ཨ་མའི་སྙིང་ཐིག་ཡིད་བཞིན་ནོར་བུ།།ཀུན་བཟང་གདོད་མའི་མགོན་པོ་འོད་མི་འགྱུར་བ་ལ་ཕྱག་འཚལ་ལོ། །ཨེ་མ་ཧོ།།འཁོར་འདས་སྣང་སྲིད་སྣོད་བཅུད་ཀུན་ཏུ་བཟང་།།ཀུན་བཟང་གདོད་མའི་རང་བྱུང་ཡེ་ཤེས་ཉིད།།ཡེ་གྲོལ་འབད་རྩོལ་ཡིད་སྨོན་ལམ་བྱེད་བྲལ།།མ་རྟོགས་སེམས་ཅན་ལོག་རྟོག་བསལ་ཕྱིར་བསྟན།།མ་རིག་གཉིད་འཐུགས་ལས་སད་ལེགས་སད་ནས། །འཁྲུལ་སྣང་ཡང་འཁྲུལ་རྨི་ལམ་སངས་གྱུར་ཏེ། །གཞི་ལམ་དབྱེར་མེད་རང་གཤིས་ལེགས་རྟོགས་ན།།མ་རིག་མུན་བསལ་བའི་ཉི་མ་ཤར།།་་་་་་་

ཨེ་མ་ཧོའི་རྣམ་ཐར་ཡིད་བཞིན་ནོར་བུའི་དོ་ཤལ།།ན་མོ་གུ་རུ་ཨེ་མ་ཧོ།།ངོ་བོ་སྤྲོས་བྲལ་དབྱིངས་ལ་མཉམ་པར་བཞག།རང་བཞིན་འོད་གསལ་ཞིང་ཁམས་མངོན་སུམ་མཇལ།།ཐུགས་རྗེ་ཀུན་ཁྱབ་འགྲོ་ལ་ཕན་བདེའི་མགོན།།དཔལ་ཆེན་དགྱེས་པ་རྡོ་རྗེ་རྒྱལ་གྱུར་ཅིག།ཐོས་བསམ་ཕྱོགས་མེད་བཀའ་བསྟན་ཡོངས་རྫོགས་སྦྱངས།།སྒོམ་པ་ངེས་མེད་དབེན་གྲོང་དུར་ཁྲོད་འགྲིམས།།ཨེ་ཝཾ་མཚུངས་མེད་ཕྲིན་ལས་འཛམ་གླིང་ཁྱབ།།༧མཁན་ཆེན་བླ་མ་རིན་ཆེན་ཡོངས་སུ་གྲགས།།ཐུབ་བསྟན་རིས་མེད་རྣམ་དག་ཇི་བཞིན་གཟིགས།།གང་ཟག་རིས་ཅན་མཐོ་དམན་མེད་པར་ཤེས།།རང་གཤིས་འགྱུར་མེད་གནམ་ལྕགས་རྡོ་རྗེའི་ཐུགས།།གནུབས་ཆེན་རིང་ལུགས་འཛིན་མཁས་གྲུབ་དབང་ལགས།།ཐོག་མའི་བླ་མ་འཇིགས་མེད་རྣམ་པར་རྒྱལ།།བར་དུ་བསྟེན་པ་མོས་གུས་བརྩོན་འགྲུས་བརྟས།མཐར་ཕྱིན་ལུང་བསྟན་འཛམ་གླིང་རྒྱན་དུ་ཆེ།།དགེ་མང་མཁན་སློབ་གྲངས་ཚང་མཚན་ལྡན་ནས།།དགེ་ཚུལ་སྡོམ་པའི་ངེས་འབྱུང་རྩ་བ་བརྟན།།རབ་ཏུ་བྱུང་ནས་ཐོས་བསམ་སྒོམ་པར་འབད།།གཞི་གསུམ་ཕྱག་བཞེས་ཚད་དུ་ཕྱིན་པའི་ཚེ།།སྐྱེན་པོ་མདོ་སྔགས་བཤད་སྒྲུབ་དར་རྒྱས་འཁན།།མཁན་པོ་དམ་པ་དགེ་ལེགས་ཡར་འཕེལ་ལགས།།གནས་ཆེན་རི་བོ་རྩེ་ལྔའི་ཞིང་ཁམས་སུ།།ཁྲི་ཕྲག་འཁོར་ཚོགས་བཟང་པོ་སྤྱོད་པར་སྨོན།།ཆོས་རྗེ་ཡིད་བཞིན་ནོར་བུས་རྗེས་སུ་བཟུང་།།ཀུན་བཟང་ཆོས་དབྱིངས་བློ་གྲོས་མཚན་དུ་གསོལ།།མཁས་གྲུབ་མཁྱེན་བརྩེ་རྡོ་རྗེ་འཆང་ཆེན་ལས།།སྙིང་