ཨ་མའི་འདས་མཆོད་ཀྱི་སྐོརདྲན་པའི་མེ་ལོང་རབ་གསལ།
ཨ་མའི་འདས་མཆོད་ཀྱི་སྐོརདྲན་པའི་མེ་ལོང་རབ་གསལ།
ཡེ་གཞི་ཀ་དག་ཁྲེགས་ཆོད་རྫོགས་པ་ཆེན་པོའི་དགོངས་པ་མངོན་དུ་གྱུར་ནས་རང་བྱུང་ལྷུན་གྲུབ་ཐོད་རྒལ་གྱི་སྣང་བཞི་མཐའ་རུ་ཕྱིན་པའི་གནས་ལུགས་རྫོགས་པ་ཆེན་པོའི་རྣལ་འབྱོར་མ་ཨ་མ་ཨོ་རྒྱན་སྒྲོལ་མ་ཉིད་རབ་གནས་ས་ཁྱི་འབྱུང་བ་བཞི་ལྡན་རྒྱལ་ཟླ་བའི་དབང་ཕྱོགས་མཁའ་འགྲོ་འདུ་བའི་དུས་བཟང་གི་སྔ་གྲོ་ཆུ་ཚོད་གསུམ་དང་སྐར་མ་སུམ་བཅུ་སོ་གསུམ་ལ་མཉམ་བཞག་དང་བཅས་དགོངས་པ་ཟབ་མོ་ཟག་མེད་གདོད་མའི་མགོན་པོ་ཡེ་ཤེས་ཆོས་སྐུའི་དབྱིངས་སུ་རྒྱལ་བ་ཀུན་ཏུ་བཟང་མོའི་ངོ་བོར་སངས་རྒྱས་སུ་ཟིན། རང་བཞིན་འགགས་མེད་ཀྱི་སྣང་ཆ་ཟངས་མདོག་དཔལ་རི་དང་རིགས་ལྔའི་ཞིང་དང་ས་སྤྱོད་སོགས་གནས་གསུམ་མཁའ་འགྲོ་རྒྱ་མཚོའི་ཞིང་དང་འགྲོ་ཁམས་ལ་ཕན་བདེ་སྒྲུབ་པའི་ཕྲིན་ལས་མཛད་པར་སྨོས་ཅི་འཚལ། མ་ལུས་འགྲོ་ལ་ཕན་བདེའི་ཕྱིར་དང་ཚོགས་གཉིས་རྒྱ་མཚོས་འཐེབ་རྩ་རུ་དཔལ་ཡ་ཆེན་འདས་ལོག་མཁའ་འགྲོ་ཡིད་བཞིན་ནོར་བུ་ཚུལ་ཁྲིམས་དབང་མོས་དངོས་སུ་མར་མེ་ཁྲི་མཆོད་གཅིག་ཨ་མ་རིན་པོ་ཆེའི་ཆེད་དུ་མཆོད་འབུལ་ཆོས་སྦྱིན་གནང་བ་ལ་སྙིང་ནས་བཀའ་དྲིན་ཆེ་ཞུ་དང་། མཁའ་འགྲོ་མ་རྣམས་བསྟན་འགྲོའི་དཔལ་མགོན་དུ་ནམ་མཁའ་མ་ཞིག འཁོར་བ་མ་སྟོང་བར་དུ་གསང་གསུམ་བརྟན་པའི་སྨོན་ལམ་དང་བཞེད་དོན་ཀུན་ལྷུན་གྲུབ་ཏུ་སྨོན་ནོ།། ——-ཨེ་མ་ཧོས
