སྒྲ་མགུར་ཟ་མ་ཏོག།ཨེ་མ་ཧོས————༼༡༽རང་བྱུང་སྟོང་ཉིད་སྒྲ་དབྱངས་ལ།།རྟེན་འབྲེལ་ཐར་པའི་སྙན་ངག་གིས།།ལྷན་སྐྱེས་གཉུག་མའི་ཡེ་ཤེས་གསལ།།རང་རིག་ལྷ་མོ་དབྱངས་ཅན་རྒྱལ།།༼༢༽རང་གོས་ཟླ་གམས་ལི་ཁྲིའི་མདོག།དྲོད་འཇམ་ཡང་པ་ལྷ་ཡི་གོས།།བལ་ཐུལ་གསོར་མོའི་ནང་རོལ་དུ།།གཏུམ་མོ་སྒྱུ་འཕྲུལ་བདེ་དྲོད་འབར།།༼༣༽རང་ཚོར་དྲི་ཞིམ་བསང་རྫས་ཀྱིས།།ལྷ་ཁང་གྲུ་བཞིའི་མནོལ་ཀུན་བསངས།།ཀུན་རྟོག་དྲི་མ་ངན་པ་ཀུན།།སྐད་ཅིག་ཉིད་ལ་གནས་པར་བྲལ།།༼༤༽རང་གྲོལ་མྱོང་བའི་དམ་ཚིག་གི།གཞི་ལམ་འབྲས་བུའི་ཚོར་བ་བརྟས།།ཡིད་བཞིན་ནོར་བུ་ལས་ལྷག་པའི།།རང་གཞན་དོན་གཉིས་ལྷུན་གྱིས་གྲུབ།།༼༥༽རང་ཉིད་ལྗགས་རིང་བདེན་པའི་ཚིག།འཇིགས་མེད་སྤོབས་པའི་གཏེར་རྒྱ་གྲོལ།།དག་སྣང་རིག་པའི་རྩ་ཁ་རྒྱས།།དམ་ཆོས་བདུད་རྩིའི་རོ་མཆོག་མྱོང་།།༼༦༽རང་བཞིན་དྲན་པའི་མེ་ལོང་ལ།།ལེགས་ཉེས་མ་འདྲིས་གསལ་བར་མཐོང་།།ཆོས་ཀུན་སྒྱུ་མར་ཤེས་པའི་བློས། །ཞེན་པའི་འཆིང་ཐག་རང་སར་གྲོལ།།ཅེས་པ་འདི་ནི་གནུབས་ཆེན་སངས་རྒྱས་ཡེ་ཤེས་ཀྱི་སྒྱུ་འཕྲུལ་མཁན་ཆེན་བླ་མ་དཔལ་དགྱེས་པ་རྡོ་རྗེས་ཚོགས་དྲུག་སྒྲ་མགུར་ཏུ་ཨེ་ཝཾ་ཛྙཱ་ན་གུ་རུའི་ལྷ་ཁང་དུ་བགྱིས་པར་དགེའོ།། །། སྤྱི་ལོ་༢༠༢༠ ཟླ་བ་༡ ཚེས་༦ལའོ།། །།༄༅། །བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ་བཞུགས། །རྒྱ་གར་སྐད་དུ། བྷ་ག་བ་ཏི་པྲཛྙཱ་པཱ་ར་མི་ཏཱ་ཧྲི་ད་ཡ། བོད་སྐད་དུ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ། །བམ་པོ་གཅིག་གོ བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་པོའི་རི་ལ་དགེ་སློང་གི་དགེ་འདུན་ཆེན་པོ་དང༌། བྱང་ཆུབ་སེམས་དཔའི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཟབ་མོ་སྣང་བ་ཞེས་བྱ་བ་ཆོས་ཀྱི་རྣམ་གྲངས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྤྱོད་པ་ཉིད་ལ་རྣམ་པར་བལྟ་ཞིང་། ཕུང་པོ་ལྔ་པོ་དེ་དག་ལ་ཡང་རང་བཞིན་གྱིས་སྟོང་པར་རྣམ་པར་བལྟའོ། །དེ་ནས་སངས་རྒྱས་ཀྱི་མཐུས། ཚེ་དང་ལྡན་པ་ཤཱ་རིའི་བུས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །རིགས་ཀྱི་བུ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྤྱོད་པ་སྤྱད་པར་འདོད་པ་དེས་ཇི་ལྟར་བསླབ་པར་བྱ། དེ་སྐད་ཅེས་སྨྲས་པ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །ཤཱ་རིའི་བུ་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྤྱོད་པ་སྤྱད་པར་འདོད་པ་དེས་འདི་ལྟར་རྣམ་པར་བལྟ་བར་བྱ་སྟེ། ཕུང་པོ་ལྔ་པོ་དེ་དག་ཀྱང་རང་བཞིན་གྱིས་སྟོང་པར་རྣམ་པར་ཡང་དག་པར་རྗེས་སུ་བལྟའོ། །གཟུགས་སྟོང་པའོ། །སྟོང་པ་ཉིད་ཀྱང་གཟུགས་སོ། ། གཟུགས་ལས་སྟོང་པ་ཉིད་གཞན་མ་ཡིན་ནོ། །སྟོང་པ་ཉིད་ལས་ཀྱང་གཟུགས་གཞན་མ་ཡིན་ནོ། །དེ་བཞིན་དུ་ཚོར་བ་དང༌། འདུ་ཤེས་དང༌། འདུ་བྱེད་དང༌། རྣམ་པར་ཤེས་པ་རྣམས་སྟོང་པའོ། །ཤཱ་རིའི་བུ་དེ་ལྟ་བས་ན་ཆོས་ཐམས་ཅད་སྟོང་པ་ཉིད་དེ། མཚན་ཉིད་མེད་པ། མ་སྐྱེས་པ། མ་འགགས་པ།…

རྒྱུད་ལས། ལྷ་སྐུ་འབུམ་ཕྲག་སྒོམ་པ་ལས།།བླ་མ་སྐད་ཅིག་དྲན་པ་མཆོག།བཟླས་བརྗོད་ས་ཡ་བྱེ་བ་ལས།།བླ་མའི་གསོལ་འདེབས་ལན་གཅིག་མཆོག།ཅེས་དང་། དུས་འཁོར་རྩ་རྒྱུད་ལས།བླ་མ་འདས་པའི་ལོ་ཟླ་ཚེས་གྲངས་དག།ངེས་པར་བཟུང་སྟེ་མཆོད་པ་བྱས་གྱུར་ན།།བསྐལ་པར་བསགས་པའི་སྡིག་པ་རབ་བཅོམ་ནས།།ཤིན་ཏུ་མི་བཟད་གཤིན་རྗེའི་གྲོང་ལས་ཐར།།སྟོང་གསུམ་སྐྱེ་བོའི་མིག་བྲལ་སྲོག་ཉམས་ལ།།མིག་དང་སྲོག་སྦྱིན་པས་ཀྱང