༄༅། །ཉག་བླ་པདྨ་བདུད་འདུལ་གྱི་གདུང་ཁང་སྐོར་མཐོང་ཐོས། ༒ འདི་ནི་ཧ་ཅང་ངོ་མཚར་བ་ཞིག་རེད། རྫུན་ཚིག་དང་གང་ཟག་རེ་འགའ་ཞིག་གིས་དག་པའི་སྣང་བ་བཤད་པ་ཙམ་གཏན་ནས་མ་ཡིན་པར། འགྲོ་བ་ནད་ཀྱིས་མནར་བ་ཁྲི་སྟོང་མང་པོར་མཐོང་ཆོས་མངོན་གྱུར་དང་མིག་མཐོང་ལག་ཟིན་དུ་འབྱུང་བཞིན་ཡོད་པ་ཞིག་རེད། ནད་དང་རྐྱེན་ངན་མི་འདོད་པའི་སྡུག་བསྔལ་སྣ་ཚོགས་ལས་གྲོལ་བའི་ཐབས་ལེགས་སྐྱེས་དཔེ་མེད་པ་ཞིག་རེད་ཟེར་ཀྱང་མི་ཆོག་པ་མི་འདུག་སྙམ། དེ་ནི་ཁམས་དཀར་མཛེས་ཁུལ། དཔལ་ཡུལ་རྫོང་། ཁྲོམ་ཐར་ཆུས།ཨ་འཛི་ཡུལ་ཚོ། སྙིང་ཁོག་ལུང་པ་ན། རབ་བྱུང་བཅུ་བཞི་པ་མེ་ཕོ་བྱི་ལོར་བྱོན་པའི་ཉག་བླ་པདྨ་བདུད་འདུལ་ཟེར་བ་ཁོང་སྐུ་འཇའ་ལུས་སུ་དེངས་ནས་སྐྲ་སེན་ཤུལ་དུ་བཞག་པའི་ནང་རྟེན་ཅན་གྱི་གདུང་ཁོང་ངོ་མཚར་ཅན་ཉིན་མོ་མི་བསྐོར་བ་དང་མཚན་མོ་ལྷ་འདྲེས་བསྐོར་བའི་མཆོད་རྟེན་ཞིག་འདུག །དམ་པ་ཁོང་ནི་སངས་རྒྱས་སྟོང་གི་ཐུགས་སྤྲུལ། སྤྱན་གཟིགས་སྣང་མཐའི་གསུང་སྤྲུལ། ཨོ་རྒྱན་པདྨའི་སྐུ་སྤྲུལ་འཁྲུལ་མེད་ཅིག་ཡིན་པར་ཁུང་ལུང་ཚད་ལྡན་མང་པོ་ཀུན་གྱི་བརྗོད་བཞིན་འདུག་ཀྱང་། ཁོང་གི་རྣམ་ཐར་སོགས་ལས་སྐུ་ཆུང་ངུ་བྱིས་པའི་དུས་ནས་བཟུང་རྫུ་འཕྲུལ་དང་མངོན་ཤེས་བྱམས་སྙིང་རྗེ་སོགས་ཡོན་ཏན་བརྗོད་མི་ཤེས་པ་དག་ལས་ར་སྤྲོད་བྱས་འདུག ཁོང་འཇའ་ལུས་སུ་དེངས་པའི་ས་རུ་སློབ་བུ་དག་གིས་གདུལ་བྱ་སེམས་ཅན་གྱི་ཆེད་དུ་དབུ་སྐྲ་ཕྱག་ཞབས་ཀྱི་སེན་མོ་དང་ཆོས་གོས་སོགས་དམ་པ་ཁོང་གི་ཅ་ལག་ཀྱི་ནང་རྟེན་བྱས་པའི་གདུང་ཁང་མཆོད་རྟེན་ཞིག་རེད། རྟེན་འདི་དཀར་ཕྱོགས་སྐྱོང་བའི་ལྷ་དང་སྲུང་མ་སོགས་ཀྱིས་གཡེལ་བ་མེད་པར་བསྲུང་ཡོད་ཚུལ། སྔོན་ཆད་ཇག་རྒྱག་མཁན་ཕྱག་ཕྲེང་ཞེས་པ་དང་རིག་གསར་སྐབས་སོགས་སུ་མ་རུང་བའི་གང་ཟག་འགའ་ཞིག་གིས་རྟེན་འདི་རློག་པར་བརྩམ་ཚེ་རྟགས་ཁྱད་པར་ཅན་མང་དུ་བསྟན་པའི་སུས་ཀྱང་གནོད་སྐྱོན་སྤུ་ཙམ་བྱེད་མ་ཐུབ་པའི་ལོ་རྒྱས་གསོན་པོ་འདུག་ལ། ས་གནས་དེ་གར་གནས་པའི་རྒན་པོ་དག་གིས་ཀྱང་ངོ་མཚར་བ་མང་པོ་མིག་མཐོང་ལག་ཟིན་བཤད་རྒྱུ་འདུག