རིག་འཛིན་བརྒྱད་ཀྱི་གསོལ་འདེབས་ཨེ་ཝྃ་ཀུན་གསལ།།ན་མོ་མ་ཧཱ་གུ་རུ་བུདྡྷ་ཛྙཱ་ན་ཡེ།།ཀ་དག་ཆོས་སྐུའི་ངོ་བོ་ཀུན་ཏུ་བཟང་།།ལྷུན་གྲུབ་ལོངས་སྐུའི་རང་བཞིན་རྡོ་རྗེ་སེམས།།སྣ་ཚོགས་སྤྲུལ་སྐུའི་ཐུགས་རྗེ་པདྨ་འབྱུང་།།རིག་འཛིན་དྲག་སྔགས་གླིང་པར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ཤར་ཕྱོགས་དུར་ཁྲོད་བསིལ་བ་ཚལ་གྱི་གནས།།ཡང་དག་ཐུགས་ཀྱི་གཏེར་ལ་དབང་འབྱོར་ནས།།གཉུག་སེམས་ཞི་བདེ་རྡོ་རྗེས་གྲུབ་བརྙེས་པ།།རིག་འཛིན་ཧཱུྃ་ཆེན་ཀཱ་རར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ནུབ་ཕྱོགས་དུར་ཁྲོད་ཀུ་ལ་རྫོགས་པའི་གནས།།འཇམ་དཔལ་སྐུ་ཡི་གཏེར་ལ་དབང་འབྱོར་ནས།།ཀུན་བྱེད་ཡིད་བཞིན་ནོར་བུའི་གྲུབ་བརྙེས་པ།།རིག་འཛིན་འཇམ་དཔལ་བཤེས་གཉེན་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ནུབ་ཕྱོགས་དུར་ཁྲོད་པདྨ་བརྩེགས་པའི་གནས།།པདྨ་གསུང་གི་གཏེར་ལ་དབང་འབྱོར་ནས།།སྣང་སྲིད་དབང་དུ་བསྡུད་པའི་གྲུབ་བརྙེས་པ།།རིག་འཛིན་ཀླུ་སྒྲུབ་སྙིང་པོར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།བྱང་ཕྱོགས་དུར་ཁྲོད་ལངྐ་བརྩེགས་པའི་གནས།།ཕུར་པ་འཕྲིན་ལས་གཏེར་ལ་དབང་འབྱོར་ནས།།ཁམས་གསུམ་ཡོངས་སུ་སྒྲོལ་བའི་གྲུབ་བརྙེས་པ།།རིག་འཛིན་པྲ་བྷ་ཧསྟིར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ཤར་ལྷོར་དུར་ཁྲོད་ལྷུན་གྲུབ་བརྩེགས་པའི་གནས།།རྦོད་གཏོང་མ་མོའི་གཏེར་ལ་དབང་འབྱོར་ནས།།བདེ་ཆེན་ལང་ཚོ་རྒྱས་པའི་གྲུབ་བརྙེས་པ།།རིག་འཛིན་དྷ་ན་སངཀྲྀར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ལྷོ་ནུབ་དུར་ཁྲོད་གསང་ཆེན་རོལ་བའི་གནས།།ཡོན་ཏན་བདུད་རྩིའི་གཏེར་ལ་དབང་འབྱོར་ནས།།འཕོ་ཆེན་འཇའ་ལུས་མཆོག་གི་གྲུབ་བརྙེས་པ།།རིག་འཛིན་བི་མ་མི་ཏྲར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ནུབ་བྱང་དུར་ཁྲོད་ཧེ་ཆེན་བརྡལ་བའི་གནས།།འཇིག་རྟེན་མཆོད་བསྟོད་གཏེར་ལ་དབང་འབྱོར་ནས།།བདུད་སྡེའི་གཡུལ་ལས་རྒྱལ་བའི་གྲུབ་བརྙེས་པ།།རིག་འཛིན་རམ་བུ་གུ་ཧྱར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།བྱང་ཤར་དུར་ཁྲོད་འཇིག་རྟེན་བརྩེགས་པའི་གནས།།དྲག་སྔགས་དམོད་པའི་གཏེར་ལ་དབང་འབྱོར་ནས།།ཕས་རྒོལ་མ་ལུས་འཇོམས་པའི་གྲུབ་བརྙེས་པ།།རིག་འཛིན་ཤིནྟིྃ་གརྦྷར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།འོག་མིན་དུར་ཁྲོད་མེ་རི་འབར་བའི་གནས།།ཆོས་ཀུན་སྒྲུབ་རྒྱུད་གཏེར་ལ་དབང་འབྱོར་ནས།།གདོད་མའི་ཀུན་བཟང་སངས་རྒྱས་གྲུབ་བརྙེས་པ།།རིག་འཛིན་པདྨ་ཀ་རར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།སྒོ་གསུམ་རྒྱལ་བའི་ཞིང་ཁམས་རྣམ་པར་དག།སྐུ་གསུམ་ཡོན་ཏན་ཕྲིན་ལས་རབ་ཏུ་རྫོགས།།ཁམས་གསུམ་འགྲོ་ཀུན་མ་ལུས་ཡོངས་སུ་སྨིན།།མཆོག་གསུམ་རྒྱལ་བའི་གོ་འཕང་མྱུར་ཐོབ་ཤོག།ཅེས་པ་འདི་ཡང་རབ་གནས་འབྱུང་བ་ལྔ་ལྡན་ལྕགས་བྱིའི་དབོ་ཟླ་བའི་དབང་ཕྱོགས་རྒྱལ་བ་དང་པོར་གཏེར་ཆེན་དྲག་སྔགས་གླིང་པའི་ཡང་སྲིད་རིག་འཛིན་ནམ་མཁའ་རྒྱ་མཚོ་རིན་པོ་ཆེ་དང་མཁན་པོ་ཨེ་ཝྃ་རིག་པས་གསུང་བསྐུལ་དང་། འཕགས་བོད་ཀྱི་རིག་འཛིན་ཡོངས་ལ་མི་ཕྱེད་པའི་དད་གུས་ཅན། རྒྱལ་ཁམས་པ་ཨེ་མ་ཧོས་རིག་འཛིན་དགུ་ཡི་མཚན་ཉིད་དབྱིན་ཡིག་གི་༼ Eight Vidyadharas. Manjushrimitra, Nagarjuna, Hungkara,Vimalamitra,Prabhahasti, Dhana Sanskrita, Shintam Garbha, Guhyachandra༽ མཚན་ཙམ་ལ་བརྟེན་ནས་གང་ཤར་ཐོལ་བྱུང་དུ་ཤར་བ་ལ་བཅོས་བསྒྱུར་མེད་པར་ཨེ་ཝྃ་རྫོགས་ཆེན་ཆོས་སྒར་ནས་གསོལ་བ་བཏབས་པས་སྔ་འགྱུར་རིག་འཛིན་རྒྱལ་བའི་བསྟན་པ་རྒྱས་པའི་རྒྱུ་རུ་གྱུར་ཅིག་གུ། སརྦ་ཤྲཱིཿམངྒ་ལྃ་བི་ཛ་ཡནྟུ།།

