ཨེ་ཝྃ་ཧོ།

༄༅།།འཇའ་ལུས་འཕོ་ཆེན་འགྲུབ་པའི་སྨོན་ལམ་ སྦས་ཡུལ་སྟག་ཚང་གི་སྒྲ་དབྱངས།། རྒྱལ་བ་ཀུན་བཟང་ཡབ་ཡུམ་ལ་ཕྱག་འཚལ་ལོ།། གདོད་མའི་ངོ་བོ་གནས་ལུགས་སྤྲོས་བྲལ་ངང་།། འོད་གསལ་རང་བཞིན་སྙིང་པོ་ཀུན་ཏུ་བཟང་།། ཟུང་འཇུག་ཐུགས་རྗེ་དཔལ་ཡོན་ཀུན་ཁྱབ་བདག། འཇམ་མགོན་བླ་མས་ཚེ་རབ་ཀུན་ཏུ་སྐྱོངས།། ཁྱད་ཆོས་དྲུག་ལྡན་ཀུན་བཟང་དགོངས་པའི་མཐིལ།། སྣང་སྲིད་རྣམ་དག་འཇའ་གུར་ཐིག་ལེ་དབུས།། ཞི་ཁྲོ་རབ་འབྱམས་སྣང་བཞིའི་རྩལ་ཤར་བའི།། ཐོད་རྒལ་གཞི་ཡི་གནས་ལུགས་རྟོགས་པར་ཤོག། ངོ་བོ་ཀ་དག་རྟག་མཐའ་གཞི་མེད་གྲོལ།། རང་བཞིན་ལྷུན་གྲུབ་ཆད་པའི་མུ་དང་བྲལ།། ཐུགས་རྗེ་དབྱེར་མེད་སྣ་ཚོགས་སྤྲུལ་པའི་སྐུ།། འཇའ་ལུས་འཕོ་ཆེན་རྒྱལ་བའི་སྐུ་ཐོབ་ཤོག། ཡེ་ནས་རྣམ་དག་ལྟ་བའི་ངོ་བོ་མཐོང་།། རང་རིག་ཡང་དག་སྒོམ་པའི་རང་བཞིན་གསལ།། གང་འདུལ་མཛད་བཟང་སྤྱོད་པའི་ཕྲིན་ལས་རྒྱས།། འཇའ་ལུས་འཕོ་ཆེན་འབྲས་བུ་མཐར་ཕྱིན་ཤོག། ཅེས་པ་འདི་ཡང་རབ་གནས་མེ་སྤྲེལ་ལྷ་བབས་དུས་ཆེན་ཟླ་བའི་ཡར་ངོའི་ཚེས་པ་བཅུའི་ཉིན་དམ་པས་བཀོད་བསྒྲིགས་བཞིན་སྤ་གྲོ་སྟག་ཚང་དུ་དད་གུས་ལྡན་པའི་སྐལ་བཟང་སློབ་བུ་རྣམ་པ་ལ་ཁྲིད་ཡིག་ཡེ་ཤེས་བླ་མའི་ཁྲིད་དབང་དང་ཚོགས་མཆོད་སྐབས་སུ་སྦས་ཡུལ་དེ་ཉིད་གུ་རུ་གསུང་འབྱོན་མའི་མདུན་ནས་གང་ཤར་དུ་རིག་འཛིན་ཨེ་མ་ཧོས་སྙིང་ནས་སྨོན་པར་དེ་དེ་བཞིན་དུ་འགྲུབ་པར་གྱུར་ཅིག་གུ།། །།

༄༅།། རྡོ་རྗེ་གོ་ཁྲབ་ཀྱི་སྒྲུབ་ཐབས་ཡིད་བཞིན་ནོར་བུ།། 金剛鎧甲儀軌 – 滿願寶珠 The Means of Achievements of Wish-fulfilling Jewel on Vajra Armor. ཨེ་མ་ཧོ༔ 唉瑪吙 Marvellous！ སྟོང་པའི་ངང་ལས་རང་ཉིད་སྐད་ཅིག་གིས༔ 廣大空性法界顯現一剎那 Momentarily oneself from within emptiness; མ་ཧཱ་གུ་རུ་རྡོ་རྗེ་གོ་ཁྲབ་དཔལ༔ 至尊上師金剛鎧甲殊勝尊 The great and glorious Guru Vajra Armor; མཐིང་ནག་ཞལ་གཅིག་ཕྱག་གཉིས་རྡོར་ཕུར་འདྲིལ༔ 烏面二臂手持金剛及普巴 One face two arms dark blue in colour with rolling Vajra and Kilaya in hands; དཔལ་དང་དུར་ཁྲོད་རོལ་པའི་ཆས་ཀྱིས་བརྒྱན༔ 殊勝寒林八種骨飾為莊嚴 Adored with the form of glorious cemeterial ornaments; པདྨ་ཉི་ཟླར་སྟག་རྒོད་ཁྲོས་མའི་སྟེང་༔ 安座日月蓮花觉活虎 On the lotus, the sun, the moon and the courageous tiger ; ཞབས་གཉིས་གྱད་ཀྱི་འདོར་སྟབས་ཚུལ་དུ་བཞུགས༔ 雙足站立尢如威猛勇士姿 Riding with two legs as the way of fighter stance; ཡེ་ཤེས་མེ་དཔུང་འབར་བའི་ཀློང་ན་གསལ༔ 智慧火焰周遍明觀中顯現 Visualise in the middle of…

སྨོན་ལམ་ཡན་ལག་བཅོ་ལྔ་བ་བཞུགས་སོ།། ༄༅།  །མི་མངོན་དབྱིངས་ན་བཞུགས་པ་ཡི།།   བླ་མ་རྒྱལ་བ་སྲས་བཅས་ལ།  །   གུས་པས་ཕྱག་འཚལ་གསོལ་བ་འདེབས།  །   བདག་སོགས་འགྲོ་ཀུན་བསྐྱབ་ཏུ་གསོལ།  ། ༡ ༽ ཕྱོགས་བཅུ་ན་བཞུགས་པའི་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་།  སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ།   ཅེས་དགོངས་གསོལ་དང་།  ༢༽ བདག་ལ་ཁྱེད་ལས་སྐྱབས་དང་མགོན་གཞན་མ་མཆིས་པས་དུས་ད་ནས་ཇི་སྲིད་བྱང་ཆུབ་སྙིང་བོ་མ་ཐོབ་ཀྱི་བར་དུ།   གུས་པས་ཕྱག་འཚལ་ཞིང་སྙིང་ནས་སྐྱབས་སུ་མཆིའོ།  །ཐུགས་བརྩེ་བ་ཆེན་པོའི་སྒོ་ནས་སྐྱེ་བ་དང་ཚེ་རབས་ཐམས་ཅད་དུ་རྗེས་སུ་གཟུང་དུ་གསོལ།   ཅེས་ཕྱག་འཚལ་ཞིང་སྐྱབས་སུ་འགྲོ་བ་དང་། ༣༽ བདག་གི་ལུས་དང་ལོངས་སྤྱོད་ཐམས་ཅད་དང་དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད།   འཕགས་པ་ཀུན་ཏུ་བཟང་བོའི་མཆོད་སྤྲིན་ལྟ་བུར་གྱུར་ཏེ།   གུས་པས་ཁྱེད་རྣམས་ལ་འབུལ་བར་བགྱིའོ།  །ཐུགས་བརྩེ་བ་ཆེན་པོའི་སྒོ་ནས་བཞེས་སུ་གསོལ།  