• February 2020

    འབྲུག་རྒྱལ་ཞབས་བརྟན་ཤོགཨེ་མ་ཧོ།།ཨོ་རྒྱན་པདྨ་ཀ་རའི་བྱིན་རླབས་དང་།།རང་བྱུང་འཁོར་ཡུག་གཙང་མའི་བདེན་མཐུ་དཔལ།།ཆོས་རྒྱལ་ཆེན་པོ་སེངྒེ་དབང་གི་རྒྱལ།།སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག།མཁན་ཆེན་བླ་མས།སྨན་ལྗོངས་སྐྱེ་འགྲོའི་གཙུག་ནོར་ཆོས་ཀྱི་རྒྱལ།།ཞིང་འདིར་མཚན་དཔེ་བཞད་པའི་དུས་བཟང་ལ།།འགྲོ་བའི་ནད་སེལ་སྨན་ལྷའི་མཆོད་སྤྲིན་བཅས།།ཞབས་བརྟན་བཀྲ་ཤིས་སྨོན་ལམ་ལན་བརྒྱར་ཞུ།།རྗེ་མཁན་པོས།

  • February 2020

    སྒྲུབ་བརྒྱུད་ཤིང་རྟ་བརྒྱད་ཀྱི་ཞལ་ཐང་དང་ལོ་རྒྱུས་མདོར་བསྡུས། Original — 两大教言平台 Today སྟོན་མཆོག་ཐུབ་པའི་དབང་པོ་ལ་ཕྱག་འཚལ་ལོ།།________རྩོམ་པ་པོ་ཁམས་སྨནསྔ་འགྱུར་བཀའ་གདམས་ལམ་འབྲས་བཀའ་བརྒྱུད་པ།།ཤངས་པ་ཞི་བྱེད་རྡོ་རྗེའི་རྣལ་འབྱོར་དང་།།རྡོ་རྗེའི་བསྙེན་སྒྲུབ་བཅས་ཏེ་བརྒྱད་པོ་ལ།།སྒྲུབ་བརྒྱུད་ཤིང་རྟ་བརྒྱད་ཀྱི་ཐ་སྙད་གྲགས།། སྒྲུབ་བརྒྱུད་ཤིང་རྟ་བརྒྱད། ༡༽ སྔ་འགྱུར། དེ་ཡང་སྔ་འགྱུར་ཆོས་ཀྱི་མཚན་གཞི་ནི།།མཁན་སློབ་ཆོས་གསུམ་དུས་སུ་བསྒྱུར་བཤད་པའི།།བཀའ་མའི་མདོ་སྒྱུ་སེམས་གསུམ་སྒྲུབ་སྡེའི་སྐོར།།གཉགས་དང་གནུབས་དང་མཐའ་མར་ཟུར་ལ་བབས།།ཆུ་བོ་བཞི་འདུས་སྒོ་ནས་རིམ་པར་དུ།།ཀློང་ཆེན་རབས་འབྱམས་རིག་འཛིན་གཏེར་བདག་གླིང་།།བརྒྱུད་པའི་མདོ་སྔགས་བསྟན་པ་རྒྱ་ཆེར་ཡོད།།རིང་ལུགས་འདི་ཡིས་བསྟན་པ་རྣམ་གཉིས་ལས།།གཙོ་བོར་རྟོགས་པའི་བསྟན་པ་སྒྲུབ་ལ་བརྩོན།།མཆོག་གི་དངོས་གྲུབ་ཚེ་འདིར་གྲུབ་པ་བརྙེས།།གདོས་བཅས་འཇའ་ལུས་འོད་ཕུང་དེངས་པ་མང་།།རྟོགས་པའི་བསྟན་ལ་བཀའ་དྲིན་ལྷག་ཏུ་ཆེ།། སྒྲུབ་བརྒྱུད་ཤིང་རྟ་བརྒྱད། ༢༽ བཀའ་གདམས། བཀའ་གདམས་མན་ཆོད་གསར་མའི་ཕྱོགས་གཏོགས་ཡིན།།ནག་ཚོ་ལོ་ཙཱ་ཚུལ་ཁྲིམས་རྒྱལ་བ་ཡིས།།དཔལ་ལྡན་ཇོ་བོ་ཨ་ཏི་ཤ་སྤྱན་དྲངས།།དེ་ཡིས་ལྟ་བ་དབུ་དང་སྤྱོད་པ་འདུལ།།གཙོར་སྟོན་གདམས་ངག་བྱང་ཆུབ་ལམ་སྒྲོན་གསུངས།།སྐྱེས་བུ་གསུམ་གྱི་ལམ་རིམས་ཡོངས་རྫོགས་བསྟན།།སློབ་མའི་གཙོ་བོ་ཁུ་རྔོག་འབྲོམ་གསུམ་ལས།།རིམ་པར་བརྒྱུད་ལ་བཀའ་གདམས་པ་ཞེས་གྲགས།།ཕྱིས་དུས་རང་རྐང་འཛིན་པར་ཅུང་ཟད་འགྲིབ།།རྗེ་བཙུན་འཇམ་དབྱངས་རྣམ་འཕྲུལ་ཙོང་ཁ་པས།།བཀའ་གདམས་གཞུང་གི་བཤད་པ་གཙོར་བཏོན་ནས།།ལུགས་གསུམ་ཟབ་དོན་མན་ངག་ཏུ་དྲིལ་བ།།བྱང་ཆུབ་ལམ་རིམ་ཆེན་མོ་མཛད་པ་འདི།།གདམས་པའི་སྲོག་ཏུ་འཛིན་ནས་འཆད་པ་ལ།།བཀའ་གདམས་གསར་མ་ཞེས་པའི་ཐ་སྙད་ཐོབ།།ད་ལྟའི་སྐབས་ཀྱི་རི་བོ་དགེ་ལྡན་པ།།སྔགས་ཕྱོགས་གསང་བདེ་འཇིགས་གསུམ་གཙོར་སྟོན་པའི།།ཕྱི་འགྱུར་རྒྱུད་སྡེ་རྣམས་ཀྱི་བཀའ་སྲོལ་སྐྱོངས།།རིང་ལུགས་འདི་ཡིས་གཙོ་བོར་བཤད་པ་ལ།།བརྟེན་ཕྱིར་ལུང་གི་བསྟན་ལ་བཀའ་དྲིན་ཆེ།། སྒྲུབ་བརྒྱུད་ཤིང་རྟ་བརྒྱད། ༣༽ ལམ་འབྲས་ནི། གསང་སྔགས་ཕྱི་དར་སྐབས་ཀྱི་དུས་ཤིག་ལ།།བླ་ཆེན་འབྲོག་མི་ཤཱཀྱ་ཡེ་ཤེས་ལ།།བཀའ་བབས་ཀྱེཻ་ཡི་རྡོ་རྗེའི་བསྐྱེད་རྫོགས་ཀྱི།།རྣལ་འབྱོར་གྲུབ་ཆེན་བི་རཱུ་པ་དང་ནི།།མཚོ་སྐྱེས་ཞབས་སོགས་ལམ་སྲོལ་དགུའི་གདམས་བཅུད།།མཁས་པ་སྒོ་དྲུག་ཆོས་འབྲེལ་རྩ་བ་བཅས།།ཕྱིས་སུ་ས་ཆེན་ཀུན་དགའ་སྙིང་པོ་ལ།།ཉེ་བརྒྱུད་བྱུང་བའི་ལམ་དེ་སྦས་བཤད་དང་།།གྲགས་པ་རྒྱལ་མཚན་བརྡ་དོན་གསལ་བ་སོགས།།གདམས་ངག་ལམ་དང་འབྲས་བུ་ཚང་བར་བཅས།།ཡིག་གེ་དྲུག་ཅུའི་མན་ངག་ཕྲ་མོ་ལ།།དེང་སང་ལམ་འབྲས་ཞེས་པ་ཡོངས་སུ་གྲགས།།འབྲོག་མའི་སློབ་བརྒྱུད་ལས་ནི་རིམ་བཞིན་དུ།།བརྒྱུད་སྲོལ་བཅོ་བརྒྱད་ཙམ་དུ་གྱེས་པ་ལས།།དེས་ལས་གཙོ་བོར་ས་སྐྱ་པ་ལ་བབས།།འཇམ་དཔལ་དབྱངས་དངོས་ས་སྐྱ་པཎ་ཆེན་དང་།།འགྲོ་མགོན་ཆོས་འཕགས་གདུང་བརྒྱུད་ཕྲེང་བ་དང་།།ཀུན་དགའ་བཟང་དང་བློ་གསལ་རྒྱ་མཚོ་སོགས།།སློབ་བརྒྱུད་མཁས་གྲུབ་ཆེན་པོར་བསམ་མི་ཁྱབ།།རིམ་བཞིན་བྱོན་ནས་ཚོགས་བཤད་སློབ་བཤད་ཀྱིས།།དགྱེས་པ་རྡོ་རྗེའི་བསྐྱེད་རྫོགས་འཕྲིན་ལས་བཅས།།ད་ལྟའི་བར་དུ་མི་ཉམས་དར་རྒྱས་སུ།།བསྟན་པ་འཛིན་སྐྱོངས་སྤེལ་མཛད་ལམ་འབྲས་པ།། སྒྲུབ་བརྒྱུད་ཤིང་རྟ་བརྒྱད། ༤༽ བཀའ་བརྒྱུད་པ་ནི། ཌོམྦི་ཧེ་རུ་ཀ་ཡི་རྣམ་འཕྲུལ་ལས།།ལྷོ་བྲག་མར་པ་ཆོས་ཀྱི་བློ་གྲོས་ཉིད།།རྒྱ་གར་འཕགས་པའི་ཡུལ་དུ་ལན་གསུམ་བྱོན།།ནཱ་རོ་པ་གཙོས་མཁས་ཤིང་གྲུབ་བརྙེས་ཀྱི།།བླ་ཆེན་མང་པོ་བསྟེན་ནས་གདམས་ངག་གསན།།བདེ་དགྱེས་གསང་གསུམ་གཙོས་པའི་རྒྱུད་སྡེའི་སྐོར།།དབང་བཤད་གདམས་ངག་སྙན་བརྒྱུད་བཅས་པ་གསན།།ཁྱད་པར་ནཱ་རོ་པ་དང་མཻ་ཏྲི་པ།།གཉིས་ཀྱིས་བྱང་ཕྱོགས་ཁ་བ་ཅན་འདུལ་བའི།།རྒྱལ་ཚབ་དབང་བསྐུར་བརྙེས་པ་དེ་ཉིད་ལ།།སློབ་བུའི་གཙོ་བོར་ཀ་ཆེན་བཞིའི་ནང་ནས།།རྔོག་མཚུར་མེས་གསུམ་གཙོས་བྱས་བཤད་པ་ཡི།།བཀའ་བབས་བརྒྱུད་འཛིན་བུ་སློབ་མང་འཕེལ་ཏེ།།མཛད་པ་འཕྲིན་ལས་རྒྱ་ཆེར་དར་བ་བྱུང་།།ལྷག་པར་རྗེ་བཙུན་མི་ལ་རས་པ་ལ།།སྒྲུབ་བརྒྱུད་བཀའ་བབས་སྐུ་ཚེ་དེ་ཉིད་ལ།།ཟུང་འཇུག་གོ་འཕང་མངོན་དུ་གྱུར་མཛད་ནས།།མི་དང་མི་མིན་འགྲོ་བ་ཚད་མེད་བཏུལ།།སློབ་ཚོགས་མང་ཡང་གཙོ་བོའི་ཐུགས་ཀྱི་སྲས།།སྙན་བརྒྱུད་འཛིན་པའི་ཐུགས་སྲས་ཟླ་བ་ལྟར།།རས་