ད་སྐབས་ཡང་ཉིན་མོ་མིས་བསྐོར་བ་དང་། མཚན་མོ་མི་མིན་དག་གིས་བསྐོར་བཞིན་ཡོད་པ་མཐོང་ཐོས་ཅན་མང་པོ་བཤད་རྒྱུ་འདུག ལྷག་པར་དུ་ཨ་འཛི་རྒད་ཕོ་ཞིག་གིས་མཚན་མོ་སྐོར་བ་བྱེད་སྐབས་རྗེས་མི་ཟིན་པའི་བསྐོར་བ་བྱེད་མཁན་ཞིག་ཡོད་པའི་ཁོས་ལྷམ་སྒྲོག་བཅིང་མདོག་བྱས་ཏེ་སྒུག་བསྡད་སྐབས་མི་ནག་པོ་ལུས་ཆེ་བ་ཡ་མཚན་པ་ཞིག་ལ་ཐུག་སྟེ་ཤིན་ཏུ་སྐྲག་ནས་ཁྱོད་སུ་ཡིན་གང་ནས་འོང་སོགས་དྲིས་སྐབས། ཁོ་རྡོ་རྗེ་གདན་ནས་འོང་བ་ཡིན་མིང་ལ་རྨ་གཡུ་འབྲུག་ལྕགས་རྩེ་ཟེར། ངའི་ལུས་འདི་ལས་འཕོ་བ་ལས་ཐབས་མེད་ཀྱི་ནད་ཞིག་གིས་ཐེབས་སྟེ་འཛམ་གླིང་གི་གནས་དག་ལ་བསྐོར་བ་ཕྱིན་ཀྱང་ཕན་ཆེར་མ་བྱུང་། དེ་ནས་རྡོ་རྗེ་གདན་ནས་མི་མིན་དག་གིས་བོད་ཡུལ་ན་འཇའ་ལུས་པའི་གདུང་ཁང་ངོ་མཚར་བ་ཞིག་འདུག་ཟེར་ནས་འོང་བ་ཡིན། འདིར་བསྐོར་བ་བྱས་ནས་ཞག་འགའ་ཡིན་ད་ནི་ནད་ལས་གྲོལ་སོང་། ང་དང་འཕྲད་པ་གཞན་ལ་མ་བཤད་བཤད་ན་ཆག་སྒོ་ཡོང་ཟེར་ནས་ནམ་ལངས་ཁར་རླུང་འཚུབ་ཞིག་དང་ལྷན་དུ་མེད་སོང་ཟེར། འདི་ལྟ་བུའི་རྟེན་ཁྱད་འཕགས་དེ་ལ་ཕྱག་བསྐོར་བྱས་པའི་ཕན་ཡོན་མདོར་བསྡུས་ཞིག་བདག་གིས་གཞན་ལས་བཏུས་པ་ནི། དམ་པ་ཁོང་གཤེགས་ནས་བགྲང་བྱ་དྲུག་ཅུ་བརྒལ་སྐབས་སྤྲུལ་འཇིགས་མེད་འོད་ཟེར་ལ་བད་ཀན་གྲེ་བའི་ནད་བྱུང་དེ་བསྐོར་བ་བྱེད་སྐབས་ཐོ་རངས་གི་ཆ་ལ་ལྷོ་ཕྱོགས་འཇའ་འོད་ཀྱི་དཀྱིལ་དུ་སེང་གེ་དཀར་མོའི་སྟེང་རིན་ཆེན་སྣ་ལྔའི་ཁྲིའི་སྟེང་ན་རས་པ་ལྕང་ལོ་གོས་དཀར་པོ་ཕྱག་གཉིས་ཤེལ་བུམ་རྡོར་དྲིལ་ཅན་དང་བུད་མེད་དཀར་གསར་མདངས་ཅན་ཕྱག་གཉིས་ཌཱ་དྲིལ་ཅན་གྱི་ཞལ་གཟིགས་ནས། ༧ སྙིང་ནང་དཔལ་གྱི་རི་བོ་དེཿརྔ་ཡབ་དཔལ་རི་དངོས་དང་མཉམཿ མིག་གི་མཐོང་དང་རྣ་བས་ཐོསཿ གང་ཞིག་ངན་སོང་གནས་ལས་ཐརཿ གང་འདོད་བདེ་ཆེན་ཞིང་སོགས་བགྲོདཿ ང་ཡི་པུར་ཁང་མཆོད་རྟེན་ལཿ ཕྱག་སྐོར་བརྒྱ་རྩ་རེ་རེ་ལཿ སངས་རྒྱས་སྟོང་གི་གཟུགས་བརྙན་བཞེངསཿ སིདྡྷི་འབུམ་ཐེར་བཅུ་གསུམ་དངཿ ཚེ་ཐར་དུང་ཕྱིར་ཕན་ཡོན་ཡོདཿ…

ཨེ་ཝཾ་བཀྲ་ཤིས་བདེ་ལེགས།ན་མོ་གུ་རུ་མངྒ་ལཾ་གུཧྱེ་སུ་ཁ་ཡེ།།ཀ་དག་བདེན་པའི་ཆོས་དབྱིངས་དགོངས་པ་བཀྲ།།ལྷུན་གྲུབ་ཡེ་ཤེས་འོད་གསལ་ཀུན་ཏུ་ཤིས།།ཨེ་ཝཾ་ཕན་བདེའི་ལང་ཚོ་རྟག་ཏུ་བདེ།།བསྟན་འགྲོའི་དཔག་བསམ་ལྗོན་བཟང་ཤིན་ཏུ་ལེགས།།༡༽ཀུན་བཟང་རྒྱལ་བའི་གཞལ་མེད་ཁང་ཆེན་རྩེར།།ཨེ་ཝཾ་རྫོགས་པ་ཆེན་པོའི་བསྟན་པ་གང་།།མི་ནུབ་སྒྱུ་འཕྲུལ་བཀོད་པ་དགུང་དང་མཉམ།།ཕྱོགས་ལས་རྣམ་པར་རྒྱལ་བའི་རྒྱལ་མཚན་བསྒྲེངས།།༢༽རབ་འབྱམས་ཤེས་བྱ་རྒྱ་མཚོའི་མཇིངས་ཟབ་གཏིང་།།ཨེ་ཝཾ་གསེར་མིག་འཇའ་རིས་ཟློས་གར་འཁྱུགས།།ཚོས་ཚན་རིག་པའི་གསེར་གཤོག་གཏིང་མཐའ་བརྒལ།།འཁོར་འདས་ཀུན་བཟང་གསེར་ཉ་རིན་ཆེན་རྒྱལ།།༣༽ནོར་འཛིན་བསོད་ནམས་གཏེར་གྱི་མངལ་རྒྱ་སྦྲུམ།།ཨེ་ཝཾ་རིན་ཆེན་ནོར་གྱི་བང་མཛོད་གཏམས།།སྣང་སྲིད་སྣོད་བཅུད་རྒུད་པ་ངང་གིས་སེལ།།གང་བསམ་ལྷུན་གྲུབ་འདོད་འབྱུང་བུམ་བཟང་མངོན།།༤༽སྲིད་ཞིའི་ཕུན་ཚོགས་བདེ་ཆེན་རྫིང་བུ་འཁྱིལ།།ཨེ་ཝཾ་མཛེས་སྡུག་འདབ་སྟོང་རྣམ་པར་བཞད།།བརྩེ་དུང་མཛའ་དགུས་ར་ཡིག་གཉིས་པ་འཁོར།།དྲི་མེད་ལྷག་བསམ་པདྨ་དཀར་པོ་བཀྲ།།༥༽དགེ་ལེགས་དགའ་བོའི་གཡས་འཁྱིལ་རི་མོ་མཛེས།།ཨེ་ཝཾ་སྙན་གྲགས་ཚངས་དབྱངས་ཆོས་སྒྲ་ལྡིར།།མ་རིག་རྨོངས་ཚོགས་གཉིད་ཀྱི་བྱིང་བ་དཀྲོགས།།རྨད་བྱུང་ཐོས་གྲོལ་ཆོས་དུང་དཀར་པོས་ཤིས།།༦༽ཐུབ་བསྟན་བཤད་སྒྲུབ་ཉམས་རྟོགས་ཉི་ཟླའི་འོད།།ཨེ་ཝཾ་འཕྲོ་འདུའི་