སྐྱབས་གནས་སྤྱི་འདུས་རྩ་བའི་སྒྲུབས་པ་ལས་བར་ཆོད་ལམ་སེལ་བསམ་པ་ལྷུན་འགྲུབའོ།། སྐྱབས་ཀུན་འདུས་ངོ་བོ་རིན་པོ་ཆེ།།སྤྲང་བདག་གི་བླ་མ་བཀའ་དྲིན་ཅན།།འགྲན་ཟླ་བྲལ་དྲང་སྲོང་སྨོན་ལམ་རྒྱལ།།མཚན་ཐོས་པ་ཙམ་གྱི་ལས་སྒྲིབ་བྱང་།།གསུང་ཐོས་པ་ཙམ་གྱིས་བ་སྤུ་གཟེང་།།ཡིད་དྲན་པ་ཙམ་གྱིས་མཆི་མ་ཕྲུགས།།ལུས་དད་པའི་མཆོག་གི་ཕྱག་འཚལ་ལོ།། རང་གི་སྤྱི་གཙུག་པད་ཉི་ཟླ་བའི་སྟེང་། རྩ་བའི་བླ་མ་སྐྱབས་གནས་གཡུང་དྲུང་གནས་བཞིའི་ལྷ་ཚོགས་རྣམས། གཏེར་གྱི་སྒོང་བུ་ཁ་ཕྱེས་པ་ལྟར། བཀྲ་ལམ་མེར་གསལ་བར་བསམ་ཞིང་། བདག་གཞན་སེམས་ཅན་ཐམས་ཅད་ཀྱིས། རྩེ་གཅིག་དད་པས་གསོལ་བ་བཏབ་པས་ཕྱིང་གི་བར་ཆད་སོལ་བར་བསམ། དེ་ཡི་ངང་ནས་གདུང་དབྱངས་དྲག་པོས་ཚིག་འདིས་བསྐུལ། ཨ༔ རང་ལུས་འཛིན་པ་བྲལ་བའི་སྤྱི་བོ་ནས།།མ་ཆགས་སྐྱོན་བྲལ་པད་ཉི་ཟླ་བའི་སྟེང་།།རབ་འབྱམས་རྒྱལ་བ་ཀུན་གྱི་ཐུགས་ཀྱི་སྲས།།ཡི་དམ་ཞི་ཁྲོ་ཀུན་འདུས་བདག་ཉིད་རྗེ།།དཔའ་མོ་རྒོད་ལྕམ་ཀུན་གྱི་མིང་གཅིག་པོ།།རྒྱལ་ཀུན་ངོ་བོ་རྩ་བའི་བླ་མ་རྗེ།།སྐུ་མདོག་དཀར་གསལ་གཞོན་ནུ་རབ་འབྱུང་ཆས།། ཕྱི་རྟགས་མཚན་བཟང་སུམ་ཅུའི་རབ་ཏུ་མཛེས།།ནང་རྟགས་དཔེ་བྱེད་བརྒྱད་ཅུའི་རབ་ཏུ་བརྒྱན།།ལེགས་པའི་ཡོན་ཏན་བརྒྱ་དང་རྩ་བརྒྱུད་དང་།།ངེས་པའི་ཐོ་ཡིག་བཞི་བཅུའི་བཀྲཊ་མདངས་གསལ།།ཏིང་འཛིན་ཡན་ལག་བརྒྱད་ཅུ་རྩ་གཅིག་དང་།།མཁྱེན་པའི་ཡེ་ཤེས་དྲུག་ཅུ་རྩ་གཅིག་རྫོགས།།ཕྱག་གཡས་མ་ཆཊ་སྐྱོན་བྲལ་པད་སྡོང་སྟེང་།། དུག་ལྔ་རྩད་གཅོད་ཤེས་རབ་རལ་གྲི་འཛིན།།ཕྱག་གཡོན་མཉམ་བཞག་རིན་ཆེན་གླེག་བམ་ལ།།བོན་སྒོ་བརྒྱད་ཁྲིའི་འོད་ཟེར་ཕྱོགས་བཅུར་སྟེང་།།རབ་འབྱམས་གནས་བཞིའི་ལྷ་ཚོཊ་འཁོར་བཅས་རྣཾས།།ཐུགས་རྗེས་བརྩེ་བས་བདག་ལ་དགོངས་སུ་གསོལ།།ལས་ངན་བདག་ལ་ཐུགས་རྗེའི