ཐིག་དབང་ལུང་མན་ངག་སྨིན་གྲོལ་བསྩལ།།ཀུན་མཁྱེན་གཞུང་ལུགས་ལྗགས་ལུང་ཡོངས་སུ་ཐོས།།མཉྫུ་ཤྲཱིཿའི་གསང་མཚན་མངོན་པར་གསལ།།ཀུན་གཟིགས་པན་ཆེན་པདྨ་མ་ཚེ་དབང་དང་།།མཁན་ཆེན་བསོ་ཚེ་མགོན་བླ་པདྨ་ལས།།མདོ་སྔགས་རིག་གནས་ཀུན་ཁྱབ་གདལ་བའི་ཚེ།།སྐལ་བཟང་དཔལ་དགྱེས་རྡོ་རྗེའི་རྣམ་ཐར་བཀྲ།།ཀུན་བཏང་བྱ་བྲལ་ཆོས་དབྱིངས་ཁྱབ་གདལ་གྱི།།ཡང་གསང་དམ་ཆོས་བགོས་སྐལ་ལོངས་སུ་སྤྱོད།།ཁྱད་པར་རོང་ཀློང་གདམས་པས་ཐུགས་རྒྱུད་ཕྱུག།བྱ་བྲལ་མཁན་པོ་དཔལ་དགྱེས་རྣམ་པར་ཐར།།རྗེ་བཙུན་མཁའ་འགྲོ་མུ་མེད་འཚོ་མོ་གཅིག།མཆོག་སྤྲུལ་དམ་པ་བསྟན་འཛིན་རྒྱ་མཚོ་གཉིས།།ཀུན་མཁྱེན་བླ་མ་ཚུལ་ཁྲིམས་བློ་གྲོས་གསུམ།།བླ་མཆེད་སྙིང་གི་ནོར་བུ་བཞིན་དུ་གྱུར།།རྟེན་འབྲེལ་གནད་ལ་དབང་བའི་སྨོན་ལམ་ལས།།དགེ་རྩེ་སྐྱེན་པོའི་སྡེ་དགོན་ཡོངས་རྫོགས་ཀྱིས།།དྲག་སྔགས་གླིང་པའི་ཁྱབ་བདག་རིག་འཛིན་ལ།།མངའ་གསོལ་གཟེངས་རྟགས་མཁན་སྤྲུལ་རྣམ་ཐར་ལགས།།ལམ་མཁྱེན་རྗེ་དང་སྐྱེ་སྔ་རིན་པོ་ཆེས།།བཀའ་ལུང་བཞིན་དུ་ཀུན་བཟང་ནགས་ཁྲོད་དུ།།མདོ་སྔགས་ཟབ་རྒྱས་རིག་གཞུང་ཆོས་འཁོར་བསྐོར།།དཔལ་ལྡན་ཕག་གྲུའི་མཁན་ཆེན་ཡོངས་སུ་གྲགས།།འཕགས་མཆོག་ཕྱག་ན་པདྨོ་དངོས་སུ་མཇལ།།རྫོགས་ཆེན་དུས་འཁོར་བཀའ་གཏེར་བཀའ་རྒྱ་ཁྲོལ།།ཐུགས་དམ་དགྱེས་ནས་བསྟན་འཛིན་དགེ་ལེགས་ཞེས།།ཆོས་ཀྱི་རྒྱལ་མཚན་བསྒྲེང་བའི་རྟེན་འབྲེལ་འགྲིགས།།ཐོས་བབསམ་སྒོམ་པའི་ཡོན་ཏན་ཟླ་བཞིན་འཕེལ།།བསྙེན་སྒྲུབ་ཕྲིན་ལས་འོད་སྣང་བརྟས་དྲག་ནས།།རྨི་ལམ་དབང་ཕྱུག་དད་པའི་དུང་བ་འདྲེན།།འབུམ་རིམས་དུ་མས་བསྔགས་ནས་གཙུག་ཏུ་བཀུར།།ཡིད་བཞིན་ནོར་བུའི་བླ་རྫོགས་ཐུགས་གསུམ་དང་།།པདྨ་གླིང་པའི་ལུས་དཀྱིལ་སྨིན་གྲོལ་དབང་།།ཉིན་དུ་མཚན་མོར་འབད་པའི་གྲུབ་རྟགས་ཐོན།།ཆོས་དྲུག་སྦྱོར་དྲུག་ཀྱང་སྒྱུ་འཕྲུལ་མངའ་དབང་འབྱོར།།དྲིན་ཆེན་ཨ་མའི་ནད་གཡོག་བྱམས་པས་སྐྱོང་།།རིག་འཛིན་རྣམ་བཞིའི་ཐུགས་དམ་གོང་དུ་སྤེལ།།སྐུ་གསུམ་རྒྱལ་བའི་རྒྱལ་ས་ཕྱིན་པའི་ཚུལ།།གསང་བའི་རྣམ་ཐར་རྒྱ་མཚོའི་སྙིང་པོ་མཆིས།།ཨེ་ཝཾ་ཆོས་ཚོགས་འཛམ་བུ་གླིང་ཀུན་ཁྱབ།།སྨོན་ལམ་ཆེན་མོ་ལྔ་བརྒྱ་གསར་དུ་བསྐྲུན།།གཏེར་གསར་འགྲོ་དོན་ཀུན་གསལ་དབྱིངས་དང་མཉམས།།བསྟན་འགྲོའི་དཔལ་མགོན་དམ་པའི་རྣམ་ཐར་ལགས།།ཞེས་པ་འདི་ཡང་རབ་གནས་ས་ཕག་མགོ་ཟླའི་དབང་ཕྱོགས་རྒྱལ་བ་གསུམ་པར་དཔལ་ལྡན་སངས་རྒྱས་ངོར་ཤྲཱིཿཨེ་མ་ཧོས་ཡེ་ཞི་དུས་སྟོན་སྐབས་སུ་ཨེ་ཝཾ་དགེ་འདུན་གླིང་ནས་༢༠༡༩ལོའི་ཟླ༡༢ཚེས༢༥ ཉིན།། །།

རིག་མཆོག་རིན་པོ་ཆེའི་ཞབས་བརྟན་རྡོ་རྗེའི་ཕ་ལམ།ཨོཾ་སྭཱ་སྟི།།ཀ་དག་ཆོས་དབྱིངས་ནམ་མཁའི་མཐའ་དང་མཉམ།།ལྷུན་གྲུབ་འོད་གསལ་ཉི་ཟླའི་ཁྱབ་གདལ་དཔལ།།ཟུང་འཇུག་རིག་མཆོག་ཕྲིན་ལས་ཀུན་ཏུ་བཟང་།།གཙང་གྲུབ་རྒྱུད་པ་བཅས་པས་དགེ་ལེགས་སྩོལ།།ཨོ་རྒྱན་པདྨས་བྱིན་རླབས་དངོས་གྲུབ་ཐོབ།།རྡོ་རྗེ་ཕུར་བུའི་སྣང་གྲགས་རིག་མཆོག་འཛིན།།མཁའ་འགྲོ་རྒྱ་མཚོའི་མེས་པོ་ཧེ་རུ་ཀ།བསྟན་དང་འགྲོ་བའི་མགོན་དུ་ཞབས་བརྟན་གསོལ།།མཁས་གྲུབ་རིག་འཛིན་བརྒྱུད་པའི་ཐུགས་ཀྱི་སྲས།།འགྲོ་ཀུན་ཕན་བདེ་སྒྲུབ་པའི་ཕྲིན་ལས་ཅན།།གཙང་པ་གྲུབ་ཆེན་རིག་མཆོག་རིན་པོ་ཆེའི།།སྐུ་ཚེ་རབ་བརྟན་བཞེད་དོན་ལྷུན་འགྲུབ་ཤོག།རབ་གནས་ས་ཕག་མགོ་ཟླའི་དུས་ཚེས་དགེ་བའི་ཚེ་རིང་གི་ཉི་མ་ལ་ཤྲཱིཿཨེ་མ་ཧོས་ལྷག་བསམ་རྣམ་པར་དག་པས་ཨེ་ཝཾ་དགེ་འདུན་གླིང་ནས་སྨོན་པར་དགེའོ།། །།

ས་མ་ཡའི་མེ་ལོང་། ན་མོ་གུ་རུ་པདྨ་ཀ་ར་ཡེ།། ཟབ་ཞི་སྤྲོས་བྲལ་འོད་གསལ་འདུས་མ་བྱས།།The mirror of Faith, Homage to the master, Padmakara; Profundity, peace and simplicity with bright light and uncompounded phenomenon;བདུད་རྩི་ལྟ་བུའི་ཆོས་ཉིད་དོན་རྟོགས་ནས།། བསམ་ཡས་འགྲོ་དོན་མཛད་པའི་ཐུགས་རྗེ་ཅན།།Comprehend the actuality of nature like a taste of Ambrosia; Compassionate and working for the benefit of inconceivable beings;འདྲེན་མཆོག་དཔལ་ལྡན་བླ་མ་གསོལ་བ་འདེབས།།…