བཞེས་ནས་བདག་སོགས་སེམས་ཅན་ཐམས་ཅད་བྱིན་གྱིས་བརླབ་ཏུ་གསོལ།  ཅེས་མཆོད་པ་འབུལ་བ་དང་།  ༤༽ བདག་གིས་ཚེ་འཁོར་བ་ཐོག་མ་མེད་པ་ནས་ད་ལྟ་ལ་ཐུག་གི་བར་དུ།སྲོག་བཅད་པ་སོགས་སྡིག་པ་མི་དགེ་བའི་ལས་གང་བྱས་པ་དང་།   གཞན་ལ་བྱེད་དུ་བཅུག་པ་དང་། གཞན་གྱིས་བྱས་པ་ལ་རྗེས་སུ་ཡི་རང་བྱས་པ་དང་།   གཞན་ཡང་སོ་སོར་ཐར་པའི་སྡོམ་པ་དང་འགལ་བ་དང་།   བྱང་ཆུབ་སེམས་དཔའི་བསླབ་པ་དང་འགལ་བ་དང་།   གསང་བ་སྔགས་ཀྱི་དམ་ཚིག་དང་འགལ་སོགས།   མདོར་ན། འཁོར་བ་དང་ངན་སོང་གི་རྒྱུ་གང་བགྱིས་པ་དང་། ཐར་བ་དང་ཐམས་ཅད་མཁྱེན་པའི་གེགས་གང་དང་ཅི་མཆིས་པ་ཐམས་ཅད་སྙིང་ནས་མཐོལ་ལོ། །བཤགས་སོ།།ཕྱིན་ཆད་སྡོམ་ཀྱང་པར་བགྱིད་ལགས་སོ། ། ཞེས་སྡིག་པ་བཤགས་པ་དང་།  ༥༽    རང་དང་གཞན་གྱིས་དགེ་བ་གང་དང་ཅི་བགྱིས་པ་ཐམས་ཅད་ལ་རྗེས་སུ་ཡི་རང་ངོ་།  །སེམས་ཅན་ཐམས་ཅད་ཀྱིས་དུས་ནམ་དུའང་མི་དགེ་བ་ཕྲ་མོ་ཙམ་ཡང་མི་བྱེད་ཅིང་།   དགེ་བ་རྒྱ་ཆེན་པོ།  མཐའ་ཡས་པ་བྱེད་པར་གྱུར་ཅིག  ཅེས་རྗེས་སུ་ཡི་རང་བ་དང་།  ༦༽ བླང་དོར་གྱི་གནས་ལ་རྨོངས་པའི་བདག་དང་སེམས་ཅན་ཐམས་ཅད་ལ་དུས་རྟག་པར་ཟབ་པ་དང་རྒྱ་ཆེ་བའི་ཆོས་ཀྱི་འཁོར་ལོ་བསྐོར་དུ་གསོལ། ཆོས་ཀྱི་འཁོར་ལོ་གང་དང་གང་བསྐོར་བ་ཐམས་ཅད།  སེམས་ཅན་ཐམས་ཅད་ཀྱིས་ཐོས་པར་གྱུར་ཅིག   ཐོས་ནས་ཉམས་སུ་ལོན་པར་གྱུར་ཅིག   ཅེས་ཆོས་ཀྱི་འཁོར་ལོ་བསྐོར་བར་བསྐུལ་བ་དང་།  ༧ ༽ བདག་དང་སེམས་ཅན་ཐམས་ཅད་ཀྱི་མགོན་དང་།   སྐྱབས་དང་། དཔུང་གཉེན་དུ་དུས་རྟག་ཏུ་མྱ་ངན་ལས་འདའ་བའི་ཚུལ་མི་སྟོན་པར་དུས་ནམ་དུའང་ཞལ་མཇལ་གསུང་ཐོས་ཀྱི་སྐལ་བ་དང་ལྡན་པར་གྱུར་ཅིག  ཅེས་མྱ་ངན་ལས་མི་འདའ་བར་གསོལ་བ་འདེབས་པ་དང་།  ༨༽ འཁོར་བའི་རྩ་བ་བདག་ཏུ་འཛིན་པའི་གཉེན་པོ་བདག་མེད་རྟོགས་པའི་ཤེས་རབ་གསལ་སྟོང་ཟུང་དུ་འཇུག་པའི་ལྟ་བ་མཆོག   བདག་གིས་སེམས་ཅན་ཐམས་ཅད་ཀྱི་དོན་དུ་རྟོགས་པར་བྱའོ།།རྟོགས་ནས་ཀྱང་བསྒོམ་པ་མཐར་ཕྱིན་པར་བྱའོ། ། ཞེས་དོན་དམ་བྱང་སེམས་བསྒོམ་པར་དམ་བཅའ་བ་དང་།  ༩༽ མར་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ལ་གཏན་གྱི་བདེ་བ་བླ་ན་མེད་པ་དང་།   དེའི་རྒྱུ་དགེ་བ་ཕུན་སུམ་ཚོགས་པ་དང་ལྡན་པར་གྱུར་ཅིག   དེ་དང་ལྡན་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་རློབས་ཤིག  བདག་གིས་སེམས་ཅན་ཐམས་ཅད་གཏན་གྱི་བདེ་བ་བླ་ན་མེད་པ་ལ་འགོད་པར་བྱའོ།  ། ཞེས་བྱམས་པ་བསྒོམ་པ་དང་།  ༡༠༽ མར་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་སྡུག་བསྔལ་མཐའ་དག་དང་།   སྡུག་བསྔལ་གྱི་རྒྱུ་མི་དགེ་བ་དང་ཡོངས་སུ་འབྲལ་བར་གྱུར་ཅིག…

མཁན་ཆེན་བླ་མ་ལ་མོས་གུས་བསྐྱེད་པའི་ གསོལ་འདེབས་བཞུགས། ཆོས་སྐུའི་ཞིང་ན་སྟོན་པ་ཀུན་ཏུ་བཟང་།  །  ལོངས་སྐུའི་གནས་ན་ཁྱབ་བདག་རྡོ་རྗེ་འཆང་། ། ཐ་མལ་བདག་ལ་མི་ཡི་སྐུར་སྣང་བ། ། སྐྱབས་གཅིག་བླ་མ་མཁྱེན་ནོ་ཐུགས་རྗེས་གཟིགས། ། སྤྲུལ་པའི་ཞིང་མཆོག་རི་བོ་རྩེ་ལྔ་ན། ། རྒྱལ་སྲས་འཇམ་དཔལ་དཔའ་བོའི་ངོ་བོར་བཞུགས། ། སྐྱབས་གཅིག་ཡིད་བཞིན་ནོར་བུར་གསོལ་བ་འདེབས། ། བླ་མ་ལྷ་རུ་ངེས་པར་བྱིན་གྱིས་རློབས། ། ས་སྤྱོད་ཨོ་རྒྱན་དབང་གི་ཕོ་བྲང་ན། ། གུ་རུ་པདྨ་རྒྱལ་པོའི་ངོ་བོར་བཞུགས། །  སྐྱབས་གཅིག་ཡིད་བཞིན་ནོར་བུར་གསོལ་བ་འདེབས། ། ཐུགས་ཡིད་དབྱེར་མེད་འདྲེས་པར་བྱིན་གྱིས་རློབས། །  བྱང་ཕྱོགས་ཤཾ་བྷ་ལ་ཡི་གྲོང་ཁྱེར་ནས། །  རིག་ལྡན་འཇམ་དཔལ་གྲགས་པའི་ངོ་བོར་བཞུགས། ། སྐྱབས་གཅིག་ཡིད་བཞིན་ནོར་བུར་གསོལ་བ་འདེབས། ། ལྟ་སྒོམ་མཐའ་རུ་ཕྱིན་པར་བྱིན་གྱིས་རློབས། །  མཁའ་སྤྱོད་གླིང་དཀར་དཔའ་བོའི་བཞུགས་གྲལ་ནས། །  འདན་སྲས་གཡུ་འོད་འབུམ་མེའི་ངོ་བོར་བཞུགས། །  