August 2019

དགའ་བ་བཅུ་ཐོ་མ།།

དགའ་བ་བཅུ་ཐོ་མ།།
ན་མོ་ཨརྱ་ཏཱ་ར་ཡེ།།
༡༽
གོང་དཔོན་ཆེན་ཞབས་རྩ་བལྡག་པ་ལས།།
མགོན་དཔོན་མེད་རང་དབང་ཐོབ་ན་དགའ།།
༢༽
ཁྲི་གསེར་དངུལ་སྟེང་ལས་འགྱིང་པ་ལས།།
མ་ཉམས་ཐག་ལག་གཡོག་བྱེད་ལ་དགའ།།
༣༽
དགོན་ཁྲ་མོས་བླ་ཆེན་བྱེད་པ་ལས།།
གནས་དབེན་པར་གཅེར་བུ་རྒྱུ་ན་དགའ།།
༤༽
མི་ཕྱུག་པོའི་བེད་སྤྱོད་ལག་ཆ་ལས།།
བཟང་ཉམ་ཆུང་འཚོ་བ་སྐྱེལ་ན་དགའ།།
༥༽
གྲོང་ནག་མོས་ངོ་སོ་སྲུང་བ་ལས།།
ཆོས་བདེན་པའི་རི་སིལ་འགྲིམ་པར་དགའ།།
༦༽
གྲོགས་ངན་པས་གཡོ་ཟོལ་ངོ་བསྟོད་ལས།།
དགྲ་ནག་པོ་གདོང་ཐུག་བྱས་ན་དགའ།།
༧༽
སྨན་ཁྲམ་པས་བརྟག་དཔྱད་བྱེད་པ་ལས།།
ལུས་རྩ་རླུང་འཕྲུལ་འཁོར་སྦྱོང་བར་དགའ།།
༨༽
རང་ཡུལ་ནས་དཔོན་ཆེན་བྱེད་པ་ལས།།
གཞན་ཡུལ་ནས་བག་ཡངས་གནས་པར་དགའ།།
༩༽
གྲགས་འུར་གྱིས་ནམ་མཁའ་གང་བ་ལས།།
དོན་དམ་གྱི་ཉམས་ལེན་བྱེད་པར་དགའ།།
༡༠༽
ཆོས་བརྒྱད་ཀྱི་བྲན་དུ་གྱུར་པ་ལས།།
ཆོས་དོན་ལ་རྩེ་གཅིག་སེམས་པར་དགའ།།
ངས་དགའ་བ་བཅུ་ཡི་མགུར་མ་ཉིད།།
སེམས་ཁྲོད་པར་ཡོད་ན་ང་ཕྱིར་ཤོག།
རྫ་ཚེ་དང་ཨརྱ་ཏཱ་རེའི་ངོར་ཤྲཱིཿཨེ་མ་ཧོས་་་

Leave a Reply

Your email address will not be published. Required fields are marked *