ཀུན་ཕན་ཨ་བུ་མ་ལོ་དྲན་པའི་མེ་ལོང་།ཀྱེ་ཀྱེ།།སྣང་སྲིད་རྣམ་དག་མཉམ་ཉིད་ཀྱི་ཞིང་ན།།རིག་འཛིན་རྒྱལ་པོ་ཨོ་རྒྱན་གྱི་རྒྱལ་ཚབ།།ཆོས་བརྒྱད་དོར་བའི་ས་ཐོབ་ཀྱི་སེམས་དཔའ།།སྙིང་གྲོགས་དྭངས་གཙང་ཨ་བུ་ཁྱེད་དྲན་ནོ།། འཇིག་རྟེན་ནད་མུག་མུན་ནག་གི་ཁྲོད་ན།།སྲོག་དམར་ཤོར་བའི་མི་རྟག་ཉིད་མཐོང་ཚེ།།བསླུ་མེད་བརྩེ་བའི་སྙིང་གྲོགས་ཀྱི་དྭངས་མ།།ཨ་བུ་མ་ལོ་ཁྱོད་སྙིང་དབུས་ནས་དྲན་ནོ།། འཁྲུལ་སྣང་འཁོར་འདས་འདུ་འཛི་ཡི་གྲོང་ན།།བྱ་བྱེད་རྣམ་གྲངས་མང་བའི་མགོ་སྐོར་འདི་མཐོང་ཚེ།།འཁྲུལ་མེད་དམ་པའི་ཆོས་ལ་བློ་སྙིང་ཀུན་གཏད་པའི།།ཨ་བུ་ཆོས་པ་ཁྱེད་ཉིད་སེམས་ཁུངས་ནས་དྲན་ནོ།། འཁོར་འདས་ཕྱོགས་ལྷུང་བྲལ་བའི་སངས་རྒྱས་ནི་གསོན་པོ།།ཕན་བདེའི་གྲོགས་བཟང་དམ་པའི་རང་གཤིས་ཉིད་དྲན་ཚེ།།ཤར་ནུབ་རྒྱ་མཚོས་བསྐལ་ཡང་ཁྱད་པ་ནི་འདུག།ཨ་བུ་མ་ལོས་དད་དམ་སྙིང་དབུས་སུ་གཏམས་ཡོད།། མ་མོའི་དལ་ཡམས་དགའ་བའི་ཏང་སྲིད་ཀྱི་ཐོ་ཅོ།།སྙིང་བརྩེ་ཁ་ལ་ཁྱེར་བའི་གཏོང་ལེན་གྱི་འུད་གོག།འགྲོ་ཁམས་སྡུག་ལ་སྤྲོ་བའི་སྙིགས་སྤྱོད་ལ་བསམ་ཚེ།།ཨ་བུ་པདྨ་དཀར་པོའི་རང་ལུགས་དེ་དྲན་སོང་།།————-གློ་བུར་འཕྲལ་རྐྱེན་ཞིག་གིས་ཨེ་མ་ཧོས

སངས་རྒྱས་སྨན་གྱི་བླ་མའི་སྒྲུབ་ཐབས་བདུད་རྩིའི་བུམ་བཟང་།།སྦྱོར་དངོས་རྗེས་གསུམ་ལས་དང་པོ་སྐྱབས་སེམས་ནི།།ཨ༔རང་རིག་ཀུན་བཟང་སངས་རྒྱས་སྨན་བླ་ལ།།ཡེ་གྲོལ་ཀ་དག་ངོ་བོར་སྐྱབས་སུ་མཆི།།འོད་གསལ་ལྷུན་གྲུབ་རང་བཞིན་སེམས་བསྐྱེད་ནས།།འགྲོ་ཀུན་ཐུགས་རྗེས་སྒྲོལ་བར་སེམས་བསྐྱེད་དོ།།དངོས་གཞིའི་སྒོམ་དངོས་ནི།ཨ༔གདོད་མའི་ཆོས་དབྱིངས་ཀུན་ཁྱབ་ཀློང་ཡངས་ནས༔རང་བྱུང་འགགས་མེད་ལྷུན་གྲུབ་འོད་གསལ་ངང་༔རང་རྩལ་རང་ཤར་སངས་རྒྱས་སྨན་བླའི་སྐུ༔མཐིང་མདོག་པདྨ་ཉི་ཟླའི་གདན་ལ་བཞུགས༔ཞལ་གཅིག་ཕྱག་གཉིས་རྡོ་རྗེ་དཀྱིལ་