ཐུགས་རྗེ་ཆེན་པོའི་ཡེ་གེ་དྲུག་པའི་གསོལ་འདེབས་བྱིན་རླབས་མྱུར་འགྱོགས་ཞེས་བྱ་བ་བཞུགས། ན་མོ་གུ་རུ་ལོ་ཀི་ཤཱ་ར་ཡ། །ཇོ་བོ་ཐུགས་རྗེ་ཆེན་པོ་ལ་ཕྱག་འཚལ་ལོ། ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།མགོན་སྤྱན་རས་གཟིགས་ལ་སྐྱབས་སུ་མཆི། །མ་འགྲོ་དྲུག་དོན་དུ་བྱང་སེམས་བསྐྱེད། །བྱམས་སྙིང་རྗེ་དགའ་བ་བཏང་སྙོམས་བསྒོམ། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། དབྱིངས་ཏིང་འཛིན་གསལ་བའི་ཆོ་འཕྲུལ་ལས། ། དཔལ་ཀུན་ཏུ་བཟང་པོ་མཆོད་པའི་སྤྲིན། །ཡུལ་མཁའ་ཁྱབ་རྒྱུན་མི་ཆད་པར་འབྱུང་། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཆོས་ཐམས་ཅད་སྟོང་པ་ཉིད་ཀྱི་ངང་། ། གནས་ཡུལ་ཀུན་རི་བོ་པོ་ཏ་ལའི། །ཞིང་གཞལ་ཡས་ཁང་བཅས་གསལ་ལ་རྫོགས། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། དེ་དབུས་སུ་རང་ཉིད་སྤྱན་རས་གཟིགས། ། སྐུ་དཀར་གསལ་འོད་ཟེར་འབུམ་ཕྲག་འཕྲོ། །མཚན་དཔེ་བྱེད་ཞི་འཛུམ་སྒེགཔའི་ཉམས། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།…

ཞི་གནས་དཔེ་རིས་ཀྱི་མཚོན་དོན་དང་ཞི་གནས་བཞག་ཐབས་དགུའི་སྐོར།འདི་ལ་ཞི་གནས་ཀྱི་རྒྱུ་ཚོགས་དྲུག་ལ་གནས་པའི་སྒོམ་པ་པོས། ལེ་ལོ་དང་། གདམས་ངག་བརྗེད་པ། བྱིང་རྒོད། འདུ་མི་བྱེད་པ། འདུ་བྱེད་པ་སྟེ་ཏིང་ངེ་འཛིན་གྱི་ཉེས་པ་རྣམས་ཤེས་པར་བྱས་ནས་ཉེས་པ་དང་པོའ་ིགཉེན་པོ་དད་པ། འདུན་པ། ཤིན་སྦྱངས། རྩོལ་བ་བཞི། གཉིས་པའི་གཉེན་པོར་དྲན་པ། གསུམ་པའི་གཉེན་པོར་ཤེས་བཞིན། བཞི་པའི་གཉེན་པོར་འདུ་བྱེད་པ། ལྔ་པའི་གཉེན་པོར་བཏང་སྙོམས་ཏེ་གཉེན་པོ་འདུ་བྱེད་བརྒྱད་བསྟེན་ནས་སྒྲུབ་དགོས་ལ། དེ་དག་ཀྱང་སེམས་གནས་དགུར་ཕྱེ་བ་དང་། དེ་རྣམས་སྟོབས་དྲུག་གིས་འགྲུབ་ལུགས་དང་། ཡིད་བྱེད་བཞིར་སྡུད་ཚུལ་རྣམས་ཤེས་ན་ཏིང་ངེ་འཛིན་སྐྱོན་མེད་བདེ་བླག་ཏུ་འགྲུབ་པར་གསུངས་པས་གླང་པོ་ཆེ་མ་དུལ་བ་འདུལ་བའི་དཔེ་དང་སྦྱར་ཏེ་གོང་དུ་རི་མོ་བཀོད་པ་རྣམས་ཀྱི་མཚོན་དོན་རགས་རིམ་འགོད་པ་ལ།ལམ་གྱི་ཁུགས་པ་དྲུག་གིས་སྟོབས་དྲུག་མཚོན་པ་དང་། ཞགས་པས་དྲན་པ་དང། ལྕགས་ཀྱུས་ཤེས་བཞིན་མཚོན། སེམས་གནས་དང་པོ་ནས་བདུན་པའི་བར་མེ་ལྕེ་ཡོད་མེད་དང་། ཆེ་ཆུང་གི་ཁྱད་པར་བཀོད་པས་ནི། དྲན་ཤེས་ཀྱི་འབད་རྩོལ་ཆེ་ཆུང་གི་ཁྱད་པར་མཚོན། གླང་པོས་སེམས་དང་། ཁ་དོག་ནག་པས་བྱིང་བ་དང། སྤྲེའུས་འཕྲོ་བ་དང་། མདོག་ནག་པས་རྒོད་པ་དང། འདོད་ཡོན་ལྔས་ནི་རྒོད་པའི་ཡུལ་མཚོན།ཁུགས་པ་གཉིས་པ་ནས་བཟུང་གླང་པོའ་ིམགོ་ནས་དཀར་ཆ་རིམ་གྱིས་འཕེལ་བ་དེས་གསལ་ཆ་དང་། གནས་ཆ་ཇེ་འཕེལ་དུ་འགྲོ་བ་མཚོན།ཁུགས་པ་གསུམ་པར་རི་བོང་ཁ་དོག་ནག་པས་བྱིང་བ་ཕྲ་མོ་མཚོན་པས། འདིར་བྱིང་བ་ཕྲ་རགས་སོ་སོར་ངོས་ཟིན་པ་མཚོན། ཕྱི་མིག་བལྟ་བ་ནི། སེམས་གཡེང་བའོ། །ཁུགས་པ་བཞི་པར་སྤྲེའུ་རྗེས་ལ་ལུས་པས་རྒོད་པ་སྔོན་ལ་སྐྱེ་བའི་ནུས་པ་ཉམས་པ་མཚོན། སྤྲེའུས་ལྗོན་ཤིང་ལས་འབྲས་བུ་ལེན་པ་ནི་ཞི་གནས་སྒྲུབ་སྐབས་སེམས་དགེ་བའི་ཕྱོགས་ལ་འཕྲོ་བ་བར་གཅོད་ཡིན་པས་འགོག་དགོས་ཀྱང་སྐབས་གཞན་དུ་མི་དགོས་པར་དོན་གཉིས་ཀྱི་འབྲས་བུ་ལེན་པ་མཚོན།ཁུགས་པ་ལྔ་པར་གླང་པོའི་ནག་ཆ་ཟད་ཅིང་སྤྲེའུ་དང་བྲལ་བས་ནི་ཐོག་མར་དྲན་ཤེས་ཅུང་ཟད་བསྟེན་ན་བྱིང་རྒོད་དང་འཕྲོ་བས་བར་དུ་གཅོད་མི་ནུས་པར་ཏིང་འཛིན་ཆད་མེད་དུ་འཇུག་པ་མཚོན་ནོ།།ཞི་གནས་བཞག་ཐབས་དགུའི་སྐོར།བསམ་གཏན་ལ་ཞི་གནས་དང་། ལྷག་མཐོང་༼ལྷག་པར་དུ་མཐོང་བའི་དོན༽ཟེར་བ་གཉིས་སུ་དབྱེ་ནས་བཤད་ཀྱི་ཡོད། ཞི་གནས་ཟེར་བ་ནི་སྤྱིར་ན་རང་སེམས་ཞི་བར་གནས་པའི་དོན་ཡིན་ཏེ། རང་གི་སེམས་ཕྱི་རོལ་ཡུལ་ལ་གཡེངས་བསྡད་པ་དེ་བཀག་ནས་ཉོན་མོངས་དུག་གསུམ་དེ་དག་ མེད་པ་ཆགས་ཏེ་རང་གི་བསམ་བློ་གཏོང་ས་དེ་དགེ་བའི་དམིགས་པ་ལ་བསམ་བློ་གང་འདྲ་ ཞིག་གཏོང་གིན་ཡོད་ནའང་དེའི་སྟེང་དུ་རང་གི་སེམས་ཞི་བར་གནས་ཐུབ་པ་དེ་ལ་ཟེར་ ཞིང་། བོད་དུ་གྲུབ་མཐའ་ཁག་གི་གསུང་ཚུལ་འདྲ་མིན་ཡོད་ཀྱང་། རྗེ་བླ་མ་ཙོང་ཁ་པའི་གསུང་སྲོལ་ལྟར་བཀོད་ན།…

སྙིང་གྲོགས་དགྱེས་པའི་ཐོལ་གླུ།།ན་མོ་གུ་ར་ཝེ།།མགོན་རྒྱལ་བ་ཀུན་འདུས་པདྨ་འབྱུང་།།དཔལ་ཆོས་སྐྱོང་གར་བསྒྱུར་སེང་ཆེན་རྗེ།།བུ་མོས་གུས་གདུང་བས་གསོལ་བ་འདེབས།།བསྟན་འགྲོ་ལ་ཕན་བདེ་ལྷུན་གྲུབ་སྩོལ།།སེང་དཀར་མོའི་རྟགས་ཀྱི་ཡུལ་གྲུ་ནས།།གནམ་སྤྲིན་ཆེན་འདབ་མ་ཐོད་ཀྱིས་བརྒལ།།ས་གོ་ལའི་ཡངས་རྩེ་དབྱིན་ཡུལ་ན།།རྐྱེན་བར་ཆད་མེད་པར་བདེ་བར་འབྱོར།།ཕྱི་རྒྱ་ནད་འཛམ་གླིང་སྤྱིར་ཁྱབ་ཀྱང་།།ནང་གྲོགས་མཆེད་སྙིང་དམར་ཆེ་བའི་ཕྱིར།།དོན་དཔལ་གདེང་ལྡན་པའི་རྣལ་འབྱོར་ང་།།ཛ་དྲག་པོས་བདེ་མྱུར་རི་ཁྲོད་ཕྱིན།།དབུ་ལྕང་ལོ་མཁའ་འགྲོ་བྱེ་བས་རྒྱན།།ལུས་རྩ་གནས་ཞི་ཁྲོ་རབ་འབྱམས་གཏམས།།དབུགས་འགྲོ་འོང་ཨོཾ་ཨཱཿཧཱུཾ་གིས་དབྱངས།།སེམས་གཡོ་མེད་རིག་ཀློང་ངང་དུ་བཞུགས།།ལུས་དཔལ་ཆེན་རྩ་རླུང་ཐིག་ལེ་དག།ངག་དགྱེས་པ་ཛབ་བཟླས་ལོངས་སྤྱོད་རྫོགས།།ཡིད་རྡོ་རྗེ་སངས་རྒྱས་ཡེ་ཤེས་སྨིན།།སྒོ་ལུས་ངག་ཡིད་གསུམ་བདེ་ལགས་སོ།།དཔའ་རྒྱ་སྟག་ངར་མ་འཛུམ་དྲུག་བརྟས།།གངས་སེང་ཆེན་དཀར་མོ་གཡུ་རལ་བརྗིད།།སྙན་གསེར་འབྲུག་སེར་པོས་རྔ་ཆེན་གྲགས།།དབྲ་ཁྱུང་སྲས་སྔར་བཞིན་བདེ་འཚམས་ལགས།།སྐུ་ཆོས་གོས་གསོལ་ཞིང་སྒོམ་ཐག་མཛེས།།གསུང་དཀོན་མཆོག་འཆད་པའི་ཚངས་དབྱངས་སྙན།།ཐུགས་འགྲོ་ཀུན་བྱམས་པའི་ཏིང་འཛིན་ཅན།།བུ་དགྲ་ལྷ་རྩེ་རྒྱལ་བདེ་ལེགས་སོ།།གནས་དབེན་པ་ཨེ་ཝཾ་ཆོས་སྒར་ན།།གྲོགས་བྱ་དང་བྱེའུའི་དབྱངས་རོལ་ཉན།།ཟས