་སྤྱན་གྱིས་གཟིཊ།། ད་ལྟ་ལྔ་བརྒྱ་དུས་ཀྱི་ཐ་མ་ལ།།སུམ་ཅུ་ཁ་རལ་ལས་ངན་སྤྱོད་པའི་སྐབས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། བན་བོན་བླ་མ་རྣམས་ཀྱི་དམག་དཔོན་བྱེད།།འདུ་གནས་དགོན་སྡེ་དམག་གི་འཁྲས་ཁང་བྱེད།།དགེ་སློང་རྣམས་ཀྱི་དམེ་འཁྲུག་བྱེད་པའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། བླ་མ་རྣམས་ལ་བྱིན་རླབས་ནུས་མེད་ཅིང་།།ང་ཆེ་གྱང་ཁེང་དྲིཊ་པས་དཀོར་ཟས་བཟའ།།རྣམས་ཤེས་མི་རིག་འཕོ་འདེབས་སྤར་བའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། དུག་ལྔ་མི་ཐུལ་གར་འགྲོ་མི་རིག་པའི།།སྐྱ་མིན་སེར་མིན་ཀུན་གྱི་དད་ཟས་ཟ།།ཡོག་དག་རྒྱུ་ནོར་ཆུ་ཟོས་འགྲོ་བའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། གྲྭ་པ་རྣམས་ཀྱི་སྡོམ་པ་མི་སྲུང་ཞིང་།།བྱམས་དང་སྙིང་རྗེ་སེམས་ལ་དྲན་མི་ཤེས།།དགེ་སྡིག་མི་ཕྱེད་སྤང་བླངས་ནོར་བའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། རྟོགས་ལྡན་རྣམས་ཀྱི་སྐྱ་ཆས་མཚོན་ཆ་བསགས།།ཁྲེལ་དང་ངོ་ཚ་མནའ་ལ་མི་འཛེམ་ཞིང་།།ཚོང་དང་རྫུན་གྱི་འཁོར་ལོ་བསྐོར་བའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། མི་རྗེ་དཔོན་པོ་རྣམས་ཀྱི་ཁྲིམས་ལོག་བྱེད།།བདེན་པ་ཁྱད་བསད་རྫུན་མའི་ངོ་སོ་མཐོ།།རྒྱལ་ཁྲིམས་ལམ་ལོག་ཕྱོགས་རིས་བྱེད་པའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། རི་ཁྲོད་མི་འགྲིམ་གྲོང་ནག་དཀོར་འགྲིམ་བྱེད།།བུ་མོ་སྲིང་མོ་ཚ་མོ་ནལ་བྱེད་ཅིང་།།འདྲེ་སྲིན་བསླུ་བྲེད་བུད་མེད་འདེད་པའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། ལས་སྤྱོད་ངན་པས་མི་ཕྱུགས་ནད་ཡམས་དར།།ནད་ངོ་མི་ཟིན་ཚ་གྲང་གོ་རྣམས་ལྡོག།ནད་ལོག་སྨན་ལོག་རྩ་ཆུ་མི་ཤེས་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། ཐེའུ་རང་རྒྱལ་འགོང་ཤི་འདྲེས་ལུང་ལོག་སྟོན།།སེམས་ཅན་རྣམས་ཀྱི་སྙིང་ལ་རྒྱལ་འགོང་ཞུགས།།རང་ཕུང་གཞན་བརླག་མེད་པར་བྱེད་པའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། གནམ་ཐན་ཁ་ཆར་རླུང་དང་བུ་ཡུག་ལྡང་།།སྒོ་ནོར་སེམས་ཅན་ནད་རིགས་སྣ་ཚོགས་འབྱུང་།།བསོད་ནམས་མར་འགྲིབ་ས་བཅུད་ཉམས་པའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། སྔར་གནས་ཟོ་དོར་ཡུལ་ལྷ་དཀར་ཕྱོགས་འཁྱམས།།ནག་ཕྱོགས་ས་བཟུང་འདྲེ་སྲིན་འགོ་ལོ་རྒོད།།དུས་བཞི་གོ་ལྡོག་ཆར་ཆུ་མི་འབེབས་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། འབྲུ་བཅུད་མི་འཕེལ་བར་སྣང་མེ་འོད་འཕྲོ།།ཤི་འདྲེ་གསོན་འདྲེ་མངོན་རྒྱུག་མིང་ནས་འབོད།།སྐྱབས་མེད་སེམས་ཅན་བླ་ཚེ་ཉམས་པའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། དགེ་བྱེད་སྐྱེས་བུ་རྣམས་ལ་བཀུར་པ་འདེབས།།ཟ་འདོད་བསླུ་བྲེད་ཟོབ་པོ་སྐྱབས་ཡུལ་བཙལ།།རྫུན་མ་རྣམས་ཀྱི་ངོ་སོ་མཐོ་བའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། ལྟ་བ་ཁ་ཆེར་རྟོགས་པ་གླུ་རུ་ལེན།།རང་ངོ་ཤེས་གཞན་ལ་ངོ་སྤྲོད་བྱེད།།གར་འགྲོ་མི་ཤེས་ཕ་རོལ་འཁྱམས་པའི་དུས།།ཐུགས་རྗེའི་བདག་ཉིད་དྲིན་ཅན་རིན་པོ་ཆེ།།རྒྱལ་ཀུན་ངོ་བོ་རྩ་བའི་བླ་མ་མཁྱེན།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་གྲུབ་པར་བྱིན་གྱིས་རློབས།། སྐུ་གསུམ་བསླུ་མེད་རྩ་བའི་བླ་མ་ལ།།སྒོ་གསུམ་རྩེ་གཅིག་དད་པས་གསོལ་བཏབ་མཐུས།།དུས་གསུམ་འཁྲུལ་བའི་འགལ་སྐྱེན་ཀུན་ཞི་ཞིང་།།སྐུ་གསུམ་རྒྱལ་བའི་དགོངས་པ་མངོན་གྱུར་ནས།།ཕྱི་ནང་གསང་བའི་བར་ཆད་ཀུན་སེལ་ཞིང་།།བསམ་པ་ལྷུན་གྱིས་འགྲུབ་པར་མཛད་དུ་གསོལ།། ཞེས་བརྗོད་དོ། སྐྱབས་གནས་སྤྱི་འདུས་རྩ་བའི་བསྒྲུབ་པ་ལས། བར་ཆད་ལམ་སེལ་བསམ་པ་ལྷུན་འགྲུབ་ཞེས་བྱ་བ་འདི་ཉིན་བཞིན་རྒྱུན་ཏུ་འདོན་པར་བྱའོ། ཁྱེད་པར་སྙིགས་མ་ལྔ་བརྒྱ་དུས་ཀྱི་ཐ་མ། རང་ངོ་མི་ཤེས་བླ་མས་ཡུལ་ཁམས་ཁེངས། དགེ་སློང་རྣམས་ཀྱང་མདའ་མཚོན་ལས་ལ་འབད། ལུས་ལ་སྐྱ་ཆས་སེར་ཆས་སྤེལ་མས་བརྒྱན། མི་སྐྱ་འདུས་སར་སྒོམ་གཏམ་ཆོས་བཤད་བྱེད། བཙུན་པ་རྣམས་ཀྱིས་བུད་མེད་བཟང་ངན་གཏམ། དགེ་མ་རྣམས་ཀྱིས་མི་གཟུགས་བཟང་ངན་གཏམ། བུད་མེད་རྣམས་ཀྱིས་རྫུན་གྱིས་རྒྱལ་ཁམས་དཀྲུགས།…

དེང་རབས་བསླབ་བྱའི་བཤད་འགྲེལ།བླང་དོར་ལམ་སྟོན།སྐབས་ལྔ་པ། ཡུལ་གཞན་ན་གནས་པའི་བསླབ་བྱ་བསྟན་པ།མཛད་པ་པོ་དང་འཆད་འགྲེལ་པ། མཁན་པོ་ཚུལ་ཁྲིམས་བློ་གྲོས།ཡིག་འབེབ་པ། རོང་སྦྱིན་པ་ཚུལ་ཁྲིམས། པདྨ་རྡོ་རྗེ།ཀློག་འདོན་པ། བོད་ལྕེ། རྩ་དོན་གཉིས་པ། རང་ཚུགས་མ་ཉམས་པར་བྱ་བ་ནི།གཉིས་པ་རང་ཚུགས་གཟུང་བ་ནི། །ཡུལ་གྲུ་གང་དུ་མི་རིགས་ཚོགས། །སུ་ཡི་ཁྲོད་ན་གནས་ཀྱང་རུང་། །རང་གི་དད་པ་རིག་གནས་སྲོལ། །མི་ཉམས་གཟུང་དང་སྤེལ་བར་བྱ། །བོད་པ་ཚོས་ལག་ལེན་དུ་མ་ཐེབས་པར་ཆེས་འཐུས་ཤོར་འགྲོ་ས་དེ་རྩ་དོན་གཉིས་པ་རང་ཚུགས་འཛིན་པ་འདི་རེད། དེ་ལ་རང་ཚུགས་ཇི་ལྟར་འཛིན་དགོས་རེད་ཅེ་ན། ཡུལ་གྲུ་དང་རྒྱལ་ཁབ་ གཞན་པ་གང་དང་། མི་རིགས་གཞན་པ་སུ་ཞིག་གི་ཁྲོད་དུ་གནས་ནའང་། རང་གི་ཆོས་ལུགས་ཀྱི་དད་པ་དང་། རང་གི་མི་རིགས་ཀྱི་རིག་གནས། རང་གི་ས་གནས་ཀྱི་ཡུལ་སྲོལ་གོམས་གཤིས་དག་མི་ཉམས་པའི་སྒོ་ནས་བརྒྱུད་འཛིན་བྱེད་པ་དང་། མ་ཟད་ཕ་མ་ཚོས་རང་གི་བུ་ཕྲུག་རྣམས་ལ་བཤད་དེ་མི་རབས་ཕྱི་མ་རྣམས་ལ་ངེས་པར་དུ་བརྒྱུད་སྤེལ་བྱེད་དགོས། རང་གི་དད་པ་དང་། རིག་ གནས། ཡུལ་སྲོལ་གོམས་གཤིས་འདི་དག་མི་རིགས་གཞན་པ་ཞིག་ཏུ་སོང་ནས་དེ་དག་ལ་བསྒྲུབ་ཏུ་འཇུག་དགོས་ན་དཀའ་མོ་རེད། འོན་ཀྱང་རང་གི་བུ་རྒྱུད་རྣམས་ལ་ངེས་པར་དུ་སྤེལ་དགོས། དེ་ཧ་ཅང་གལ་ཆེན་པོ་རེད།ཡིན་ཡང་དངོས་གནས་བཤད་ན། འདི་ཕྱི་ན་ཡོད་པའི་བོད་པ་རྣམས་མ་ཟད། ནང་ན་ཡོད་པའི་བོད་པ་རྣམས་ཀྱིས་ཀྱང་བྱེད་ཐུབ་ཀི་མི་འདུག །སྤྱིར་ཕྱི་ན་ཡོད་པའི་བོད་པ་རྣམས་ཀྱི་ནང་ལ་རང་གི་བུ་ཕྲུག་ཚོས་བོད་སྐད་རྩ་བ་ནས་མི་ཤེས་པ་གང་མང་མང་རེད། ད་དུང་བོད་དང་བོད་ཀྱི་རིག་གནས་ལ་དགའ་ཞེན་ཡོད་ནའང་ཆོས་ཀྱི་ཐོག་ནས་དད་པ་ཡོད་ས་དེ་ཉུང་ཉུང་རེད། ངས་སྔོན་ཆད་ལའང་བཤད་ཡོད། བོད་ཀྱི་ལོ་ཉུང་མང་པོ་ཞིག་ལ་དྲིས་པ་ཡིན། ནུབ་ཕྱོགས་ན་ཡོད་པའི་བྱིས་པ་ཆུང་ཆུང་སྟེ་ཕ་མ་གཉིས་ཀ་བོད་ཡིན་ནའང་སྐྱེ་ས་ནུབ་ཕྱོགས་སུ་སྐྱེས་པ་རྣམས་ཀྱི་ནང་དུ། ལས་རྒྱུ་འབྲས་དང་ཚེ་སྔ་ཕྱི་ཡོད་དྲན་མཁན་དང་། མེད་དྲན་མཁན། དེ་བཞིན་ཡོད་དམ་མེད་དྲན་མཁན་དག་ལས་སུས་མང་བལྟ་དུས། ཡོད་དམ་མེད་དྲན་མཁན་དེས་མང་འདུག་ཟེར། དེ་འདྲ་རེད། ད་དུང་དད་པ་མ་ཟད་རང་གི་སྐད་དང་ཡི་གེ་ཙམ་ཡང་མི་ཤེས་མཁན་གང་མང་མང་རེད།…

བདེན་གཉིས་ཀྱི་གཤོག་ཟུང་མཁའ་ལ་བསྐྱོད།།ན་མོ་མ་ཧཱ་གུ་རུ་བུདྡྷ་ཛྙཱ་ན་ཡེ།།ཀ་དག་ཆོས་དབྱིངས་ངང་ལས་མ་གཡོས་བཞིན།།ལྷུན་གྲུབ་འོད་གསལ་རིག་འཛིན་མཐར་ཕྱིན་སྐུ།།སངས་རྒྱས་ཡེ་ཤེས་སྐུ་དངོས་དྲག་སྔགས་གླིང་།།དཔལ་དགྱེས་རྡོ་རྗེའི་རང་གི་རྣམ་ཐར་འབྲི།།འགྲོ་བའི་མགོན་པོ་པདྨ་ཀ་ར་ཡི།།ཐུགས་ཀྱི་སྲས་མཆོག་སངས་རྒྱས་ཡེ་ཤེས་དཔལ།།པདྨ་དྲག་གླིང་དགྱེས་པ་རྡོ་རྗེའི་སྐུ།།བསམ་བཞིན་འགྲོ་དོན་ཕེབས་ལ་གསོལ་བ་འདེབས།།ཡབ་རྗེ་རྣལ་འབྱོར་ཞི་ཁྲོ་རབ་འབྱམས་དང་།།ཡུམ་ཆེན་བླ་མ་ཨོ་རྒྱན་སྒྲོལ་མ་ལ།།ངོ་མཚར་བལྟས་བཟང་དགེ་མཚན་རྟེན་འབྲེལ་བཅས།།ལྕགས་ཁྱི་ས་ཟླའི་ཚེས་པ་བརྒྱད་ལ་བལྟམས།།གངས་ལྗོངས་ཁྲྭ་སྟོད་གནམ་རྫོང་ཕྱུག་མོ་དང་།།དབང་རི་མཁར་དམར་གླང་ཆེན་འགྱིང་རིའི་མདུན།།མཚོའུ་དཀར་འཁྱིལ་སྒང་ལྷའི་གཡས་ཐང་དུ།།སྐུ་མཆོག་མཚན་དཔེའི་པདྨོ་རབ་ཏུ་བཞད།།མཁན་ཆེན་དམ་པ་འཇིགས་མེད་རྣམ་རྒྱལ་གྱིས།།འཇམ་དཔལ་སྨྲ་སེང་བྱིན་རླབས་དབང་བསྐུར་མཛད།།གསར་རྙིང་རྒྱུད་བཞིན་དཔལ་དགྱེས་རྡོ་རྗེ་གསོལ།།དཔལ་དགའ་དཔལ་ལོ་དཔལ་གཅེས་ཞེས་སུ་གྲགས།། ་་་་་་

ན་རྒ་འཆི་མེད་ཀྱི་ཨ་ཕོ་ལྕང་ལོ་ཅན།ན་མོ་མ་ཧཱ་གུ་རུ་ཤྲཱིཿཨེ་མ་ཧོ༔༼༡༽སྔོ་བསངས་བུ་མོའི་གཞིན་ལ་མ་ཆགས་ཤིང་།།རྟ་བདུན་དབང་པོའི་དྲོད་ལ་མ་རེ་ནས།།ཀུ་མུད་གཉེན་ལ་མ་བལྟས་སྒྱུ་ལུས་གར།།ཨེ་ཝཾ་མཁྱེན་བརྩེའི་རིག་པ་ཤིན་ཏུ་གསལ།།༼༢༽ནམ་མཁའི་ཀློང་རལ་སྙམ་པའི་འཇིགས་སྣང་མེད།།རྒྱ་མཚོའི་ཀླུང་ཡངས་སྐམ་པའི་དྭོགས་སྐྲག་མེད།།མི་འདོད་དགྲ་གཅན་སྡུག་པའི་གནོད་པ་མེད།།འཇིགས་མེད་རྟུལ་ཞུགས་སྤྱོད་པའི་རྣལ་འབྱོར་ལགས།།༼༣༽རྨད་བྱུང་ཛམ་གླིང་སྒང་ན་ལུང་རིགས་བདག།ཀུན་བཟང་གཡུ་རལ་རྒྱས་པའི་སེང་ཕྲུག་ང་།།ན་རྒས་ཉེར་འཚེའི་འབུ་སྲིན་རབ་དབེན་ཕྱིར།།གང་ཤར་ཐོལ་བྱུང་མྱུར་བྲིས་ཐོགས་པ་མེད།།༼༤༽ལོག་སྨྲའི་ལྟ་ངན་འཇོམས་པའི་སེང་ཆེན་ཡིན།།རིགས་པའི་གད་རྒྱངས་སྒྲོག་མཁས་སེང་གདངས་ཡིན།།གངས་ལྗོངས་ལྷ་འབངས་སྐྱོང་བའི་སེང་རྒྱལ་ཡིན།།སེང་ལྕམ་བརྩེ་བའི་ཉི་གཞོན་འཛུམ་མདངས་གསལ།།༼༥༽རྒྱལ་བསྟན་རིན་ཆེན་འཛིན་པའི་སྲོག་ཤིང་ཆེ།།སྔ་འགྱུར་བཀའ་གཏེར་སྐྱོང་བའི་བསྟན་སྲུང་ཆེ།།གཏེར་གསར་ཕྱོགས་དུས་སྤེལ་བའི་དེད་དཔོན་ཆེ།།ཆེ་ཆོས་ཀུན་བཟང་ཕྲིན་ལས་བགྲེས་རྒུད་བྲལ།།༼༦༽མཁྱེན་པ་ནམ་མཁའི་མཐའ་བཞིན་ཀུན་ལ་ཁྱབ།།འོད་གསལ་ལུང་རིགས་རྒྱུ་སྐར་ཉི་ཟླ་བཀྲ།།ཕན་བདེས་སྣང་བ་སྦྱིན་པའི་དགེ་ཚོགས་ཤིས།།བདེ་ལེགས་ཀུན་བཟང་དྲན་པ་བརྗེད་ལྐུགས་བྲལ།།༼༧༽ཨེ་ཝཾ་ཉི་ཟླས་འགྲོ་ཀུན་ཆོས་སྒོ་འབྱེད།།ཕན་བདེའི་ཕྲིན་ལས་ཕྱོགས་དུས་ཀུན་ཏུ་སྤེལ།།འཛམ་གླིང་ཞི་བདེའི་འོད་སྣང་རྟག་གསལ་ནས།།མ་རིག་མུན་སེལ་འོད་གསལ་ཕུང་པོ་ལགས།།༼༨༽དབུ་ནག་ལྕང་ལོ་དར་མས་སྐུ་ལུས་གཏམས།།བཞི་བཅུའི་དུང་སོ་དཔུང་མཉམ་མ་རལ་བརྟས།།ཀུན་རྟོག་བརྒྱད་བཅུའི་རྒྱུ་བ་མ་འགགས་ཕྱིར།།སྙན་ངག་མྱུར་བྲིས་བགྱི་བར་ཐོགས་མེད་ལགས།།༼༩༽ལ་དྭགས་གངས་ཀྱི་ར་བའི་བར་གསེང་ནས།།ལྷག་བསམ་གངས་ལས་དཀར་བའི་གངས་ཅན་པ།།འཇམ་དཔལ་གངས་ལ་གཏོར་བའི་འབྲས་དཀར་འདིས།།མཁས་དབང་དམ་པའི་སྐུ་ཚེ་བརྟན་གྱུར་ཅིག།ཅེས་རབ་གནས་ས་ཕག་ཐ་སྐར་ཟླ་ཚེ་ངན་པར་སྟོན་གླུའི་མཇུག་བྱང་དུ་དྲ་གྲོགས་ཤིག་གིས་མི་ཚེ་རིང་ན། མྱུར་བྲིས་མི་ཐུབ་པ་ཞིག་མི་འོང་ངམ། ཞེས་པའི་ལན་དུ་ཚིག་ཇ་ཁམ་གང་གི་ཚེ་དབྱིན་ཡུལ་ཨེ་ཝཾ་སྦྲང་རྩིའི་ཟ་ཁང་ནས་ཤྲཱིཿསྨྱོན་ཨེ་མ་ཧོས་བདེ་མྱུར་ཏུ་བྲིས་པར་དགེའོ།། །།

ནམ་རྒྱུན་དུ་ངའི་མི་ཚེའི་ནང་ལ་གཟི་བརྗིད་དང་འགྱོད་མེད་ཅིག་ཡོད་པ་ནི་བླ་མ་དམ་པ་རྣམ་པའི་ཐུགས་དགོངས་ཟིན་པ་དང་ཨ་མ་དྲིན་ཆེན་མའི་བསམ་པ་ཡོངས་སུ་བསྐོངས་བ་དེ་ཡིན། དཔེར་ན་ཆོས་རྗེ་དམ་པ་ཡིད་བཞིན་ནོར་བུའི་གདམས་ངག་ཐམས་ཅད་བཟང་པོ་སྤྱོད་པ་ལས། ལས་ཀྱི་སྟོབས་རྣམས་ཡོངས་དག་བྱེད་ཅིང་།།ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད།།བདུད་ཀྱི་སྟོབས་རྣམས་སྟོབས་མེད་རབ་ཏུ་བྱེད།། བཟང་པོ་སྤྱོད་པའི་སྟོབས་ནི་རྫོགས་པར་རྒྱུ།། ཞེས་མདོ་སྡེ་ལས་བརྒྱ་བ་ནས་རྫོགས་པ་ཆེན་པོའི་བར་དུ་ཆོས་ཀུན་རྫོགས་པར་དབང་ལུང་མན་ངག་ཡོངས་སུ་རྫོགས་པར་ཞུས་ཏེ་ཉམས་ལེན་དུ་བྱས་ནས་ད་ནི་འཆི་གསོན་གང་བྱུང་དགའ་ཡ་ལེར་གནས་པ་འདིའོ།། ཨེ་མ་ཧོས