སྐྱབས་གཅིག་ཡིད་བཞིན་ནོར་བུར་གསོལ་བ་འདེབས། ། ཆོས་ལ་བར་ཆད་མེད་པར་བྱིན་གྱིས་རློབས། །  ངོ་མཚར་བདེ་ལྡན་དག་པའི་ཞིང་ཁམས་ནས། ། མགོན་པོ་འོད་དཔག་མེད་ཀྱི་ངོ་བོར་བཞུགས། །  སྐྱབས་གཅིག་ཡིད་བཞིན་ནོར་བུར་གསོལ་བ་འདེབས། ། བདེ་བ་ཅན་དུ་སྐྱེ་བར་བྱིན་གྱིས་རློབས། །  བོད་ཡུལ་ལ་སོགས་ཞིང་ཁམས་ངེས་མེད་ན། ། གང་འདུལ་སྣ་ཚོགས་གཟུགས་ཀྱི་ངོ་བོར་བཞུགས། ། སྐྱབས་གཅིག་ཡིད་བཞིན་ནོར་བུར་གསོལ་བ་འདེབས། ། ཕྱོགས་མེད་དག་སྣང་རྒྱས་པར་བྱིན་གྱིས་རློབས། ། ཀུན་དགའ་རྒྱལ་མཚན་དགྲ་བཅོམ་ས་གི་ལྷ།།  དགེ་ལེགས་དཔལ་བཟང་མི་ཕམ་མཁྱེན་པའི་གཏེར། །  བསྟན་འཛིན་སྐྱེས་ཆེན་དུ་མའི་སྐུར་སྤྲུལ་ནས།།  རྒྱལ་བསྟན་སྤེལ་བའི་ཕྲིན་ལས་མཐའ་མི་མངོན། ། རྡོ་རྗེ་བདུད་འཇོམ་རྒོད་ཀྱི་ལྡེམ་འཕྲུ་ཅན། ། པདྨ་ཕྲིན་ལས་ལས་རབ་གླིང་པ་སོགས།།  མ་ངེས་སྤྲུལ་པའི་རྣམ་རོལ་སྣ་ཚོགས་ཀྱི།།  ཚད་མེད་ཐུགས་རྗེས་འགྲོ་འདི་ཡང་ཡང་བསྐྱངས།། ད་ནས་བླ་མ་མཁན་བཙུན་བཟང་ལྡན་གྱི། །  གང་ཟག་ཉི་ཚེར་འཛིན་པའི་ལོག་རྟོག་བྲལ།། ཤེས་བྱའི་ཁྱོན་དང་དབྱེར་མེད་རོ་གཅིག་པའི།། མཁའ་མཉན་ཡོན་ཏན་དད་པས་མཇལ་ཤེས་ཤོག ། སྣང་སེམས་སྣོད་བཅུད་ལམ་ཁའི་ས་རྡོ་དང་། ། འབུ་སྲིན་ཕྲ་མོ་འཕུར་བའི་གཤོག་སྒྲ་ཡན།།  ཁྱེད་ཀྱི་སྐུ་གསུང་ཐུགས་ཀྱི་དཀྱིལ་འཁོར་དུ།།  རྟོགས་ནས་འཁྲུལ་པའི་བློ་ངན་སང་གྱུར་ཅིག །།  ཆོས་སྤྱོད་ཕྱག་བསྐོར་རྒྱུན་གྱི་འགྲོ་འདུག་དང་། ། ཐ་ན་ལག་པའི་འཛུབ་མོ་བརྐྱང་བསྐུམ་ཡན།།  བླ་མའི་བཀའ་རུ་ཡང་ཡང་བློ་སྦྱང་ནས།།  གང་འདུལ་ཕྲིན་ལས་སྤེལ་བའི་མཐུ་ཐོབ་ཤོག །  བླ་མ་སངས་རྒྱས་ཉིད་དུ་ཐག་ཆོད་ནས། ། སྐྱབས་གནས་རྒྱ་མཚོའི་ངོ་བོ་ངེས་རྙེད་ཅིང་། །  སྣང་སྲིད་བླ་མའི་རོལ་པ་ངོ་འཕྲོད་ཏེ། ། རྟག་ཏུ་འབྲལ་མེད་ཡིད་ཆེས་སྐྱེ་བར་ཤོག…