February 2020

ཆོས་རྗེ་དམ་པ་ཡིད་བཞིན་ནོར་བུའི་འཁྲུངས་སྐར་བསུ།།
ཨེ་མ་ཧོ།།
ཀུན་བཟང་འཇམ་དཔལ་གཞོན་ནུའི་རྣམ་རོལ་བ།།
སྙིགས་དུས་མུན་ནག་བསལ་བའི་འོད་གསལ་སྐུ།།
བརྒྱུད་གསུམ་རིག་འཛིན་བླ་མའི་རྒྱལ་ཚབ་མཆོག།།
ཞིང་འདིར་མཚན་དཔེ་བཞད་པ་སླར་ཡང་དྲན།།
དྲན་རིག་རྒྱལ་པོ་ཡིད་བཞིན་ནོར་བུའི་སྐུ།།
བཀའ་གཏེར་ཀུན་འདུས་དམ་ཆོས་འཁོར་ལོའི་གསུང་།།
ངག་དབང་བློ་གྲོས་མཚུངས་མེད་རྒྱལ་ཀུན་ཐུགས།།
དཀོན་མཆོག་རྩ་གསུམ་བླ་མ་སྙིང་ནས་དྲན།།
དད་གུས་དམ་ཚིག་ཀུན་བཟང་བདག་ཅག་ཅག་ལ།།
མཁྱེན་རབ་གཟུངས་སྤོབས་ནོར་བུའི་གཏེར་ཆེན་སྩོལ།།
བསྟན་དང་འགྲོ་ལ་ཕན་བདེ་རླབས་ཆེན་འགྲུབ།།
འགྲོ་ཀུན་བྱང་ཆུབ་ལམ་ལ་འགོད་ནུས་མཁྱེན།།
ཞེས་པ་རབ་གནས་མེ་བྱའི་ཆོ་འ྄ཕྲུལ་ཟླ་བའི་ལེགས་པ་བརྒྱད་འཛོམས་ཀྱི་ཐོ་རངས་ཁར་རྨི་ལམ་བཟང་པོའི་སྣང་ངོར་དྲིན་ཆེན་བླ་མའི་ཞལ་རས་ལྷང་ལྷང་འཆར་པའི་སྐབས་སུ་གང་ཤར་བཅོས་བསྒྱུར་མེད་པར་སྙིང་ནས་ཤྲཱིས་གསོལ་བ་བཏབས་པར་དགེའོ།། །།

Leave a Reply

Your email address will not be published. Required fields are marked *