ཨེ་མ་ཧོའི་གཤིས་བསྟོད་མི་འཇིགས་རང་བྱུང་གདོང་ལྔའི་སྒྲ་དབྱངས།།ན་མོ་མ་ཧཱ་གུ་རུ་ཨེ་མ་ཧོ༔ཀ་དག་གདོད་མའི་མགོན་པོ་ཀུན་བཟང་ཡབ་ཡུམ།།ལྷུན་གྲུབ་འོད་གསལ་སྙིང་པོ་འཇམ་དཔལ་ཡབ་ཡུམ།།རང་བྱུང་ཕྲིན་ལས་འགྲོ་དོན་པད་འབྱུང་ཡབ་ཡུམ།།དབྱེར་མེད་དཔལ་དགྱེས་རྡོ་རྗེ་ཟུང་འཇུག་བླ་མ།།འཕགས་ཡུལ་གཤིན་རྗེའི་བཀའ་བབས་འཇམ་དཔལ་བཤེས་གཉེན།།བོད་ཡུལ་བསྟན་པའི་སྲོག་འཛིན་སངས་རྒྱས་ཡེ་ཤེས།།སྙིགས་དུས་འདྲེན་པའི་དེད་དཔོན་པདྨ་དྲག་གླིང་།།ཀུན་འདུས་འཇམ་དཔལ་དབྱངས་དངོས་དཔལ་དགྱེས་རྡོ་རྗེ།།མཁྱེན་རབ་རྨད་བྱུང་བཅུ་ཕྲག་རིག་པའི་ཁྱབ་བདག།།བརྩེ་ཆེན་དབང་ཕྱུག་ཀུན་ལ་བྱམས་པའི་ཕ་མ།།མཐུ་སྟོབས་ཀུན་བཟང་གཏེར་ཆེན་ཨེ་མ་ཧོ་ལ།།གསོལ་བ་འདེབས་སོ་དོན་གཉིས་ལྷུན་གྲུབ་ཤོག།ཨེ་ཝཾ་དགེ་མཚན་ས་གསུམ་སྙན་པར་གྲགས།།གང་འདུལ་ཕྲིན་ལས་ཉི་ཟླའི་འོད་སྣང་བཞིན།།མཁྱེན་བརྩེ་ནུས་ལྡན་གཏེར་ཆེན་དཔའ་བོ་ཆེ།།སྐུ་ཚེ་བརྟན་ཅིང་གང་བཞེད་ལྷུན་གྲུབ་ཤོག།སྤྲུལ་སྐུའི་འགྲོ་དོན་སེམས་ཅན་ཐར་ལམ་བཀོད།།ལོངས་སྐུའི་དག་ཞིང་མ་ལུས་འགྲོ་ལ་སྟོན།།ཆོས་སྐུའི་དགོངས་ལ་རྟོགས་པའི་དཔལ་དགྱེས་པ།།ཡོན་ཏན་ཕྲིན་ལས་རྡོ་རྗེ་ཀུན་ཁྱབ་ཤོག།འབྲེལ་ཚད་བདེ་ཆེན་ཞིང་དུ་འདྲེན་པའི་དཔལ།།འོད་གསལ་ཞིང་གི་ཁྱབ་བདག་དཔལ་དགྱེས་པ།།མཁྱེན་བརྩེ་ནུས་ལྡན་ཀུན་བཟང་རྡོ་རྗེ་འཆང་།།མཁན་ཆེན་བླ་མའི་ཞབས་ལ་གསོལ་བ་འདེབས།།ཆོས་ཉིད་མངོན་སུམ་རྟོགས་པར་བྱིན་གྱིས་རློབས།།ཉམས་སྣང་གོང་དུ་འཕེལ་བར་ཐུགས་རྗེས་ཟུངས།།རིག་པ་ཚད་དུ་ཕེབས་པའི་དངོས་གྲུབ་སྩོལ།།ཆོས་ཉིད་མཐར་ཕྱིན་རྒྱལ་བའི་སྐུ་ཐོབ་ཤོག།ཅེས་པ་འདིའང་རབ་གནས་ས་ཕག་ཐ་སྐར་ཟླ་བའི་ཡར་ཚེས་བཅུ་ལ་འབྲུག་པ་སངས་རྒྱས་ཀུན་འདུས་ཀྱིས་བསྐུལ་ངོར། བདག་འདྲ་མཉྫུ་ཤྲཱིཿཨནྟ་བཛྲའི་མཚན་ཅན་གྱིས་ཤར་མར་དུ་སྨྲས་པ་དགེའོ།། །།