དཀྲུངས་བཅས༔ཕྱག་གཡས་ནད་སེལ་ཨ་རུའི་སྨན་མཆོག་དང་༔གཡོན་པས་སྨན་གྱི་ལྷུང་བཟེད་བདུད་རྩིས་གང་༔ཆོས་གོས་གསུམ་གསོལ་གཟི་དཔལ་ལྷམ་མེ་གསལ༔གསང་གསུམ་གནས་ལས་ཨོཾ་ཨཱཿཧཱུཾ་གསུམ་འཕྲོས༔སེམས་ཅན་ཀུན་གྱི་ལས་ཉོན་བག་ཆགས་སེལ།།ཀུན་ཀྱང་ཀུན་ཏུ་བཟང་དང་སྐལ་བ་མཉམས༔སྣང་བ་སྨན་བླའི་མཚན་དཔེའི་ལང་ཚོ་དག༔སྲིད་པ་སྒྲིབ་སངས་རྒྱས་པ་ལོངས་སྤྱོད་རྫོགས༔སྣང་སྲིད་ཡེ་ཤེས་སྒྱུ་འཕྲུལ་དྲྭ་བར་སྨིན།།ཀུན་བཟང་རིག་འཛིན་ངང་ནས་གཟུངས་སྔགས་བཟླའ།།ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ ཏདྱ་ཐཱཿ ཨོཾ་བྷཻ་ཥ་ཛྱ་བྷཻ་ཥ་ཛྱ་མཧཱ་བྷཻ་ཥ་ཛྱ་རཱ་ཛ་ས་མུཏྒ་ཏེ་ཡེ་སྭཱ་ཧཱ༔ཅི་ནུས༔ མཐར་བསྔོ་བ་སྨོན་ལམ་ནི༔འགྲོ་ཀུན་སྡུག་བསྔལ་རྒྱུ་འབྲས་ཡོངས་སུ་བྲལ།།༔ཚེ་རིང་ནད་མེད་གང་བསམ་ཡིད་བཞིན་འགྲུབ༔ཕན་དང་བདེ་བས་འདི་ཕྱི་དོན་དང་ལྡན༔ཀུན་བཟང་ཆོས་གདོད་མའི་ས་ལ་ཕྱིན་པར་ཤོག༔སྙིགས་དུས་སེམས་ཅན་སྨན་པའི་ཕྱིར༔ ནད་སེལ་སངས་རྒྱས་སྨན་བླ་ཡི༔སྒྲུབ་ཐབས་བདུད་རྩིའི་བུམ་པ་བཟང་༔དམ་ཚིག་ལྡན་པས་ཉནས་སུ་ལོངས༔ ས་མ་ཡ༔ ཤྲཱིཿཨེ་མ་ཧོའི་རིག་ཀློང་ནམ་མཁའ་མཛོད་ཀྱི་ཆོས་སྡེ་ལས་ཁོལ་དུ་བྱུང་བར་དགེའོ།། །།

༧སྒྲུབ་དཔོན་དམ་པ་ངག་དབང་རྡོ་རྗེ་མྱུར་བྱོན་གསོལ་འདེབས་མ་ལི་ཀའི་ཕྲེང་བ་ཞེས་བྱ་བ།ན་མོ་གུ་རུ་རཏྣ་ཏྲ་ཡཱ་ཡ།།ངག་དབང་ཡེ་ཤེས་དམ་པའི་རང་གཟུགས་ཉིད།།ཚེ་དང་སྒྲུབ་པའི་དཔག་བསམ་ལྗོན་བཟང་བརྟས།།ཡང་གསང་བསྟན་ལ་སྨན་པའི་རྡོ་རྗེ་འཛིན།།སྒྲུབ་དཔོན་དམ་པ་ཡང་སྤྲུལ་མྱུར་འབྱོན་གསོལ།།གནུབས་ཆེན་སངས་རྒྱས་དམ་པའི་བཀའ་མ་དང་།།གཏེར་ཆེན་གནམ་ལྕགས་གླིང་བའི་གཏེར་མ་ལ།།ཨེ་ཝཾ་ཚེ་དང་སྒྲུབ་པའི་རྣལ་འབྱོར་བ།།ངག་དབང་ཡེ་ཤེས་རྡོ་རྗེ་མྱུར་བྱོན་གསོལ།།ཐུགས་དམ་བདེ་ཆེན་བཙན་ས་ཟིན་པའི་ཕྱིར།།ངེས་དོན་ཆོས་ཀྱི་སྒྲུབ་དཔོན་རིན་པོ་ཆེ།།བཀའ་གཏེར་བསྟན་པ་འཛིན་སྐྱོང་སྤེལ་བའི་ཕྱིར།།རྣལ་འབྱོར་ཉི་གཞོན་གསར་བ་མྱུར་ཕེབས་ཤོག།།དུས་བཞི་འཕོ་འགྱུར་བྲལ་བ་ཀ་དག་ཟླ།།འོད་གསལ་ཡེ་ཤེས་ལྷུན་གྲུབ་ཉི་མ་ལ།།ཀུན་ཕན་སྒྲུབ་དཔོན་ཡིད་བཞིན་ནོར་བུ་ཉིད།།རྫོགས་ཆེན་བསྟན་པ་སྤེལ་ཕྱིར་མྱུར་བྱོན་གསོལ།།ཞེས་པ་འདི་ཡང་རབ་གནས་ལྕགས་བྱི་དབོ་ཟླའི་དབང་ཕྱོགས་དགའ་བ་དང་པོར་རྨི་ལམ་ནང་ནས་རིན་པོ་ཆེས་དད་སྐུལ་ལས་གང་ཤར་དུ་དབྱིན་ཡུལ་ཨེ་ཝཾ་རྫོགས་ཆེན་ཆོས་སྒར་ནས་མཁན་ཆེན་བླ་མ་དཔལ་དགྱེས་པ་རྡོ་རྗེ་རུ་འབོད་པས་གསོལ་བ་འདེབས་པར་དེ་དེ་བཞིན་དུ་འགྲུབ་པར་གྱུར་ཅིག་གུ།།

༄༅།།ཨོ་རྒྱན་གུ་རུ་རིན་པོ་ཆེའི་གསོལ་འདེབས་ཙིཏྟ་མ་ཎིའི་མགུལ་རྒྱན།།Orgyen Guru Rinpoche’s prayer: “Necklace of Wish-Fulfilling Jewells “.ཨེ་མ་ཧོ༔ སྣང་སྲིད་རྣམ་དག་ཟངས་མདོག་དཔལ་རི་ནས༔EMAHO / NANGSI NAMTAK ZANGDOK PALRI NÉIn the Glorious Copper-Coloured Mountain Pure Land,pristine pure nature of appearance and existence,རྒྱལ་བ་ཀུན་འདུས་གུ་རུ་པདྨ་འབྱུང་༔GYALWA KÜNDÜ GURU PEMA JUNGTo Padmasambhava, who is embodiment of all Victorious,གསོལ་བ་འདེབས་སོ་འགྲོ་ཀུན་སྡུག་བསྔལ་སོལ༔SOLWA DEP…

དཔྱིད་དཔལ་བཞད་པའི་འཇའ་ཟེར།།ཨ་ཧོ་ཡ།།ཨ་མ་ནོར་འཛིན་སྒེག་མོའི་ལྟེ་བ་རུ།།སྔོ་ལྗང་ལོ་འདབ་བཀྲ་བའི་ནགས་ཀླུང་དུ།།རྩི་ཤིང་མེ་ཏོག་བཀྲ་པའི་དྲི་ཞིམ་ཁྲོད།།གཡུ་སྦྲང་བྱེ་ལབ་ཚོགས་དང་མཉམ་དུ་རྩེད།།ཡར་ལ་བལྟས་ན་མཁའ་དབྱིངས་འཇའ་འོད་ཀློང་།།རྟ་བདུན་དབང་པོ་གཟི་མདངས་ལྷག་པར་མངོན།།དྲོད་བཅུད་སྣང་བ་སྦྱིན་པའི་ལྷ་བུ་ལ།།བཀའ་དྲིན་གསོས་ཕྱིར་ཐོད་རྒལ་རྟོགས་འབུལ་མཆིས།།བར་སྣང་དྲོ་གྲང་མཉམ་པའི་བར་གསེང་དུ།།མཁའ་དབུགས་གཙང་པ་དག་པའི་ཞིང་དང་མཚུངས།།ཀུན་བཟང་བདེ་དགའ་གནང་བའི་གུང་སངས་སྐབས།།ནུབ་ཕྱོགས་བྱ་སྒོང་རོལ་བའི་དགའ་སྟོན་ཚེས།།དཔྱིད་དཔལ་ཁྱིམ་ནས་རོལ་བའི་དགའ་སྐྱིད་ལ།།དབྱར་དུས་བདེ་ཆེན་དགའ་བའི་གླུ་བྲོ་ཉིད།།སྟོན་བཟང་འབྲས་སྨིན་རྟེན་འབྲེལ་དགེ་ལེགས་དཔལ།།དགུན་འཁྱག་དྲོ་བའི་སྨོན་ལམ་མཐའ་རུ་ཕྱིན།།ཨེ་མ་ཧོས་ཨེ་ཝྃ་རྫོགས་ཆེན་ཆོས་སྒར་ནས་སྤྱི་ལོ་༢༠༡༠/༤/༡༡་ལའོ།། །།

ནད་བཟློག་བསྐལ་བའི་མེ་དཔུང་རབ་འབར།།ཧཱུཾ་ཧཱུཾ་ཧཱུཾ།།བདེ་ཆེན་དབང་དྲག་འབར་བའི་མེ་ཀློང་ནས།།ནད་གདོན་རྡུལ་ཕུང་མ་ལུས་བསྲེག་མཛད་མ།།རྒྱལ་ཀུན་དཔལ་མོ་སེངྒེའི་གདོང་ཅན་མས།།ནད་ངན་རྒྱུ་དང་བཅས་པ་དབྱིངས་སུ་བཟློག།རྒྱལ་བ་ཀུན་འདུས་ཨོ་རྒྱན་རྡོ་རྗེ་འཆང་།།ཡི་དམ་ཀུན་རྒྱལ་གུ་རུ་དྲག་པོའི་དཔལ།།མཁའ་འགྲོ་རྒྱལ་མོ་སེང་གདོང་དྲག་མོ་དང་།།ཆོས་སྐྱོང་དྲག་པོས་ནད་གདོན་ད་སྒྲོལ་ཅིག།མ་མོའི་དལ་ཡམ་བཟློག་མཛད་དྲག་པོའི་ཚོགས།།དྲག་རྩལ་མཐུ་སྟོབས་ངོམས་པའི་དུས་ལ་བབས།།ཁྱད་པར་བྱ་ཁྱུང་དྲག་པོ་གྷ་རུ་ཌཱས།།ནད་གདོན་རྡུལ་ཕུང་བསྲེག་པའི་ཕྲིན་ལས་མཛོད།།ཕྱི་ཕུང་རྡུལ་ནད་མེ་ཆུས་ནང་དུ་བསྲེགས།།ནང་སེམས་རྣམ་རྟོག་ཞི་ལྷག་ངང་དུ་དེངས།།གསང་སྔགས་ཚུལ་བཞིན་སྒྲུབ་པའི་དམ་ཚིག་ལས།།ཡང་གསང་ཕྱོགས་ལས་རྣམ་པར་རྒྱལ་གྱུར་ཅིག།སྣང་བ་དག་པ་ལྷ་ཡི་ཞིང་ཁམས་མཇལ།།སྲིད་པའི་ལོངས་སྤྱོད་རིག་པའི་རྒྱན་དུ་ཤར།།སྣང་སྲིད་ཀུན་བཟང་སྒྱུ་འཕྲུལ་དྲཱ་བར་རྫོགས།།འགྲོ་ཀུན་སྨིན་གྲོལ་རྒྱལ་བའི་སྐུ་ཐོབ་ཤོག།ཅེས་པ་འདི་ཡང་རབ་གནས་ལྕགས་བྱིའི་དབོ་ཟླའི་དབང་ཚེས་རྒྱལ་བ་དང་པོར་དབྱིན་ཡུལ་ནས་ཉི་མ་རེ་བཞིན་མི་གྲངས་སྟོང་ཕྲག་རེ་ཀོ་རོ་ནས་འཆི་རྐྱེན་མཐོང་བའི་མོད་ལ་རྩ་གསུམ་ཆོས་སྐྱོང་ལ་ར་མདའ་སྒྲོན་པའི་དྲག་བསྐུལ་ནད་བཟློག་གི་ཆེད་དུ་ཤྲཱིཿསྨྱོན་ཨེ་མ་ཧོས་གུ་རུའི་ཐུན་མཚམས་ན་གསོལ་བ་འདེབས་པར་དགེའོ།། །།