April 2020

དཔྱིད་དཔལ་བཞད་པའི་འཇའ་ཟེར།།
ཨ་ཧོ་ཡ།།
ཨ་མ་ནོར་འཛིན་སྒེག་མོའི་ལྟེ་བ་རུ།།
སྔོ་ལྗང་ལོ་འདབ་བཀྲ་བའི་ནགས་ཀླུང་དུ།།
རྩི་ཤིང་མེ་ཏོག་བཀྲ་པའི་དྲི་ཞིམ་ཁྲོད།།
གཡུ་སྦྲང་བྱེ་ལབ་ཚོགས་དང་མཉམ་དུ་རྩེད།།
ཡར་ལ་བལྟས་ན་མཁའ་དབྱིངས་འཇའ་འོད་ཀློང་།།
རྟ་བདུན་དབང་པོ་གཟི་མདངས་ལྷག་པར་མངོན།།
དྲོད་བཅུད་སྣང་བ་སྦྱིན་པའི་ལྷ་བུ་ལ།།
བཀའ་དྲིན་གསོས་ཕྱིར་ཐོད་རྒལ་རྟོགས་འབུལ་མཆིས།།
བར་སྣང་དྲོ་གྲང་མཉམ་པའི་བར་གསེང་དུ།།
མཁའ་དབུགས་གཙང་པ་དག་པའི་ཞིང་དང་མཚུངས།།
ཀུན་བཟང་བདེ་དགའ་གནང་བའི་གུང་སངས་སྐབས།།
ནུབ་ཕྱོགས་བྱ་སྒོང་རོལ་བའི་དགའ་སྟོན་ཚེས།།
དཔྱིད་དཔལ་ཁྱིམ་ནས་རོལ་བའི་དགའ་སྐྱིད་ལ།།
དབྱར་དུས་བདེ་ཆེན་དགའ་བའི་གླུ་བྲོ་ཉིད།།
སྟོན་བཟང་འབྲས་སྨིན་རྟེན་འབྲེལ་དགེ་ལེགས་དཔལ།།
དགུན་འཁྱག་དྲོ་བའི་སྨོན་ལམ་མཐའ་རུ་ཕྱིན།།
ཨེ་མ་ཧོས་ཨེ་ཝྃ་རྫོགས་ཆེན་ཆོས་སྒར་ནས་
སྤྱི་ལོ་༢༠༡༠/༤/༡༡་ལའོ།། །།

Leave a Reply

Your email address will not be published.