་དཔེར་མི་ཕོད།།ཨ་ཏི་བཀོད་པ་ཆེན་པོའི་རྒྱུད་ལས།འདས་པའི་ལོ་ཟླ་ཚེས་གྲངས་ལ།།མ་ནོར་བ་ནི་བརྩིས་བྱས་ནས།།མཆོད་པའི་རྣམ་པ་སུས་བྱས་པ།།ཚོགས་གཉིས་རབ་ཏུ་རྫོགས་པར་འགྱུར།། ཆོས་རྗེ་བླ་མའི་ཚེ་རབས་རྗེས་འཛིན།དུས་གསུམ་གཤེགས་པའི་རྒྱལ་བ་ཐམས་ཅད་ཀུན།།རང་ངོར་བཤེས་གཉེན་མཆོག་གི་སྐུར་སྣང་བ།།བཀའ་དྲིན་མཚུངས་བྲལ་ཡོན་ཏན་རྒྱ་མཚོའི་གཏེར།།ཡིད་བཞིན་ནོར་བུ་ཁྱེད་ལ་གསོལ་བ་འདེབས།།ཁྱེད་ཀྱིས་འགྲོ་འདུལ་ཐབས་མཁས་སྤྱོད་པ་ནི།།རྣམ་པ་སྣ་ཚོགས་ཇི་ལྟར་བསྟན་བྱས་ཀྱང༌།།སྐད་ཅིག་ཙམ་ཡང་ལོག་ལྟ་མི་སྐྱེ་བར།།ཇི་མཛད་ལེགས་པར་མཐོང་བར་བྱིན་གྱིས་རློབས།།གང་གིས་བརྩེ་བར་གདམས་པའི་གསུང་བཟང་ལས།།ཚིག་ཟུར་ཙམ་ཡང་འགོངས་པར་མི་བྱེད་ཅིང༌།།བུམ་པ་གང་བྱོའི་ཚུལ་གྱིས་བྱིན་རླབས་ཀུན།།མ་ལུས་བདག་གི་རྒྱུད་ལ་འཕོ་བར་ཤོག།མགོན་ཁྱོད་དག་དང་མ་དག་ཞིང་རྣམས་སུ།།སྣ་ཚོགས་སྤྲུལ་བའི་རོལ་གར་ངོམ་པའི་ཚེ།།བདག་ཀྱང་ཁྱོད་ཀྱི་ཞབས་འབྲང་མཆོག་གྱུར་ནས།།བྱང་ཆུབ་སྤྱོད་ལ་མཉམ་དུ་འཇུག་པར་ཤོག།ནམ་ཞིག་རང་སྣང་དག་པའི་ཞིང་མཆོག་ཏུ།།རྗེ་ཁྱོད་མངོན་འཚང་རྒྱ་བའི་ཚུལ་སྟོན་ཚེ།།བདག་ཀྱང་འདུས་པ་དང་པོའི་གྲལ་འཁོད་དེ།།འཕྲིན་ལས་སྤེལ་བའི་བྱེད་པོ་མཆོག་ཏུ་སྨོན།།མདོར་ན་ད་ནས་སྐྱེ་བ་ཐམས་ཅད་དུ།།སྐྱབས་གཅིག་དམ་པ་ཁྱེད་དང་མི་འབྲལ་ཞིང༌།།བྱང་ཆུབ་ཐོབ་ཀྱང་རིགས་ཀྱི་བདག་པོ་རུ།།གྱུར་ནས་འགྲོ་ཁམས་དོང་ནས་སྤྲུག་པར་ཤོག། ཚེ་གང་འགྲོགས་པའི་བུ་མཆོག་རིག་གྲོལ་གྱིས།།ཚེ་གཅིག་ཉམས་སུ་ལེན་པའི་ཆོས་སྐལ་དུ།།ཚེ་རབས་རྗེས་འཛིན་སྨོན་ལམ་འབྲི་དགོས་ཞེས།།ཚེ་མཐར་འཁྱོལ་བའི་རྒན་བུར་བསྐུལ་བྱས་ཀྱང༌།།རབ་བརྗིད་ཤ་ཡི་སྡེར་ཁ་དཔངས་མཐོ་ཞིང༌།།རབ་དཀར་ཚིལ་གྱི་ཐིགས་པ་འབུམ་དུ་བརྡལ།།རབ་མཛེས་རྒྱན་གྱིས་ལེགས་པར་བཀླུབས་བྱས་ན།།རབ་སྙན་གཏམ་ལ་ཟད་མཐའ་མེད་མོད་ཀྱང༌།།བཅུད་མེད་ཟས་མང་ཕོ་བའི་གཤེད་དུ་གྱུར།།གོས་མེད་ལྷགས་པས་སོར་མོ་དམ་པོར་འཁྱུད།།བཤེས་མེད་ས་མཐར་འཁྱམས་པས་ཡིད་སྐྱོ་ནས།།སྔོན་མེད་སྨྲ་བ་མང་པོ་བཞག་ན་སྙམ།།ཞེས་གྲང་ངར་གྱིས་ཧ་ཅང་གདུངས་ནས་སོར་མོ་རྣམས་ཀྱང་གུམ་གུམ་པོར་གྱུར་ཚེ་ངག་དབང་བློ་གྲོས་མཚུངས་མེད་པས་བྲིས་པའོ།།

༄༅། །དཔལ་ཆེན་རྡོ་རྗེ་གྲོ་ལོད་ཀྱི་རྒྱུན་འཁྱེར་ཕྲིན་ལས་ཀུན་འགྲུབ།ན་མོ་གུ་རུ་པདྨ་ཧེ་རུ་ཀ་ཡ།འདིར་སྤྲོས་པ་མེད་པའི་གང་ཟག་གིས་སྐྱབས་སེམས་སོགས་སྔོན་དུ་འགྲོ་བར་བྱས་ལ།ཧཱུྃ། སྣོད་བཅུད་རྣམ་དག་ཀུན་བཟང་ཡུམ་གྱི་ཀློང༌། །ཀུན་སྣང་སྙིང་རྗེ་ཀུན་བཟང་ཡབ་ཀྱི་དལ། །ཟུང་འཇུག་སྲས་མཆོག་བདེ་ཆེན་བྱང་ཆུབ་སེམས། །རྣམ་པ་ཧཱུྃ་ཡིག་སྨུག་ནག་མཁའ་ལ་ཤར། །འོད་འཕྲོས་དོན་གཉིས་བྱས་ནས་ཚུར་འདུས་པ། །དཔལ་ཆེན་སྤྱི་དཔལ་རྡོ་རྗེ་གྲོ་བོ་ལོད། །དམར་སྨུག་ཞལ་གཅིག་ཕྱག་གཉིས་སྤྱན་གསུམ་བགྲད། །སྨར་སྨིན་རལ་བ་དམར་སེར་གནམ་དུ་གཟེངས། །ཨམ་གཙིགས་བསྡམས་པའི་ཚེམས་ཀྱི་གངས་རི་ལས། །སྐྱིན་ཐང་ཟོལ་སྣའི་རྒྱལ་བསེན་དམ་སྲི་ཡི། །ལྔ་ཕུང་དྲ་བ་ཆོས་ཀྱི་དབྱིངས་སུ་བསྟིམས། །ཕྱག་གཡས་གནམ་ལྕགས་རྡོ་རྗེ་མཁའ་ལ་ཕྱར། །ཁྲོ་ཆུང་ཐོག་ཆར་དགྲ་བོའི་ཐོག་ཏུ་འབེབས། །ཕྱག་གཡོན་གནམ་ལྕགས་ཕུར་བུ་གདེངས་པའི་རྩེར། །ལྷོག་ལྷོག་འབར་བའི་མེ་དཔུང་འཕྲུལ་འཁོར་གྱིས། །གནོད་བྱེད་བགེགས་ཚོགས་གཞི་མེད་གཞོབ་ཐུལ་བསྲེགས། །རབ་འཇིགས་སྟག་མོ་དྲུས་མ་འགྱིང་བའི་སྟེང༌། །ཞབས་གཉིས་གྱད་ཀྱི་འདོར་སྟབས་ཚུལ་དུ་བགྲད། །ཞི་བའི་ཆས་རྫོགས་འདུང་མ་དཀར་པོ་དང༌། །རྒྱས་པའི་ཆས་རྫོགས་ཆོས་གོས་འཆོལ་བར་མནབས། །དབང་གི་ཆས་རྫོགས་བེར་སྨུག་ལྷབ་ལྷུབ་གསོལ། །དྲག་པོའི་ཆས་རྫོགས་མགོ་ཕྲེང་སེ་རལ་བྱས། །ཁྲོ་གཏུམ་རྔམ་པ་དྲག་པོའི་སྐུ་རུ་གསལ། །དེ་ཡི་སྤྱི་གཙུག་པད་ཟླ་རིམ་བརྩེགས་སྟེང༌། །བརྒྱུད་གསུམ་བླ་མའི་བྱིན་རླབས་འཇའ་འོད་འཁྲིགས། །བར་གྱི་ཆ་ལ་རྒྱུད་སྡེ་བཞི་དྲུག་གི །ཡི་དམ་ཚོགས་ཀྱིས་དངོས་གྲུབ་ཆར་སྤྲིན་གཏིབས། །འོག་གི་ཆ་ལ་གནས་གསུམ་མཁའ་འགྲོ་ཡི། །བདེ་སྟོང་འོད་དམར་འདུ་འཕྲོ་ཀྱི་ལི་ལི། །མཐའ་སྐོར་སྡེ་གསུམ་སྲུང་མའི་ཚོགས་རྣམས་ཀྱི། །རླུང་ནག་འཁྲིགས་པས་ཕྲིན་ལས་རྣམ་བཞི་སྒྲུབ། །ཀུན་ཀྱང་རོ་མཉམ་ཡེ་ཤེས་གཅིག་གི་ངང༌། །མཁའ་ཁྱབ་སྒྱུ་འཕྲུལ་དྲྭ་བའི་རྣམ་པར་སད། །གདོད་ནས་དམ་ཚིག་ཡེ་ཤེས་གཉིས་མེད་པ། །བདེ་སྟོང་ཀློང་ཡངས་ཆེན་པོའི་རྒྱན་དུ་ཤར། །གཙོ་འཁོར་ཡོངས་རྫོགས་ཧཱུྃ་སྒྲ་བསྒྲགས་པ་ཡིས། །སྣང་བ་ཐམས་ཅད་ཧཱུྃ་གི་གཟུགས་སུ་གྱུར། །སྒྲ་གྲགས་ཐམས་ཅད་ཧཱུྃ་གི་སྒྲ་སྐད་དེ།…

གཏེར་ཆེན་ཨུ་རྒྱན་གླིང་པའི་གཏེར་ནས་བཏོན་པའི་པདྨ་བཀའ་ཐང་འདོན་སྐུལ།མགོ་ཟླའི་ཚེས་བཅུ་ཉིན། སང་ཉིན་རེད་ཀོ། སྤྱི་ལོ ༢༠༢༠ ཟླ་བ༡ ཚེས་་༥།སྙིང་ཉེ་བའི་དྲྭ་གྲོགས་ཚོ་ལ་རེ་སྐུལ་ཞིག་མཆིས། དེང་སྐབས་ཕྱི་ནང་གསང་བའི་བར་ཆད་དུ་མ་ཞིག་ཡོད་པ་མངོན་གསལ་དང་། ཁྱད་པར་བསྟན་འགྲོ་ལ་ཕན་བདེ་སྒྲུབ་ཚེ་བར་ཆད་རླུང་དམར་ལས་མྱུར་དང་། དེ་དག་ཐམས་ཅད་སེལ་བསྐྱེད་ཨོ་རྒྱན་རིན་པོ་ཆེ་ལ་གསོལ་བ་འདེབས་པ་ཁོ་ནས་སེལ་བ་ལས་ཐབས་གཞན་གང་ཡང་མེད། དམིགས་བསལ་ནུབ་ཕྱོགས་སུ་བསྟན་པ་སྤེལ་བའི་ཕྲིན་ལས་ལྷུན་གྲུབ་ཏུ་འགྱུར་བ་བ་ཨོ་རྒྱན་གུ་རུ་རིན་པོ་ཆེ་ལ་གསོལ་བ་འདེབས་པ་འདི་ཡིན། དེས་ན་རང་དང་འབྲེལ་བའི་རྒྱལ་ཁབ་གཞན་དག་ཏུ་ཆོས་གྲོགས་དང་སྔགས་འཆང་རྡོ་རྗེ་འཛིན་པའི་བསྟན་པ་དར་རྒྱས་ཕུན་ཚོགས་སུ་དམིགས་ནས་སང་ཉིན་པདྨ་བཀའ་ཐང་ཚར་གཅིག་རང་གིས་ཁས་ལེན་བྱས་པས་འདོན་འཆར་ཡིན། སང་ཉིན་བཀའ་ཐང་འདོན་འཁན་ཡོངས་ནས་ངོས་ལ་སྒེར་གྱིས་འབྲེལ་གནང་རོགས། ཚོགས་པ་དང་དགོན་པས་འདོན་རོགས་བཟོས་ན་བཀའ་དྲིན་ཆེ་ཞུ། དགེ་ཚོགས་ནི་འགྲོ་ཀུན་བདེ་བ་དང་སངས་རྒྱས་བསྟན་པའི་རྒྱུ་རུ་བསྔོ། ཤྲཱིཿཨེ་མ་ཧོས་་་

༄༅།།མཁན་ཆེན་བླ་མའི་གསོལ་འདེབས་སྙིང་གི་ནོར་བུ།།ན་མོ་གུ་རུ་བུདྡྷ་ཛྙཱ་ན་ཡེ།།ཀུན་ཏུ་བཟང་པོ་འཇམ་དཔལ༵་དགྱེས༵་པའི་ཐུགས།།རྡོ༵་རྗེ༵་འཆང་དབང་རིགས་ཀུན་ཁྱབ་བདག་རྗེ།།རྒྱལ་བ་ཀུན་འདུས་མཁན་ཆེན་བླ་མ་ལ།།གསོལ་བ་འདེབས་སོ་གནས་ལུགས་རང་ཞལ་སྟོན།།ཨོཾ་ཨཱཿཧཱུཾ་ཧྲཱིཿ་ཤྲཱིཿཨ་ནནྟ་བཛྲ་སརྦ་སིདྡྷི་ཕ་ལ་ཧཱུཾ་ཨ༔མདོ་སྔགས་ཆོས་ཚུལ་མ་ལུས་ལེགས་རྟོགས་ནས།།འགྲོ་བ་མ་ལུས་ལམ་བཟང་ས་ལ་བཀོད།།བསྟན་དང་འགྲོ་ལ་ཕན་བདེ་ལྷུན་གྱིས་གྲུབ།།མཁན་ཆེན་བླ་མའི་དགོངས་པ་རྟོགས་པར་ཤོག།ཨོྃ་ཨཱཿཧཱུཾ་མ་ཧཱ་གུ་རུ་ས་མནྟ་བྷ་དྲ་སིདྡྷི་ཕ་ལ་ཧཱུཾ་ཨ།།བདག་གི་མཁན་ཆེན་བླ་མ་ཐུགས་རྗེ་ཅན།།ཉམས་ཐག་བདག་ལ་ཐུགས་རྗེས་གཟིགས་སུ་གསོལ།།དགྱེས་པའི་ཞལ་བཟང་བདག་ལ་བསྟན་དུ་གསོལ།།དབུགས་དབྱུང་གསུང་གི་སྣང་བ་བསྩལ་དུ་གསོལ།།རྩེ་གཅིག་སྙིང་ནས་གསོལ་བ་འདེབས་པའི་ཚེ།།ཆོས་ཀྱི་འཁོར་ལོའི་དབྱིངས་སུ་ལེགས་བཞུགས་ནས།།ཡིད་ལ་གང་འདོད་དམ་པ་མ་ལུས་པ།།འབད་མེད་ལྷུན་གྱིས་གྲུབ་པས་མཛད་དུ་གསོལ།།མདོར་ན་དེང་ནས་ཚེ་རབས་ཐམས་ཅད་དང་།།འདི་ཕྱི་བར་དོའི་གནས་སྐབས་ཐམས་ཅད་དུ།།རེ་སའི་སྐྱབས་གནས་ཁྱེད་ལས་གཞན་ནས་མེད།།ཐུགས་རྗེ་སྤྱན་གྱིས་བདག་ལ་གཟིགས་ནས་སུ།།མགོན་སྐྱབས་བྲལ་བའི་ཉམས་ཐག་བདག་ཅག་ལ།།མཁན་ཆེན་བླ་མའི་ཐུགས་རྗེས་རབ་དགོངས་ནས།སྐུ་གསུང་ཐུགས་ཀྱི་སྣང་བ་བྲལ་མེད་དུ།།ཉམས་སུ་མྱོང་བའི་སྐལ་བཟང་ཐོབ་པར་ཤོག།།སྐྱེ་བ་ཀུན་ཏུ་ཡང་དག་བླ་མ་དང་།།འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང་།།ས་དང་ལམ་གྱི་ཡོན་ཏན་རབ་རྫོགས་ནས།།མཁན་ཆེན་བླ་མའི་གོ་འཕང་མྱུར་ཐོབ་ཤོག།ཅེས་པ་འདི་ཡང་རབ་གནས་ས་ཕག་མགོ་ཟླའི་ཡར་ངོའི་ཚེས་པ་བཅུ་ལ་ལ་དྭགས་ཏཱ་རས་ངོར་ཨེ་མ་ཧོས་དེ་ཉིད་དུ་སྤེལ་བར་དགེའོ།།

ཆར་འབེབས་བདུད་རྩིའི་སྤྲིན་ཆེན།།ན་མོ་རཏྣ་ཏྲ་ཡཱ་ཡ།།ཐུགས་རྗེ་ཀུན་ལ་མཉམ་པའི་བཅོམ་ལྡན་འདས།།འགྲོ་ཀུན་བུ་བཞིན་སྐྱོབ་པའི་པདྨ་འབྱུང་།།དབྱེར་མེད་ཐུགས་རྗེའི་དབང་ཕྱུག་སྨན་གྱི་བླས།།བྱིན་རླབས་སྤྲིན་ཆེན་བདུད་རྩིའི་ཆར་ཆེན་ཕོབས།།ཨོ་གླིང་ཚ་ཀླུང་ཞེ་དགུའི་མཐའ་ལ་ཉེ།།ཉམ་ཆུང་དུད་འགྲོའི་ཚེ་སྲོག་མེ་ཡིས་ཚིག།མཁའ་ཀློང་དུ་བས་འཁེངས་པའི་བར་གསེང་ཀུན།།ཀུན་བཟང་ཆར་ཆེན་སྩོལ་ཅིག་དཀོན་མཆོག་གསུམ།།རྒྱལ་བ་སྲས་དང་བཅས་ལ་ར་མདའ་སྒྲོན།།ཆོས་སྐྱོང་བཀའ་སྲུང་ཀུན་ལ་མངའ་གསོལ་བསྟོད།།ས་ཆུ་མེ་རླུང་འཇིགས་པའི་དགྲ་ཆེན་ལས།།ད་ལྟ་ཉིད་དུ་གྲོལ་བ་ཐུགས་རྗེས་གཟིགས།།ཕྱི་འབྱུང་རང་སར་དེངས་པས་གཙང་ཞིང་དག།ནང་འབྱུང་སེམས་ཁམས་བདེ་བའི་དཔལ་ཡོན་རྫོགས།།གསང་བ་རིག་པའི་ཡེ་ཤེས་དེ་ཉིད་སྨིན།།ཡང་བསྟན་པས་འགྲོ་ཀུན་སྨིན་གྲོལ་ཤོག།ཤྲཱིཿཨེ་མ་ཧོས་༣/༡/༢༠༢༠་ལའོ།།蓮華猛咒州伏藏鄔金藥師心咒The mantra of Ogyen Menla from Padma DraNgag Lingpa Lineageཨོཾ་ཨཱཿ་ཧཱུཾ་བཛྲ་གུ་རུ་པདྨ་བྷཻ་ཥ་ཛྱེ་ཡེ་སརྦ་སིདྡྷི་ཕ་ལ་ཧཱུཾ་ཨ༎唵阿吽 班雜 咕嚕 唄瑪 唄咔咋耶 娑哇 悉地 帕啦 吽 阿Om Ah Hum Varja Guru Padma Beikenjaye Shava Siddhi Pala Hum Ahཨོཾ་ཨཱཿ་ཧཱུཾ་བཛྲ་གུ་རུ་པདྨ་བྷཻ་ཥ་ཛྱེ་ཡེ་སརྦ་སིདྡྷི་ཧཱུྃ༎唵阿吽 班雜 咕嚕 唄瑪 唄咔咋耶 娑哇 悉地 吽Om Ah Hum Varja…