ནད་སེལ་ཕུར་སྒྲུབ་གནམ་ལྕགས་རྡོ་རྗེའི་ཚ་ཟེར།སྐྱབས་སེམས་སྔོན་དུ་སོང་ནས།ཨོཾ་ཨཱཿཧཱུཾ་ཧྲཱི༔ཨེ་ཝཾ་ངང་ལས་རང་ཉིད་སྐད་ཅིག་གིས༔ནད་སེལ་དཔལ་ཆེན་རྡོ་རྗེ་གཞོན་ནུའི་སྐུ༔རབ་ཁྲོས་མཐིང་ནག་ཞལ་གཅིག་ཕྱག་བཞི་བ༔གཡས་གཡོན་དང་པོས་ཕུར་བུ་ཐོད་ཕོར་གསོལ༔གཡས་གཡོན་གཉིས་པས་རྡོ་རྗེ་དྲིལ་རྒྱ་བཅས༔དུར་ཁྲོད་ཆས་བརྒྱན་པདྨ་ཉི་ཟླའི་ཁར༔རུ་ཏྲ་ཕོ་མོ་བརྫིས་པའི་གདན་སྟེང་དུ༔ཞབས་བཞི་གྱད་ཀྱི་འདོར་སྟབས་ཚུལ་དུ་བཞུགས༔དབང་ཕྱུག་སྔོན་མོ་ཞལ་གཅིག་ཕྱག་གཉིས་པ༔གཡས་པ་ཕུར་བུ་གཡོན་པ་ཐོད་ཁྲག་དང་༔ཞབས་གཉིས་བདེ་སྟོང་རོལ་བས་ཡབ་ལ་འཁྱུད༔དམ་ཡེ་མེ་དཔུང་འབར་བའི་ཀློང་ན་གསལ༔སྣང་སྲིད་རྣམ་དག་སྒྱུ་འཕྲུལ་ལྷ་ཡི་དལ༔སྒྲ་གྲགས་ཡང་དག་གཟུངས་སྔགས་རོལ་པར་ཤར༔དྲན་རྟོག་ཀ་དག་ཆོས་ཉིད་འོད་གསལ་ངང་༔གང་ཤར་ཀུན་བཟང་དགོངས་པའི་ཀློང་ནས་བཟླའ།།ཨོཾ་བཛྲ་ཀཱི་ལི་ཀཱི་ལ་ཡ་རཀྵ་ཀྲོ་དྷ་ན་ཧཱུྃ་ཕཊ༔སྲོག་སྡོམ་གཟེར་བཞི་ལྡན་པའི་ངང་།།བརྒྱ་སྟོང་ཁྲི་འབུམ་བརྡ་རྟགས་འབྲས།།རྣལ་འབྱོར་སོ་སོའི་ཉམས་སྦྱོར་དང་།།རྡོ་རྗེ་གཞོན་ནུའི་དངོས་གྲུབ་ཐོབ།། དུས་མིན་ནད་རིགས་ཀུན་སེལ་ནས།།འཆི་མེད་བཙན་ས་ཟིན་པར་ངེས།།ས་མ་ཡ། རྒྱ་རྒྱ་རྒྱ།།ཕྱི་སྣོད་འབྱུང་བ་ཀྲོ་དྷའི་རིགས་ལྔར་དག།ནང་བཅུད་ཞི་ཁྲོ་ཕུར་བུའི་དཀྱིལ་འཁོར་རྫོགས།།གསང་བ་རྫོགས་པ་ཆེན་པོས་འགྲོ་ཀུན་སྨིན།།ཁམས་གསུམ་ཡོངས་གྲོལ་འཇའ་ལུས་འཕོ་ཆེན་ཤོག།ཅེས་པ་འདི་ཡང་རབ་གནས་ས་བྱིའི་རྒྱལ་ཟླའི་ཡར་ཚེས་དགེ་བར་ངོས་ལ་དད་དམ་འགྱུར་བ་མེད་པའི་ཆོས་གྲོགས་དམ་པ་སྣང་གསལ་པྲ་ལ་རང་དབང་ཐོབ་པའི་གཙང་བ་གྲུབ་ཆེན་རིག་མཆོག་རིན་པོ་ཆེས་ད་སྐབས་ཀྱི་ནད་ངན་འདི་མྱུར་དུ་ཞི་བའི་ཆེད་དུ་ཁྱེད་ཀྱི་ཐུགས་དམ་བསྲུང་བ་རྭ་གུར་ལས་མི་འདའ་བར་མཛད་དགོས་ཚུལ་དང་། མཛད་ནས་ཀྱང་ཁྱེད་ཀྱི་ཟབ་ཆོས་ཤིན་ཏུ་གལ་ཆེན་ཞིག་ངེས་པར་དུ་གསུང་དགོས། ཅེས་དང་། ཁྱད་པར་དཔལ་མཆོག་ཕུར་བའི་སྒོ་ནས་གསུང་ན་དགའ་ཞེས་ཐུགས་དམ་གཙང་མས་སྐུལ་བ་དང་། བླ་མ་དང་ལྷག་པའི་ལྷ་ལ་གསོལ་བ་དྲག་ཏུ་བཏབས་པའི་མོད་ལ་ཨེ་མ་ཧོས་རིག་ཀློང་ནམ་མཁའ་མཛོད་ཀྱི་ཆོས་སྡེ་ལས་ཕབས་པར་དགེའོ།། །།

དེ་རིང་དམིགས་བདལ་གིས་བདག་ལ་སྙིང་ཉེ་བ་དང་དད་དམ་གཙང་མའི་འཛམ་གླིང་ཤར་ནུབ་ནས་ཨ་མ་རྗེ་བཙུན་ཨོ་རྒྱན་སྒྲོལ་མའི་འདས་མཆོད་དང་ཐུགས་སྨོན་གནང་བར་བཀའ་དྲིན་ཆེ་ཞུ་དང་། དགེ་བས་འགྲོ་བ་ཀུན་ལ་འདི་ཕྱི་བར་དོ་བདེ་བའི་སྨོན་ལམ་བཅས་ཨེ་མ་ཧོས

ཨ་མ་རིན་པོ་ཆེ་མཁྱེན།ཨེ་མ་ཧོ།།ཨོ་རྒྱན་པདྨ་ཀ་རའི་དགོངས་པ་རྟོགས།།སྒྲོལ་མའི་རྟུལ་ཞུགས་དངོས་གྲུབ་འབྱུང་བའི་གནས།།ཨོ་རྒྱན་སྒྲོལ་མ་མཆོག་ལ་གསོལ་བ་འདེབས།།བསྟན་འགྲོའི་དོན་ཀུན་བདེ་མྱུར་ལྷུན་གྲུབ་སྩོལ།།ཨོཾ་ཨོ་རྒྱན་ཏཱ་ར་ཧཱུཾ་ཧྲཱིཿསྣང་གྲགས་རིག་པ་རྒྱལ་ཡུམ་ངང་དུ་དག།འོད་གསལ་སྙིང་པོ་ལྷུན་གྲུབ་དཔལ་དུ་རྫོགས།།ཕན་བདེའི་ལེགས་ཚོགས་མ་ལུས་འགྲོ་ལ་སྨིན།།ཀུན་བཟང་ཡེ་ཤེས་བླ་མའི་ས་ཐོབ་ཤོག།ཅེས་ཨ་མའི་འདས་མཆོད་ཐེངས་དང་པོར་དགེ་མང་ཨོ་རྒྱན་འོད་གསལ་ཆོས་གླིང་ནས་ཤྲཱིས་སྨོན་པར་དགེའོ།། །། སྤྱི་ལོ་༢༠༢༠ ཟླ་བ༡ ཚེས་༣༠ ལ།

ཨོ་རྒྱན་སྒྲོལ་མའི་ཞལ་གདམས་ཡིད་བཞིན་ནོར་བུའི་གའུ།The Wish-Fulfilling Reliquary Box:Advice from Orgyen Drölma (the Mother of Khenchen Lama Pelgyeypa Dorjé Rinpoché)貝扎法王之母 – 鄔金度母修持教言：滿願嘎嗚 ན་མོ་གུ་རུ་ཨཱརྱ་ཏཱ་ར་ཡེ།NAMO GURU ĀRYA TĀRAYE.皈依上師至尊救度母 དལ་འབྱོར་མི་རྟག་དགེ་སྡིག་ལས།།The freedoms and advantages, impermanence, virtuous and harmful karma:自在功德無常善惡業 བསླུ་མེད་ངེས་ཤེས་རིན་པོ་ཆེ།།The precious certainty of their inexorability;其性實為瑰寶且必然 ཡང་ཡང་དྲན་ཤེས་བག་ཡོད་ངང་།།In the state of…

ཨ་མའི་ལྟ་སྒོམ་སྤྱོད་པ་ཉི་ཟླ་སྐར་མའི་འོད་གསལ།།ཨེ་མ་ཧོ།།ཀ་དག་ཆོས་དབྱིངས་དགོངས་པ་ཀུན་བཟང་མོ།།ཞིང་སྣང་ལྷུན་གྲུབ་འོད་གསལ་བདེ་ཆེན་གནས།།ཟུང་འཇུག་སྣང་སྲིད་རྣམ་དག་རང་དབང་བསྒྱུར།།ཨོ་རྒྱན་སྒྲོལ་མའི་ཞབས་ལ་གསོལ་བ་འདེབས།།ཆོས་ཀུན་མཉམ་ཉིད་དག་པར་བྱིན་གྱིས་རློབས།།རང་སྣང་སྐུ་གསུམ་རྫོགས་པའི་དངོས་གྲུབ་སྩོལ།།ཀུན་བཟང་གདོད་མའི་རང་བཞིན་སྨིན་གྲོལ་ནས།།ཁམས་གསུམ་འཁོར་བ་དོང་ནས་སྤྲུགས་ནུས་ཤོག།བསམ་ཡས་མཆིམས་ཕུ་གངས་རི་ཐོད་དཀར་སོགས།།འཕགས་བོད་དབེན་གནས་སྒྲུབ་པའི་རྒྱལ་མཚན་བསྒྲེངས།།དོན་གཉིས་ལྷུན་གྲུབ་ཚེ་འདིར་སངས་རྒྱས་མ།།ཨོ་རྒྱན་སྒྲོལ་མའི་ཞབས་ལ་གསོལ་བ་འདེབས།།འཁོར་འདས་ཆོས་སྐུར་རྟོགས་པར་བྱིན་གྱིས་རློབས།།ཨ་མའི་རྣལ་འབྱོར།ཨཱཿདབྱིངས་སྣང་འོད་གསལ་ལྷུན་གྲུབ་རིག་པའི་རྩལ།།འཇའ་ཟེར་ཐིག་ལེའི་ཀློང་ན་རྗེ་བཙུན་མ།།སེར་གསལ་མཛེས་མཛུམ་སྐྱབས་སྦྱིན་ཕྱག་རྒྱ་ཅན།།བྱིན་རླབས་མཆོག་སྟེར་སྐྱབས་ཀུན་ངོ་བོར་གསལ།།ཡེ་ཤེས་སྐུ་ཅན་གདོད་མའི་ཀུན་བཟང་མོར།།གུས་པས་ཕྱག་འཚལ་མཆོད་འབུལ་སྐྱབས་སུ་མཆི།།ཚེ་རབས་ཕྲེང་བར་འབྲལ་མེད་རྗེས་བཟུང་ནས།།བསྟན་འགྲོའི་དོན་ཀུན་བདེ་མྱུར་ལྷུན་གྲུབ་མཛོད།།ཨོཾ་ཨོ་ཌཱི་ཡ་ཏཱ་ར་སིདྡྷི་ཧཱུཾ།། ཅི་ནུས་མཐར།ཏཱ་ར་དགྱེས་པས་འོད་ཞུ་རང་ལ་ཐིམ།།ཡེ་ཤེས་ཨ་མའི་རྩལ་དབང་སེམས་ལ་རྫོགས།།རང་རིག་ཆོས་ཟད་དགོངས་པ་ཨ་མའི་ཐུགས།།ཆོས་ཀུན་མཉམ་ཉིད་ཀློང་དུ་ཨེ་མ་ཧོ།།ཞེས་པའི་དོན་ལ་ཅི་ནུས་སུ་མཉམ་པར་བཞག་ནས་རྒྱུན་གྱི་སྤྱོད་ལ་ཇི་བདེར་འཇུག་གོ། ཞེས་པའང་རབ་གནས་ས་ཁྱིའི་རྒྱལ་ཟླའི་དབང་ཕྱོགས་རྒྱལ་བ་གཉིས་པར་། ཆུང་ནས་དད་གུས་དམ་ཚིག་ལ་འགྱུར་བ་མེད་པའི་ཨ་ནེ་དཔལ་ལྡན་ཆོས་སྒྲོན་དང་། རིག་འཛིན་ནམ་མཁའ་རྒྱ་མཚོ་དང་། སྲས་མོ་ཨརྱ་ཏཱ་ར་སོགས་ཀྱིས་ངོར་ཨེ་ཝཾ་ཛྙཱ་ན་གུ་རུའི་ལྷ་ཁང་དུ། ཨ་མའི་ཐུགས་དམ་ཟག་མེད་བདུད་རྩིས་བྱིན་རླབས་སྩལ་བཞིན་པའི་སྐབས་སུ། ཨ་མའི་ཉེ་གནས་པ་ཤྲཱིཿཨེ་མ་ཧོས་དད་གུས་དགོངས་རྒྱུད་བསྐུལ་ཕྱིར་བྱམས་བརྩེའི་དག་སྣང་མིག་ཆུའི་རྒྱ་མཚོ་ཆེན་པོའི་ཀློང་ནས་ཕུལ་བར་དགེའོ།། །།

སང་ཉིན་ནི་བདག་གི་ཨ་མ་རིན་པོ་ཆེའི་འདས་མཆོད་ཡིན། ཨེ་ཝཾ་མཁའ་འགྲོའི་གླིང་ཀ་རུ་མེ་ཏོག་གསར་པ་འགའ་རེ་ཡང་བཞད་འདུག དུས་ཚོད་དང་མི་རྟག་པ་འདི་ནི་ཅི་འདྲའི་མྱུར་མགྱོགས་དང་སྙིང་རྗེ་མེད་པ་རེད་ཨང་། ངེད་མ་བུ་ཁ་བྲལ་ནས་ལོ་གཅིག་ཏག་ཏག་ཁ་གང་སོང་བ་རེད། གང་ལྟར་བདག་གི་ནི་མགོན་གྱི་བླ་མ་དང་ཨ་མ་ཁྱེད་ནམ་ཡང་བརྗེད་མི་སྲིད། ངོས་ཀྱང་རྒྱ་ནག་འགྲོ་བ་འོས་ཧན་གྱི་ནད་ཡམ་ལ་གཏོང་ལེན་བཅས་བདག་གིར་བཞེས་ཏེ་ནད་ཡམས་རྒྱུན་གཅོད། འགྲོ་བ་སེམས་ཅན་ཀུན་ལ་ལུས་བདེ་སེམས་སྐྱིད་སྨོན་ནས་ཆོས་རྗེ་དམ་པ་དང་ཡུམ་ཆེན་ཨ་མའི་དྲུང་དུ་འགྲོ་ན་འདོད། མདོར་ན་བདག་གི་ཚོགས་བསགས་འདི་དག་ང་རྒྱལ་ངོམས་ཆོས་སུ་མ་ཡིན་པར་དྲིན་ཆེན་ཨ་མ་དང་རྒྱལ་ཀུན་དགྱེས་པའི་མཆོད་སྤྲིན་དུ་འབུལ་ལོ། ཨེ་མ་ཧོས་ཨ་མའི་འདས་མཆོད་ཀྱི་ཐུན་གསེང་ནས་་་་