ཆུང་རྡོ་རྗེ་གྲགས་དང་ཉི་མ་ལྟར།།མཉམ་མེད་དྭགས་པོ་ལྷ་རྗེ་མཚན་ཡང་གྲགས།།རས་ཆུང་པ་ཡིས་ལུས་མེད་མཁའ་འགྲོ་ཡི།།ཆོས་སྐོར་ཕྱི་མ་སྤྱན་དྲངས་སྙན་བརྒྱུད་དུ།།ཀར་འབྲུག་གཉིས་ལ་བཀའ་བབས་ཁྱད་པར་དུ།།ཚེ་དཔག་མེད་ཀྱི་འགྲོ་དོན་ཤམ་བུ་ཅན།།ས་ཀར་དགེ་གསུམ་ཐམས་ཅད་ཁྱབ་པར་གྱུར།།དྭགས་པོ་ལྷ་རྗེ་རྒྱལ་བས་ལུང་བསྟན་བཞིན།།དགེ་སློང་འཚོ་བྱེད་ཅེས་པ་ཡོངས་གྲགས་ལྟར།།མཐོང་ཐོས་དྲན་རེག་ཐམས་ཅད་སྨིན་གྲོལ་མཛད།།སློབ་མ་ལས་ཅན་མང་ཡང་གཙོ་བོར་ནི།།ཐུགས་སྲས་ཁམས་པ་མི་གསུམ་བྱུང་བར་གྲགས།།དེས་ལས་བུ་སློབ་ཡང་སློབ་རིམ་གྱེས་ཏེ།།བཀའ་བརྒྱུད་ཆེ་བཞི་ཆུང་བརྒྱད་གྲགས་པར་བྱུང་།།དེ་རྣམས་རེ་རེ་ལའང་ཆོས་བརྒྱུད་དང་།།གདན་ས་ལ་སོགས་གྲུབ་ཐོབ་ཚང་ཆེན་བརྡོལ།།ད་ལྟའི་བར་དུ་དྭགས་པོ་བཀའ་བརྒྱུད་ཅེས།།བསྟན་པ་སྒྲུབ་པས་འཛིན་ལ་ཁྱད་པར་འཕགས།། སྒྲུབ་བརྒྱུད་ཤིང་རྟ་བརྒྱད། ༥༽ ཤངས་པ་བཀའ་བརྒྱུད་ནི། མཁས་གྲུབ་ཁྱུང་པོ་རྣལ་འབྱོར་ཞེས་བྱ་བས།།འཕགས་པའི་ཡུལ་ནས་ཡེ་ཤེས་ཌཱ་ཀི་གཉིས།།ཁྱད་པར་འཕགས་པའི་བླ་མ་བཅུ་གསུམ་དང་།།རྩ་བའི་བླ་མ་རྣམ་བཞི་ལ་སོགས་པའི།།མཁས་གྲུབ་བརྒྱ་དང་ལྔ་བཅུའི་ཐུགས་བཅུད་ཀྱི།།ཆོས་ཀྱི་མཛོད་རྣམས་མ་ལུས་གསན་མཛད་དེ།།གཙང་གི་གཡས་རུ་ཤངས་ཀྱི་ཞང་ཞང་དུ།།གདན་ས་མཛད་པས་བླ་མ་ཤངས་པ་དང་།།བརྒྱུད་འཛིན་རྣམས་ལ་ཤངས་པ་བཀའ་བརྒྱུད་གྲགས།།དེ་ལ་སྔ་བུ་ལྔ་དང་ཕྱི་བུ་གཅིག།དེ་དྲུག་གཙོས་པའི་བཤེས་གཉེན་ཁྲི་བཅོ་བརྒྱད།།ལ་སོགས་གདུལ་བྱ་མཐའ་ཡས་སྨིན་གྲོལ་མཛད།།རིན་ཆེན་བདུན་བརྒྱུད་སྔ་ཕྱི་རིམ་པར་བཞིན།།སློབ་བརྒྱུད་མང་དུ་གྱེས་ཤིང་བཀའ་སྲོལ་རྣམས།།བར་མ་ཆད་པར་བྱུང་བ་རིང་བརྒྱུད་དང་།།མཁའ་འགྲོ་ནི་གུ་མ་ཡིས་དངོས་གནང་བའི།།གྲུབ་ཆེན་ཐང་སྟོང་རྒྱལ་པོར་བཀའ་བབས་ནི།།སྔ་ཕྱི་བར་དང་བཅས་པ་ཉེ་བརྒྱུད་ཡིན།།ཡེ་ཤེས་ཌཱ་ཀིས་འཇམ་མགོན་ཀུན་དགའ་བ།།གྲོལ་མཆོག་རྗེས་སུ་བཟུང་བའི་ངོ་མཚར་ཅན།།ཤིན་ཏུ་ཉེ་བརྒྱུད་རྩ་བ་ཤངས་པ་ཡི།།སྙན་དུ་བརྒྱུད་པའི་གསེར་ཆོས་གཙང་མ་ལ།།གདམས་ངག་རྣོ་སོ་ཉེ་བརྒྱུད་མཁའ་འགྲོ་ཡི།།ཁ་རླངས་ཅན་གྱིས་ཟུར་བརྒྱན་ཐང་བརྡལ་མ།།གསང་བདག་སྒྲོལ་མགོན་ཞབས་ཀྱི་བཀའ་སྲོལ་སོགས།།སྨིན་གྲོལ་མཛད་པའི་ཕྲིན་ལས་མ་ཉམས་བཞུགས།། སྒྲུབ་བརྒྱུད་ཤིང་རྟ་བརྒྱད། ༦༽ ཞི་བྱེད་ནི། འཕགས་ཡུལ་གྲུབ་ཆེན་ཀ་མ་ཤཱི་ལ་འམ།།བོད་དང་རྒྱ་གར་དམ་པ་སངས་རྒྱས་ཞེས།།ཡོངས་སུ་གྲགས་པ་དེ་ཉིད་བོད་ནང་དུ།།ལན་ལྔར་ཕེབས་ཏེ་ཁམས་དབང་ཇི་བཞིན་གཟིགས།།དེ་དང་མཐུན་པའི་གདམས་ངག་སྣ་རེས་ཀྱང་།།གྲོལ་བར་མཛད་པས་གཞུང་དང་ལུགས་སྲོལ་དག།གཅིག་ཏུ་འདི་ཞེས་ངེས་པར་མེད་མོད་ཀྱང་།།ཨཱ་ལི་ཀཱ་ལི་ཆུ་ཀླུང་ཆེན་པོའི་རྒྱུད།།ཕྱག་རྒྱ་ཆེན་པོ་བརྡ་ཡི་རྒྱུད་སོགས་ལ།།གཙོ་བོར་བརྟེན་ནས་ཆོས་ཀྱི་འཁོར་ལོ་བསྐོར།།ལས་ཅན་སྐར་མའི་གྲངས་ལྟར་བསྒྲལ་མཛད་པས།།ཆོས་དེའི་སྤྱི་མིང་སྒེར་ལ་མིང་ཐོག་སྟེ།།དམ་ཆོས་སྡུག་བསྔལ་ཞི་བྱེད་ཅེས་སུ་གྲགས།།བརྒྱུད་པ་སྔ་ཕྱི་བར་གསུམ་བཀའ་བབས་ཞིང་།།རྒྱ་ཆེར་སྤེལ་བས་ཕྲིན་ལས་མ་ནུབ་མཆིས།།དེ་དང་འབྲེལ་བ་ངོ་བོ་ཕ་རོལ་ཕྱིན།།སྔགས་དང་རྗེས་སུ་མཐུན་པའི་གདམས་པ་ལ།།དམ་ཆོས་བདུད་ཀྱི་གཅོད་ཡུལ་ཞེས་བྱ་བ།།སྐྱོ་ཡི་ཤཱཀྱ་ཡེ་ཤེས་ཞེས་བྱ་དང་།།ཡར་ལུང་སྨ་ར་སེར་པོ་རྣམ་གཉིས་ལ།།དམ་པས་མདོ་ལུགས་རང་རྐང་གཅོད་དང་ནི།།ཨཱརྱ་དེ་བའི་གཞུང་ཆུང་ལྔ་བཅུ་པའི།།གདམས་ངག་བྲུལ་ཚོ་དྲུག་པ་ཞེས་བྱ་བ།།གནང་བ་སྨྱོན་པ་བེ་རེ་སོགས་ནས་བརྒྱུད།།འདི་ལ་བརྒྱུད་པ་ཕོ་ཡི་གཅོད་དུ་གྲགས།།མ་གཅིག་ལབ་ཀྱི་སྒྲོན་མས་ཤེར་ཕྱིན་གྱི།།དགོངས་དོན་དེ་ཉིད་དགོངས་ཉམས་ལས་འཁྲུངས་པའི།།རྟོགས་ཆོས་གཅོད་ཡུལ་ཞེས་སུ་ཡོངས་གྲགས་པའི།།ལམ་སྲོལ་རྒྱ་ཆེར་ཕྱེས་པའི་གཞུང་གདམས་བཅས།།བརྒྱུད་པ་འདི་ལ་མོ་གཅོད་ཞེས་སུ་གྲགས།།ཞལ་སློབ་བུ་ཆེན་དྲུག་ཅུ་གཙོར་གྱུར་པའི།།གྲུབ་ཐོབ་ཕོ་མོ་བརྒྱ་རྩ་བརྒྱད་ལ་སོགས།།སློབ་ཚོགས་རྣམས་ཀྱིས་སྤེལ་ནས་རིམ་བཞིན་དུ།།འགྲོ་དོན་ཕྲིན་རྒྱུན་མ་ཆད་པར་བྱུང་།། སྒྲུབ་བརྒྱུད་ཤིང་རྟ་བརྒྱད། ༧༽རྡོ་རྗེའི་རྣལ་འབྱོར་ནི། དུས་འཁོར་རྩ་རྒྱུད་སྟོང་ཕྲག་བཅུ་གཉིས་སོགས།།སྔགས་རྒྱུད་རྒྱས་པ་རྣམས་ཀྱིས་མགྲིན་གཅིག་ཏུ།།གསལ་བར་བསྟན་པའི་རྫོགས་རིམ་ཐམས་ཅད་ཀྱི།།སྙིང་བཅུད་རྡོ་རྗེ་གསུམ་གྱི་རྣལ་འབྱོར་དང་།།འབྲེལ་བའི་སྦྱོར་བ་ཡན་ལག་དྲུག་པ་ཞེས།།བླ་མེད་ནས་གསུངས་རིམ་གཉིས་སྐྱེལ་སོ་སྟེ།།ཟླ་བ་བཟང་སོགས་ཆོས་རྒྱལ་བདུན་པ་དང་།།འཇམ་དཔལ་གྲགས་སོགས་རྡོ་རྗེའི་རིགས་ལྡན་དང་།།ཞལ་ལུང་དུས་ཞབས་ཆེ་ཆུང་སོགས་ནས་བརྒྱུད།།བོད་དུ་སྔོན་བྱོན་བཞི་དང་བར་བྱོན་ལྔ།།ཕྱིས་བྱོན་གཉིས་སུ་གྲགས་པ་གཙོར་གྱུར་པ།།ལ་སོགས་ལུགས་སྲོལ་ཉི་ཤུ་ཐམ་པའི་རྒྱུན།།ཀུན་སྤང་ཐུགས་རྗེ་བཙོན་འགྲུས་ལ་འདུས་ཤིང་།།གོ་བྲག་པ་སོགས་ལུགས་གཞན་མང་པོ་བྱུང་།།ཀུན་གྱི་བཀའ་རྣམས་ཀུན་མཁྱེན་དོལ་པོ་དང་།།རྗེ་བཙུན་སྒྲོལ་མགོན་ཞབས་ལ་བབས་པ་ཡི།།ཤིང་རྟའི་ལམ་སྲོལ་ཕྱེས་པ་ནས་བཟུང་སྟེ།།རིམ་བཞིན་སྒྲུབ་བརྒྱུད་འདི་ཡི་བསྟན་པ་ནི།།མ་ཉམས་ད་ལྟའི་བར་དུ་བཞུགས་པའོ།། སྒྲུབ་བརྒྱུད་ཤིང་རྟ་བརྒྱད། ༨༽ རྡོ་རྗེའི་བསྙེན་སྒྲུབ་ནི། གྲུབ་ཆེན་ཨོ་རྒྱན་རིན་ཆེན་དཔལ་དེ་ཉིད།།རྒྱ་གར་ནུབ་ཕྱོགས་ཨོ་རྒྱན་ཡུལ་དུ་བྱོན།།རྡོ་རྗེ་རྣལ་འབྱོར་མ་ལས་དངོས་གསན་པ།།བསྙེན་སྒྲུབ་སྒྲུབ་ཆེན་གསུམ་གྱི་མན་ངག་ལ།།བརྟེན་ནས་བཙོན་འགྲུས་ཅན་རྣམས་ཚེ་གཅིག་ལ།།སྐུ་གསུམ་མངོན་དུ་བྱེད་པའི་གདམས་ཟབ་མོ།།བོད་དུ་བྱོན་ནས་མཁའ་འགྲོའི་ལུང་བསྟན་བཞིན།།རིན་ཆེ་མཁར་ཆུང་བ་ལ་གནང་བ་ནས།།བརྒྱུད་པ་རིམ་པར་འཕེལ་ཞིང་ལྷག་པར་དུ།།ཀུན་མཁྱེན་རང་བྱུང་རྡོ་རྗེས་གདམས་ངག་གི།གནད་རྣམས་གསལ་བར་མཛད་དེ་སློབ་བརྒྱུད་བཅས།།རྒྱ་ཆེར་སྤེལ་བས་བཀའ་སྲོལ་མ་ཉམས་པར།།ཕྲིན་ལས་ད་ལྟའི་བར་དུ་བཞུགས་པ་འོ།། སྒྲུབ་བརྒྱུད་ཤིང་རྟ་བརྒྱད་ཀྱི་བསྟན་རྒྱས་སྨོན་ལམ། གང་གི་ཐེག་མཆོག་སྙིང་པོའི་རིང་ལུགས་ཆེ།།བསིལ་ལྡན་ཁ་བའི་ལྗོངས་འདིར་དར་བ་ལ།།སྒྲུབ་བརྒྱུད་ཤིང་རྟ་བརྒྱད་ཅེས་ཡོངས་གྲགས་པའི།།བསྟན་དང་བསྟན་འཛིན་ཕྱོགས་མཐར་རྒྱས་གྱུར་ཅིག། འདི་ནི་སྤྱི་ལོ་2020…

  • February 2020

    ཀྲུང་ནན་ཧྲན་ལགས་ཀྱིས་དབྱར་རྩྭ་དགུན་འབུ་གླེང་བ། བོད་འགྱུར་མ།བོད།ཀྲུང་ནན་ཧྲན་ལགས་ཀྱིས་དབྱར་རྩྭ་དགུན་འབུ་གླེང་བ།༼ རྒྱལ་ཡོངས་ན་སྙན་གྲགས་ཆེ་བའི་སྨན་རམས་པ་ཀྲུང་ནན་ཧྲན་ལགས་ཀྱིས་མཚོ་བོད་མཐོ་སྒང་གི་ཐོན་རྫས་དབྱར་རྩྭ་དགུ་འབུའི་གལ་ཆེན་གྱི་རིན་ཐང་སྐོར་གྱི་གསུང་བཤད། ༽ ༢༠༠༣ལོར། སར་སི་གློ་རིམས།(非典)ཟེར་བའི་འགོས་ནད་དེས་མིའི་རིགས་ལ་མནར་གཅོད་བཏང་དུས། སྨན་རམས་པ་ཆེན་པོ་ཀྲུང་ནན་ཧྲན་ལགས་ཀྱིས་རྒྱལ་ཡོངས་མི་དམངས་ཚོགས་ཁང་ཆེན་མོ་ནས་དབྱར་རྩྭ་དགུན་འབུའི་རིན་ཐང་ལ་ཁས་ལེན་དང་གཏན་ཁེལ་བྱས་པ། ཆ་རྐྱེན་འཛོམས་པ་ཚོས་དབྱར་རྩྭ་དགུན་འབུ་ཟ་བ་དང་ཆ་རྐྱེན་མེད་པ་ཚོས(板藍根)པན་ལན་ཀན་སྨན་དེ་ཟོ་ཞེས་གསུངས། དེ་རིང་ཡང་ང་ཚོ་ཝུའུ་ཧན་གྲོང་ཁྱེར་ནས་ན་བཞིན་པའི་པྲོག་དབྱིབས་ནད་དུག་གློ་ཚད་རིམས་ནད་གསར་པ་འདི་དང་འཕྲད་དུས། ཅི་འདྲ་བྱེད་ནས་རིམས་འགོག་ནུས་ཤུགས་ཇེ་མཐོར་གཏོང་བ་དང་ནད་དུག་གསར་པ་ལ་ཅི་འདྲ་འགོག་རྒོལ་བྱེད་དགོས་པ་དང་། དབྱར་རྩྭ་དགུན་འབུ་ཟོས་ན་སྔར་བཞིན་ནད་དུག་གསར་པ་འདི་འགོག་པའི་ཕན་ནུས་ལྡན། རི་སྐྱེས་ཡིན་པ་དང་ལོ་དེར་སྐྱེས་པ་རྣམས་ཕན་ནུས་ལྷག་པར་ཆེ།ཡངས་ཤིང་རྒྱ་ཆེ་བའི་ཀྲུང་ཧྭ་སྨན་མཆོག་ནོར་བུའི་བང་མཛོད་ནང་དུ། མེས་རྒྱལ་ཀྲུང་གོའི་སྨན་རྫས་རིན་ཆེན་གཏེར་མཛོད་ནང་ཆེས་རྩ་ཆེན་གྱི་ནོར་བུ་གསུམ་དུ་བརྩིསཔའི་དཀར་པོ་ཆིག་ཐུབ། ཤྭ་བའི་ཁྲག་རྭ། དགུན་འབུ་རྩྭ། དེའི་ནང་གི་དགུན་འབུ་རྩ་ཟེར་བ་དེ་ནི་ང་ཚོས་ནམ་རྒྱུན་དུ་མཐོང་བཞིན་པའི་དབྱར་རྩ་དགུན་འབུ་ཟེར་བ་འདི་རེད། སྟབས་ལེགས་པ་ཞིག་ལ། རྩ་ཆེན་གྱི་ནོར་བུ་གསུམ་དེ་ནི་། རྩི་ཤིང་། སྲོག་ཆགས། སྐྱེ་དངོས་ཕྲ་རབ་སོ་སོས་དཔེ་མཚོན་གྱི་འཐུས་ཚབ་གཅིག་རེ་བླངས་ཡོད་པས།དེ་ནི་རྩི་ཤིང་།དཀར་པོ་ཆིག་ཐུབ། སྲོག་ཆགས་ཤྭ་བའི་ཁྲག་རྭ། སྐྱེ་དངོས་ཕྲ་རབ།དབྱར་རྩྭ་དགུན་འབུ། དེ་འདྲ་ཡིན་དུས་དབྱར་རྩ་དགུན་འབུ་ནི་འབུ་ཡང་མ་ཡིན་ལ་རྩྭ་ཡང་མ་ཡིན་པ། ཁོ་ནི་འབུ་ཕྲ་ངོ་མ་ཡིན་པས།སྔར་ལས་གནད་ལ་འཁེལ་བ་བཤད་ན། དབྱར་རྩྭ་དགུན་འབུ་ནི་མཚོ་བོད་ས་མཐོར་དམིགས་བསལ་དུ་ཡོད་པའི་སྐྱེ་དངོས་ཤིག་ཡིན་ཞིང་། དབྱར་རྩྭ་དགུན་འབུ་འབུ་སྲིན་ངོ་མ་དང་ཕ་ཝང་སྲིན་འབུའི་འབུ་ཕྲུག་གཉིས་ལས་གྲུབ་པའི་མཉམ་འདུས་ཀྱི་ཕུང་གཟུགས་ཤིག་ཡིན། སྨན་གྱི་རྒྱལ་པོ་སྟེ་དབྱར་རྩ་དགུན་འབུ།ཕན་ནུས།དབྱར་རྩ་དགུན་འབུ་ནི་ང་ཚོའི་རྒྱལ་ཁབ་ན་ཡོད་པའི་རྩ་ཆེན་གྱི་ཀྲུང་གོའི་སྨན་རྫས་ཤིག་ཡིན་པ་ལ། དེ་དང་དཀར་པོ་ཆིག་ཐུབ། ཤྭ་བའི་ཁྲག་རྭ་བཅས་གསུམ་ནི་ཀྲུང་གོ་རྒྱལ་ཁབ་གྱི་སྟོབས་སྐྱེད་སྨན་མཆོག་གསུམ་དུ་བརྩིས་ཡོད།སྔོན་གྱི་༡༧༥༧ལོར་《སྨན་རྩྭ་གསར་པ།》ཟེར་བའི་དེབ་དེའི་ནང་དུ་བཀོད་པ་ལྟར་ན”དབྱར་རྩྭ་དགུན་འབུས་མཁལ་མ་ལ་ཕན་པ། སྙིང་བཅུད་ཁ་གསབ་བྱེད་པ། ཁྲག་གཅོད་པ་དང་ལུད་པ་གཅོད་པ། ལུད་པ་ལུ་དཀའ་བ། མཆིན་དྲིའི་ནད་བཅས་བཅོས་པ་ལ་ལེགས་པར་བཤད། ཀྲུང་ལུགས་གསོ་རིག་གི་ངོས་འཛིན་ལྟར་ན། དབྱར་རྩྭ་དགུན་འབུ་གློ་བ་དང་མཁལ་མ་གཉིས་ལ་འཇུག་ནས། གློ་བ་གསོ་བ་དང་མཁལ་ནུས་གསོ་བ།གཙོ་བོ་མཁལ་མ་བཅོས་པ་ལ་ལེགས་པ། ཕོ་བའི་མེ་དྲོད་ཉམས་པ་དང་ཁུ་བ་འཆོར་བ་ལ་ཕན་པ། རྐེད་པ་ན་བ། ན་རྗེས་ལུས་ཟུངས་ཞན་པ།…

  • February 2020

    འབྲེལ་ཚད་འདྲེན་པའི་ཞལ་བཞེས།ཨོ་རྒྱན་རིན་པོ་དང་བླ་མ་མི་ཕམ་པས་ཀྱང་ངས་འགྲོ་དོན་ཆེན་པོ་ཡོང་གསུངས་ཡོད་ཀི འབྲེལ་ཚད་བདེ་ཆེན་ཞིང་ལ་སྐྱེ་འགྲོ་གསུངས་ཡོད་ཀི ལྷག་ཏུ་ལོ་ཉིས་བརྒྱའི་སྔོན་ཞིག་ནས་རྡོ་གྲུབ་རྒན་ཟེར་བའི་བླ་མ་ཞིག་གིས། བླ་རུང་གི་སྨད་ན་རྔ་ལ་སྟག་རྩེ་དང་སྟོད་ན་དམ་ཅན། དེ་ནས་ཤིང་གི་ལྷ་མོ་དང་བླ་རུང་ཟེར་རྒྱུའི་ས་ཆ་འདི་དང་ཆོས་སྡེ་ཁག་བཞིའི་དགེ་འདུན་པ་རྣམས་དང་ང་རང་བཅས་ལུང་གསལ་པོར་བསྟན་ཡོད་ཀི གཞན་ཡང་ལས་རབ་གླིང་པས། རྫུ་མེད་ཆོས་ལྷས་ཟེར་ས་ན་འཇིགས་མེད་ཕུན་ཚོགས་ཟེར་བའི་ཡབ་པདྨ་དང་ཡུམ་གཡུ་མཚོ་གཉིས་ཀྱི་བུ་ལོ་སྙིང་བྱ་ལོ་བ་ཅན་ཞིག་ལུས་ངག་ཡིད་གསུམ་ན་རྟགས་མཚན་མང་པོ་ཡོད་པ་དེས་ཆོས་འཁོར་བསྐོར་ཏེ་སྙིགས་མའི་རྒུད་པ་དབྱིངས་སུ་ཞི་ནས་ཀུན་ཀྱང་བདེ་ཆེན་ཞིང་དུ་འདྲེན་འགྲོ་གསུངས་ཡོད་ཀི