་བཅུད་ཆེན་རྩི་ཐོག་སྣ་ཚོགས་གསོལ།།དུས་ཉིན་མཚན་མེད་པར་ཞི་ལྷག་གོམས།།མ་དྲིན་ཆེན་འདས་པའི་གདུང་མཆོད་དང་།།བུ་དམ་ཚིག་ལྡན་ལ་སྲུང་སྐྱོབ་ཕྱིར།།ནད་རྡུལ་དུག་དགྲ་ལ་མ་འཇིགས་ནས།།ཕྱོགས་ཀུན་ནས་བདེ་ལེགས་ངང་དུ་མཆིས།།དྲིན་ཨ་མ་དྲན་ནས་སྨྱོས་ལ་ཁད།།གྲོགས་སྙིང་དམར་ཡོད་ནས་དགའ་ཡ་ལེ།།ངས་དགའ་སྐྱོ་དབེན་པའི་རི་ཀླུངས་ན།།བྱམས་སྙིང་རྗེ་སྒོམ་ནས་མཚམས་སུ་བཞུགས།།མགོན་པོ་སྐྱབས་ནསཕ་སྐྱེས་མཆོག་ནོར་བུ་དགྲ་འདུལ་གྱི།།བུ་གཅེས་ཕྲུག་སྣང་བུ་སྒོམ་ཐག་ཅན།།དཔའ་ཁེར་འགྲོ་དམར་ཡག་སྟག་གི་སྤུན།།སྐུ་གཟི་བརྗིད་ལྡེམ་མེ་བཞུགས་ལགས་སམ།།མ་སྐྱ་ལོ་སེང་ལྕམ་འབྲུག་མོ་ཡི།།བུ་འདང་ཆེན་ཨ་བུ་གྲུབ་རྟགས་ཅན།།ངག་དྲུག་འགྱུར་ཐལ་ལེ་བདེ་ལེགས་སམ།།གདོང་འབུམ་པའི་རྒྱ་ཚ་ཞལ་དཀར་གྱི།།བུ་ཚ་བོ་རིག་པའི་གཏེར་མཛོད་ཅན།།ཐུགས་ཏིང་འཛིན་ཀློངས་ན་བཞུགས་ལགས་སམ།།ཞེས་སྙིང་གྲོགས་སྨན་རམས་པ་མགོན་པོ་སྐྱབས་ཀྱི་འཕྲིན་ལན་དུ་ཨེ་མ་ཧོས་ཨེ་ཝཾ་རྫོགས་ཆེན་ཆོས་སྒར་ནས་འཕྲལ་དུ་ཕུལ་བར་དགེའོ།། །།

ལས་ཉོན་མ་རིག་རྨོངས་བའི་དྲྭ་གཟེབ་ན།།རིག་པའི་ཡེ་ཤེས་བོར་བའི་གཉིས་འཛིན་ཅན།།ཞེན་ཆགས་སྟོང་གི་བར་དུ་འཁྱམས་པ་བདག།།ཐུགས་རྗེའི་ཕྱག་གིས་སྐྱོར་དང་རྒྱལ་བའི་ཡུམ།། འདོད་སྲེད་སེམས་ཀྱི་གླང་སྨྱོན་མ་ཐུབ་ནས།།བག་མེད་ནགས་སུ་འཔྱན་པའི་མགོ་འཁོར་བདག།འདོད་ཡོན་འདམ་ལས་ཐར་བའི་དུས་མེད་ན།།སྙིང་རྗེའི་ལྕག་ཀྱུའི་འདྲེན་མཛོད་འཕགས་མ་ཀྱེ།། ཉིན་མཚན་ཀུན་དུ་འདི་སྣང་དཔལ་ལ་ཞེན།།ཚེ་རབ་རྒྱུད་མར་འཁོར་བའི་གྲོང་དུ་ལྷག།།ཡང་དག་སྣང་བས་རབ་དབུལ་ལས་ངན་ངས།།མ་ཁྱོད་གདུང་བས་འབོད་དོ་བརྩེ་བས་དགོངས།། བག་ཆགས་སེམས་ཀྱི་ཀུན་གཞི་མེ་ལོང་ངོས།།ཡིད་ཙམ་འཆར་བ་དེ་ནི་ཁྱེད་ཁོ་ན།།ལྷག་པའི་ལྷ་ཞེས་འུད་གོག་མ་ཡིན་ཡང་།།སྨོན་ལམ་ལས་ཀྱི་མེ་ཏོག་འཐོར་རམ་ཅི།།