ཕྲིན་ལས་གཡུང་དྲུང་འཁྱིལ།།ཆོས་དཔལ་རིག་པའི་གཟི་འོད་འབུར་དུ་ཐོན།།ཅི་དགར་དཔལ་གྱི་བེའུའི་ལོངས་སྤྱོད་བདེ།།༧༽འཇིག་རྟེན་ཞི་བསིལ་དགའ་བདེའི་ཚེ་བསོད་དཔལ།།ཨེ་ཝཾ་དབང་ཐང་གནམ་ས་བར་སྣང་གང་།།ཀུན་བཟང་དར་དཔྱངས་སྣ་ལྔས་འགྲོ་ཀུན་བཅིངས།།ཕན་བདེའི་ཞི་བསིལ་གདུགས་དཀར་མངོན་པར་ལེགས།།༨༽མཁྱེན་བརྩེའི་རྩིབས་སྟོང་དཀྱིལ་འཁོར་རྣམ་པར་བཀྲ།།ཨེ་ཝཾ་ཕྲ་རྒྱན་སྣ་ཚོགས་འོད་མདངས་ཤིས།།ཕན་བདེའི་ཀུན་བཟང་ཕྲིན་ལས་རྟག་ཏུ་བདེ།།དམ་ཆོས་ཡིད་བཞིན་གསེར་གྱི་འཁོར་ལོ་ལེགས།། བསྐལ་བཟང་རྒྱལ་བའི་འོད་གསལ་སྙིང་པོའི་གར།།ཨེ་ཝཾ་བུདྡྷ་ཛྙཱ་ནའི་ཐུགས་ཐིག་དཔལ།།དགྱེས་དགུར་བརྗིད་པའི་གནུབས་ཆེན་རིང་ལུགས་ཆེ།།བཀའ་གཏེར་རྡོ་རྗེ་ཕྱོགས་ཀུན་ཁྱབ་གྱུར་ཅིག།ཅེས་པ་འདི་ཡང་རབ་གནས་ས་ཕག་མགོ་ཟླའི་དབང་ཕྱོགས་ཀྱི་ཟླ་ཚེས་དགེ་བའི་དུས་ཆེན་ལ་སྔགས་འཆང་རིག་འཛིན་ཡོངས་ཀྱི་རྒྱལ་པོ། མཁས་གྲུབ་གཉིས་ལྡན་གྱི་བླ་མ་༧སྐྱབས་རྗེ་དམ་པ་སྒོ་ཆེན་སྤྲུལ་སྐུ་གསང་སྔགས་བསྟན་འཛིན་གྱི་དགོངས་བཞེད་བཞིན་དུ་འཕགས་ཡུལ་ཨེ་ཝཾ་གནུབས་ཆེན་དགོན་པར། རིགས་ཀུན་གྱི་ཁྱབ་བདག་ཆེན་པོ་༧རྒྱལ་བ་ཞེ་ཆེན་རབ་འབྱམས་རིན་པོ་ཆེའི་འཇམ་དབྱངས་མཁྱེན་བརྩེའི་བཀའ་ཆོས་སྐོར་གསུང་བའི་རྣམ་པའི་རྟེན་འབྲེལ་ལེགས་འགྲིགས་ཀྱི་འཇའ་གུར་རང་བྱུང་སོགས་ལེགས་གྲུབ་བྱུང་བ་ལ་བཀྲ་ཤིས་བདེ་ལེགས་ཕུན་སུམ་ཚོགས་པའི་འཚམས་རྟགས་སུ་གནུབས་ཆེན་སངས་རྒྱས་ཡེ་ཤེས་ཀྱི་སྐྱེ་རྒྱུད་འཛིན་པའི་ཤྲཱིཿཨེ་མ་ཧོས་དགའ་དད་སྤྲོ་བའི་ཡི་རང་བཅས་དབྱིན་ཡུལ་ཨེ་ཝཾ་ཀུན་བཟང་ཆོས་གླིང་ནས་དེ་ཉིད་དུ་སྨོན་པར་དགེའོ།། །།