དེས་ན་ཁོང་རྣམ་པས་རྫུན་ནི་གསུངས་རྒྱུ་མ་རེད། ང་མ་སྐྱེས་པའི་ཡར་སྔོན་ཡར་སྔོན་ཞིག་ནས་གསུངས་པ་རེད་མ་གཏོགས་ང་སྐྱེས་ཚར་རྒྱབ་ཡིན་ན་ད་བླ་མ་དག་གིས་ཁ་ཡག་བཤད་པ་ཡིན་སྲིད་ཀྱང་དེ་འདྲ་ཞིག་མ་རེད། ད་དུང་ལུང་བསྟན་མང་པོ་ཡོད་ཀི ངས་རྫུན་བཤད་ནི་མིན། ང་བཟང་ཆེད་དུ་ཡང་བཤད་ནི་མིན། ཁྱེད་རྣམ་པ་དགའ་ཆེད་དུ་བཤད་ནི་མིན། དེས་ན་ཁྱེད་རྣམ་པས་ཀྱང་དགའ་དགའ་སྤྲོ་སྤྲོའི་ངང་ནས་བདེ་བ་ཅན་དུ་སྐྱེ་བའི་སྨོན་ལམ་ཐོབས།དེས་ན་ད་རེས་ཆོས་ཚོགས་འདིར་ཐོན་ཡོད་པ་རྣམ་པས་དད་པ་ཡག་པོ་གྱིས། དམེ་མ་བྱེད། རྐུ་མ་བྱེད་དང་ཁྱེད་ཚོ་གཅིག་ཀྱང་མི་ལྷག་པར་བདེ་བ་ཅན་དུ་སྐྱེ་ཨེ་འགྲོ་བསམ་རྒྱུ་ཞིག་གསུངས་ཡོད་ཀི ང་ཡང་ཤི་ལ་ཁད་ཅིག་གིས་འདི་འདྲའི་རྒོད་རྒོད་བྱེད་འདུག་རྒྱུ་དེ་ཡང་ལུང་བསྟན་འདི་ཚོ་ལ་འཁྲུལ་བ་ནི་ཡོད་རྒྱུ་མ་རེད། ངས་ཀྱང་འགྲོ་དོན་རྒྱ་ཆེན་པོ་ཞིག་ཡོང་ས་རེད་བསམ་ནི་ཡིན། དེས་ན་ཁྱེད་རྣམ་པས་འོད་མཚན་བྱེ་ཆུང་རེ་ཐོན་དང་ཤི་མ་ཐག་ཏུ་བདེ་བ་ཅན་ལ་སྐྱེ་རྒྱུ་དེ་ངས་རྒྱལ་བ་སྲས་དང་བཅས་པ་དཔང་པོ་བཞག་ནས་ཁག་ཁུར་ནི་ཡིན། སྐད་ཆ་འདི་ལ་ཐེ་ཚོམ་དང་ཡིད་གཉིས་མི་དགོས

  • February 2020

    སྐྱབས་འགྲོ་འཆད་པ་ལ་ས་བཅད་ཆེན་པོ་བཅུ་གཅིག་སྟེ། ༡ སྐྱབས་འགྲོ་བྱེད་པའི་རྒྱུ་མཚན། ༢ སྐྱབས་ཡུལ་ལ་གསུམ་ཡོད་པའི་རྒྱུ་མཚན། ༣ སྐྱབས་ཡུལ་ངོས་བཟུང་བ། ༤ དེ་སྐྱབས་སུ་འོས་པའི་རྒྱུ་མཚན། ༥ སྐྱབས་འགྲོའི་ངོ་བོ། ༦ སྐྱབས་འགྲོའི་རྒྱུ། ༧ སྐྱབས་འགྲོའི་དམིགས་པ་བྱ་ཚུལ། ༨ སྐྱབས་སུ་འགྲོ་བའི་ཚུལ། ༩ སྐྱབས་འགྲོའི་བསླབ་བྱ། ༡༠ སྐྱབས་འགྲོའི་ཕན་ཡོན། ༡༡ སྐྱབས་འགྲོའི་ལག་ལེན་དངོས་དང་བཅུ་གཅིག་གོ། ༡ ༼སྐྱབས་འགྲོ་བྱེད་པའི་རྒྱུ་མཚན༽ ང་ཚོས་སྐྱབས་འགྲོ་བྱེད་དགོས་པའི་རྒྱུ་མཚན་གང་ཡིན་ཞེ་ན། དེ་ལ་རྒྱུ་མཚན་མང་པོ་ཡོད་ཀྱང་གཙོ་བོ་ནི། རྒྱལ་སྲས་ཆེན་པོ་ཞི་བ་ལྷའི་སྤྱོད་འཇུག་ལས། ཇི་ལྟར་མཚན་མོ་མུན་ནག་སྤྲིན་རུམ་ན། །གློག་འགྱུ་སྐད་ཅིག་རབ་སྣང་སྟོན་པ་ལྟར། ། དེ་བཞིན་སངས་རྒྱས་མཐུ་ཡིས་བརྒྱ་ལམ་ན། །འཇིག་རྟེན་བསོད་ནམས་བློ་གྲོས་ཐང་འགའ་འབྱུང་། ། དེ་ལྟས་དགེ་བ་ཉམ་ཆུང་ཉིད་ལ་རྟག །སྡིག་པ་སྟོབས་ཆེན་ཤིན་ཏུ་མི་བཟད་པ། ། ཞེས་གསུངས་པ་ལྟར་མངོན་མཐོ་དང་ངེས་ལེགས་ཀྱི་རྒྱུ་དཀར་པོའི་དགེ་བའི་བསམ་པ་ནི་ང་རང་ཚོའི་རྒྱུད་ལ་སྲིད་མཐའ་ཙམ་དུ་འབྱུང་ཞིང་སྟོབས་ཡང་ཤིན་ཏུ་ཆུང་ལ། ངན་སོང་གི་རྒྱུ་ནག་པོ་སྡིག་པའི་ལས་ནི་ང་རང་ཚོའི་རྒྱུད་ལ་དུས་རྟག་ཏུ་འབྱུང་ཞིང་། སྟོབས་ཡང་ཤིན་ཏུ་ཆེ་བས།…

  • February 2020

    ན་མོ་གུ་རུ། 顶礼上师! ༄༅། །ན་མོ་གུ་རུ། གཞི་དབྱིངས་གདོད་ནས་མི་འགྱུར་འཕོ་མེད་ཀྱི་ཀློང་ན། །ངོ་བོ་ཆོས་སྐུའི་བླ་མ་ཕྱི་རོལ་དུ་མི་བཞུགས། །ཀ་དག་རང་ངོ་ཤེས་པས་གསོལ་བ་ཞིག་འདེབས་ན། །ལྟ་བ་ཀློང་དུ་གྱུར་པར་བྱིན་གྱིས་རང་རློབས་ཤིག །གཞི་སྣང་འོད་གསལ་ཆེན་པོ་ཁྱབ་བརྡལ་གྱི་ངང་དུ། །རང་བཞིན་ལོངས་སྐུའི་བླ་མ་ཕྱི་རོལ་དུ་མི་བཞུགས། །ལྷུན་གྲུབ་མ་བཅོས་ངང་བཞག་གསོལ་བ་ཞིག་འདེབས་ན། །སྒོམ་པ་རང་བཞག་འཆར་བར་བྱིན་གྱིས་རང་རློབས་ཤིག །ཟུང་འཇུག་དབྱིངས་རིག་གཉིས་སུ་མེད་པ་ཡི་གཤིས་སུ། །ཐུགས་རྗེ་སྤྲུལ་སྐུའི་བླ་མ་ཕྱི་རོལ་དུ་མི་བཞུགས། །ཟུང་འཇུག་ཡེ་ཤེས་རོལ་མོས་གསོལ་བ་ཞིག་འདེབས་ན། །སྤྱོད་པ་རང་གྲོལ་བདེ་ཆེན་བྱིན་གྱིས་རང་རློབས་ཤིག །མཁྱེན་ནོ་བླ་མ་མཁྱེན་ནོ་རང་གནས་ཀྱི་ཡེ་ཤེས། །རང་རིག་འདུ་འབྲལ་མེད་པས་ཕྱི་རོལ་དུ་མི་བཞུགས། །རིག་རྩལ་མོས་གུས་དད་པས་གསོལ་བ་ཞིག་འདེབས་ན། །འབྲས་བུ་སྐུ་བཞི་དབྱེར་མེད་རང་གྲོལ་དུ་མཛོད་ཅིག །ངེས་འབྱུང་སྙིང་རྗེའི་བསིལ་བཅུད་རིགས་ཁམས་ལ་རེག་པས། །གཞན་ཕན་ཕར་ཕྱིན་དྲུག་གི་མེ་ཏོག་དང་འབྲས་བུས། །རབ་མཛེས་རྣམ་མཁྱེན་ཀུན་དགའི་དོ་རའི་ཁྱོན་ཁྱབ་པས། །ཐུན་མོང་ལམ་གྱི་ཡོན་ཏན་རྫོགས་པ་རུ་མཛོད་ཅིག །དབང་བཞིའི་གསེར་སྦྱང་སྐུད་པར་བསྟར་ལེགས་སུ་བརྒྱན་པའི། །རིམ་གཉིས་རིན་ཆེན་ནོར་བུའི་ཕྲེང་བ་ཡི་དོ་ཤལ། །མཆོག་ཐུན་དངོས་གྲུབ་མཛེས་པའི་ཆུན་འཕྱང་གིས་བརྒྱན་པས། །རིག་འཛིན་བཞི་ཡི་ལང་ཚོ་དར་བབ་པར་མཛོད་ཅིག །ཆོས་ཉིད་ཁྱབ་བརྡལ་ནམ་མཁའི་ཁོར་ཡུག་ཏུ་འཆར་བའི། །འོད་གསལ་ཉི་ཟླའི་འཛུམ་ཟེར་མཐར་ཀླས་པར་སྣང་བས། །སྒྲིབ་བྲལ་ཡེ་ཤེས་པདྨོའི་ནགས་ཀློང་གིས་མཛེས་པས། །དོན་གཉིས་ལྷུན་གྱིས་གྲུབ་པའི་དགའ་སྟོན་ལ་སྦྱོར་མཛོད། །དེ་སྐད་ཡིད་ལ་ཇི་ལྟར་ཤར་བ་ཡི་བརྗོད་པ། །མོས་གུས་བླ་མར་གསོལ་འདེབས་གདུང་གླུ་ཡི་ཚུལ་དུ། །མདོ་ཁམས་ཤར་དུ་སྐྱེས་པའི་མི་རྒན་གྱི་ངག་ནས། །རང་བྱུང་མཆོག་སྡོང་ཆེན་པོའི་སྤྱན་སྔ་རུ་ཐལ་ལོ། ༧སྐྱབས་རྗེ་དིལ་མཁྱེན་རིན་པོ་ཆེས། 顶礼上师!无始基位法界不变无转中本性法身上师不住于外境清净自现面目明了中祈请正见圆满究竟而赐予加持 基位显现广大光明普照中自性报身上师不住于外境任运无造作中安住而祈请修习自住显现而赐予加持 法界自觉双运无二无别中大悲化身上师不住于外境双运般若智慧游戏而祈请行位自解大乐而赐予加持…