May 2020

མ་དྲིན་ལན་བཤགས་མདོ་བཞུགས་སོ། །

མ་དྲིན་ལན་བཤགས་མདོ་བཞུགས་སོ། །

༄། ཨོཾ་མ་ཎི་པངྨེ་ཧཱུྃ་ཧྲཱིཿ འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་མ་ཎི་པངྨེ་ཧཱུྃ་ཧྲཱིཿ དོན་འདི་ལས་ལྷག་པ་གསུང་རྒྱུ་མེད། བྱམས་པས་བསྟན་ཅིང་སྙན་པའི་ཚིག །བུ་བརྩེ་བའི་སེམས་ཀྱིས་སྐྱོངས་པའི་དྲིན་ཆེན་མ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ ཁ་ཟས་ཁས་བྱིན་མི་གཙང་ལག་པས་ཕྱིས། །ཡང་ཡང་པང་དུ་བླངས་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ སྐྱེས་པའི་མཐའ་མར་ངེས་པར་འཆི་བ་ཡིན། །ཁ་དྲག་ཅན་ལ་ཅུང་ཟད་སྡོད་དབང་མེད། །གཅིག་པུར་འགྲོ་ལ་ཕན་པ་དམ་པའི་ཆོས། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ འགྲོགས་པའི་མཐའ་མར་ངེས་པར་བྲལ་བ་ལ། །བརྩེ་གདུང་ཅན་ལ་ཅུང་ཟད་སྡོད་དབང་མེད། །གཅིག་པུར་འགྲོ་ལ་ཕན་པ་དམ་པའི་ཆོས། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ བསགས་པའི་མཐའ་མར་ངེས་པར་ཟད་པ་ལ། །སེར་སྣ་ཅན་ལ་ཅུང་ཟད་ཁྱེར་དབང་མེད། །གཅིག་པུར་འགྲོ་ལ་ཕན་པ་དམ་པའི་ཆོས། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ མ་ཁྱེད་འདི་ནས་གཅིག་པུར་འགྲོ་བ་ལ། །ང་དང་ཁྱེད་དང་སྤྱན་རས་གཟིགས་དང་གསུམ། །མཇལ་བའི་སྨོན་ལམ་འཚལ་ལོ་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། ཨོཾ་མ་ཎི་པངྨེ་ཧཱུྃ་ཧྲཱིཿ བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ། །ཁམས་གསུམ་འགྲོ་བ་རིགས་དྲུག་གར་སྐྱེས་ཀྱང་། །སྐྱེ་གནས་བཞི་པོ་དག་ལ་བརྟེན་ནས་སྐྱེ། །རྫུས་ཏེ་སྐྱེ་གནས་གཅིག་པུར་མ་རྟོགས་པར། །ཕ་མ་དག་ལ་བརྟེན་ནས་གཟུགས་སུ་གྲུབ། །ལས་ཀྱི་དབང་གིས་མ་བུར་གྱུར་པའི་ཚེ། །ཟླ་དགུ་ཞག་བཅུ་ཁུར་བའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ ཐིག་ལེ་རླུང་གིས་གཡོ་བའི་དུས་ཀྱི་ཚེ། །ཤ་རུས་ཁ་ཁར་བྲལ་བའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ ཁྲག་དང་ཆུ་སེར་ལྷན་དུ་བཙས་པའི་ཚེ། །འོ་མ་རྣག་ཁྲག་འདྲེས་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ ཤ་རུས་ཉབ་ཉོབ་འཐིབ་པའི་དུས་ཀྱི་ཚེ། །ཕྱག་གིས་འཇམ་པོར་བླངས་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ མིག་དང་དབང་པོ་སྒོ་ལྔ་རྣག་པའི་ཚེ། །ཁ་འཇམ་ལྕེ་ཡིས་བལྡག་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། ཨོཾ་མ་ཎི་པངྨེ་ཧཱུྃ་ཧྲཱིཿ མི་གཙང་དྲི་མ་ཁ་རུ་སོང་བ་ན། །སྣང་བ་ཞེན་པ་མ་ལོག་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། ཨོཾ་མ་ཎི་པངྨེ་ཧཱུྃ་ཧྲཱིཿ ཉིན་མཚན་མེད་པས་རུམ་ཁུང་དྲོན་མོར་བཅུག །མཆིན་ཁར་འབྲལ་མེད་གཏུག་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ ནུབ་མོ་གཏི་མུག་གཉིད་ཀྱིས་ཁྱེར་བའི་ཚེ། །མ་དག་ནུབ་གཉིད་ཆག་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ པང་དུ་འཇམ་ཞིང་བཀོད་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། ཨོཾ་མ་ཎི་པངྨེ་ཧཱུྃ་ཧྲཱིཿ སེམས་ལ་དགའ་སྤྲོ་འཛོམ་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ རྟག་ཏུ་གཡོ་ཞིང་ངུ་བའི་ཚུལ་སྟོན་པ། །མ་བཟོད་ནུ་ཞོ་བསྣུན་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ གཉིད་དུས་མིག་ལ་སེར་བུ་ཕོག་པའི་དུས། །ཚ་གྲང་མྱུར་དུ་སྐྱོབས་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ རང་ལུས་རང་གིས་སྲུང་བརྩིས་མེད་པའི་དུས། །ན་བཟའ་གཙང་འཇམ་བྱེད་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ རྐང་བཞི་དུད་འགྲོ་བཞིན་དུ་འགྲོ་བའི་དུས། །རྐང་ཚེ་གོམ་ཚེ་སློབ་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ དེ་ནས་ལོ་གསུམ་ལོན་པའི་དུས་ཀྱི་ཚེ། །གར་འགྲོ་མིག་གིས་འཚོ་བའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ དེ་ནས་ལོ་ལྔ་ལོན་པའི་དུས་ཀྱི་ཚེ། །གོས་ལྷམ་ལམ་མཆོག་སྟོན་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ དེ་ནས་ལོ་བཅུ་ལོན་པའི་དུས་ཀྱི་ཚེ། །སེམས་ཀྱི་ཁོ་ཐག་ཆོད་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ སེམས་ལ་རྩེ་གཅིག་བསྒོམས་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ རྟག་ཏུ་བཏང་སྙོམས་ཡོད་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ གང་ནས་འགྲོ་དབང་ཡོད་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ འགྲོ་ནས་རང་དབང་ཡོད་པའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ གློ་བུར་བདུད་ཀྱིས་ཁྱེར་བའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ ཁྱེར་ནས་གར་ཡོད་མི་ཤེས་དྲིན་ཆེན་མ། །རྣམ་ཤེས་དབྱེར་མེད་རྫོགས་པའི་དྲིན་ཆེན་མ། །བརྗོད་ནས་ཁྲོ་བ་མི་བྱེད་དྲིན་ཆེན་མ། །བསམ་པ་ཡང་ཡང་འཕྲོག་པའི་དྲིན་ཆེན་མ། །དྲིན་ལས་མཆི་མ་ཤོར་བའི་དྲིན་ཆེན་མ། །ཁམས་གསུམ་འཁོར་བར་འཁྱམས་པ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲོངས་དུ་གསོལ། །ཨོཾ་མ་ཎི་པངྨེ་ཧཱུྃ་ཧྲཱིཿ མ་ཁྱེད་འདི་ནས་ལུས་སེམས་བྲལ་བའི་ཚེ། །ཞིང་མཆོག་བདེ་བ་ཅན་དུ་སྐྱེ་བར་ཤོག །སྐྱེས་ནས་བྱང་ཆུབ་སྙིང་པོ་ཐོབ་པར་ཤོག །ཐོབ་ནས་སེམས་ཅན་དོན་ཀུན་མཛད་དུ་གསོལ། །དོན་ཆེན་སྙིང་ནས་ཚིག་གི་སེམས་ལ་བཅག །སྟུག་པོ་བཀོད་པའི་ཞིང་འདིར་རྡོ་རྗེ་འཆང་། །རྔ་ཡབ་གླིང་ནས་པདྨ་འབྱུང་གནས་ཞེས། །ཁ་བ་ཅན་ནས་དཔལ་ལྡན་ཀརྨ་པ། །དྲིན་ཆེན་མ་ལ་དྲིན་ལན་སོད་པར་ཤོག །ཨོཾ་མ་ཎི་པངྨེ་ཧཱུྃ་ཧྲཱིཿ ཅེས་པ་འདི་ཡང་ཀརྨ་པ་རང་བྱུང་རྡོ་རྗེས་མ་ཡུམ་གྱི་དྲིན་ལན་བཤགས་པའི་མདོ་མཛད་པའོ། །སརྦ་མངྒ་ལཾ། །

Leave a Reply

Your email address will not be published.