབུས་ལྷོ་གཡོ་རུ་གྲའི་ཆ་སྟོད་གྲོང་དུ་ སྐུ་བལྟམས། དགུང་ལོ་ལྔའི་སྟེང་ནས་སློབ་གཉེར་གྱི་དབུ་བཙུགས་ཤིང་སྔ་གཞུག་ཏུ་ཀརྨ་པ་རང་ བྱུང་རྡོ་རྗེ། ས་སྐྱ་བདག་ཆེན། རྙིང་མའི་རིག་འཛིན་ཀུ་མཱ་རཱ་ཛ་སོགས་མཁས་གྲུབ་མང་པོ་སློབ་དཔོན་དུ་བསྟེན། གཡག་སྡེ་པཎ་ཆེན་གྱི་མདུན་དུ་དོགས་བཀྲོལ་མང་དུ་མཛད། མདོ་སྔགས་ཀྱི་གཞུང་ལུགས་མ་ལུས་པ་ཐུགས་སུ་ཆུད་དེ་མཁས་པའི་གོ་འཕང་བརྙེས། དབུས་གཙང་གི་དགོན་གནས་ཕལ་མོ་ཆེ་དང་། ཁྱད་པར་དུ་རྒྱ་གར་འཕགས་པའི་ཡུལ་གྱི་དཔལ་ཆུ་བོ་རི་དང་ཨོ་རྒྱན་ཡུལ་སོགས་སུ་ ཞབས་ཀྱིས་བཅགས། འཆད་རྩོད་རྩོམ་གསུམ་གྱི་ཡོན་ཏན་བསམ་གྱིས་མི་ཁྱབ། ཆུ་སྟག་༼སྤྱི་ལོ༡༣༦༢༽ལོར་ཆོས་འབྱུང་རིན་པོ་ཆེའི་གཏེར་མཛོད་ཅེས་པ་ཕྱག་རྩོམ་གནང་། དགུང་ལོ་ང་དྲུག་པ་རབ་བྱུང་དྲུག་པའི་ཆུ་ཡོས་༼སྤྱི་ལོ༡༣༦༣༽ལོར་དཔལ་བསམ་ཡས་མཆིམས་ཕུ་རུ་དགོངས་པ་ཆོས་དབྱིངས་སུ་བསྡུས་སོ། །ཁོང་གི་གསུང་རྩོམ་སྐོར་ལ། ཕྱིའི་གནས་ཐུན་མོང་གི་སྐོར་བསྟན་བཅོས་དགུ་བཅུ་གོ་ལྔ། ནང་གི་གནས་རྒྱ་ཆེར་བཤད་པའི་བསྟན་བཅོས་ཆིག་བརྒྱ་ཉེར་བརྒྱད། གསང་བའི་གནས་དེ་ཁོ་ན་ཉིད་སྟོན་པའི་བསྟན་བཅོས་སུམ་ཅུ་སྟེ་བརྩམས་ཆོས་ཉིས་བརྒྱ་ལྔ་བཅུ་རྩ་གསུམ་བཞུགས་སོ། ། ཀུན་མཁྱེན་ཀློང་ཆེན་རབ་འབྱམས་མཆོག ཇི་སྐད་དུ། བཀའ་ཐང་ཤེལ་བྲག་མ་ལས། སྤྲེའུ་ལོ་བ་བློ་གསལ་ཤེས་རབ་ཅནཿང་སྤྲུལ་རིན་ཆེན་གླིང་འཕྲད་རྗེས་སུ་འཛིནཿབུམ་ཐང་སྨད་ནས་གཏེར་གྱི་སྒོ་ཡང་འབྱེདཿདེ་དུས་དྲི་མེད་འོད་ཟེར་ཞེས་སུ་གྲགསཿ ཞེས་རྡོ་རྗེ་ལུང་གིས་གསལ་བར་བསྔགས་པ་གངས་ལྗོངས་འཇམ་དབྱངས་རྣམ་གསུམ་དུ་གྲགས་པའི་ཡ་གྱལ་ཀུན་མཁྱེན་ཆོས་ཀྱི་རྒྱལ་པོ་རྒྱལ་བ་ཀློང་ཆེན་རབ་འབྱམས་དཔལ་བཟང་པོ་མཆོག་ཡིན་ལ། ཁོང་ནི་དབུས་ཕྱོགས་གཡོ་རུ་གྲྭ་ཡི་ཕུ་སྟོད་དུ། ཡབ་སྔགས་ཀྱི་རྣལ་འབྱོར་ལ་རང་བྱན་ཚུད་པ་སློབ་དཔོན་བརྟན་པ་སྲུང་དང་། ཡུམ་འབྲོམ་བཟའ་བསོད་རྒྱན་གཉིས་སུ་རབ་བྱུང་ལྔ་པའི་ས་སྤྲེལ་སྤྱི་ལོ ༡༣༠༨ ལོའི་དབོ་ཟླའི་ཚེས་བཅུའི་ཉིན་སྐུ་འཁྲུངས། དེ་མ་ཐག་ནམ་གྲུ་རེ་མ་ཏིས་ངས་བསྲུང་བ་ཡིན་ཞེས་ཕྱག་ཏུ་བླངས་ཤིང་སླར་ཡུམ་ལ་གཏད་ནས་མི་སྣང་བར་གྱུར། དགུང་ལོ་ལྔ་ཙམ་ནས་འབྲི་ཀློག་ལེགས་པར་མཁྱེན། བཅུ་གཉིས་པར་རབ་ཏུ་བྱུང་བས་མཚན་ཚུལ་ཁྲིམས་བློ་གྲོས་ཞེས་གསོལ། འཇམ་དབྱངས་དང་དབྱངས་ཅན་མ་སོགས་ཡི་དམ་གྱི་ལྷའི་ཞལ་གཟིགས་ཤིང་དངོས་གྲུབ་ཐོབ། ལུང་དང་རིག་པའི་གནས་རྒྱ་མཚོ་ལྟ་བུ་ལ་མི་འཇིགས་པའི་སྤོབས་སྤོབས་པ་བརྟས་པས་བསམ་ཡས་ལུང་མང་བ་ཞེས་སུ་གྲགས། ཤི་ཤུ་རྩ་དགུ་པར་ཚེ་རབས་ལས་ཀྱི་བླ་མ་དམ་པ་ཀུ་མ་རཱ་ཛཱས༼༡༢༦༦ ནས་ ༡༣༤༣༽ ཐུགས་བརྩེ་བ་ཆེན་པོས་རྗེས་སུ་བཟུང་། མཁའ་འགྲོ་སྙིང་ཐིག་གི་བཀའ་བབ། བི་མ་ལས་ལུང་བསྟན་པ་ལྟར་དབུ་རུ་ཞཱ་ཡི་ལྷ་ཁང་ཞིག་གསོ་མཛད། མོན་བུམ་ཐང་དུ་དགེ་འདུན་གྱི་སྡེ་བཙུགས་པའི་མཚན་ལ་ཐར་བ་གླིང་དུ་བཏགས་ཤིང་སྔ་འགྱུར་སྤྱི་དང་རྫོགས་ཆེན་གྱི་ཕྱིན་ལས་རྒྱ་ཆེར་སྤེལ། དགོངས་གཏེར་བསྟན་བཅོས་ཀྱི་ཚུལ་དུ་བཀྲལ་བ་མཛོད་ཆེན་རིན་པོ་ཆེ་རྣམ་བདུན་དང་། ངལ་གསོ་སྐོར་གསུམ་སོགས་མདོར་ན་ཐུན་མོང་གི་རིག་གནས་ཡི་གེའི་སྡེབ་སྦྱོར་ནས་བཟུང་ཆེས་ཟབ་པ་སྙིང་ཐིག་ཡ་བཞིའི་ཆོས་སྐོར་བར་ཆོས་ཚན་ཉིས་བརྒྱ་ལྔ་བཅུ་ལྷག་མཛད། དགུང་ལོ་ལྔ་བཅུ་རྩ་དྲུག་བཞེས་པར་རབ་བྱུང་དྲུག་པའི་ཆུ་ཡོས་སྤྱི་ལོ ༡༣༦༣ རྒྱལ་ཟླའི་ཚེས་བཅོ་བརྒྱད་ཉིན་མཆིམས་ཕུ་ནགས་ཀྱི་དབེན་ཁྲོད་དུ་གཟུགས་སྐུ་ཆོས་སྐུའི་བཞུགས་སྟངས་ཀྱི་ངང་ནས་དགོངས་པ་གདོད་མའི་དབྱིངས་སུ་མནལ་བའོ།

འགའ་རེས་གེ་སར་འཁྲུངས་དུས་འཆར་སོང་ཟེར། འགའ་རེས་ནད་རིམས་སེལ་བའི་རྟགས་རེད་ཟེར། འགའ་རེས་ས་སྐྱ་ཚོས་མཐུ་ཡིན་ཟེར། འགའ་རེས་ཉི་མ་གསུམ་ཤར་སོང་ཟེར་ནས་ཧ་ལས་འདུག་ཀྱང་། གང་ཡང་མ་རེད། ཚ་གྲང་ཅུང་ཙམ་ཆ་མཉམས་ན་འདི་རིགས་འཛམ་གླིང་གི་ས་གནས་་ཀུན་ལ་འཆར་རྒྱུ་ཡོད། ཁ་སང་སྐྱེན་པོ་དགོན་འཆར་འདུག་གོ གནམ་པྲ་ཡིན་པས་ཡག་པོ་རེད། སྒེར་མི་རེ་གཉིས་ཀྱིས་བཟོས་པ་རེད་ཟེར་ན་གད་མོས་གནས་ཙམ་ཡིན་ནོ། ཉི་མ་གསུམ་བཞི་ཡང་མིན་པར་འོད་ཕྲེང་ཡིན་པས་ཤེས་པར་མཛོད། གནའ་མྱིས་ཉི་མའི་རྣ་ཚར་ཀྱང་འབོད་སྲོལ་ཡོད། ངོས་ནས་མང་པོ་མཐོང་མྱོང་ཡོད། དེ་རིང་རྒྱ་ནག་ལ་ཉི་མ་གསུམ་ཐོན་འདུག་

བཛྲ་གུ་རུའི་ཕན་ཡོན་བཞུགས།༅། །ན་མོ་གུ་རུ་པདྨ། སློབ་དཔོན་ཆེན་པོ་ཡབ་ཡུམ་ལ། །གསོལ་བ་འདེབས་སོ་བྱིན་གྱིས་རློབས། །བཛྲ་གུ་རུ་འདོན་མཁན་ལ། །བཛྲ་གུ་རུའི་ཕན་ཡོན་བརྗོད། །སྔོན་དུས་དཔལ་གྱི་བསམ་ཡས་སུ། །བུད་མེད་ཡེ་ཤེས་མཚོ་རྒྱལ་གྱིས། །ཕྱི་ནང་གསང་པའི་མཎྜལ་མཆོག །ཨོ་རྒྱན་རྗེ་ལ་ཕུལ་ནས་སུ། །གུས་པས་ཕྱག་འཚལ་འདི་སྐད་གསོལ། །མ་འོངས་སེམས་ཅན་བློ་སྣ་མང་། །དམུ་རྒོད་ཆོས་ལ་ལོག་ལྟ་ཆེ། །ཁྱད་པར་གསང་སྔགས་ཟབ་མོ་ལ། །ལོག་ལྟ་བྱེད་མཁན་མང་དུ་འབྱུང་། །དེ་དུས་ནད་མཚོན་མུག་གསུམ་གྱིས། །བོད་ཁམས་སྡུག་ལ་གཏད་པའི་དུས། །ཕན་པའི་རིམ་གྲོ་མང་ཡོད་ཀྱང་། །སྒྲུབ་ལོང་མེད་ཅིང་བར་ཆད་ཆེ། །རྫས་དང་ཡོ་བྱད་མི་ཚང་ཞིང་། །དུས་ངན་སེམས་ཅན་ཁ་མི་འཆམ། །དེ་དུས་གུ་རུ་ཉིད་སྒྲུབ་པའི། །ཕན་ཡོན་ཐམས་ཅད་གསུང་དུ་གསོལ། །སློབ་དཔོན་ཆེན་པོའི་ཞལ་ནས་ཀྱང་། །དད་ལྡན་བུ་མོ་ཁྱོད་བདེན་ནོ། །མ་འོངས་དེ་འདྲའི་དུས་ཚོད་ལ། །ཕན་པའི་གཏེར་ཁ་མང་སྦས་ཀྱང་། །སེམས་ཅན་བསོད་ནམས་ཟད་སྟབས་ཀྱིས། །རྟེན་འབྲེལ་འགྲིགས་པ་ཤིན་ཏུ་དཀའ། །འོན་ཀྱང་དེ་འདྲའི་དུས་ཚོད་ལ། །སྙིང་བོ་བཛྲ་གུ་རུ་འདི། །གནས་ཆེན་དང་ནི་དགོན་ཆེན་དང་། །རི་ཆེན་རྩེའམ་ཆུ་ཆེན་འགྲམ། །ལྷ་འདྲེའི་ཆོ་འཕྲུལ་ཆེ་ས་རུ། །སྔགས་པ་དམ་ཚིག་ལྡན་པ་དང་། །དགེ་འདུན་ཚུལ་ཁྲིམས་ལྡན་པ་དང་། །སྐྱེ་བོ་དད་པ་ལྡན་པ་དང་། །བུད་མེད་མཚན་ལྡན་ཐམས་ཅད་ཀྱིས། །སེམས་བསྐྱེད་བསམ་པ་བཟང་པོ་ཡིས། །བརྒྱ་སྟོང་ཁྲི་འབུམ་བྱེ་བ་སོགས། ། བཏོན་པའི་ཕན་ཡོན་བསམ་མི་ཁྱབ། །ནད་དང་གདོན་དང་མཚོན་འཁྲུག་དང་། །ལོ་ཉེས་མུ་གེ་ཆོ་འཕྲུལ་ཞི། །ཆར་ཆུ་དུས་འབེབ་ཡུལ་ཕྱོགས་སུ། །བཀྲ་ཤིས་དགེ་ལེགས་འབྱུང་བར་འགྱུར། །འདི་དང་ཕྱི་མ་བར་དོ་རུ། །རབ་དངོས་འབྲིང་ཉམས་རྨི་ལམ་དུ། །ཨོ་རྒྱན་ཆེན་པོའི་ཞལ་མཐོང་ནས། །གསུང་དབྱངས་ཟབ་མོ་ཐོས་པར་འགྱུར། །ཕྱི་མར་རྔ་ཡབ་དཔལ་རི་རུ། །རིག་འཛིན་ཕོ་མོའི་ཚོགས་གྲལ་དུ། །ཆུད་ནས་གསང་སྔགས་ཉམས་བླངས་ཏེ། །ས་ལམ་རིམ་རྫོགས་སངས་རྒྱས་འགྱུར། །སྙིང་པོ་བཛྲ་གུ་རུ་འདི། །བརྒྱ་རེ་བཟླས་པ་མ་ཆག་ན། །གཞན་གྱི་ཡིད་དུ་འོང་བ་དང་། །ཟས་ནོར་ལོངས་སྤྱོད་འབད་མེད་འབྱུང་། །སྟོང་དང་ཁྲི་སོགས་བཟླས་བྱས་ན། །གཞན་སྣང་ཟིལ་གྱིས་གནོན་པ་དང་། །བྱིན་རླབས་ནུས་པ་ཐོགས་པ་མེད། ། འབུམ་དང་བྱེ་བ་སོགས་བཟླས་ན། །ཁམས་གསུམ་དབང་དུ་བསྡུ་བ་དང་། །སྲིད་གསུམ་ཟིལ་གྱིས་གནོན་པ་དང་། །ལྷ་འདྲེ་མ་ལུས་བྲན་དུ་འཁོལ། །འཕྲིན་ལས་རྣམ་བཞི་ཐོགས་མེད་འགྲུབ། །རང་གི་ཡིད་ལ་གང་བསམ་བཞིན། །སེམས་ཅན་འགྲོ་དོན་དཔག་མེད་འབྱུང་། །བྱེ་བ་གསུམ་མམ་བདུན་བཟླས་ན། །སངས་རྒྱས་རྣམས་དང་འབྲལ་མེད་ཅིང་། །ཨོ་རྒྱན་རྗེ་དང་དབྱེར་མེད་པར། །ལྷ་སྲིན་སྡེ་བརྒྱད་བྲན་དུ་འཁོལ། །ཅི་བཅོལ་ལས་རྣམས་ཐམས་ཅད་གྲུབ། །རབ་རྣམས་ཚེ་འདིར་འཇའ་ལུས་འགྲུབ། །འབྲིང་གིས་འཆི་བ་འོད་གསལ་ཟིན། །ཐ་མ་སྲིད་པ་བར་དོར་གྲོལ། །གཞན་ཡང་བཛྲ་གུ་རུ་ལ། །ཐེག་པ་རིམ་དགུ་རྒྱུད་སྡེ་བཞི། །ཆོས་ཕུང་བརྒྱད་ཁྲི་བཞི་སྟོང་དང་། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་སྲུང་མ་གཏེར་བདག་བཅས། །སྲོག་སྙིང་མ་ལུས་འདི་ལ་ཚང་། །ཨོཾ་ཨཱཿཧཱུྃ་ནི་སྐུ་གསུང་ཐུགས། །བཛྲ་རྡོ་རྗེ་རིགས་ཀྱི་སྲོག །གུ་རུ་རིན་ཆེན་རིགས་ཀྱི་སྲོག །པདྨ་པདྨ་རིགས་ཀྱི་སྲོག །སིདྡྷི་ལས་ཀྱི་རིགས་ཀྱི་སྲོག །ཧཱུྃ་ནི་བདེ་གཤེགས་རིགས་ཀྱི་སྲོག །ཨོཾ་ནི་རིགས་ལྔ་ལོངས་སྤྱོད་རྫོགས། །ཨཱཿནི་ཆོས་སྐུ་མི་འགྱུར་བ། །ཧཱུྃ་ནི་སྤྲུལ་སྐུ་གུ་རུ་དྲུག །བཛྲ་ཁྲག་འཐུང་ལྷ་ཚོགས་རྫོགས། །གུ་རུ་རིག་འཛིན་ལྷ་ཚོགས་རྫོགས།…