༧ཆོས་རྗེ་དམ་པ་ཡིད་བཞིན་ནོར་བུའི་རྣམ་ཐར་རྒྱས་པར་ཆོས་བཟང་ལྷའི་དུནྡུ་བྷིཿ༡༽ཡུལ་དམ་པ་རྣམས་ལ་མཆོད་བརྗོད་དང་རྩོམ་པར་དམ་བཅའ་བ་ཀྱི་སྐོར།༢༽ ཞིང་འདིར་གཟུགས་སྐུའི་པདྨོ་མངོན་པར་བཞད་ཚུལ་སོགས་ཀྱི་སྐོར།༣༽ གནུབས་ཟུར་དགོན་དུ་བྱོན་ནས་རབ་ཏུ་བྱུང་ཚུལ་གྱི་སྐོར།https://mp.weixin.qq.com/s/J3-DJyUEkiKFy7CRUgTIDg ༤༽ རྫ་སྟོད་དུ་གྲྭ་སར་ཕེབས་ནས་དགེ་བའི་བཤེས་གཉེན་བསྟེན་ཅིང་གཞུང་ལུགས་ཆེན་པོ་དག་ལ་གསན་བསམ་དང་ཐུགས་སྦྱོང་མཛད་ཚུལ་སྐོར།༥༽ མ་ཎི་བླ་མ་མཇལ་བར་མགོ་ལོག་ཕྱོགས་སུ་ཕེབས་ཚུལ་དང་མཁན་ཆེན་ཐུབ་དགའ་རིན་པོ་ཆེ་ཞིང་བརྗེས་ཚུལ་སྐོར།༦༽ རང་ཡུལ་དུ་ཕྱིར་ཕེབས་ནས་སློབ་ཚོགས་བསྐྱངས་ཤིང་བསྟན་པ་དང་འགྲོ་བའི་དོན་མཛད་ཚུལ་སྐོར།https://mp.weixin.qq.com/s/geIQ6EvM4ACiL8jIawTd7g༧༽ དུས་འགྱུར་གྱི་འཚུབ་མའི་ཁྲོད་ནས་རྒྱལ་སྲས་དཔའ་བོའི་རྣམ་ཐར་ལྷུར་བཞེས་ཚུལ་སྐོར། དང་པོ།༧༽དུས་འགྱུར་གྱི་འཚུབ་མའི་ཁྲོད་ནས་རྒྱལ་སྲས་དཔའ་བོའི་རྣམ་ཐར་ལྷུར་བཞེས་ཚུལ་སྐོར། གཉིས་པ།༨༽གསེར་ལྗོངས་བླ་རུང་དུ་གདན་སའི་མཐིལ་མཛད་ནས་ཡང་དར་བསྟན་པའི་མེ་རོ་གཞི་ནས་བསླངས་ཚུལ་སྐོར། དང་པོ།https://mp.weixin.qq.com/s/3gAsTxrRL_nMigo_icDrpw

༄༅༅།།སྨོན་གསོལ་འདོད་འབྱུང་བུམ་བཟང་།ཨོཾ་སྭསྟི་བི་ཛ་ཡནྟུ།།ཚེ་དང་ཡེ་ཤེས་དཔག་མེད་བཅོམ་ལྡན་འདས།།ཚེ་བདག་རིག་འཛིན་བླ་མ་བརྒྱུད་པར་བཅས།།ཚེ་ལ་དབང་བའི་ལྷ་ཚོགས་ཐམས་ཅད་ཀྱིས།།རབ་འབྱམས་རྒྱལ་བའི་དབང་པོ་ཞབས་བརྟན་ཤོག།སྣང་བ་མཐའ་ཡས་འོད་གསལ་རྡོ་རྗེའི་སྐུ།།འཆི་བདག་མུན་འཇོམས་དམ་ཆོས་བདུད་རྩིས་གསུང་།།མི་ཤིགས་གཉུག་མའི་བདེ་ཆེན་ཕྱག་རྒྱའི་ཐུགས།།གནམ་ལྕགས་གླིང་པའི་བཞེད་དོན་ལྷུན་གྲུབ་ཤོག།ཆོས་དབྱིངས་ནམ་མཁའ་མཛོད་ལ་མངའ་དབང་བསྒྱུར།།ཆོས་ཅན་ཕན་བདེའི་ཕྲིན་ལས་རྒྱ་མཚོའི་གཏེར།།ཆོས་ཉིད་རིག་པའི་དོན་གཟིགས་རྗེ་བཙུན་མ།།མཉྫུ་གྷོ་ཥ་ཤྲཱིཿཞབས་བརྟན་ཤོག།སྔ་འགྱུར་རིང་ལུགས་མཆོག་ཏུ་བཀྲ་ཤིས་འཕེལ།།བསྟན་འགྲོར་སྨིན་པའི་མཛད་བཟང་མཁའ་དང་མཉམ།།སྙིགས་མའི་རྒུད་པ་ཀུན་ཞི་བདེ་ལེགས་ངང་།།ཨེ་ཝཾ་གནུབས་ཆེན་ཕུན་སུམ་ཚོགས་པར་ཤོག།ཅེས་པ་འདི་ཡང་རབ་གནས་ས་ཕག་ཟླ་ཚེས་དགེ་བར་རྨི་ལམ་བཟང་པོ་དང་ཌཱཀྐི་ནི་མཉྫུ་གྷོཥ་ཤྲཱིས་ཐུགས་སྨོན་གྱི་་རྐྱེན་ལས་དབྱིན་ཡུལ་ཨེ་ཝཾ་ཀུན་བཟང་ཆོས་གླིང་ནས་རིག་འཛིན་དཔལ་དགྱེས་པ་རྡོ་རྗེས་གང་ཤར་དབུགས་དབྱུང་གཟེངས་བསྟོད་ཀྱི་སྨོན་ཚིག་ཏུ་བྲིས་ཏེ་ཕུལ་བ་སིདྡྷི་རསྟུ།།

ང་དང་འབྲོགས་ཡུལ། ཁ་བ་རྩག་རླུང་འདྲེས་མའི་བྱང་ཐང་གི་ཡུལ་གྲུ།།ཕོ་རོག་སྟོང་སྐད་འགྲོགས་ནས་རི་སྤྱང་གི་འདུར་ལམ།།གཡུ་དུད་ཕྱུག་མོས་ཀློང་ན་སྦྲ་ནག་གི་བརྗིད་ཉམ།།གདོད་མའི་ཕ་གཞིས་འདི་ལ་སེམས་པ་ཞིག་འཁྲེངས་སོང་།། རྟ་ཕོས་རྨིག་སྒྲ་རྒྱང་རིང་རྩྭ་ཐང་ནས་ལྡིལ་དུས།།མཛེས་མས་ཕོ་གཞོན་འགུག་པའི་རྫི་གླུ་འདི་སྙན་པ།།སྨྱུག་དཀར་གླིང་བུས་སྒྲ་ཡིས་ལུག་ཁྱུ་ཞིག་སྐྱངས་བའི།།ཕོ་གཞོན་པག་རྩག་ཅན་གྱི་རང་གཤིས་འདི་དྲང་ངོ་།། ལན་སྐྲ་རིང་མོ་གཡུ་བྱུར་སྤོས་ཤེལ་གྱིས་བརྒྱན་པའི།།མ་བཅོས་ཤ་མདངས་དཀར་བའི་འབྲོག་མོ་འདི་ཡག་ནོ།།བརྩེ་བ་གཡོ་རྒྱུས་མ་ལྷད་མཛའ་བོ་ལ་དུང་བའི།།གྲོང་མཐའི་འཆལ་མོས་མི་འགྲན་ངང་བརྒྱུད་འདི་ཡག་པ།། ཡུ་དམར་ཇ་ལ་འོ་མས་ཁ་དོག་གིས་ཕབ་ནས།།འབྲི་མར་སེར་བོ་སྦྲང་དཀར་རྩམ་ཆུར་དང་སྡེབ་པའི།།གདོད་མའི་ལག་ཟས་ཤ་མར་འཐུད་གསུམ་གྱིས་འཚོ་བའི།།འབྲོགས་པའི་ཤ་ཁ་སྨུག་ཡང་སེམས་གཤིས་དེ་མི་ནག། ཆང་ཕོར།

རྨི་ལམ་དྲན་རིག་གི་ཡེ་ཤེས་ཞེས་བྱ་བ།།ན་མོ་གུ་རུ་ཨ་བྷྱེ་ཛྙཱ་ན་བཛྲ་ཡེ།།༡༽སྙིང་དབུས་འདབ་བརྒྱད་ཀློང་གི་ཀུན་བཟང་ཡབ་ཡུམ།།འོད་གསལ་སྙིང་པོའི་དབྱིངས་རིག་ཨེ་ཝཾ་བླ་མ།།གསང་གསུམ་མཇལ་བའི་ངང་ནས་གསོལ་བ་འདེབས་སོ།།མཆོག་ཐུན་དངོས་གྲུབ་མ་ལུས་ད་ལྟ་སྩོལ་ཅིག།༢༽གནས་ཡུལ་ཟངས་མདོག་དཔལ་རིའི་ཕོ་བྲང