རང་གཤིས་བརྗེན་པའི་གླུ་ཆུང་།། ༡༽……,,,༦༽ནམ་མཁའི་མཐའ་དང་མཉམ་པའི་སེམས་ཅན་དོན།།ལུས་སེམས་དགེ་བ་བརྩོན་པའི་ཆོས་སྨྲ་བདག།དེ་རིང་འཆི་ཡང་བདེ་ཆེན་ཞིང་དུ་འགྲོ།།ཆོས་རྗེ་བླ་མ་དམ་པའི་དམ་ཚིག་ཡོད།།༧༽བླ་མ་ཨོ་རྒྱན་ཆེན་པའི་བྱིན་རླབས་ཞུགས།།ཡི་དམ་ཞི་ཁྲོ་རབ་འབྱམས་དངོས་གྲུབ་ཐོབ།མཁའ་འགྲོ་དམ་ཅན་རྒྱ་མཚོའི་དཔལ་དགྱེས་པ།།བསྟན་འགྲོའི་ཕྲིན་ལས་ལྷུན་གྲུབ་ཨེ་མ་ཧོ།།ཞེས་པ་འདི་ཡང་རབ་གནས་ས་ཕག་མགོ་ཟླའི་དབང་ཕྱོགས་རྒྱལ་བ་གསུམ་པར་གང་ཤར་དུ་ཨེ་ཝཾ་རང་བཞིན་གཙུག་ལག་ཁང་དུ་བགྱིས་པར་དགེའོ།། །།

ཐར་མདོ་བསྡུས་པ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདས་པ་དང་། མ་བྱོན་པ་དང་། ད་ལྟར་བཞུགས་པ་ཐམས་ཅད་དང་། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། མཆོད་རྟེན་རྣམས་དང་། སྐུ་གདུང་རིང་བསྲེལ་ཐམས་ཅད་ལ་ཕྱག་འཚལ་ལོ། མཆོད་དོ་སྐྱབས་སུ་མཆིའོ། བྱིན་གྱིས་བརླབ་ཏུ་གསོལ། གཟུངས་ཆེན་པོ་དང་མདོ་སྡེ་བཅུ་གཉིས་ལ་ཕྱག་འཚལ་ལོ། མདོ་ཡི་སྡེ་ལ་ཕྱག་འཚལ་ལོ། ལུང་དུ་བསྟན་པའི་སྡེ་ལ་ཕྱག་འཚལ་ལོ། ཚིགས་གསུམ་བཅད་པའི་སྡེ་ལ་ཕྱག་འཚལ་ལོ། དབྱངས་ཀྱིས་བསྙད་པའི་སྡེ་ལ་ཕྱག་འཚལ་ལོ། ཆེད་དུ་བརྗོད་པའི་སྡེ་ལ་ཕྱག་འཚལ་ལོ། གླེང་གཞིའི་སྡེ་ལ་ཕྱག་འཚལ་ལོ། རྟོགས་པ་བརྗོད་པའི་སྡེ་ལ་ཕྱག་འཚལ་ལོ། འདས་པ་བརྗོད་པའི་སྡེ་ལ་སྡེ་ལ་ཕྱག་འཚལ་ལོ། སྐྱེ་བ་རབས་ཀྱི་སྡེ་ལ་ཕྱག་འཚལ་ལོ། ཤིན་ཏུ་རྒྱས་པའི་སྡེ་ལ་ཕྱག་འཚལ་ལོ། རྨད་དུ་བྱུང་བའི་སྡེ་ལ་ཕྱག་འཚལ་ལོ། གཏན་ལ་ཕབ་པའི་སྡེ་ལ་ཕྱག་འཚལ་ལོ། ཐེག་པ་ཆེན་པོའི་སྡེ་སྣོད་ཐམས་ཅད་ལ་ཕྱག་འཚལ་ལོ། མཆོད་དོ། སྐྱབས་སུ་མཆིའོ། བྱིན་གྱིས་བརླབ་ཏུ་གསོལ། ན་མོ་བུདྡྷ་ཡ། ན་མོ་དྷཱ་རྨ་ཡ། ན་མོ༔སཾ་གྷཱ་ཡ། ཨ་དན་ཏི་དྷཱ་ར་ཎཱི། ཏདྱཐཱ། ཨཱ་ཀཱ་ཤ་ནི་བ་བཱི་ནི། སརྦ་དྷཱ་རྨ་ནི་བ་ནི། ཨི་ཤ་མ་ད། པི་པ་ཤ་ན། བི་མ་ལ་སུ་པ་རི། དྷཱརྨ་ནི་ཁ་ན། བ་ར་རུ་ནི་ཙ་ཡ་ཏ་མ་ལེ་ཙ་ལེ།…