་དབུས་ན།།རིག་འཛིན་མཁས་གྲུབ་དབང་ཕྱུག་པདྨ་རྒྱལ་པོ།།བརྡ་བརྒྱུད་སྤྲུལ་པའི་སྐུ་ལ་གསོལ་བ་འདེབས་སོ།།ཞིང་ཁམས་རབ་འབྱམས་མཐོང་བའི་དངོས་གྲུབ་སྩོལ་ཅིག།༣༽གནས་ཆེན་རི་བོ་རྩེ་ལྔའི་བྱང་སེམས་གླིང་ནས།།ངེས་དོན་ཆོས་རྗེ་དམ་པ་ཡིད་བཞིན་ནོར་བུ།།རང་སྣང་རྣམ་དག་ངང་ནས་གསོལ་བ་འདེབས་སོ།།འགྲོ་ཀུན་མ་ལུས་འདྲེན་ནུས་དངོས་གྲུབ་སྩོལ་ཅིག།༤༽རྨི་ལམ་འོད་གསལ་དབྱིངས་ལ་གསལ་དག་བརྟན་པས།།དཔའ་བོ་མཁའ་འགྲོ་འདུས་པའི་ཚོགས་གྲལ་བཞུགས་པའི།།འཇིགས་བྲལ་ཡེ་ཤེས་རྡོ་རྗེ་གསོལ་བ་འདེབས་སོ།།གསང་ཆེན་བསྟན་པ་སྤེལ་ནུས་དངོས་གྲུབ་སྩོལ་ཅིག།༥༽གནས་གསུམ་མཁའ་འགྲོ་དགྱེས་པའི་སྐུ་གསུམ་གླིང་ན།།རྨད་བྱུང་ཉམས་བརྒྱས་སྒེག་པའི་ཌཱཀྐིའི་ཚོགས་ལ།།བདེ་ཆེན་རྩེད་འཇོ་རོལ་བར་གསོལ་བ་འདེབས་སོ།།ཕྱག་རྒྱའི་རྟུལ་ཞུགས་མཐར་ཕྱིན་དངོས་གྲུབ་སྩོལ་ཅིག།༦༽ཕ་གཅིག་མཚོ་སྐྱེས་རྡོ་རྗེ་སྙིང་དཀྱིལ་སྒོམ་ཚེ།།ཡུམ་ཆེན་ཡེ་ཤེས་མཚོ་རྒྱལ་འབྲལ་བ་མི་འདུག།རང་རིག་བླ་མའི་རྣལ་འབྱོར་ཐུགས་དམ་བཟུང་ནས།།མ་གྱུར་འགྲོ་ཀུན་སྨིན་གྲོལ་འགོད་པར་སྨོན་ནོ།།༧༽སྣང་སྲིད་ཐམས་ཅད་དག་ལྷ་ཡི་ཞིང་ཁམས།།སྒྲ་གྲགས་མ་ལུས་ཟབ་རྒྱས་ནཱ་དའི་གསུང་དབྱངས།།ཐུགས་དམ་ཟག་མེད་འོད་གསལ་ཡེ་ཤེས་ཤར་བ།།རང་རིག་པདྨ་ཀ་རའི་དགའ་སྟོན་རོལ་ཡ།།༨༽གཡས་གྲལ་རོ་མའི་གདན་ལ་མཁའ་འགྲོའི་ཟློས་གར།།གཡོན་གྲལ་རྐྱང་མའི་གདན་ནས་དཔའ་བོའི་བྲོ་གླུ།།དབུས་གྲལ་དབུ་མའི་དཀྱིལ་ནས་ལྟད་མོ་མཐོང་བ།།གསང་ཆེན་རྨི་ལམ་ཟབ་མོའི་རྟེན་འབྲེལ་བཟང་ངོ་།།༩༽དགྱེས་འཛུམ་དགའ་མའི་ཟུར་མིག་གཡོ་བ་མཛེས་པ།།བརྡ་གླུ་གསུང་དབྱངས་གདམས་ངག་དེ་འདྲའི་སྙན་པ།།སྒྱུ་འཕྲུལ་རྡོ་རྗེའི་གར་སྟབས་ཚོགས་འཁོར་རོལ་བ།།ཨ་ཧོ་དགའ་བོ་སྐྱིད་པ་བླ་མའི་བཀའ་དྲིན།།༡༠༽སྔོན་ཚེ་དཔལ་གྱི་བསམ་ཡས་མཆིམས་ཕུའི་རྩེ་རུ།།རྗེ་འབངས་གྲོགས་ལ་བཀའ་གཏེར་གདམས་ངག་གནང་ཚེ།།བདག་ཀྱང་འདི་འདྲའི་ཉམ་ཆུང་འཁྱར་པོ་མ་ཡིན།།གནུབས་ཆེན་བུདྡྷ་ཛྙཱ་ནའི་རིག་སྔགས་འཆང་ཡོད།།༡༡༽ད་ནི་སྐྱབས་མེད་མགོན་མེད་མཐའ་ཁོབ་ཡུལ་ནས།།སྙིང་གཅེས་ཨ་མ་བྲལ་བའི་གྲོགས་མེད་ཁེར་རྐྱང་།།དོན་མེད་མི་ཚེ་ཟད་པའི་ཚུལ་ལ་དགོངས་ཏེ།།ད་ལྟ་ཉིད་དུ་ཟངས་མདོག་དཔལ་རིར་དྲོངས་ཤིག།༡༢༽སྤྱི་བོ་བདེ་ཆེན་འཁོར་ལོའི་སྒོ་ཆེན་ཕྱེས་ཤིག།མགྲིན་པ་ལོངས་སྤྱོད་འཁོར་ལོའི་རྩ་མདུད་ཁྲོལ་ཅིག།སྙིང་ཁ་ཆོས་ཀྱི་འཁོར་ལོའི་དཀྱིལ་འཁོར་མཇལ་ཕྱིར།།ལྟེ་བ་སྤྲུལ་པའི་འཁོར་ལོར་ཕྲིན་ལས་རྒྱས་སྨོན།།༡༣༽གསང་གནས་བདེ་སྐྱོང་འཁོར་ལོའི་སྒྱུ་རྩལ་ངོམས་ནས།།བདེ་ཆེན་དྲུག་ཅུ་རྩ་བཞིས་དགའ་སྟོན་རོལ་མོ།།རྒྱལ་བ་སྲས་དང་བཅས་ལ་མཆོད་པ་འབུལ་ན།།གསང་ཆེན་བསྟན་པ་སྤེལ་བའི་རྟེན་འབྲེལ་འགྲིགས་སོང་།།༡༤༽ཟག་མེད་བདེ་བ་ཆེན་པོའི་དགའ་སྟོན་དཔལ་ལ།།དགྱེས་བཞིན་དགའ་མགུར་སྤྱོད་པ་ཕ་རྗེས་བུ་བསྙེགས།།འགྱུར་མེད་དམ་ཚིག་རྡོ་རྗེའི་ལང་ཚོ་རྫོགས་པ།།སེ་ཁྱུང་དབྲ་དཀར་རྒོད་པོའི་མཐུ་སྟོབས་ངོམས་ཡོད།།༡༥༽ཨེ་ཝཾ་ལྟ་སྒོམ་འབྲེལ་བའི་གཤོག་ཟུང་ལྡན་ཅིང་།།ཏ་ན་ག་ནའི་དམ་ཚིག་རྩལ་དྲུག་རྫོགས་ཕྱིར།།ཆོས་དབྱིངས་དགོངས་པར་གཤེགས་པའི་རིག་འཛིན་ཕོ་མོ།།སྐལ་བཟང་དཔལ་ཡོན་བརྟས་ན་ང་ཕྱིར་འཕུར་ཤོག།།༡༦༽ལྟ་བ་ནམ་མཁའ་ཡངས་པའི་དབྱིངས་ལ་འཕུར་འགྲོ།།སྒོམ་པ་རྒྱ་མཚོ་ཆེན་པོའི་གཏིང་ཉིད་མི་གཡོ།།སྤྱོད་པ་ཀུན་ཏུ་བཟང་པོའི་མཛད་པ་སྐྱོང་ནས།།འབྲས་བུ་རིག་འཛིན་ས་ལ་བདེ་མྱུར་བཤེགས་ཤོག།ཅེས་པའང་རབ་གནས་ས་ཕག་མགོ་ཟླའི་མར་ངོའི་ཚེས་བཟང་བདུད་འཇོམས་འཇིགས་བྲལ་ཡེ་ཤེས་རྡོ་རྗེའི་འདས་མཆོད་སྐབས་སུ་ཐོ་རངས་ཀྱི་རྨི་ལམ་བཟང་པོ་ཞིག་ལ་བསྟེན་ནས་ཐོལ་བྱུང་དུ་དཔལ་དགྱེས་པ་རྡོ་རྗེས་རྗེས་དྲན་དུ་སྨྲས་པར་དགེའོ།། །།